Բորիս Ավագյան

Կարծիք հայտնելու գինը․ Բորիս Ավագյանը հրավիրվել է ԱԱԾ

373
(Թարմացված է 21:47 19.04.2021)
Նա նաև սրճարանում հանդիպել է ԱԻՊԾ ներկայացուցչի հետ ու նրան հանձնել իր հաշվարկային զենքը, վկայականն ու համազգեստը։

ԵՐԵՎԱՆ, 19 ապրիլի – Sputnik․ Արցախի Հանրապետության ԱԻ պետական ծառայության արդեն նախկին փոխտնօրեն Բորիս Ավագյանը հրավիրվել է ԱԱԾ։ Տեղեկությունը նա հաստատել է News.am-ի հետ զրույցում։

«Հրավիրվել եմ, կայցելեմ, չգիտեմ, դեռևս չեմ եղել, ոչ մի բան չեմ ենթադրում»,- նշեց Ավագյանը՝ մեկնաբանելով այն լուրերը, թե իրեն կարող են ձերբակալել։

Ավագյանի խոսքով՝ քիչ առաջ սրճարանում ԱԻՊԾ ներկայացուցիչը ներքին գործերի նախարար Կարեն Սարգսյանի հրամանով վերցրել է իր հաշվարկային զենքը, ծառայողական վկայականն ու համազգեստը։ Թե ինչու է, այսպես ասած, «հանձնում-ընդունումը» կատարվում սրճարանում, այլ ոչ թե Հայաստանում Արցախի մշտական ներկայացուցչությունում, Ավագյանը չգիտի։ Ասում է՝ «երևի իրենց այդպես է հարմար»։

Նշում է, որ դեռևս չի ստացել իր պաշտոնանկության վերաբերյալ Արցախի նախագահի հրամանը։ Երբ ստանա, ծանոթանա՝ կարձագանքի։

Ընդգծում է՝ այն, ինչ այսօր տեղի ունեցավ ԱԺ-ում, ասուլիս չէր, հանդիպում էր մի խումբ պատգամավորների հետ։

«Իրենք ուզել են խորհուրդներ հարցնել իրենց գործունեության վերաբերյալ, ես իմ կողմից նրանց տվել եմ խորհուրդներ։ Ես շեշտել եմ, որ այդ քննադատությունները հնչեցրել եմ որպես ՀՀ քաղաքացի, հայ և ծնող։ Քանի որ ես իմ աշխատանքը դիտարկում էի որպես ծառայություն, եթե Արցախի Հանրապետության նախագահը հաշվում է, որ իմ ծառայության կարիքն արդեն չունի հանրապետությունը, ես հաշվում եմ՝ ոչ մի խնդիր չկա դրանում»,- նշեց Ավագյանը։

Հավելում է՝ իր խոսքերի համար չի զղջում։

Նշենք, որ Ավագյանն այսօր Երևանում մասնակցել էր հայ ռազմագերիների վերադարձի խնդրին վերաբերող քննարկմանը։

Նա մասնավորապես հայտնել էր, որ չի ընդունում ՀՀ ԱԺ իշխող «Իմ քայլը» խմբակցության որոշ պատգամավորների այն դիրքորոշումը, թե գերիների վերադարձի համար պատասխանատու է ռուսական կողմը։

Նա նաև հայտնել էր, որ իր համար զարմանալի չի եղել, երբ Բաքու մեկնած ինքնաթիռը վերադարձել է դատարկ։ Ըստ նրա` այդ այցը եղել է աշխատանքային և կապ չի ունեցել գերիների վերադարձի հետ։

Դրանից անմիջապես հետո ԱՀ արտակարգ իրավիճակների պետական ծառայությունը հաղորդագրություն է տարածեց, որ Բորիս Ավագյանն աշխատանքից ազատվել է հնչեցրած կարծիքների համար։

Նշվում էր, որ նա «իր ասուլիսի և ծառայության անունից հանդես գալու մասին տեղյակ չի պահել վերադաս ղեկավարությանը և խոսել է իր լիազորությունների շրջանակներից դուրս թեմաներից։ Հաշվի առնելով ծառայողին ոչ հարիր պահվածքը և պաշտոնական դիրքի չարաշահումը` Կարեն Սարգսյանի հրամանով Բորիս Ավագյանն ազատվել է զբաղեցրած պաշտոնից։

373
թեգերը:
ազատում, Արցախ, Բորիս Ավագյան
Ըստ թեմայի
Արցախում առաջիկայում նոր հենակետեր կբացվեն միջպետական ու ներպետական բոլոր ճանապարհներին
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Մենք խաղաղության մեջ չենք, մենք ունենք թշնամական պետություն մեր առջև. արցախցի պաշտոնյա
Սեմյոն Պեգով

Այդ պահի դրությամբ Հադրութը հայերի ձեռքում էր․ Պեգովը պատասխանել է մեղադրանքներին

45
(Թարմացված է 20:48 07.05.2021)
Ռազմական թղթակից Սեմյոն Պեգովը պատասխանել է բոլոր նրանց, ովքեր նրան մեղադրում են արցախյան պատերազմի ընթացքում ապատեղեկատվություն տարածելու համար։

ԵՐԵՎԱՆ, 7 մայիսի – Sputnik. Ռազմական թղթակից Սեմյոն Պեգովը Sputnik Արմենիա ռադիոկայանի եթերում պատմել է, որ պատերազմի օրերին փոխանցել է այն տեղեկությունները, որն ինքն էլ ստացել է, ոչ ավելին։

«Ես ուզում եմ հանդիպել այն մարդկանց, որոնք պատրաստ են ինձ մեղադրել, որ ինչ-որ տեղ խաբել եմ կամ իրականությանը չհամապատասխանող ինչ-որ բան եմ ասել։ Իմ աշխատանքն է ցույց տալ ու լուսաբանել այն, ինչ ես տեսնում եմ, լսում, հասկանում և դիտարկում։ Ես առհասարակ ոչ մի կերպ չեմ վերաբերվում այն մեղադրանքներին, որոնք անհիմն հնչում են մարդկանցից, որոնք այնտեղ չեն եղել։ Դրանք բազմոցային զորքեր են, կարող են ասել, ինչ ուզում են»,-ասաց Պեգովը։

Նա նշեց, որ Հայաստանի պաշտպանության նախարարության համար չի աշխատում և, բնականաբար, ինչպես և մյուս լրագրողները, հավատարմագրվել էր և հայտնում էր իր տեղաշարժի մասին և ոչ մեկի հետ ոչինչ չէր համաձայնեցնում։

Պեգովի խոսքով՝ երբ ինքն ասում էր, որ Հադրութը հայկական է, մինչդեռ Ադրբեջանի նախագահը հայտարարում էր, որ այն Բաքվի վերահսկողությանն է անցել, այդ պահին բնակավայրն իսկապես հայերի ձեռքում էր։

Ռազմական թղթակիցն ընդգծեց, որ իր կյանքի ընթացքում երբևէ ճշմարտության դեմ ոչինչ չի ասել, խոսել է միայն փաստերով։

«Իմ Արցախ». հայ երգիչը Տիմոֆեյ Երմակովի և Սեմյոն Պեգովի հետ տեսահոլովակ է ներկայացրել

 

45
թեգերը:
Սեմյոն Պեգով, Արցախ, Հայաստանում Ֆրանսիական համալսարան
Ըստ թեմայի
Սեմյոն Պեգովն Աննա Հակոբյանի հետ կապված լուրը չի հաստատում, բայց պատմում է Քոչարյանի մասին
Հայերը Շուշին կորցրել են ոչ թե ռազմական, այլ քաղաքական ճանապարհով. Սեմյոն Պեգով
Դա քաղաքական որոշում էր. Պեգովը՝ Շուշին կորցնելու մասին
Էրդողանն ուզում է Արցախի շրջանները բնակեցնել սիրիացի գրոհայիններով. Սեմյոն Պեգով
Արցախի ԱԳՆ

Արցախի արտգործնախարարը նամակ է հղել ԵԱՀԿ–ին

28
(Թարմացված է 18:14 07.05.2021)
Արցախի Հանրապետության իշխանությունները կոչ են անում ԵԱՀԿ-ին մշտադիտարկման միջազգային առաքելություն իրականացնել, այլապես կվտանգվի ոչ միայն Արցախի ժողովրդի ջրօգտագործման հիմնարար իրավունքը, այլ նաև ընդհանրապես բնակչության գոյությունը։

ԵՐԵՎԱՆ, 7 մայիսի – Sputnik. Արցախի Հանրապետության արտգործնախարար Դավիթ Բաբայանն այսօր նամակներ է հղել ԵԱՀԿ Մինսկի խմբի համանախագահներին և ԵԱՀԿ գործող նախագահի անձնական ներկայացուցիչ Անջեյ Կասպշիկին Արցախի ջրային անվտանգության վերաբերյալ։ Տեղեկությունը հայտնում է Արցախի ԱԳՆ մամուլի ծառայությունը։

Նամակներում նշվում է, որ 2020 թ. սեպտեմբերի 27-ին Ադրբեջանի սանձազերծած ագրեսիան լուրջ սպառնալիքներ է ստեղծել Արցախի Հանրապետության ջրային անվտանգության համար։

2020 թ. նոյեմբերի 9-ին ռազմական գործողությունների դադարեցման մասին եռակողմ հայտարարության ստորագրումից հետո Ադրբեջանի վերահսկողության տակ է անցել Քարվաճառի (Քելբաջարի) շրջանը, որն Արցախի ջրային ռեսուրսների հիմնական աղբյուրն է։ Այժմ Արցախի Հանրապետությունում օգտագործվող ջրի մոտ 98%-ը սկիզբ է առնում Քարվաճառում։ Այնտեղ են գտնվում նաև Սևանա լիճը սնուցող Արփա և Որոտան գետերի ակունքները։ Սևանում է կենտրոնացած Հայաստանի ջրային ռեսուրսների 80%-ը. առանց այդ գետերի Սևանին բնապահպանական աղետ է սպառնում։

Այսպիսով, այսօր ավելի քան երբևէ Արցախի Հանրապետության պատմության ընթացքում, չափազանց կարևոր է ապահովել արցախցիների ջրօգտագործման իրավունքը և Հանրապետության ջրային անվտանգությունը։ Ադրբեջանի կողմից Արցախի նկատմամբ էթնիկ զտման մշտական սպառնալիքին, ինչպես նաև Ադրբեջանի իշխանությունների կողմից խրախուսվող և համակարգվող հայատյացության երկարամյա պետական քաղաքականությանն ու էթնիկ հայերի դեմ ատելության քարոզչությանը հակազդելու համար անհրաժեշտ են անվտանգային լուրջ միջոցառումներ:

Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին

Նամակներում նաև նշվում է, որ Արցախի Հանրապետության իշխանությունները կոչ են անում ԵԱՀԿ-ին մշտադիտարկման միջազգային առաքելություն իրականացնել այն գոտում, որտեղ սկիզբ են առնում վերոնշյալ գետերը։ Հակառակ դեպքում, կվտանգվի ոչ միայն Արցախի ժողովրդի ջրօգտագործման հիմնարար իրավունքը, այլ նաև ընդհանրապես բնակչության գոյությունը։

28
թեգերը:
ջուր, Դավիթ Բաբայան, Արցախ, Հայաստան
Ըստ թեմայի
Ինչպե՞ս կօգտագործվի Կարմիր Շուկայի ճանապարհը
Հայ–ռուսական վահան` արտաքին սպառնալիքի դեմ. ի՞նչ է առաջարկում ՀՀ ԱԺ ռուս պատգամավորը
Թաթոյանն Ալիևի ելույթից հատվածներով նամակ է ուղարկել ԵԱՀԿ նախագահին և ՄԽ համանախագահներին
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
 Грант Мелик-Шахназарян в гостях радио Sputnik

Արցախյան հարցն ավելի կխճճվի, կամ վերջին կարևոր զարգացումը Լավրովի երևանյան այցն էր

0
(Թարմացված է 20:58 07.05.2021)
«Ոսկանապատ» վերլուծական կենտրոնի ղեկավար, քաղաքագետ Հրանտ Մելիք–Շահնազարյանը Sputnik Արմենիայի եթերում անդրադարձել է արցախյան հիմնախնդրի կարգավորման գործընթացին և դրա շուրջ ընթացող տարածաշրջանային ու աշխարհաքաղաքական զարգացումներին։

Արցախը հայտնվել է գլոբալ տարածաշրջանային իրադարձությունների կենտրոնում, և քանի դեռ կա լուրջ մրցակցություն գերտերությունների միջև, արցախյան հարցն էլ ավելի կխճճվի։ Sputnik Արմենիայի հետ զրույցում նման կարծիք հայտնեց Հրանտ Մելիք–Շահնազարյանը։ Ըստ նրա` եթե խոսենք զուտ Արցախի մասին, ապա վերջին կարևոր զարգացումը կապված է ՌԴ արտգործնախարար Սերգեյ Լավրովի երևանյան այցի հետ։

«Ռուսաստանն իր բոլոր դիտարկումների կամ մոտեցումների հիմքում դնում է հաղորդակցության ուղիների ապաշրջափակումն ու տնտեսական կապերի վերահաստատումը տարածաշրջանում։ Ռուսաստանի համար այս պահի դրությամբ դա առաջնահերթություն է, և մնացած խնդիրները պաշտոնական Մոսկվան ծառայեցնում է հենց այդ առաջնահերթության կիրարկմանը, որովհետև Ռուսաստանը ցանկանում է Հարավային Կովկասում ունենալ իր համար հասկանալի ու կանխատեսելի իրավիճակ»,– նշեց քաղաքագետը։

Մելիք–Շահնազարյանի կարծիքով`ամենացավալին այն է, որ Հայաստանն այս պահին մասնակից չէ տարածաշրջանային հարցերի շուրջ կարևոր քննարկումներին։ Անգամ այն ծրագրերի կապակցությամբ, որոնք նախատեսված են ՀՀ տարածքով իրականացնելու համար, պաշտոնական Երևանի կարծիքը շատ քիչ է հաշվի առնվում, ինչը պայմանավորված է այն փաստով, որ գործող իշխանությունն ըստ էության նույնիսկ չի բարձրաձայնել հարցերը, որոնք կարող են ոչ միայն տնտեսական առումով մտահոգիչ լինել մեզ համար, այլև կարող են անվտանգային ռիսկեր պարունակել։

«Գործող իշխանությունը բացառապես կենտրոնացել է ներքաղաքական զարգացումների վրա` որևէ ուշադրություն չդարձնելով Հայաստանի շուրջ ընթացող իրադարձություններին, հետևաբար բաց են թողնում ապագայում այս տարածաշրջանի մեջ լուրջ դերակատարություն ստանձնելու հնարավորությունները ոչ միայն այլ երկրներին, այլև հենց թուրք–ադրբեջանական դաշինքին»,– նշեց «Ոսկանապատ» վերլուծական կենտրոնի ղեկավարը։

Ինչ վերաբերում է կոնկրետ արցախյան խնդրի կարգավորման գործընթացին, ապա քաղաքագետի գնահատմամբ` վերջին օրերին ակտիվություն նկատվեց համանախագահներից հատկապես Ֆրանսիայի ու ԱՄՆ–ի վարքագծում, որոնք բավարարված չեն արցախյան 44-օրյա պատերազմի արդյունքներով, հետևաբար փորձելու են ինչ–որ կերպ փոխել ստեղծված իրավիճակը` առաջ բերելով նոր գործոններ։ Քաղաքագետը հիշեցրեց, որ ԵԱՀԿ Մինսկի խմբի համանախագահների միջև առկա հակասությունների մասին խոսեց նաև Սերգեյ Լավրովը երևանյան այցի ընթացքում` հորդորելով զերծ մնալ Ղարաբաղի խնդրի խաղաղ կարգավորման գործընթացը շահարկելուց։

Հիշեցնենք` ՌԴ արտգործնախարարը Հայաստան էր ժամանել մայիսի 5-ին։ Նրան ընդունել է ՀՀ արտգործնախարարի պաշտոնակատար Արա Այվազյանը։ Դիվանագետները հուշագիր են ստորագրել։ Հանդիպումից հետո նախարարները հանդես են եկել համատեղ մամուլի ասուլիսով և ներկայացրել հարցերի այն շրջանակը, որ քննարկել են հանդիպման ընթացքում։

Սերգեյ Լավրոնին աշխատանքային երկօրյա այցի շրջանակում ընդունել էր նաև ՀՀ վարչապետ Նիկոլ Փաշինյանը։

 

0