Գյուղատնտեսական աշխատանքներ Արցախում

Ադրբեջանցիները կրակել են Արցախի Սարուշեն գյուղի ուղղությամբ

1004
(Թարմացված է 18:37 11.04.2021)
Ռուսական զորակազմի հետ բանակցություններ են վարվում՝ հետագա դեպքերը բացառելու համար։

ԵՐԵՎԱՆ, 11 ապրիլի – Sputnik․ Ադրբեջանցիները կրակել են Արցախի Ասկերանի շրջանի Սարուշեն գյուղի ուղղությամբ։

Տեղեկությունը Sputnik Արմենիայի հետ զրույցում հայտնեց ԱՀ ներքին գործերի նախարարության մամուլի խոսնակ Հունան Թադևոսյանը։ Նրա խոսքով՝ դեպքը տեղի է ունեցել ապրիլի 7-ին, Արցախի ոստիկանություն կրակոցների մասին հաղորդում չի ստացվել, այդ մասին ավելի ուշ է հայտնի դարձել։

«Բայց այդ ուղղությամբ աշխատանքներ կատարվում են։ Հարցն Անվտանգության խորհրդի տիրույթում է, բայց մենք ներքին անվտանգության հարցից ելնելով՝ ավելի ենք ուժեղացրել ճանապարհի այդ հատվածում հերթապահություն իրականացնող ոստիկանության զորքերը»,- նշեց Թադևոսյանը։

Առաջիկայում նախատեսվում է այդ ճանապարհին մի քանի դիրք ևս ավելացնել։

Թադևոսյանի խոսքով՝ նախարարի մակարդակով բանակցություններ են անցկացվել նաև ռուսական խաղաղապահ զորակազմի հետ՝ բացառելու նման դեպքերի կրկնությունը։ Ադրբեջանական կողմից էլ նշել են, թե կրակոցները թիրախավորված չեն եղել։

Սարուշեն համայնքի ղեկավար Կարեն Գասպարյանի խոսքով՝ ադրբեջանցիները գրեթե 20 րոպե կրակել են դաշտում աշխատող գյուղացիների ուղղությամբ։

«Հողագործական աշխատանքներ էին արվում, տրակտոր էր աշխատում, մարդիկ կային, որ սկսել են կրակել, տրակտորը քշել, հանել են դաշտից, շարունակել են կրակել տրակտորի ուղղությամբ, մի փամփուշտ էլ կպել է տրակտորին»,- նշեց Գասպարյանը։
Նրա խոսքով՝ կրակոցները գրեթե 20 րոպե են շարունակվել։

Հուսով ենք` ռուսական կողմը պատշաճ կարձագանքի կատարվածին. Արցախի նախագահի խոսնակ

Նշում է՝ նախկինում եղել է, որ օդ կրակեն՝ որպես զգուշացում, բայց գյուղի ուղղությամբ կրակելու առաջին դեպքն էր։

Դրանից հետո գյուղում խուճապ չկա, գյուղատնտեսական աշխատանքները շարունակվում են, թեպետ նշված դաշտում աշխատել դեռ վախենում են։

Սարուշեն գյուղն այսօր սահմանամերձ է՝ դեպի Շուշի տանող ճանապարհին։ Հրադադարից հետո այն վերաբնակեցվել է։

1004
թեգերը:
կրակոց, ադրբեջանցի, Արցախ
Ըստ թեմայի
Պուտինը բանակցություններ է վարել Էրդողանի հետ ու քննարկել Ղարաբաղի թեման
Ռուս խաղաղապահները մարդասիրական օգնություն են հասցրել Վարդաձորի բնակիչներին
«The Halo trust»-ը զինամթերքի պայթեցման աշխատանք է իրականացնելու Իվանյան գյուղում
Արցախ

ՌԴ ՊՆ–ն ասել է` ռուս սակրավորներն Արցախում օրական քանի պայթյունավտանգ օբյեկտ են ոչնչացնում

36
2020 թվականի նոյեմբերի 23-ից հետո ընդհանուր առմամբ Արցախում չպայթած զինամթերքից մաքրվել է 2115 հեկտար տարածք, ավելի քան 656 կմ ճանապարհ:

ԵՐԵՎԱՆ, 14 վմայիսի - Sputnik. Ռուս խաղաղապահ զորախմբի հումանիտար ականազերծման ստորաբաժանումները շարունակում են Լեռնային Ղարաբաղի տարածքում հայտնաբերված պայթուցիկ նյութերի ոչնչացման աշխատանքները։ Տեղեկությունը հայտնում է Ռուսաստանի պաշտպանության նախարարությունը:

«Պայթյունավտանգ իրերի ու զինամթերքի ոչնչացումը Լեռնային Ղարաբաղը խաղաղ կյանքին վերադարձնելու գործընթացի կարևոր մասն է», - նշել է Հումանիտար ականազերծման ստորաբաժանման սպա Իլյա Մանյակինը:

Ամեն օր ռուս զինծառայողները ոչնչացնում են մոտ 120 պայթյունավտանգ առարկա, որոնց թվում են ականներ ու տարբեր տրամաչափի հրետանային արկեր:

Նախօրեին ռուս սակրավորների կողմից ոչնչացված զինամթերքը հայտնաբերվել է Մարտակերտի շրջանի ականազերծման ժամանակ։

2020 թվականի նոյեմբերի 23-ից հետո ընդհանուր առմամբ չպայթած զինամթերքից մաքրվել է 2115 հեկտար տարածք, ավելի քան 656 կմ ճանապարհ, սակրավորների կողմից կատարվել է 1832 շենքի ստուգում: Հայտնաբերվել և վնասազերծվել է 25 611 պայթուցիկ առարկա:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

36
թեգերը:
խաղաղապահ, Արցախ, ականազերծում, Սակրավոր
թեմա:
Խաղաղապահներն Արցախում
Ըստ թեմայի
Ռուսաստանի խաղաղապահ զորախումբն Արցախում նշել է Հաղթանակի օրը
Արցախում խաղաղապահները ավելի քան 2050 հա տարածք են ականազերծել
Ռուս խաղաղապահները բժշկական սարքավորումներ են տեղափոխել Արցախի հեռավոր շրջաններ
Խաղաղապահներն ամեն ինչ անելու են, որպեսզի լուծեն շփման ճշգրիտ գիծ սահմանելու հարցերը
Արևիկ և Սլավիկ Քոչարյանները Կարմի Շուկա գյուղում

«Ամուսինս սահմանից տեսել է մեր տունը». թաղավարդցու կյանքը` գյուղը փշալարով կիսելուց հետո

718
(Թարմացված է 10:35 14.05.2021)
Պատերազմից հետո Քոչարյանների ընտանիքը մնացել է առանց ոչնչի. թշնամուն են անցել նրանց տունը, այգին, կենդանիները և ունեցվածքը։ Ամուսիններն այժմ վարձով են ապրում, խոստացել են տուն տրամադրել, սակայն նրանց ցանկությունը հարազատ գյուղ վերադառնալն է։

ԵՐԵՎԱՆ, 13 մայիսի- Sputnik. Պատերազմից հետո Արցախի Մարտունու շրջանի Թաղավարդ գյուղից շուրջ 140 տուն մնացել է թշնամու վերահսկողության ներքո գտնվող տարածքներում։ Արևիկ և Սլավիկ Քոչարյանները տնից զրկված թաղավարդցի ընտանիքներից մեկն են. ամուսինները, սակայն, հարազատ գյուղից հեռու մնալ չեն կարողացել` հարևան Կարմիր Շուկա գյուղում են ժամանակավոր հաստատվել։  

Կինն ասում է` դիրքերից իրենց տունը երևում է, սակայն սիրտ չի անում գնալ–նայել։ Ավելին, գյուղ գնալ էլ հիմա չի ուզում, քանի դեռ ամեն քայլափոխը հիշեցնում է տան մասին, որը հենց գյուղի միջով անցնող սահմանից մի քանի մետր է այն կողմ։

Проходящая через село Тагавард граница между Карабахом и Азербайджаном
© Sputnik / Aram Nersesyan
Փշալարով մեջտեղից կիսված Արցախի Թաղավարդ գյուղը

«Սլավիկը գնացել, սահմանի կողմից տեսել է մեր տունը. այրել են»,–ասում է տիկին Արևիկն ու հոգոց հանում` հագի հագուստով է տնից դուրս եկել և մտքով երբեք չի անցել, որ չի վերադառնալու։

Ամուսինները 7 երեխա ունեն` 1 տղա, 6 աղջիկ. աղջիկներից երկուսն էլ հենց Թաղավարդում են ամուսնացել, նրանց տները մեր տարածքում են։

Եթե Դադիվանքը խաղաղապահները չհսկեին, Ղազանչեցոցի բախտին կարժանանար. Արցախի թեմի առաջնորդ

«Կյանքում չեմ մտածել, որ Թաղավարդը թշնամուն է մնալու։ Անգամ պատերազմի օրերին չէի սպասում, որ մեր գյուղ կհասնեն. մինչև հոկտեմբերի 20-ը գյուղում եմ եղել։ Գրադով լավ կրակում էին, վախենում էինք, բայց գյուղից դուրս գալ չէինք ուզում։ Հետո բոլոր կանանց հանեցին, ես էլ դուրս եկա, բայց ինձ հետ ոչինչ չվերցրի, քանի որ վստահ էի` վերադառնալու եմ»,–ասում է տիկին Արևիկը։

Временно проживающая в селе Кармир Шука жительница Тагаварда Аревик Кочарян
© Sputnik / Aram Nersesyan
Արևիկ Քոչարյանը` Կարմիր Շուկայի տանը

Տանը, որտեղ հիմա ամուսինները վարձով են ապրում, ոչ մի ապրանք իրենցը չէ` միայն մի քանի սրբիչ և վերմակ «երևանցի մի աղջիկ» է տվել։ Տիկին Արևիկի հայացքը սահում է տան իրերի վրայով, բայց ոչ մի բանի վրա կանգ չի առնում։ «Ես ամեն ինչ ունեի»,–շշուկով ասում է նա, ու տան կարոտից աչքերը խոնավանում են։

Նրա ամուսինը փրկում է իրավիճակը` հիշեցնելով, որ ավտոմեքենան դուրս է բերել գյուղից։ «Մաշինը հանալ եմ, այ կին։ Այսինքն` մաշինն ինձ ա հանալ, ես էլ մաշինին»,–ժպիտով ասում է ամուսինը, որը պատերազմի օրերին գյուղի ինքնապաշտպանական մարտերին է մասնակցել։

Временно проживающий в селе Кармир Шука житель Тагаварда Славик Кочарян
© Sputnik / Aram Nersesyan
Սլավիկ Քոչարյանը

Պատերազմից որևէ բան հիշել կամ պատմել Սլավիկ Քոչարյանը չի ուզում, ասում է. «Ինչ լավ բան է, որ հիշենք»։ Միայն պատմում է` մեքենայով գյուղից կանանց է դուրս բերել, իսկ երբ հետ է եկել նորից գյուղ, արդեն այնտեղ թուրքերը «լցված են եղել», և միակ ելքն արագ այդ տարածքից հեռանալն է եղել։

Ձյաձ Սլավիկը Թաղավարդում աշխատանք է ունեցել` ջրային տնտեսությունում է աշխատել, սակայն պատերազմից հետո անգործ է մնացել։ Հետաքրքրվում եմ` Կարմիր Շուկայի ջրային տնտեսությունն աշխատողի կարիք չունի՞, ասում է, թե արդեն աշխատող կա` նրան հո չե՞ն ազատելու, որ իրեն տեղավորեն։

Дорожный знак у въезда в село Тагавард
© Sputnik / Aram Nersesyan
Թաղավարդ գյուղը

«Թաղավարդում խաղողի այգի ունեինք, խաղողը հավաքում, գինի էի քաշում ինձ համար։ Բաղ ու բաղչա ունեի` զբաղվում էի, հիմա այստեղ անելիք չկա` չորս պատերի մեջ փակված ենք ամբողջ օրը։ Քաֆթառ մարդ եմ` գործ էլ չկա ինձ համար»,–ասում է ձյաձ Սլավիկը, որն ընդամենը 62 տարեկան է։ Կարճ դադարից հետո խոստովանում է` պատերազմից հետո ասես միանգամից ծերացավ։

«Տղաս ո՜նց կցնծար հիմա». հերոսաբար զոհված Հրայրի մահից 6 ամիս անց ծնվել է նրա առաջնեկը

Կարմիր Շուկայում ձյաձ Սլավիկին բոլորն են ճանաչում, ինքն էլ` բոլորին։ Ավելին, Թաղավարդի իր հարևաններից շատերն են ապաստանել հենց Կարմիր Շուկայում, նրանց տեսնելիս ոչ միայն ուրախանում է, այլ նաև հարազատ տան ու գյուղի հուշերն են արթնանում։

Временно проживающий в селе Кармир Шука житель Тагаварда Славик Кочарян
© Sputnik / Aram Nersesyan
Սլավիկ Քոչարյանը` Կարմիր Շուկայի տանը

Այս պահին Քոչարյանները միայն թոռներով են հարուստ` 11 թոռ ունեն, սակայն նրանց էլ հաճախ տեսնել չի ստացվում` պատերազմից հետո ամեն ընտանիք իր խնդիրներով է։

Կարմիր Շուկայում Նոր Թաղավարդ անունով թաղամաս են կառուցում, որտեղ բնակարաններ են հատկացնելու տունը կորցրած թաղավարդցիներին։ Հարցնում եմ` արդյո՞ք հերթագրվել են, որ տուն ստանան, ինչին ի պատասխան տիկին Արևիկն ուսերն է թոթվում և ամուսնուն է նույն հարցն ուղղում։ Ձյաձ Սլավիկը հայտնում է` հերթագրվելը չգիտի, բայց խոստացել են այս տարի տուն տալ, սակայն լսել է, որ նոր կառուցվող տներին քիչ հողամաս են տալու։

Ստեփանակերտում 10 000 տեղահանված կա. քաղաքապետը հայտնել է` տարեվերջին քանիսը տուն կստանան

Տիկին Արևիկն ասում է` այս տարիքում դժվար է լինելու զրոյից տուն–տեղ դնելը, քանի որ անգամ սպասք չունեն։ Կինն, ի դեպ, առողջական խնդիրներ ունի` ճնշումն այնքան է բարձրանում, որ անգամ դեղերը չեն օգնում։ Պատերազմից հետո  առողջական խնդիրն ավելի է սրվել։ Այս ընթացքում նաև աչքն են վիրահատել` կատարակտ ուներ։

«Հույս ունեմ, որ Թաղավարդ ենք վերադառնալու, էն է` էդ հույսով եմ հիմա ապրում»,–ասում է տիկին Արևիկն ու աչքի տակով ամուսնուն է նայում` նա՞ էլ այդպես է մտածում։

Временно проживающая в селе Кармир Шука жительница Тагаварда Аревик Кочарян
© Sputnik / Aram Nersesyan
Արևիկ Քոչարյանը

Սլավիկը գլխով դրական նշան է տալիս ու ասում` գյուղ են գնալու, իրենց տունը կարգի բերեն ու ապրեն։

718
թեգերը:
Ադրբեջան, թշնամի, ընտանիք, Թաղավարդ, Մարտունի, Լեռնային Ղարաբաղ, Արցախյան պատերազմ, Արցախ
Ըստ թեմայի
«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց
«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան
Մայիսի 9-ի գույնն Արցախում՝ առանց Շուշիի
Սյունիք

Ի՞նչ կանի ՀԱՊԿ-ը, կամ հայրենիքի վտանգի դեպքում պետք է օգտագործել բոլոր հնարավորությունները

0
Sputnik Արմենիայի սյունակագիրը վերլուծում է ստեղծված իրավիճակը և ՀԱՊԿ–ին դիմելու անհրաժեշտությունն ու սպասելիքները։

Հայրենիքին սպառնացող վտանգի դեպքում պարտավոր ենք օգտագործել բոլոր հնարավորությունները

Եկեք անկեղծ լինենք։ Անցած տարվա աշնանը, երբ Ադրբեջանը սկսեց լայնածավալ ռազմական գործողությունները, շատերն էին հարց տալիս. «Բա լավ, ինչո՞ւ Հայաստանը չի դիմում Հավաքական անվտանգության պայմանագրի կազմակերպությանը, էլ ո՞ր օրվա համար է ՀԱՊԿ-ը, եթե չի էլ ցանկանում օգնություն ցուցաբերել իր անդամներից մեկին»։ Մեր պաշտոնյաները շատ հակիրճ էին պատասխանում. «Որովհետեւ Ադրբեջանը Հայաստանի վրա չի հարձակվել»։

Վերջին օրերին, սակայն, իրավիճակը կտրուկ փոխվեց և ադրբեջանցիները մտան բուն Հայաստանի տարածք՝ Սյունիքի և Գեղարքունիքի մարզեր։  Հայաստանն էլ չհապաղեց և միանգամից դիմեց ՀԱՊԿ-ին։ Խոստովանենք, հայաստանյան հասարակության առնվազն մի մասը այնքան էլ տեղյակ չի, թե ինչ է իրենից ներկայացնում ՀԱՊԿ-ը և ինչպիսին են նրա գործառույթները։ Եվ ուրեմն, թույլ տվեք մի երկու խոսք ասել այն կազմակերպության մասին, որից հիմա շատ որոշակի ակնկալիքներ ունենք։

​Նախ, միանգամից փաստենք՝ իր ստեղծման օրվանից ՀԱՊԿ-ը որևէ հակամարտության չի միջամտել ընդհանրապես։ Չնայած միջամտելու խնդրանք եղել է հենց վերջերս. ՀԱՊԿ-ի անդամ Ղրղզստանը ՀԱՊԿ-ից խնդրել է ազդել ՀԱՊԿ-ի մեկ այլ անդամ Տաջիկստանի վրա՝ սահմանային բախումները կանխելու համար։ Սակայն Տաջիկստանն էլ հավաստիացրել է, որ ՀԱՊԿ-ի միջամտության կարիքը չունի, և երկու երկրները ինքնուրույն կարող են լուծել սահմանի հստակեցման հետ կապված բոլոր հարցերը։

Միջամտությունն այդպես էլ չկայացավ, թեև շատերն այն ժամանակ հեգնանքով ասում էին՝ դե ի՞նչ կարելի է սպասել մի կազմակերպությունից, որի երկու անդամները միմյանց հետ լեզու չեն կարողանում գտնել։ Ընդդիմախոսները հակադարձում էին՝ ՆԱՏՕ-ն շատ ավելի հին ու հզոր կազմակերպություն է, բայց նրա երկու անդամները՝ Թուրքիան և Հունաստանը, առճակատում են տասնամյակներ շարունակ։

​Քանզի խոսեցինք ՆԱՏՕ-ի մասին, փաստենք, որ ՀԱՊԿ-ը շատ ավելի միակենտրոն է։ Դա երևում է թեկուզ երկու կազմակերպությունների բյուջեների վերլուծությունից։ Տեսեք։ 2015 թվականի տվյալներով` Ռուսաստանն ապահովում էր ՀԱՊԿ-ի տարեկան բյուջեի մոտ 50 տոկոսը, այսինքն` ուղիղ կեսը։ Մնացած 5 երկրներին բաժին էր հասնում 10-ական տոկոս։ Անկեղծ ասեմ՝ այդպես էլ ստույգ տեղեկություն չգտա, թե որքան է մուծում Հայաստանը, բայց քանի որ, օրինակ, Բելառուսի բաժինը հայտնի է՝ ավելի քան 500 հազար դոլար, որոշ մասնագետներ համոզված են, որ Հայաստանն էլ է մոտավորապես այդքան տալիս։ Այնինչ, ՆԱՏՕ-ի ամենահզոր անդամը՝ ԱՄՆ-ը, մուծում է այդ կազմակերպության բյուջեի ընդամենը 16 տոկոսը, ընդ որում, ճիշտ այդքան էլ բաժին է հասնում Գերմանիային։

Փաշինյանն ու Ալիևը համաձայնությա՞ն են եկել. Սյունիքի նախկին մարզպետը` իրավիճակի մասին

​Պետք է իհարկե հաշվի առնել, որ մոտ կես միլիոն դոլար տարեկան մուծելով` ՀԱՊԿ-ի անդամները շահում են՝ կարող են ժամանակակից զենք ձեռք բերել Ռուսաստանի ներքին գներով։ Այնինչ Ադրբեջանն, օրինակ, նման հնարավորություն չունի, թեև հաստատ չգիտեմ, բայց ենթադրում եմ, որ Անկարան Բաքվին համոզել է՝  ինչների՞դ է պետք ռուսաստանյան զենքը, մենք ձեզ անսահման քանակությամբ զենք կվաճառենք ավելի շահեկան պայմաններով, քան Ռուսաստանը։ Էլ չեմ ասում այն մասին, որ նավթից ու գազից ստացված եկամուտներն Ադրբեջանին թույլ են տալիս ամենաժամանակակից դրոնները գնել, ենթադրենք, Իսրայելից։

​Եվ վերջապես չպետք է մոռանանք, որ ՀԱՊԿ-ը բոլորովին էլ հայ-ադրբեջանական առճակատման նման ռազմական հակամարտությունների կարգավորման նպատակով չի ստեղծվել, այլ հիմնականում ահաբեկչության, ծայրահեղականության, թմրամիջոցների տեղափոխման, անօրինական ներգաղթի դեմ պայքարելու համար։ Սա՝ մեկ։ Եվ երկրորդ՝ ախր Հավաքական անվտանգության պայմանագրի կազմակերպության անդամները միասնական ռազմավարություն էլ չունեն հակամարտությունների կարգավորման բարդագույն հարցում։

Սա ես չեմ ասում։ Հենց մի կես տարի առաջ՝ 2020-ի դեկտեմբերին կայացած ՀԱՊԿ-ի հերթական նիստի մասնակիցներից ոմանք են նշել այդ փաստը, իսկ դա նշանակում է, որ եթե հայ-ադրբեջանական հակամարտությունն անմիջական վտանգ չի ներկայացնում, ասենք, Բելառուսի կամ Ղրղզստանի համար, դժվար թե այդ հեռավոր երկրները մեծ շահագրգռություն ցուցաբերեն նույնիսկ պաշտոնական փաստաթղթերում ամրագրված շատ կոնկրետ պարտավորության առկայության դեպքում՝ կազմակերպության մի անդամի դեմ ոտնձգությունը դիտվում է որպես ոտնձգություն ողջ կազմակերպության հանդեպ։ Որտեղի՞ց է գալիս այդ անտարբերությունը։ Ախր բոլորն էլ հրաշալի հասկանում են՝ միջամտությունը շատ մեծ ավելորդ գլխացավանք է։

Ինչո՞վ են տարբեր հայերն ու հրեաները. ՀՀ–ի անհաջողության և Իսրայելի հաջողության գրավականը

​Եվ այնուամենայնիվ վերջում ուզում եմ ասել՝ կարելի է տարբեր կերպ վերաբերվել ՀԱՊԿ-ին,  բայց եթե քո հայրենիքին վտանգ է սպառնում, դու ուղղակի պարտավոր ես օգտագործել բոլոր հնարավորությունները։

0
թեգերը:
Ադրբեջան, Հավաքական անվտանգության պայմանագիր կազմակերպություն (ՀԱՊԿ), Սահման, Սյունիք, Հայաստան
թեմա:
5 րոպե Դուլյանի հետ
Ըստ թեմայի
Ես մեղավոր չեմ, նրանք են պատասխանատու, կամ Նապոլեոնի մասին ոչ այնքան հայտնի պատումները
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
«Նախկիններ, նախկիններ...» ստեղծագործությունը իշխանությունների քաղաքական հիթն է դարձել