Պատերազմ, սոցիալական խնդիրներ․ հրապարակվել է Արցախի ՄԻՊ-ի 2020թ. տարեկան հաղորդումը
(Թարմացված է 11:44 05.04.2021)
Արցախի ՄԻՊ-ի 2020 թվականի տարեկան հաղորդման մեջ մանրամասն ներկայացված է 2020թ. սեպտեմբերի 27-ին Ադրբեջանի կողմից Արցախի ժողովրդի դեմ սանձազերծված լայնածավալ ագրեսիայի հետևանքները, առկա են փաստահավաք զեկույցներ:ԵՐԵՎԱՆ, 5 ապրիլի – Sputnik. Արցախի Մարդու իրավունքների պաշտպանի աշխատակազմը հրապարակել է 2020 թվականի գործունեության, ինչպես նաև մարդու իրավունքների և ազատությունների պաշտպանության վիճակի մասին տարեկան հաղորդումը: Տեղեկությունը հայտնում են Արցախի ՄԻՊ գրասենյակից։
©
Photo : Facebook / Гегам Степанян
«2020 թվականին պաշտպանի աշխատակազմը ստացել է 377 դիմում 481 անձի կողմից` սոցիալական ապահովության, աշխատանքային, պատշաճ վարչարարության, սեփականության, ընտրական և մի շարք այլ իրավունքների վերաբերյալ: Հարկ է նշել, որ նշված դիմումների ընդհանուր քանակի մեջ ներառված չեն պատերազմական գործողությունների ընթացքում ստացված հարյուրավոր դիմումները, քանի որ իրավիճակի դժվարություններով պայմանավորված` պատշաճ վիճակագրություն վարել հնարավոր չէր»,-նշված է հաղորդագրության մեջ:
Պատերազմի ընթացքում և պատերազմից հետո քաղաքացիների դիմումները վերաբերել են զինծառայողների ու քաղաքացիական անձանց կյանքին ու առողջությանը, անհայտ կորածների մասին տեղեկություններ ստանալուն, քաղաքացիական անձանց տարհանվելուն, սոցիալական ապահովությանը, աշխատանքային և այլ իրավունքներին ու հարցերին:
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տարեկան հաղորդման մեջ մանրամասն ներկայացված է նաև 2020թ. սեպտեմբերի 27-ին Ադրբեջանի կողմից Արցախի ժողովրդի դեմ սանձազերծված լայնածավալ ագրեսիայի հետևանքով մարդու իրավունքների խախտումները փաստագրելու նպատակով պաշտպանի նախաձեռնած փաստահավաք առաքելության արդյունքները և դրանց հիմքով պատրաստված զեկույցները:
©
Sputnik / Aram Nersesyan
«Հաղորդմամբ պաշտպանն իրավասու մարմինների ուշադրությունն է հրավիրել օրենսդրության մեջ և իրավակիրառ պրակտիկայում առկա խնդիրների վրա (սոցիալական ապահովության իրավունքի, սեփականության իրավունքի, առողջության պահպանման իրավունքի, արդար դատաքննության իրավունքի, ազատ տեղաշարժի իրավունքի, երեխաների իրավունքի, հաշմանդություն ունեցող անձանց իրավունքների, ազատազրկված անձանց իրավունքների և մի շարք այլ ոլորտների)` հանդես գալով կոնկրետ առաջարկներով այդ խնդիրների կարգավորման ուղղությամբ»,-նշված է հաղորդագրության մեջ:
Հավելենք, որ Արցախի ՄԻՊ-ն իր պատրաստակամությունն է հայտնում մատնանշված խնդիրների լուծման նպատակով համագործակցել պետական լիազոր մարմինների, ինչպես նաև քաղաքացիական հասարակության հաստատությունների հետ:
Սպանվածների մեջ առնվազն 4 ռազմագերի կա. Արցախի ՄԻՊ–ը վերլուծել է թշնամու դաժան տեսանյութը
Ոչ այնքան զարմանալի է Ադրբեջանի անարգանքը, որքան մյուսների անտարբերությունը. Արցախի ՄԻՊ
(Թարմացված է 12:44 13.04.2021)
Գեղամ Ստեփանյանն անդրադարձել է Բաքվում բացված պուրակի թեմային, որը մեծ աղմուկ է բարձրացրել։ Նրա խոսքով` ցավակցությունների և մարդու իրավունքների համընդհանրության մասին աղաղակելու փոխարեն միջազգային հանրությունը պետք է պատշաճ գնահատական տա։ ԵՐԵՎԱՆ, 13 ապրիլի - Sputnik. Աշխարհի աչքի առաջ Իլհամ Ալիևը ֆաշիստական ցինիզմով հրապարակայնորեն ոտնահարում և նվաստացնում է մի ողջ ժողովրդի արժանապատվություն, միտումնավոր տառապանք պատճառում զոհվածների, անհետ կորած ու գերեվարված անձանց հարազատներին: Նման հայտարարությամբ է հանդես եկել Արցախի մարդու իրավունքների պաշտպան Գեղամ Ստեփանյանը` անդրադառնալով երեկ Ադրբեջանում բացված պուրակին։
©
Sputnik / Asatur Yesayants
«Բաքվում այսպես կոչված «ռազմական ավարների պուրակի» բացումն ադրբեջանական իշխանությունների կողմից հիվանդագին հայատյացության հերթական դրսևորումն է, որը մի կողմից արտահայտում է ադրբեջանական հասարակության շրջանում հայության նկատմամբ ատելության հսկայական պաշարը, մյուս կողմից հանդիսանում է այդ պաշարը սնուցող աղբյուր»,–նշված է Ստեփանյանի ֆեյսբուքյան էջում։
Նրա խոսքով` այս ամենի մեջ ոչ այնքան զարմանալի է Ադրբեջանի բռնապետի բացարձակ անարգանքը մարդկության հանդեպ, որքան քաղաքակիրթ մարդկության անտարբերությունն ու հանդուրժողականությունը:
Թաթոյանը` Ադրբեջանում բացված «պուրակի» մասին
Ստեփանյանն ասում է, որ ցավակցությունների և մարդու իրավունքների համընդհանրության մասին աղաղակելու փոխարեն միջազգային հանրությունը պետք է պատշաճ գնահատական տա Ադրբեջանի կատարած ոճրագործություններին և պատասխանատվության ենթարկի մարդկության դեմ ուղղված հանցագործությունների համար:
Հիշեցնենք` Բաքվում բացվել է որպես ավար վերցված հայկական զրահատեխնիկայի պուրակ, որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների լուսանկարներով արյունոտ մանեկեններ։
Ալիևը հայտարարել է, որ «Իսկանդերի» թեման քննարկել է Պուտինի հետ
Ալիևը հայտարարել է, որ «Իսկանդերի» թեման քննարկել է Պուտինի հետ
(Թարմացված է 11:56 13.04.2021)
Ադրբեջանի նախագահի խոսքով` «Իսկանդերի» թեմայով իրենք բավարար տեղեկատվություն ունեն, բայց սպասում են պաշտոնական պարզաբանումների։ ԵՐԵՎԱՆ, 13 ապրիլի - Sputnik. Ադրբեջանի նախագահ Իլհամ Ալիևը հայտարարել է, որ ՌԴ նախագահ Վլադիմիր Պուտինի հետ քննարկել է ԼՂ–ում «Իսկանդեր–Մ»–ի մնացորդների հայտնաբերման հարցը։ Ռուսական լրատվամիջոցները հայտնում են, որ Ալիևն այդ մասին հայտարարել է «Նոր հայացք Հարավային Կովկասին. հետկոնֆլիկտային զարգացումներ և համագործակցություն» խորհրդաժողովում։ Ալիևի խոսքով` նա ապրիլի 1-ին հեռախոսազրույց է ունեցել Պուտինի հետ։
«Գիտեք, որ սովորաբար հեռախոսազրույցների բովանդակությունը համաձայնեցվում է և հետո հրապարակվում։ Սակայն ես ոչինչ չեմ թաքցնում ադրբեջանցիներից և կարծում եմ, որ պետք է իմանան ամեն ինչ։ Մենք «Իսկանդերի» հարցը քննարկել ենք Պուտինի հետ»,–ասել է Ալիևը։
Բացի այդ, Ադրբեջանի պաշտպանության նախարարությունը Ռուսաստանի ՊՆ–ին պաշտոնական նամակ է ուղարկել, սակայն պատասխան դեռ չեն ստացել։ Ադրբեջանի նախագահը «տարօրինակ» է անվանել այդ հրթիռների օգտագործման մասին պաշտոնական Երևանի հայտարարությունները:
«Նրանք հա՛մ խոսում են չպայթած հրթիռների մասին, հա՛մ էլ ասում են, որ դա գաղտնիք է։ Ուրեմն ամեն դեպքում օգտագործվել են։ Մենք սպասում ենք Երևանի պաշտոնական պատասխանին։ Ձեզ ավելին ասեմ`մենք ունենք բավարար տեղեկատվություն, բայց սպասում ենք պաշտոնական պարզաբանումների»,–ասել է Ալիևը։
Անդրադառնալով պատերազմից հետո Ղարաբաղում տիրող իրավիճակին՝ Ադրբեջանի նախագահը նշել է, որ այն նախկինի պես փխրուն է։ Նրա խոսքով՝ Բաքուն պատրաստ է ստորագրել Ղարաբաղի վերաբերյալ խաղաղ համաձայնագիրը, սակայն պատասխան քայլեր չի տեսնում Երևանի կողմից։
Միաժամանակ Ալիևը ՀՀ վարչապետ Նիկոլ Փաշինյանին և արտգործնախարար Արա Այվազյանին մեղադրել է «ադրբեջանատյացության և թուրքատյացության» մեջ։
Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։
Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
Ռուսաստանի ԱԴԾ–ն Իվանովոյում ծայրահեղականի է ձերբակալել. տեսանյութ
Իվանովոյում «Թաբլիգի Ջամաաթ» ծայրահեղական միավորման անդամ է ձերբակալվել։ Տեղեկությունը հայտնում է ՌԻԱ Նովոստին` հղում անելով Դաշնային անվտանգության ծառայությունը:
Նշվում է, որ 1985 թվականին ծնված տղամարդն անցնում է ՌԴ ՔՕ 282.2 հոդվածի 2-րդ մասով (ծայրահեղական կազմակերպության գործունեության կազմակերպում) հարուցված քրեական գործով։
Պարզվել է, որ նա մասնակցել է «Թաբլիգի Ջամաաթ» միջազգային կրոնական միավորման արարողություններին, քարոզել այդ կազմակերպության գաղափարախոսությունը:
Այս կազմակերպությունը Ռուսաստանում արգելված է 2009 թվականից։ Գերագույն դատարանը վճռել է, որ կրոնական միավորման գործունեությունն ուղղված է ՌԴ տարածքային ամբողջականության խախտմանը և Ռուսաստանի քաղաքացիների կրոնական խտրականությանը, ինչպես նաև միջազգային ահաբեկչական կազմակերպություններին աջակցություն ցուցաբերելուն։