Արխիվային լուսանկար

«Երեխուն դիտավորյալ են կորցրել». անհետ կորած զինծառայողների ծնողներն ԱԺ-ում են

221
(Թարմացված է 15:50 31.03.2021)
Զոհված ու անհետ կորած զինվորների ծնողներն իրենց երեխաների հետ կատարվածի համար մեղադրում են ՀՀ և ԼՂ ԶՈւ ղեկավարներին ու պահանջում հարուցված քրեական գործի քննությունը տեղափոխել ԱԱԾ:

ԵՐԵՎԱՆ, 31 մարտի – Sputnik. Անհետ կորած զինծառայողների ծնողներն այսօր Աժ-ում հանդիպել են խորհրդարանի պատգամավորների հետ, նրանց ներկայացրել իրենց մտավախություններն ու կասկածները:

Դռնփակ հանդիպումից հետո լրագրողների հետ ճեպազրույցում ծնողներից մեկը՝ Տիգրան Շահբալյանի հայրը մտավախություն հայտնեց, որ իր որդուն «դիտավորյալ են կորցրել»: «Որովհետև երեխան շատ բան գիտի: Տեղեկություններ կան, որ երեխաների հետ վիճել են, ուժ են կիրառել: Ինչի՞ համար են նրանց առանց ուղեկցորդի արդեն գրավված տարածքներ տարել»,-ասաց Տոնական Շահբալյանը՝ նշելով, որ իրենց հիմնական կասկածները կապված են զորամասի հրամանատար, գնդապետ Գոռ Իշխանյանի հետ, որը, նրա խոսքով, «փախած է» իրենցից, անջատել է հեռախոսն ու խուսափում է ծնողների հետ հանդիպումից:

«Ես ինքս ասել եմ Իշխանյան Գոռին` իմ երեխան ողջ է, դու տեղեկություն ունե՞ս, որտե՞ղ է իմ երեխան, ինքն ասում է՝ էդ վաշտից հնարավոր չէ ինչ-որ մեկը ողջ եկած լինի»,- ասաց անհետ կորած զինվորի մայրը՝ հավելելով, որ տեղյակ լինելով, որ տվյալ տարածքը գրավված է Ադրբեջանի կողմից, հրամանատարը դիտավորյալ է իրենց երեխաներին ուղարկել այնտեղ ու իրենց բնորոշմամբ՝ «տվել թուրքին»:

Զորամասի հրամանատարից զատ ծնողներն իրենց երեխաների հետ կատարվածի համար մեղադրում են նաև ԼՂՀ ՊԲ հրամանատար Ջալալ Հարությունյանին, ԼՂՀ ՊԲ գեներալ-մայոր Կարեն Առուստամյանին ու ԼՂՀ ԳՇ պետ Կամո Վարդանյանին:

Անհետ կորածների հարազատները նախագահականում են եղել

Հայաստանյան ու արցախյան տարբեր կառույցներին զինվորների ծնողների դիմումներին ու գրավոր հարցումներին ի պատասխան առայժմ որևէ հստակ պատասխան ու տեղեկություն ստանալ չի հաջողվել:

Հանդիպմանը մասնակցող` զոհված հերոս Արտյոմ Կիրակոսյանի հայրը՝ Արթուր Կիրակոսյանը ևս համոզմունք հայտնեց, որ իր որդուն ու նրա ծառայակից ընկերներին դիտավորյալ են տարել գրավված տարածքներ: Նա պատմեց, որ կա վկա, որը հաստատել է իրենց կասկածները, բայց անունը չի բացահայտում նրան չվնասելու համար:

Ծնողների ու խորհրդարանականների հանդիպումը նախաձեռնած պատգամավոր Թագուհի Թովմասյանը լրագրողներին հայտնեց, որ ծնողները դիմել են իրեն՝ մտավախություն հայտնելով, որ հարուցված քրեական գործով իրականում նախաքննություն չի իրականացվում, ուստի իրենք ուզում են այն տեղափոխել ԱԱԾ վարույթ:

«Եթե ՔԿ-ից դժգոհ են, ի՞նչ կա դրանում, թող ԱԱԾ-ն քննի: Ի վերջո, այս մարդիկ մեր երկրին տվել են իրենց ամենաթանկը՝ երեխաներին: Ու հիմա մենք ասում ենք կընդառաջենք ու ոչ մի կերպ չենք ընդառաջում»,- ասաց պատգամավորը:

Թովմասյանը նշեց, որ հանդիպմանը մասնակցում էին Մարտունի 2 զորամասի այն 72 զինծառայողների ծնողները, որոնց հոկտեմբերի 11-ին տեղափոխել են Հադրութ, և Հադրութի Վանք գյուղում շրջափակման մեջ ընկած 50 զինծառայողների ծնողները:

Բաքուն մեր գերիներին չպետք է գործարքի մաս դարձնի. անհետ կորածների ծնողները՝ նախագահականում

«Իրենք ասում են, որ իրենց երեխներին խաբեությամբ են տարել, ասել են՝ տանում ենք ապահով վայր: Ապահով վայրը թշնամուն հանձնված Հադրո՞ւթն է եղել: Տարել են ըստ էության արդեն հանձնված տարածքներ»,- ասաց Թովմասյանը:

Պատգամավորը հայտնեց, որ ծնողները ստացել են ԱՀ ՊԲ հրամանատար Ջալալ Հարությունյանի հրամանը, որում մանրամասն գրված է, թե երբ ու ուր են տեղափոխել իրենց երեխաներին:

«Թող ոչ մի կառույց չփորձի մեզ հետ խաղալ». անհետ կորածների հարազատները բացեցին փողոցը

221
թեգերը:
Հայաստան, Պատգամավոր, Նախագահ, ծնող, անհետ կորած
Ըստ թեմայի
Անհետ կորածների հարցով ռուս խաղաղապահներին 2500 արցախցի է դիմել
Անհետ կորած զինվորի մորից ավելի քան 1 մլն դրամ է պահանջել որդուն վերադարձնելու պատրվակով
Հարությունյանը կարևորել է անհետ կորածների, գերիների տվյալների հստակեցման աշխատանքները
Հրթիռի մաս՝ Արցախի Մարտունի քաղաքի մոտակայքում

Արցախյան պատերազմի ժամանակ եղել են ցեղասպանության տարրեր. Հարություն Մարության

5
(Թարմացված է 14:12 21.04.2021)
Ցեղասպանության թանգարան–ինստիտուտը խումբ է բացել, որը կուսումնասիրի արցախյան հիմնահարցը, Նախիջևանի հայության նկատմամբ 20-21-րդ դարերում իրականացված բռնությունները։

ԵՐԵՎԱՆ, 21 ապրիլի - Sputnik. Արցախյան պատերազմի ժամանակ եղել են ցեղասպանության տարրեր։ Այսօր հրավիրված մամուլի ասուլիսի ժամանակ նման կարծիք հայտնեց Ցեղասպանության թանգարան-ինստիտուտի տնօրեն Հարություն Մարությանը։

«Ցեղասպանության տարրեր եղել են Արցախյան պատերազմի օրերին` խոսքը խաղաղ բնակչության նկատմամբ կիրառվող բռնությունների, ռմբահարումների մասին է։ Բացի այդ, խաղաղ բնակչությանն իրենց բնակավայրերից արտաքսումը նույնպես ցեղասպան դրսևորում է»,–ասաց Մարությանը։

Նա հավելեց նաև, որ պատերազմի առաջին օրվանից փորձել են կապվել իրենց գիտական գործընկերների հետ, և շուրջ 160 նամակներ են ուղարկել ցեղասպանության թանգարաններ, գիտական կենտրոններ։ Որոշ կենտրոններից արձագանքներ եղել են, որոշները լռել են։

Մարությանի խոսքով` բացի այդ, պատերազմը ցույց տվեց, որ մենք օտար լեզվով մեր գիտական նյութերը ներկայացնելու խնդիր ունենք։ Հենց դրա հետ կապված էլ 2022-ին գիտաժողով կանցկացվի, որը կանդրադառնա այն թեմային, թե ինչպես է պետք դասավանդել Հայոց ցեղասպանության թեման։ Մարությանը նշեց` այստեղ աշխատելու և մտածելու տեղ կա։

Ցեղասպանության թանգարան–ինստիտուտի քաղաքականությունը փոխելու փորձ չի եղել. Մարության

Նա հայտնեց նաև, որ թանգարան–ինստիտուտի ներքին ռեսուրսներով խումբ են բացել, որը կուսումնասիրի արցախյան հիմնահարցը, Նախիջևանի հայության նկատմամբ 20-21-րդ դարերում իրականացված բռնությունները։

5
թեգերը:
Հայոց ցեղասպանություն, Հարություն Մարության
Ըստ թեմայի
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության
Ստեֆան Շենախ

Ադրբեջանում պահվող հայերը պետք է վերադարձվեն առանց «բայց»-երի. Ավստրիայի ներկայացուցիչ

247
(Թարմացված է 19:59 20.04.2021)
ԵԽԽՎ-ում ընթացքի մեջ է հայ ռազմագերիների, այլ գերիների և տեղահանվածների վերաբերյալ քննարկումը։

ԵՐԵՎԱՆ, 20 ապրիլի - Sputnik․ Ադրբեջանում պահվող բոլոր հայերը պետք է վերադարձվեն Հայաստան առանց «բայց»-երի։ Այս մասին Եվրոպայի խորհրդի խորհրդարանական վեհաժողովի լիագումար նիստում մեկնարկած հայ ռազմագերիների, այլ գերիների և տեղահանվածների վերաբերյալ քննարկմանը հայտարարել է Հայաստանի ու Ադրբեջանի հարցով համազեկուցող, Ավստրիայի ներկայացուցիչ Ստեֆան Շենախը։

«Անհրաժեշտ է հարգել մարտերում ընկածներին, անհրաժեշտ է վերականգնել խաղաղությունը։ Ճիշտ է՝ Հայաստանի և Ադրբեջանի միջև եղել են մի քանի անգամ գերիների փոխանակումներ, սակայն Բաքվում դեռևս մնում են հայ ռազմագերիներ։ Դիմում եմ Ադրբեջանին կոչով՝ վերադարձրե՛ք բոլոր պահվող հայ անձանց` առանց «բայց»-երի, առանց առևտրի, առանց ասելու՝ նրանք կոնֆլիկտից առաջ են հայտնվել տարածքում, թե հետո։ Դա է խաղաղության հասնելու միակ ճանապարհը», - ասել է Շենախը։

Ֆրանսիայի ներկայացուցիչ Ալեքսանդրա Լուիսը ընդգծել է, որ Հայաստանը կատարել է 2020թ.–ի նոյեմբերի 9-ի եռակողմ հայտարարության կետերն իր մասով, իսկ Ադրբեջանը հրաժարվում է դրանց իրականացումից։

«Ղարաբաղյան հակամարտությունը չի լուծվի, քանի դեռ հայ ռազմագերիներն Ադրբեջանում են։ Ադրբեջանը հրաժարվել է համարյա 200 գերիների վերադարձից, հայտարարում է, որ նրանք գերեվարվել են պատերազմից հետո, հետևաբար համարվում են ահաբեկիչներ։ Բայց նրանք ակնհայտորեն գերիներ են և պետք է վերադարձվեն Հայաստանին», - ասել է Լուիսը։

Նա իր ելույթում նշել է, որ հայ գերիներն անմարդկային վերանբերմունքի են արժանանում, նրանց դեմ բռնության տեսանյութերը կան Human Rights Watch-ում։

«Դրանք ռազմական հանցագործություններ են։ Վերջերս էլ Ադրբեջանի նախագահ Իլհամ Ալիևը «հաղթանակի պուրակ» բացեց Բաքվում, նման քայլերը խորացնում են կոֆլիկտը», - ասել է Լուիսը։

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

Պատվիրակներից Փոլ Կավանը նույնպես նշել է, որ Ադրբեջանը պետք է վերադարձնի հայ գերիներին առանց որևէ պատճառաբանության։

«Կարևոր է, որ Ադրբեջանը կատարի իր պարտավորությունները մարդու իրավունքների կոնտեքստում։ Այսպիսի կոնֆլիկներում ոչ մի կողմը չի հաղթում։ Ես ոչ մեկի կողմից չեմ, բայց թե՛ Հայաստանին, թե՛ Ադրբեջանին կոչ եմ անում երկխոսության միջոցով կարգավորել հակամարտությունը», - ասել է Կավանը։

Նրա խոսքով՝ ԵԽԽՎ–ի համար պետք է գլխացավանք դառնար այն, որ իր կազմակերպության երկու անդամ պատերազմում են, և ոչինչ չարվեց այդ պատերազմը կանգնեցնելու համար։

Նշենք, որ այս քննարկումն անցկացվում է ընթացիկ հարցերի (current affairs debate) տակ, որը չի ենթադրում որևէ փաստաթղթի ընդունում՝ ի տարբերություն հրատապ հարցերի քննարկումների (urgent debate), որի դեպքում զեկույց է պատրաստվում ու քվեարկվում։

Քննարկմանը ելույթի համար գրանցվել են մոտ 30 պատվիրակներ, որից 6-ը` Ադրբեջանից, 1-ը` Թուրքիայից և 4-ը` Հայաստանից։

Գրանցվածների մեջ են Ֆրանսիայի, Բրիտանիայի, Իռլանդիայի, Ֆինլանդիայի, Իտալիայի, Պորտուգալիայի, Թուրքիայի, Գերմանիայի, Լեհաստանի, Հունաստանի, Իսպանիայի, Շվեդիայի, նաև Կանադայի ներկայացուցիչներ։

Ադրբեջանը ցինիկաբար մեղադրում է Հայաստանին. Միրզոյանը Եվրանեսթում խոսել է գերիների մասին

247
թեգերը:
Ավստրիա, գերի, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին
Ադրբեջանը ցինիկաբար մեղադրում է Հայաստանին. Միրզոյանը Եվրանեսթում խոսել է գերիների մասին
Գերիների հարցի ներառումը ԵԽԽՎ օրակարգ արդեն իսկ դրական է. «Իմ քայլը» խմբակցություն
«Խափանում է եղել». ԵԽԽՎ-ում ՌԴ ներկայացուցիչը՝ հայ գերիների հարցը քվեարկելու մասին