«Իսկանդեր». արխիվային լուսանկար

Ադրբեջանում հայտարարել են, որ հայկական կողմը «Իսկանդեր» է կիրառել

612
(Թարմացված է 14:26 31.03.2021)
Ադրբեջանական կողմը հայտնել է, որ Շուշիի մոտակայքում ականազերծման աշխատանքների ընթացքում պայթած հրթիռների բեկորներ են հայտնաբերվել:

ԵՐԵՎԱՆ, 31 մարտի –Sputnik. Հայկական կողմը արցախյան 44–օրյա պատերազմի ընթացքում «Իսկանդեր» հրթիռային համալիրներ է օգտագործել։ Haqqin.az-ի փոխանցմամբ՝ տեղեկությունը հայտնել է Ադրբեջանի ականազերծման գործակալության (ANAMA) ներկայացուցիչը։

Ադրբեջանցի պաշտոնյայի խոսքով՝ 2020 թվականի դեկտեմբերից գործակալությունը Շուշիում ականազերծման ու զինամթերքի վնասազերծման աշխատանքներ է իրականացնում: 2021 թվականի մարտի 15-ին ականազերծման ընթացքում հայտնաբերվել են երկու հրթիռի բեկորներ։ Կառույցի ներկայացուցիչը նշել է նաև հրթիռների բեկորների աշխարհագրական կոորդինատները՝ 39 ° 45 «38.10» N 46°44 «33.90» E ու 39°45 «27.80» N 46 ° 45 «25.80» E.

Նրա խոսքով՝ հրթիռի տարբերակիչ համարի (9Մ723) ստուգման ընթացքում մասնագետները պարզել են, որ դրա բեկորները պատկանում են «Իսկանդեր» հրթիռային համալիրին:

Ադրբեջանի նախագահ Իլհամ Ալիևն ավելի վաղ ասել էր, որ Բաքուն Հայաստանի կողմից «Իսկանդերների» օգտագործման մասին տեղեկություն չունի:

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

Անցյալ տարվա նոյեմբերին ՀՀ ԶՈւ գլխավոր շտաբի նախկին պետ Մովսես Հակոբյանը հայտարարել էր, որ «Իսկանդերներն» օգտագործվել են պատերազմի վերջին օրերին։ Իսկ ՀՀ երրորդ նախագահ Սերժ Սարգսյանն այս տարվա փետրվարին հարցազրույցներից մեկում ասել էր, որ համալիրներից կրակել են Շուշիի ուղղությամբ։ Թեման զարգացում էր ստացել վարչապետ Նիկոլ Փաշինյանի հարցազրույցից հետո, որն ասել էր, թե «Իսկանդերի» հրթիռները պայթել են 10 տոկոսով։ Այս արտահայտությունը լուրջ արձագանք էր առաջացրել։ ՌԴ ՊՆ-ն իր հերթին հայտարարեց, որ «Իսկանդերները» պատերազմի ընթացքում չեն կիրառվել։

Փաշինյանը մինչև վերջ չի հասկանում «Իսկանդերի» թեմայի ամբողջ նրբությունը. ռուս փորձագետ

612
թեգերը:
Հայաստան, Շուշի, հրթիռ, Ադրբեջան, Իսկանդեր
Ըստ թեմայի
«Իսկանդերը» կարո՞ղ էր չպայթել կամ 10%-ով պայթել. Դավիթ Հարությունովը պարզաբանում է
«Իսկանդերի» հնարավորություններն ու առավելությունները
Ղարաբաղում «Իսկանդեր» չի կիրառվել. ՌԴ ՊՆ
Գեղամ Ստեփանյան

Ոչ այնքան զարմանալի է Ադրբեջանի անարգանքը, որքան մյուսների անտարբերությունը. Արցախի ՄԻՊ

53
(Թարմացված է 12:44 13.04.2021)
Գեղամ Ստեփանյանն անդրադարձել է Բաքվում բացված պուրակի թեմային, որը մեծ աղմուկ է բարձրացրել։ Նրա խոսքով` ցավակցությունների և մարդու իրավունքների համընդհանրության մասին աղաղակելու փոխարեն միջազգային հանրությունը պետք է պատշաճ գնահատական տա։

ԵՐԵՎԱՆ, 13 ապրիլի - Sputnik. Աշխարհի աչքի առաջ Իլհամ Ալիևը ֆաշիստական ցինիզմով հրապարակայնորեն ոտնահարում և նվաստացնում է մի ողջ ժողովրդի արժանապատվություն, միտումնավոր տառապանք պատճառում զոհվածների, անհետ կորած ու գերեվարված անձանց հարազատներին: Նման հայտարարությամբ է հանդես եկել Արցախի մարդու իրավունքների պաշտպան Գեղամ Ստեփանյանը` անդրադառնալով երեկ Ադրբեջանում բացված պուրակին։

«Բաքվում այսպես կոչված «ռազմական ավարների պուրակի» բացումն ադրբեջանական իշխանությունների կողմից հիվանդագին հայատյացության հերթական դրսևորումն է, որը մի կողմից արտահայտում է ադրբեջանական հասարակության շրջանում հայության նկատմամբ ատելության հսկայական պաշարը, մյուս կողմից հանդիսանում է այդ պաշարը սնուցող աղբյուր»,–նշված է Ստեփանյանի ֆեյսբուքյան էջում։

Նրա խոսքով` այս ամենի մեջ ոչ այնքան զարմանալի է Ադրբեջանի բռնապետի բացարձակ անարգանքը մարդկության հանդեպ, որքան քաղաքակիրթ մարդկության անտարբերությունն ու հանդուրժողականությունը:

Թաթոյանը` Ադրբեջանում բացված «պուրակի» մասին

Ստեփանյանն ասում է, որ ցավակցությունների և մարդու իրավունքների համընդհանրության մասին աղաղակելու փոխարեն միջազգային հանրությունը պետք է պատշաճ գնահատական տա Ադրբեջանի կատարած ոճրագործություններին և պատասխանատվության ենթարկի մարդկության դեմ ուղղված հանցագործությունների համար:

Հիշեցնենք` Բաքվում բացվել է որպես ավար վերցված հայկական զրահատեխնիկայի պուրակ, որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների լուսանկարներով արյունոտ մանեկեններ։

Ալիևը հայտարարել է, որ «Իսկանդերի» թեման քննարկել է Պուտինի հետ

53
թեգերը:
Արցախ, Ադրբեջան, Գեղամ Ստեփանյան
Ըստ թեմայի
Ալիևը հայտարարել է, որ որոշ երկրներում իրեն գահընկեց անելու ծրագիր է մշակվել
Ադրբեջանական կողմը գնդացիր է կիրառել. մանրամասներ և լուսանկարներ Սարուշենի դեպքից
Մոսկվայում սպանել են ադրբեջանցի «օրենքով գողին». կադրերը հայտնվել են համացանցում
Իլհամ Ալիև

Ալիևը հայտարարել է, որ «Իսկանդերի» թեման քննարկել է Պուտինի հետ

110
(Թարմացված է 11:56 13.04.2021)
Ադրբեջանի նախագահի խոսքով` «Իսկանդերի» թեմայով իրենք բավարար տեղեկատվություն ունեն, բայց սպասում են պաշտոնական պարզաբանումների։

ԵՐԵՎԱՆ, 13 ապրիլի - Sputnik. Ադրբեջանի նախագահ Իլհամ Ալիևը հայտարարել է, որ ՌԴ նախագահ Վլադիմիր Պուտինի հետ քննարկել է ԼՂ–ում «Իսկանդեր–Մ»–ի մնացորդների հայտնաբերման հարցը։ Ռուսական լրատվամիջոցները հայտնում են, որ Ալիևն այդ մասին հայտարարել է «Նոր հայացք Հարավային Կովկասին. հետկոնֆլիկտային զարգացումներ և համագործակցություն» խորհրդաժողովում։ Ալիևի խոսքով` նա ապրիլի 1-ին հեռախոսազրույց է ունեցել Պուտինի հետ։

«Գիտեք, որ սովորաբար հեռախոսազրույցների բովանդակությունը համաձայնեցվում է և հետո հրապարակվում։ Սակայն ես ոչինչ չեմ թաքցնում ադրբեջանցիներից և կարծում եմ, որ պետք է իմանան ամեն ինչ։ Մենք «Իսկանդերի» հարցը քննարկել ենք Պուտինի հետ»,–ասել է Ալիևը։

Բացի այդ, Ադրբեջանի պաշտպանության նախարարությունը Ռուսաստանի ՊՆ–ին պաշտոնական նամակ է ուղարկել, սակայն պատասխան դեռ չեն ստացել։ Ադրբեջանի նախագահը «տարօրինակ» է անվանել այդ հրթիռների օգտագործման մասին պաշտոնական Երևանի հայտարարությունները:

«Նրանք հա՛մ խոսում են չպայթած հրթիռների մասին, հա՛մ էլ ասում են, որ դա գաղտնիք է։ Ուրեմն ամեն դեպքում օգտագործվել են։ Մենք սպասում ենք Երևանի պաշտոնական պատասխանին։ Ձեզ ավելին ասեմ`մենք ունենք բավարար տեղեկատվություն, բայց սպասում ենք պաշտոնական պարզաբանումների»,–ասել է Ալիևը։

Անդրադառնալով պատերազմից հետո Ղարաբաղում տիրող իրավիճակին՝ Ադրբեջանի նախագահը նշել է, որ այն նախկինի պես փխրուն է։ Նրա խոսքով՝ Բաքուն պատրաստ է ստորագրել Ղարաբաղի վերաբերյալ խաղաղ համաձայնագիրը, սակայն պատասխան քայլեր չի տեսնում Երևանի կողմից։

Միաժամանակ Ալիևը ՀՀ վարչապետ Նիկոլ Փաշինյանին և արտգործնախարար Արա Այվազյանին մեղադրել է «ադրբեջանատյացության և թուրքատյացության» մեջ։

Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։

Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։

«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին

110
թեգերը:
Ռուսաստան, Իսկանդեր, Իլհամ Ալիև, Ադրբեջան
Ըստ թեմայի
«Իսկանդերի» հնարավորություններն ու առավելությունները
«Չեմ պատրաստվում պետական գաղտնիք բացել»․ Դավիթ Տոնոյանը՝ «Իսկանդերի» կիրառման մասին
«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները
Սեյրան Օհանյանն ու Արայիկ Հարությունյանը. արխիվային լուսանկար

Ադրբեջանը հետախուզում է հայտարարել 300 հայ պաշտոնյայի նկատմամբ, ՀՀ–ն՝ ադրբեջանցի 1 խոսնակի

0
(Թարմացված է 17:32 13.04.2021)
Ադրբեջանը պատերազմի ընթացքում թույլ է տվել պատերազմական հանցագործություններ, իրականացրել է միջազգային կոնվենցիաներով արգելված գործողություններ, կիրառել զանգվածային ոչնչացման քիմիական զենքեր։ Բայց ադրբեջանցի որևէ պաշտոնյայի ու ռազմական գործչի մեղադրանք չի առաջադրվել։

ԵՐԵՎԱՆ, 13 ապրիլի – Sputnik. Ադրբեջանի դատախազությունը միջազգային հետախուզում է հայտարարել շուրջ 300 հայ պաշտոնյաների նկատմամբ։ Այս մասին այսօր ԱԺ ամբիոնից հայտարարեց անկախ պատգամավոր Թագուհի Թովմասյանը՝ հավելելով, որ ՀՀ դատախազությունը որևէ կերպ չի արձագանքել Ադրբեջանի այս քայլին։

«Ի վերջո դժվար չէ ապացույցներ ներկայացնել, որ Ադրբեջանը պատերազմի ընթացքում թույլ է տվել պատերազմական հանցագործություններ, իրականացրել է այնպիսի քրեական հանցագործություններ, որոնք մերժելի են մի շարք օրենքներով, կոնվենցիաներով, զանգվածային ոչնչացման քիմիական զենքեր է կիրառել։ Բայց որևէ հիմքով մենք չունենք Ադրբեջանի ռազմական ու քաղաքական գործիչների նկատմամբ հետախուզում»,- ասաց Թովմասյանը՝ հավելելով, որ Հայաստանն այս պահին մեկ ադրբեջանցու է հետախուզում՝ ֆուտբոլային մեկնաբանի։

Պատգամավորի համոզմամբ` հատկապես Ադրբեջանի վերջին քայլից՝ Բաքվում արցախյան պատերազմին նվիրված «պուրակի» բացումից հետո Հայաստանը պետք է մտածի այդ ուղղությամբ ու միջազգային ասպարեզում ազատ տեղաշարժի դժվարություններ ստեղծի ադրբեջանցի պաշտոնյաների համար՝ նրանց նկատմամբ միջազգային հետախուզում հայտարարելով։

Հիշեցնենք՝ 2020թ-ի նոյեմբերի 26-ին ՀՀ քննչական կոմիտեն որոշում էր կայացվել Ադրբեջանի «Ղարաբաղ» ֆուտբոլային ակումբի մամուլի և հասարակայնության հետ կապերի պատասխանատու Նուրլան Իբրահիմովի նկատմամբ քրեական գործ հարուցելու՝ ազգային և ռասայական թշնամանք, հրապարակային ցեղասպանություն հրահրելու մեղադրանքով։

Ս․թ մարտին ՀՀ գլխավոր դատախազությունը Նուրլան Իբրահիմովի նկատմամբ հետախուզում հայտարարեց։

Ադրբեջանը չի հրապարակել բոլոր այն հայ պաշտոնյաների ցանկը, որոնց նկատմամբ միջազգային հետախուզում է հայտարարել։

Մամուլից հայտնի է, որ այդ ցանկում են պաշտպանության նախկին նախարար Սեյրան Օհանյանը, Արցախի նախագահ Արայիկ Հարությունյանը, գեներալ Ջալալ Հարությունյանը, Արցախի արտաքին գործերի նախարար Դավիթ Բաբայանը։

Ադրբեջանը պիտի պատժվի Մարաղայում իրականացրած ցեղասպան գործողությունների համար. Արցախի ԱԳՆ

0