Հարություն Հակոբյանն իր պատրաստած տնակի առջև

Ռուսաստանից եկած հայը հեքիաթային տնակներ է կառուցում Արցախում

810
(Թարմացված է 09:01 31.03.2021)
Մի քանի տարի առաջ Հարություն Հակոբյանը Ստավրոպոլից վերադարձավ պատմական հայրենիք՝ Արցախ ու սկսեց հեքիաթային տնակներ կառուցել անտառներում։ Պատերազմը շատ ծրագրեր է խախտել, բայց Հարությունին չի ստիպել կանգ առնել։ Հիմա նա է՛լ ավելի մեծ գաղափարով է տարված։

Լիլիթ Հարությունյան, Sputnik Արմենիա

Արցախյան անտառների թավուտներում կորած խրճիթները էլֆերի, փերիների և այլ կախարդական էակների բնակավայր են թվում։ Անսպասելի բախվելով դրանց՝ հաստատ շատ կզարմանաք։ Դժվար է պատկերացնել, որ ինչ-որ մեկն այդ տնակները հատուկ է կառուցել դժվարամատչելի վայրերում։

Եվ այնուամենայնիվ, այդպես էլ կա։ Ինքնատիպ մտքի հեղինակը 24-ամյա Հարություն Հակոբյանն է։ Նա էլ հենց կառուցել է խրճիթները։

Домик в лесу, изготовленный Арутюном Акопяном
© Photo
Հարություն Հակոբյանի պատրաստած տնակը

Ինչպե՞ս է ամեն ինչ սկսվել

Հարությունը ծնվել է Մարտունիում։ Երբ հինգ տարեկան էր, ընտանիքը տեղափոխվեց Ռուսաստան։ 2018թ․-ին նա վերադարձավ Արցախ, որտեղ երկու տարի շարունակ ճամփորդում էր, սոցիալական հոլովակներ ու հետաքրքիր վիդեո-ռեպորտաժներ նկարահանում՝ իր հետևորդների համար բացահայտելով զարմանահրաշ երկիրը։

Այստեղ նա ուսումնասիրել է յուրաքանչյուր լեռ, յուրաքանչյուր գետ ու ձոր։ Սիրում էր օրերով կորչել անտառներում ու լեռներում՝ յուրացնելով բուշքրաֆթի (վայրի բնության մեջ գոյատևելու) հմտությունները։ YouTube-ում նրա հոլովակներն ավելի քան 100 հազար դիտում էին հավաքում։

Նույն 2018թ․-ին Արցախի Հանրային հեռուստաընկերության «Իմ հողը» ծրագրի շրջանակներում Հարությունը ծառի վրա փոքրիկ տուն կառուցեց, որպեսզի գիշերի այնտեղ։ Դա Հադրութի շրջանի գյուղերից մեկում էր, որը հիմա Արդբեջանի վերահսկողության տակ է անցել։

«Ես կառուցեցի այդ տնակը և գիշերն այնտեղ անցկացրի։ Դա ինձ շատ դուր եկավ, և հետո սկսեցի տնակը տնակի հետևից կառուցել Հադրութի և Ասկերանի շրջանի անտառներում՝ օգտագործելով բացառապես մեռած ծառերը»,-պատմում է ճանապարհորդը։

Այսպես արցախյան անտառների թավուտներում հեքիաթային տնակներ հայտնվեցին։ Մեկ տարում նա իր ձեռքով 22 խրճիթ կառուցեց, որոնցից յուրաքանչյուրը հատուկ ոճ ու դիզայն ունի։

«Ոսկի ձեռքեր ունես»,-գրում էին համացանցում երիտասարդի հետևորդները՝ հիանալով նրա ստեղծագործություններով։

Հետաքրքիր է, որ Հարությունն ինքը բլոգեր է, զբաղվել է տեղեկատվական բիզնեսով, ինչպես նաև իր YouTube-ալիքի առաջմղմամբ, բայց շինարարության ու դիզայնի հետ կապ չի ունեցել։

«17 տարեկանից ես պարբերաբար ինչ-որ միտք եմ ունենում և փորձում եմ առավելագույնս իրագործել այն։ Շինարարության կամ դիզայնի հետ նախկինում չեմ առնչվել։ Միակ բանը, որից օգտվել գիտեի, կացինն էր»,-խոստովանում է նա։

Արցախի Կարմիր Շուկա գյուղում 150 տուն կկառուցվի

Երբեմն նրա տնակների մոտ զբոսաշրջիկներ էին հասնում, բայց՝ հազվադեպ․ դրանք դժվարհամատչելի վայրերում են։ Տնակները հիմնականում տեսնում էին տեղի բնակիչները, որոնք փայտ կամ բանջար հավաքելու էին գնում։ Հավանաբար անսպասելի «հանդիպումները» նրանց շատ էին զարմացնում։

Երիտասարդը մեծ ծրագրեր ուներ․ ուզում էր իր աշխատանքներն օգտագործել զանազան զբոսաշրջային միջոցառումների, վայրի բնության մեջ թիմային խաղերի համար և այլն։

Բայց սկսվեց պատերազմը։ Ստիպված էր առժամանակ թողնել սիրելի զբաղմունքը։ Հարությունը հասկացավ, որ ավելի օգտակար կլինի որպես լրագրող, և պատերազմական վիդեո-ժամանակագրություն էր նկարահանում Հորադիզ-Հադրութ ուղղությամբ։ Պատերազմից հետո խրճիթներից երկուսը մնացին Ադրբեջանի գրաված տարածքներում․․․

Նոր սկիզբ և բուշքրաֆթ-փառատոն

Հիմա երիտասարդը նորից սկսել է տնակներ կառուցել Արցախում։ Սակայն նրա մոտեցումներում կարևոր բան է փոխվել․ Հարությունը եկել է այն եզրակացության, որ տնակները պետք է ոչ միայն հեքիաթային լինեն և էսթետիկ հաճույք պատճառեն, այլև բավականաչփ ամուր և հուսալի լինեն։ Այդ դեպքում անհրաժեշտության դեպքում հնարավոր կլինի որոշ ժամանակ ապրել այնտեղ։

Домик в лесу, изготовленный Арутюном Акопяном
© Photo
Հարություն Հակոբյանի պատրաստած տնակը

Այն հարցին, թե որքան ժամանակ է տևում մեկ խրճիթի կառուցումը, զրուցակիցս պատասխանում է․ «Եթե անտառի խորքում ես կառուցում, որտեղ բավականին շատ մեռած ծառեր կան՝ մոտ 8-10 օր։ Բայց դա ոչ այնքան ամուր տնակ կլինի՝ առանց պատուհանների և դռների։ Պարզապես սիրուն, հեքիաթային տնակ։ Իսկ եթե ավելի հուսալին կառուցես, մոտ մեկ ամիս կպահանջվի։ Այնտեղ հնարավոր կլինի նաև էլէկտրականություն անցկացնել»։

Այդպիսի մի տնակ արդեն պատրաստ է։ Այն գտնվում է Ստեփանակերտից ոչ հեռու, Լուսաձոր գյուղում։ Հիմա բլոգերը երկրորդ տնակի վրա է աշխատում։

«Բայց հետո,-ասում է նա,-ամեն ինչ շատ ավելի հետաքրքիր է լինելու»։

Обсидиановый нож ручной работы
© Photo : provided by Harutyun Hakobyan
Օբսիդիանե ձեռագործ դաշույն

Բանն այն է, որ նա նախատեսում է մի ամբողջ ճամբար կառուցել և փորձել սեպտեմբերին բուշքրաֆթ-ֆեստ կազմակերպել։

Փառատոնը, ճիշտ է, փորձնական է լինելու, սահմանափակ թվով մարդկանցով։ Այնուամենայնիվ, գաղափարի հեղինակը խոստանում է, որ այն յուրահատուկ կլինի։ Փառատոնի ընթացքում իրենց աշխատանքները ցուցադրելու հնարավորություն կունենան Արցախի ամենատաղանդավոր և բացառիկ վարպետները։ Օրինակ՝ այցելուները կկարողանան յուրահատուկ ձեռագործ օբսիդիանե դաշույններ ձեռք բերել։

«Ամենակարևորն այն է, որ Արցախի մասին հնարավորինս շատ մարդ իմանա։ Ես հիմա էլ հավատարիմ եմ այդ գաղափարին։ Հենց այդ պատտճառով եմ ուզում ինչ-որ ավելի մասշտաբային բան անել։ Տեսանյութերը շատ լավ են, բայց բնավ բավարար չեն»,-ասում է երիտասարդը։

  • Հարություն Հակոբյանի պատրաստած տնակը
    Հարություն Հակոբյանի պատրաստած տնակը
    © Photo
  • Հարություն Հակոբյանի պատրաստած տնակը
    Հարություն Հակոբյանի պատրաստած տնակը
    © Photo
  • Հարություն Հակոբյանի պատրաստած տնակը
    Հարություն Հակոբյանի պատրաստած տնակը
    © Photo
1 / 3
© Photo
Հարություն Հակոբյանի պատրաստած տնակը

Երբ ճամբարն ամբողջովին պատրաստ լինի, Հարությունն այնտեղ կհրավիրի Երևանի, Գյումրիի, Գորիսի և Հայաստանի այլ քաղաքների բնակիչներին՝ ընտանիքների և ընկերների հետ հանգստանալու։ Նա նշում է, որ զբոսաշրջիկներին տնակները կտրամադրվեն անվճար։

Հ․Գ․ Հենց Հարություն Հակոբյանի նման մարդիկ են շունչ ու կյանք տալիս Արցախին։

810
թեգերը:
Անտառ, զբոսաշրջություն, Արցախ
Փրկարարներ

Արցախի փրկարարները ևս 2 հայ զինծառայողի աճյուն են հայտնաբերել

48
(Թարմացված է 16:10 20.04.2021)
Զինադադարից հետո հայտնաբերված կամ հայկական կողմին փոխանցված աճյունների ընդհանուր թիվը դարձավ 1546։

ԵՐԵՎԱՆ, 20 ապրիլի – Sputnik. Հադրութի շրջանում իրականացված որոնողական աշխատանքների արդյունքում Արցախի փրկարարները «Թութակներ» տեղամասից դեպի աջ՝ Դիզափայտ տանող ճանապարհի 5-րդ կմ-ին, հայտնաբերել և տարհանել են ևս 2 հայ զինծառայողի աճյուն: Տեղեկությունը հայտնում է Արցախի Հանրապետության արտակարգ իրավիճակների պետական ծառայությունը։

«Վերջիններիս ինքնությունը պարզելու նպատակով կկատարվի դատաբժշկական փորձաքննություն»,– նշված է հաղորդագրության մեջ:

Այսպիսով, զինադադարից հետո հայտնաբերված կամ Ադրբեջանի կողմից հայկական կողմին փոխանցված աճյունների ընդհանուր թիվը դարձավ 1546:

Գոռը զոհվել է` փորձելով փրկել ընկերոջ կյանքը. գեղանկարչի գործերը հետմահու են ցուցադրվում

«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց

48
թեգերը:
աճյուն, զինծառայող, Արցախ
Ըստ թեմայի
Հիմա, որ մենք կանք, նրա շնորհիվ է. հետախույզ Գագիկ Պողոսյանը 26 տարեկան կդառնար
«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ
«Երջանիկ էր. զոհվեց` չիմանալով, որ որդին էլ է նահատակվել». Կարապետյանների պատմությունը
Փրկարարներ

Փրկարարներն աճյուններ կփնտրեն Հադրութի շրջանում. Արցախի ԱԻՊԾ

11
(Թարմացված է 11:31 20.04.2021)
Հինգ ամսվա ընթացքում իրականացված որոնումների արդյունքում Արցախի կորուսյալ տարածքներից հայտնաբերվել և տարհանվել է 1544 աճյուն։

ԵՐԵՎԱՆ, 20 ապրիլի – Sputnik. Ռազմագործողությունների ընթացքում զոհված և անհետ կորած համարվող զինծառայողների աճյունների որոնողական աշխատանքներն այսօր փրկարարական մեկ ջոկատով շարունակվում են Հադրութի շրւջանում։ Տեղեկությունը հայտնում է Արցախի Հանրապետության արտակարգ իրավիճակների պետական ծառայությունը։

ԱԻ պետական ծառայության փրկարարներն Արցախի վերահսկողությունից դուրս գտնվող տարածքներում  որոնողափրկարարական աշխատանքներ են իրականացնում 2020 թվականի նոյեմբերի 13-ից ի վեր։

Հինգ ամսվա ընթացքում իրականացված որոնումների արդյունքում Արցախի կորուսյալ տարածքներից հայտնաբերվել և տարհանվել է ընդհանուր 1544 աճյուն, որից 27-ը՝ նախնական տվյալներով, քաղաքացիական անձինք են։

Արցախում զոհված սամբիստներին հավերժ չեմպիոնի կոչում է շնորհվել

11
թեգերը:
աճյուն, Հադրութ, Արցախ
Ըստ թեմայի
Պատերազմի զոհերի թիվը մոտ 4000 է․ Փաշինյանը հրապարակեց պաշտոնական տվյալները
Ադրբեջանցիները ևս մեկ զոհված զինծառայողի աճյուն են փոխանցել հայկական կողմին
Իրականության հետ կապ չունի. ՊՆ-ից հերքում են`զոհվածի մեդալը տաքսու վարորդը չի հանձնել
Սերգեյ Շոյգու

Ռուսաստանի արևմտյան սահմաններին իրավիճակը լարված է. Շոյգու

0
(Թարմացված է 17:28 20.04.2021)
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:

ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:

Դրան զուգահեռ ԱՄՆ-ի եւ ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:

«Ռազմաքաղաքական իրադրությունը հարավարևմտյան ռազմավարական ուղղությամբ բարդ է մնում», - ասել է Շոյգուն:

Նա նշել է, որ լարված իրավիճակը կապված է այն բանի հետ, որ մի շարք պետություններ փորձում են մեծացնել իրենց ռազմական ներկայությունը Ռուսաստանի Դաշնության արևմտյան և հարավային սահմանների մոտ։

0