Թալիշ. արխիվային լուսանկար

Աճյունների որոնումը դարձյալ արդյունք չի տվել. հաջորդը Մատաղիս-Թալիշ ուղղությունն է

44
(Թարմացված է 16:15 25.03.2021)
Արցախի արտակարգ իրավիճակների պետական ծառայությունը հայտնել է` ինչ փուլում են պատերազմի ավարտից հետո ընթացող անհետ կորածներին ու զոհվածների աճյունների որոնման աշխատանքները։

ԵՐԵՎԱՆ, 25 մարտի – Sputnik. Այսօր Շուշիի շրջանի Շուշի-Լիսագոր հատվածում զոհված զինծառայողների աճյունների որոնումներն արդյունք չեն տվել: Տեղեկությունը Facebook–ի  էջում հայտնում է ԱՀ ԱԻՊԾ–ն։  

«Աշխատանքները նախատեսվում է շարունակել վաղը՝ հյուսիսարևելյան (Մատաղիս-Թալիշ) ուղղություններում, իսկ առաջիկայում՝ ըստ անհրաժեշտության»,–նշված է հաղորդագրության մեջ:

Նշենք, որ 2020 թվականի նոյեմբերի 13-ից առայսօր Արցախի վերահսկողությունից դուրս գտնվող տարածքներից հայտնաբերված կամ ադրբեջանական կողմից փոխանցված աճյունների թիվը մարտի 20-ից այս կողմ չի փոխվել:

Վերջին տվյալներով` հայտնաբերված մարմինների և աճյունների ընդհանուր թիվը 1518 է:

180 ծնող սպասում է պատասխանի. նախարարը չի բացառում, որ ոչ բոլոր աճյունները կնույնականացվեն

44
թեգերը:
Պատերազմ, Արցախ, աճյուն, Թալիշ
Ըստ թեմայի
Ադրբեջանի ԶՈւ 4 զինծառայող Մատաղիսում պայթել են ականի վրա
Ադրբեջանական կողմը Մատաղիսի հատվածում հայկական կողմին է փոխանցել մեկ աճյուն
Մատաղիսի տարածքից հայտնաբերվել է ևս 4 զինծառայողի աճյուն
Երևան-Մեղրի ճանապարհին

Որպեսզի Բաքուն երազանքների գիրկը չընկնի, պետք է ուշադիր լսի նախագահ Պուտինի ուղերձը. Եվսեև

578
(Թարմացված է 23:26 22.04.2021)
Ռուս փորձագետը ուշադրություն է հրավիրել այն հանգամանքի վրա, որ եթե Ղարաբաղում էսկալացիա տեղի ունենա, ռուս խաղաղապահները նույնպես կարող են թիրախում հայտնվել:

ԵՐԵՎԱՆ, 22 ապրիլի –  Sputnik, Աշոտ Սաֆարյան․ Ադրբեջանի ղեկավարության շրջանում կան ուժեր, որոնք շատ են շահագրգռված Լեռնային Ղարաբաղից հայերին բռնի ուժով դուրս մղելու մեջ։ Sputnik Արմենիային տված հարցազրույցում նման կարծիք հայտնեց ռուս ռազմական փորձագետ, ԱՊՀ երկրների ինստիտուտի Կովկասի բաժնի վարիչ Վլադիմիր Եվսեևը։

Ավելի վաղ Ադրբեջանի զինված ուժերը, կոպտորեն խախտելով 2020 թվականւ նոյեմբերի 9-ի եռակողմ հայտարարությունը, կրակ են բացել Ստեփանակերտի, ինչպես նաև Ասկերանի շրջանի Շոշ և Մխիթարաշեն բնակավայրերի ուղղությամբ: Ուշագրավ է, որ կրակել են փոքր տրամաչափի զենքից։ Կրակոցների հետևանքով վնասվել է Ստեփանակերտի բնակելի տան տանիքը։ Իրավապահ մարմինները փորձում են հասկանալ, թե որտեղից են կրակել, քանի որ հակառակորդի վերահսկողության տակ անցած Շուշիից անհնար է Ստեփանակերտը փոքր տրամաչափի զենքերից գնդակոծել։ Միջադեպի հետևանքով տուժածներ չկան։

Փորձագետը նշեց, որ Բաքվում դեռևս էյֆորիա է տիրում ռազմական հաջողությունների ֆոնին։ Դրանով է պայմանավորված նման լկտի ու լպիրշ պահվածքը։

«Եթե, Աստված չանի, գոնե մեկ ռուս խաղաղապահ վիրավորվի, ապա Ադրբեջանի նախագահ Իլհամ Ալիևը ստիպված կլինի հիշել 2008 թվականի օգոստոսի փորձը (նկատի ունի հակամարտությունը Վրաստանում – խմբ.): Հավանաբար, գնդակոծելով խաղաղ բնակչությանը, Ալիևը հույս ունի, որ ռուս խաղաղապահները կրակի տակ չեն ընկնի։ Բայց եթե էսկալացիան շարունակվի, ապա նրանք էլ կարող են գնդակոծության տակ հայտնվել»,- կարծիք հայտնեց Եվսեևը։

Նրա խոսքով՝ եթե նման միջադեպերի արդյունքում գոնե մեկ ռուս զինվորական վիրավորվի կամ, առավել ևս, զոհվի, Մոսկվան կոշտ պատասխան կտա, առավել ևս, որ մինչ այժմ բաց է մնում 2020 թվականի նոյեմբերի 9-ին Ադրբեջանի կողմից խոցված ռուսական ուղղաթիռի անձնակազմի մահվան հարցը:

Արցախի ԱԳՆ-ն խստորեն դատապարտում է Ադրբեջանի սադրիչ և ագրեսիվ գործողությունները

Փորձագետի կարծիքով՝ Ռուսաստանը կարող է վերադառնալ ուղղաթիռի հարցին, և բավական կոշտ ձևով։

«Որպեսզի ադրբեջանական իշխանությունը երազանքների գիրկը չընկնի, պետք է ուշադիր լսի Ռուսաստանի նախագահ Վլադիմիր Պուտինի ուղերձը Դաշնային ժողովին։ Այնտեղ հստակ ասված է, որ եթե ինչ-որ մեկը սպառնա Ռուսաստանի ազգային շահերին, ապա շատ կզղջա դրա համար։ Իսկ Լեռնային Ղարաբաղում հայ բնակչության ներկայությունը միանգամայն համապատասխանում է Ռուսաստանի շահերին», - ընդգծեց Եվսեևը։

Անդրադառնալով, այսպես կոչված, «Զանգեզուրի միջանցքը» ուժով զավթելու վերաբերյալ Ալիևի սպառնալիքներին, Եվսեևն ասաց, որ Բաքուն փորձում է ճնշում գործադրել հայկական կողմի վրա: Միաժամանակ Եվսեևը հակված չէ Սյունիքի մարզը գրավելու սպառնալիքները կապել Ստեփանակերտի գնդակոծության հետ։ Ռազմական փորձագետը հիշեցրեց, որ Գորիսում ռուսական ստորաբաժանումներ են տեղակայված։ Սակայն ցանկալի կլիներ այնտեղ ռուսական ռազմաբազայի հենակետ ստեղծել, որ այդ «միջանցքի» թեման ամբողջությամբ փակվեր։

«Ակնհայտ է, որ եթե Ադրբեջանը հատի Հայաստանի սահմանը, ապա Ռուսաստանը կունենա բոլոր հիմքերը հանրապետության տարածքային ամբողջականության անվտանգության ապահովման իր պարտավորությունները կատարելու համար», - ասաց փորձագետը:

Եվսեևի կարծիքով՝ Ալիևին թվում է, թե Հայաստանի զինված ուժերը որևէ վտանգ չեն ներկայացնում։ Սակայն նա նշեց, որ Ադրբեջանի նախագահն ակնհայտորեն թերագնահատում է Հայաստանի ներուժը։ Ամեն դեպքում ռուսական ռազմական ներկայությունն անհաղթահարելի պատնեշ է Բաքվի համար Հայաստանի տարածքի ուժային զավթման ճանապարհին։

Հիշեցնենք, որ Ադրբեջանի նախագահն ապրիլի 20-ին պետական հեռուստառադիոընկերությանը տված հարցազրույցում հայտարարել էր, որ Բաքուն «կատարելու է Զանգեզուրի միջանցքի իրականացման խնդիրը, ցանկանում է Հայաստանը, թե ոչ»: Ընդ որում, Ադրբեջանի նախագահը սպառնացել է ուժով լուծել հարցը: ՀՀ վարչապետ Նիկոլ Փաշինյանը դա սադրանք է անվանել, իսկ ԱԳՆ-ն հայտարարել է, որ կձեռնարկի բոլոր միջոցները՝ Հայաստանի տարածքային ամբողջականությունը պաշտպանելու համար:

578
թեգերը:
Արցախ, Ադրբեջան, Ռուսաստան, Հայաստան
Ըստ թեմայի
«Որոշում է կայացվել Սյունիքի սահմանագիծը համաձայնեցնել ՀԱՊԿ սահմանագծին». Նիկոլ Փաշինյան
Սյունիքի սահմանին փոխհրաձգություն է եղել. Կապանի համայնքապետ
Ադրբեջանցիները կրակել են Ստեփանակերտի բնակելի տան վրա. Շուշիի՞ց են թիրախավորել
Արխիվային լուսանկար. Շոշ գյուղի հրետակոծված տներից, 17 հոկտեմբերի, 2020

Կրակոցներով Ադրբեջանը նպատակ է հետապնդում ահաբեկելու խաղաղ բնակիչներին. Արցախի ՄԻՊ

49
(Թարմացված է 19:22 22.04.2021)
Գեղամ Ստեփանյանը հայտնում է, որ անհրաժեշտ է նման միջադեպերի հետաքննության հստակ մեխանիզմներ ներդնել։

ԵՐԵՎԱՆ, 22 ապրիլի - Sputnik. Արցախի մարդու իրավունքների պաշտպան Գեղամ Ստեփանյանը հանդիպել է Շոշ համայնքի բնակչիների և Ստեփանակերտի՝ ադրբեջանական կրակոցներից տուժած տանտերերի հետ։ Տեղեկանում ենք Արցախի մարդու իրավունքների պաշտպանի ֆեյսբուքյան էջից։

«Ադրբեջանական զինվորականները պարբերաբար կրակոցներ են արձակում Ասկերանի շրջանի Շոշ և Մխիթարաշեն բնակավայրերի ուղղությամբ։ Շոշ համայնք կատարած այցի ընթացքում Մարդու իրավունքների պաշտպանին հայտնել են համայնքի ղեկավարն ու բնակիչները` հավելելով, որ կրակոցները լինում են ինչպես ցերեկային, այնպես էլ գիշերային ժամերին»,–նշված է հաղորդագրության մեջ։

Ապրիլի 20-ին Շոշ համայնքի ուղղությամբ կրակոցներից համայնքի բնակիչների կյանքին, առողջությանն ու գույքին վնաս չի հասցվել։ Սակայն, ըստ ՄԻ պաշտպանի, հստակ է, որ կրակոցներով ադրբեջանական կողմը նպատակ է հետապնդում ահաբեկելու խաղաղ բնակիչներին, վախի մթնոլորտ ձևավորելու համայնքներում և խաթարելու բնակչության բնականոն կյանքը։

Ադրբեջանի զինված ուժերն ապրիլի 20-ին կրակել են նաև Ստեփանակերտի ուղղությամբ, որի հետևանքով վնասվել են Վաղարշյան 13/46 հասցեում գտնվող տան տանիքը և առաստաղը: Մարդու իրավունքների պաշտպանի հետ հանդիպման ժամանակ տանտերերը հայտնել են, որ ռուս խաղաղապահներն ու ոստիկանության աշխատակիցներն այցելել են ընտանիքին և ծանոթացել միջադեպի հանգամանքներին։

Ստեփանակերտից մոտ 15 կմ հեռավորության վրա հրդեհ է բռնկվել. լուսանկարներ

«Խաղաղ բնակչության բնականոն կյանքի դեմ ուղղված ադրբեջանական կողմի ոտնձգությունները, արձանագրվող դեպքերի հաճախակիությունը պահանջում են ինչպես Արցախի ԶՈւ–ի և ռուսական խաղաղապահ զորակազմի կողմից անվտանգության լրացուցիչ միջոցառումների իրականացում, այնպես էլ նման միջադեպերի հետաքննության համար հստակ մեխանիզմների ներդրում»,–նշված է հաղորդագրության մեջ։

Հիշեցնենք, որ ապրիլի 20-ին, ժամը 15:00-ի սահմաններում Ստեփանակերտում բնակելի տան վրա հակառակորդը կրակոց է արձակել: Բացի այդ, երեկ երեկոյան Սյունիքի մարզի սահմանային հատվածում հակառակորդը կրակ է բացել Փահլասարի և Դիցմայրի ուղղությամբ։

49
թեգերը:
Ադրբեջան, Գեղամ Ստեփանյան, Արցախ
Ըստ թեմայի
Հակառակորդը հրաձգային զինատեսակներից տարբեր ուղղություներով խախտել է հրադադարի ռեժիմը. ՊԲ
Ադրբեջանը հուսահատ փորձում է կրակոցների պատասխանատվությունը բարդել հայկական կողմի վրա. ՊՆ
Ավելի նվաստացուցիչ վիճակում չէի ուզի տեսնել երկրիս վարչապետին. Լևոն Տեր–Պետրոսյան
Վալերի Պլոտնիկով

Ժպիտը կարո՞ղ է փոխել աշխարհը. լեգենդար հայերը Վալերի Պլոտնիկովի ֆոտոտարեգրություններում

0
(Թարմացված է 14:20 22.04.2021)
Սերգեյ Փարաջանովի, Միքայել Թարիվերդիևի, Սերգեյ Դովլաթովի և շատ այլ հայտնի հայերի ժպտացող դեմքերը Պլոտնիկովի ստեղծած ժպտացող մարդկանց ֆոտոտարեգրության մի փոքր մասն են։

Լեգենդար լուսանկարիչ Վալերի Պլոտնիկովը, որը բազմաթիվ անգամ է եղել Երևանում, մի խորհուրդ է տալիս, որը չի վերաբերում լուսանկարչությանը, բայց անմիջականորեն կապված է մեզ հետ։

«Ես չեմ կարող համոզել աշխարհին, տրամվային, տրոլեյբուսին, որ ժպիտով սկսելով առավոտը, չհայհոյելով, չչարանալով կարելի է փոխել աշխարհը։ Դա հեշտ է։ Օրը սկսեք ժպիտով», – առաջարկում է Պլոտնիկովը։

Նա լուսանկարել է հազարավոր աշխարհահռչակ դեմքերի, որոնք հաճախ ժպտում են, բայց չեմ համարձակվի ասել, թե դա ինչ–որ կերպ ազդել է աշխարհակարգի փոփոխության վրա։ Լուսանկարչի ալբոմում հայկական դեմքեր շատ կան` Սերգեյ Փարաջանով, Սերգեյ Դովլաթով, Միքայել Թարիվերդիև, Ֆրունզիկ Մկրտչյան, Ալեքսեյ Հեքիմյան։ Ինչպես տեսնում եք, բոլորն արվեստի մարդիկ են, բոլորի դեմքին ժպիտ է։ Մի քանի տարի առաջ Պլոտնիկովը ներկա էր իր երևանյան ցուցահանդեսի բացմանը։

– Ինչո՞վ հիշվեցին հայերը, –հարցնում եմ ես։

– Աչքերի տխրությամբ, – պատասխանում է Պլոտնիկովը։

Ժպիտի օգնությամբ աշխարհը փոխելու հեռանկարը հակասում է կյանքի իրողություններին ու ևս մեկ անգամ հաստատվում Սերգեյ Փարաջանովի խոսքերով։ «Կենսագրություն... Ես այդքան լավ չեմ հիշում իմ կենսագրությունը։ Իմ կենսագրությունն ի՞նչ է։ Դարդ, ահա սա է նրա հավերժ բանաձևը»:

Պլոտնիկովը լավ է հիշում իր կենսագրությունը, իսկ ավելի լավ` այն մարդկանց, որոնց նկարել է։ Նրանցից շատերը` դերասաններ, ռեժիսորներ, բալետի արտիստներ, հայտնվել են «Խորհրդային էկրանի» շապիկին, ինչն այն տարիներին ճանաչման բարձրագույն աստիճան էր համարվում։

Զրուցակցիս դիտարկումներից, որոնք կարող են հաշվի առնել մեր լուսանկարիչները։

- Դերասաններ կան, որոնք այնքան էլ լավ չեն լուսանկարվում։

- Ինչո՞ւ է այդպես, - հարցնում եմ։

- Որովհետև լուսանկարահանման և կինոնկարահանման միջև մեծ տարբերություն կա։ Կինոյում կա գործընկեր, շարժում, տեքստ։

Լուսանկարում այդ ամենը չկա։ Ընդհանրապես, եթե մարդն ինձ հետաքրքիր չէ, ես նույնիսկ չեմ փորձում լուսանկարել նրան, որովհետև գիտեմ՝ ինձ մոտ ոչինչ չի ստացվի։ Ո՛չ երևակայություն, ո՛չ զգացմունքներ, ո՛չ ինտուիցիա, ոչինչ չի աշխատի։

- Իսկ կարո՞ղ է անհետաքրքիր լինել Ալլա Պուգաչովան։
- Չի կարող։ Մինչև հիմա ափսոսում եմ, որ հրաժարվել եմ լուսանկարել նրա ու Կիրկորովի ամուսնությունը։ Ինչ-որ անհասկանալի բան կատարվեց և․․․

Թերթում եմ ֆոտոալբոմները։ Շատ են հայտնի անձանց հետ խմբային լուսանկարները՝ Յուրի Լյուբիմով, Վլադիմիր Վիսոցկի, Ալեքսեյ Բատալով, Մարինա Վլադի, Ռոստրոպովիչ, Վոզնեսենսկի, Բոյարսկի․․․

Ինչպե՞ս է ստացվել, որ մի ակնթարթում բոլորին դեմքերին ուրախ զարմանք է հայտնվել։
- Ինչպես Եսենինի մոտ․ «Մատները բերանը և ուրախ սուլոցով․․․»։

«Պետք լինի՝ շնչելն էլ կարգելենք», կամ երբ ցավից երգեր են ծնվում

Պլոտնիկովի հետ զրուցելը մեծագույն հաճույք է․ անհայտ բաներ ես իմանում հայտնիների մասին։ Օրինակ` Մարինա Վլադին ելույթ է ունեցել Խորհրդային Միության Կոմկուսում, որպեսզի ավելի հեշտ լինի ԽՍՀՄ գալը և Վլադիմիր Վիսոցկու հետ հանդիպելը։ Կամ ֆիլմի ցուցադրությունից հետո Մարինա Վլադին ԽՍՀՄ-ում դարձել է ժողովրդի սիրելին, և նրա շուրջ հավաքվել են ԽՍՀՄ բոլոր ժողովրդական արտիստներն ու դափնեկիրները, իսկ նրանց մեջքի հետևում թռչկոտել է Վիսոցկին, որը հասակով ցածր է եղել․ «Է՜յ, տղերք, այդ կինն իմն է»։

Իսկ նրանք ուշադրություն չեն դարձնում, աքլորանում են Մարինայի շուրջը։

Սիգարները` Երևանից, թառափը՝ Բաքվից. ինչպես էին հայերը զարգացնում փոստային բիզնեսը

Դովլաթովին նկարել է Ամերիկայում, իսկ նա լուսանկարվել չէր սիրում, բայց Պլոտնիկովը համոզել է նրան։ Լույսն ու լուսանկարչական ապարատը դրել է․ «Արդեն ամեն ինչ պատրաստ է, դու պետք է միայն նստես»։ Եվ նա նստել է մի քանի կադրի համար։ «Կյանքումս մի քանի անգամ եմ տեսել, թե ինչպես է մարդը «մթագնում» հեռանալուց առաջ․․․ Այդ լուսանկարը վերջինն էր, մեկուկես ամիս անց Սերգեյ Դովլաթովը հեռացավ կյանքից»։

Մենք տոլմա ենք ուտում, խոսում Հայաստանի, Դիլիջանի, Ֆրունզիկ Մկրտչյանի մասին, հիշում ենք նրա անմոռանալի խոսքերը. «Դու տոլմա սիրո՞ւմ ես․․․»։

- Սիրում եմ ժապավենով լուսանկարել, սիրում եմ ձեռակերտ ամեն ինչ, - ասում է վարպետը և շարունակում։ - Այո, հիմա լուսանկարչության հանդեպ վերաբերմունքը բոլորովին այլ է։ Իհարկե, հիմա ավելի հեշտ է նկարել ժամանակակից տեխնիկայով։ Երբ ուզում եմ արագ հոնորար ստանալ, նկարում եմ թվային խցիկով, բայց հաճույքի համար մինչև հիմա աշխատում եմ միայն ժապավենով։ Թվայինը արագ է, հարմար, բայց փչացնում է։

Պլոտնիկովը կարծում է, որ ավելի լավ է լինել տաղանդավոր ու առողջ, քան հանճարեղ, բայց հիվանդ։ Այսօր նա գոհ է, որ ոչ մեկին ոչինչ պարտք չէ և ինչ կարող է անել, արել է։ Նա երջանիկ մարդ է, ունի հինգ դուստր և մեկ որդի, նրանցից ոչ ոք չի ընտրել հոր ուղին, բայց բոլորն էլ հիանալի մարդիկ են։ Նրանք բոլորը իմ ընկերներն են։ Կյանքը շարունակվում է։

Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա

0
թեգերը:
Ալլա Պուգաչովա, Սերգեյ Դովլաթով, Մհեր Մկրտչյան (Ֆրունզիկ), Լուսանկար, Վալերի Պլոտնիկով, հայեր
Ըստ թեմայի
Ում պատճառով «ջնջեցին» Ֆրունզիկին, կամ ինչ «առակ» է պտտվում Լևոն Տեր–Պետրոսյանի մասին
«Ժամանակին սարերում էինք ապրում». ինչու են հայերը նեղացել Դովլաթովից
«Սովորական ռուս մեծ գրողը». ով ստիպեց Դովլաթովին իր երակներում զգալ հայկական արյունը
Ֆրունզիկի հետ ապրել նույն շենքում. ինչպիսին էր դերասանն իրական կյանքում