Արցախի ԱԳՆ

Սումգայիթյան սպանդը մարդկայնության դեմ նոր հանցագործությունների սկիզբ դրեց․ Արցախի ԱԳՆ

44
(Թարմացված է 12:46 28.02.2021)
Անպատժելիության հետևանքով է, որ Ադրբեջանը հրաժարվում է վերադարձնել ռազմագերիներին։ Արցախի ԱԳՆ-ն հերթական անգամ դիմում է միջազգային հանրությանը։

ԵՐԵՎԱՆ, 28 փետրվարի – Sputnik․ Այսօր մեր ժողովրդի ժամանակակից պատմության ամենաողբերգական իրադարձություններից մեկի՝ սումգայիթյան ցեղասպանության անմեղ զոհերի հիշատակի ոգեկոչման օրն է։ Արցախի ԱԳՆ-ն հիշեցնում է, որ 1988 թ. փետրվարի 27-29-ը Ադրբեջանի մայրաքաղաքի մոտ գտնվող Սումգայիթ քաղաքում տասնյակ հայեր սպանվեցին, հարյուրավորները խեղվեցին, տասնյակ հազարներն արտաքսվեցին:

Արցախի արտաքին գերատեսչության մամուլի ծառայության տարածած հաղորդագրության մեջ ընդգծվում է, որ Խորհրդային Ադրբեջանի իշխանությունների հանցավոր թողտվությամբ և իրավապահ մարմինների լիակատար անգործության պայմաններում բազմահազարանոց քաղաքը երեք օր շարունակ տրվեց զինված ջարդարարներին։ Նրանք անպատիժ և հատուկ դաժանությամբ սպանում էին ազգությամբ հայ քաղաքացիներին:

«Սումգայիթյան սպանդը սկիզբ դրեց մարդկայնության դեմ ուղղված հանցագործությունների մի ամբողջ շարքի, որոնք ադրբեջանա-ղարաբաղյան հակամարտության բոլոր փուլերում իրագործվում էին հայ ժողովրդի նկատմամբ Ադրբեջանի պետական քաղաքականության շրջանակներում: ԽՍՀՄ փլուզումից հետո՝ 1988-1991 թթ., ադրբեջանական իշխանությունների կողմից իրականացված ցեղասպանությունը, էթնիկ զտումները և զանգվածային սպանությունները փոխարինվեցին 1991-1994, 2016 և 2020 թվականներին Արցախի Հանրապետության և նրա ժողովրդի դեմ զինված ագրեսիաների ընթացքում կատարված պատերազմական հանցագործություններով»,- նշված է հաղորդագրության մեջ։

ՄԻՊ–ը բոլոր ապացույցներն ունի. Թաթոյանը` հայերի ջարդերի մասին

Այս 33 տարիների ընթացքում ադրբեջանական հայատյաց քաղաքականության հետևանքով հազարավոր հայեր սպանվել են, տասնյակ հազարները՝ հաշմանդամ դարձել, հարյուր հազարները՝ բռնի տեղահանվել և հայրենազրկվել:

«Անպատժելիությունը և միջազգային հանրության կողմից համապատասխան արձագանքի բացակայությունը հանգեցնում էին ագրեսիայի ուժեղացմանը և Արցախի ժողովրդի դեմ Ադրբեջանի կողմից իրագործվող հանցագործությունների ծավալների ընդլայնմանը: Ադրբեջանի իշխանությունների կողմից իրենց հասարակությունում ձևավորվող մարդատյաց մթնոլորտը ստեղծել է մի իրավիճակ, որում ռազմական հանցագործությունները, այդ թվում՝ ռազմագերիներին և քաղաքացիական անձանց ծաղրելը, տանջելը և սպանելը, Ադրբեջանում ընկալվում են որպես նորմալ և ընդօրինակման արժանի արարք»,- շեշտվում է հաղորդագրության մեջ։

ԱՀ ԱԳՆ-ն մատնանշում է՝ ռազմագերիներին և գերեվարված քաղաքացիական անձանց վերադարձնելուց Ադրբեջանի հրաժարումը անպատժելիության և ամենաթողության հարուցած հանցավոր քաղաքականության վառ օրինակ է:

Արցախի արտաքին գերատեսչությունը նաև կոչով դիմում է միջազգային հանրությանը՝ գործուն քայլերով պարտադրելու Ադրբեջանի իշխանություններին հրաժարվել հանցավոր քաղաքականությունից և նախապայմաններ ստեղծել տարածաշրջանում կայուն և երկարաժամկետ խաղաղության հաստատման համար:

Արցախը չի կարող լինել Ադրբեջանի կազմում․ Գարեգին Բ–ն հիշեցնում է վերջին 33 տարիները

44
թեգերը:
Սումգայիթ, Արտաքին գործերի նախարարություն (ԱԳՆ), Արցախ
Ըստ թեմայի
Վարչապետը հարգանքի տուրք է մատուցել Սումգայիթի ոճրագործության զոհերի հիշատակին
Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ
Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան
Դավիթ Գրիգորյանի գերեզմանը

Դավիթ Գրիգորյանը ոչնչացրել է 12 տանկ, 1 ՏՕՍ համակարգ. նա պարգևատրվեց հետմահու

66
(Թարմացված է 23:04 12.04.2021)
Ավագ սերժանտ Դավիթ Գրիգորյանի ընտանիքին են փոխանցել նրա շքանշանն ու մեդալը։

ԵՐԵՎԱՆ, 12 ապրիլի - Sputnik. Արցախյան պատերազմի զոհերից Դավիթ Մանվելի Գրիգորյանը հետմահու պարգևատրվել է «Մարտական խաչ» 1-ին աստիճանի շքանշանով և «Մարտական ծառայություն» մեդալով։ Տեղեկանում ենք Վայոց ձորի մարզպետարանի ֆեյսբուքյան էջից։

Արցախի ՊԲ N զորամասի զինծառայող, ավագ սերժանտ Դավիթ Գրիգորյանն Արցախի նախագահի հրամանագրով հետմահու պարգևատրվել է հայրենիքի պաշտպանության գործում ցուցաբերած արիության, խիզախության և բացառիկ քաջության համար:

«Հակառակորդի սանձազերծած լայնածավալ ռազմական գործողությունների ընթացքում Դավիթը ոչնչացրել է 12 տանկ, 10 զրահատեխնիկա, 1 ինժեներասակրավորային տեխնիկա, 1 ՏՕՍ համակարգ»,–նշված է հաղորդագրության մեջ:

Ավագ սերժանտ Գրիգորյանը զոհվել է հոկտեմբերի 10-ին:

Մեդալները հերոսի հարազատներին հանձնելու արարողությանը ներկա էին Վայոց ձորի մարզպետ Արարատ Գրիգորյանը, Գլաձոր համայնքի ղեկավար Արմեն Մովսիսյանը, N զորամասի ՀՏՄ հրամանատար, լեյտենանտ Էդվին Բալայանը:

ՀՀ պաշտպանության նախարարի հրամանով ռուս զինվորականները պարգևատրվել են մեդալներով

66
թեգերը:
Զոհ, պարգևատրում, Արցախյան պատերազմ
Ըստ թեմայի
Արցախի նախագահն Ազիզ Թամոյանին հետմահու պարգևատրել է «Մեսրոպ Մաշտոց» շքանշանով
«Տղա՛ս, դու պիտի շարունակես այն, ինչ հայրդ քեզ է ժառանգել». ՀՀ նախագահը պարգևներ է հանձնել
27-ի առավոտյան գնաց ու չվերադարձավ. 31-ամյա փոխգնդապետը պարգևատրվեց հետմահու
Արայիկ Հարությունյան. արխիվային լուսանկար

Պատերազմի հետևանքով կորսված անշարժ և շարժական գույքի համար պետական աջակցությունը կտրվի

39
(Թարմացված է 17:31 12.04.2021)
Նախագահի հանձնարարությամբ կստեղծվի պետական հանձնաժողով, որը և կմշակի աջակցության տրամադրման կարգն ու մեխանիզմները։

ԵՐԵՎԱՆ, 12 ապրիլի –Sputnik. Արցախի Հանրապետության նախագահ Արայիկ Հարությունյանն այսօր խորհրդակցություն է հրավիրել՝ քննարկելու համար ՀՀ կառավարության հետ համատեղ մեկնարկելիք պատերազմական գործողությունների հետևանքով վնաս կրած ֆիզիկական և իրավաբանական անձանց աջակցություն ցուցաբերելու ծրագիրը: Տեղեկությունը հայտնում է Արցախի նախագահի մամուլի ծառայությունը։

Արցախի պետական նախարար, ֆինանսների նախարար Գրիգորի Մարտիրոսյանը խորհրդակցության մասնակիցներին է ներկայացրել աջակցության տրամադրման նախագիծը, որը ներառում է կորսված կամ վնասված անշարժ ու շարժական գույքի, շրջանառու միջոցների ու այգիների դիմաց տրվող պետական աջակցությունը:

Իր խոսքում նախագահ Հարությունյանը կարևորել է տվյալ միջոցառման նշանակությունը բնակիչների ֆինանսական հիմնախնդիրների լուծման և Արցախի տնտեսության վերականգնման հարցում: Նախագահի հանձնարարությամբ կստեղծվի պետական հանձնաժողով, որը և կմշակի աջակցության տրամադրման կարգն ու մեխանիզմները՝ կարճ ժամկետում սկսելով ֆինանսական հատկացումները:

Ադրբեջանցիները կրակել են Արցախի Սարուշեն գյուղի ուղղությամբ

39
թեգերը:
Արցախի նախագահ Արայիկ Հարությունյան, Անշարժ գույք, գույք, Արցախյան պատերազմ, Արցախ
Ըստ թեմայի
Արցախում հաստատվել է կորոնավիրուսային հիվանդության 11 նոր դեպք
Երևանը չի կարող, Բաքուն չի ցանկանա. փորձագետը՝ Արցախում էսկալացիայի վտանգի մասին
Քնապարկերից մինչև միջնադարյան նախշեր․ երևանցի կնոջ բացառիկ նախագիծը արցախցիների համար
Գազատար

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

0
(Թարմացված է 00:14 13.04.2021)

Ցուրտ ու ձգձգված ձմեռը դատարկեց Եվրոպայի գազային պահեստարանները։ Մնացել է պաշարների մեկ երրորդը։ Ամերիկացիները որոշել են օգտվել դրանից ու մեծ ծավալի հեղուկ գազ առաջարկել։ Սակայն կորոնավիրուսային ճգնաժամը թույլ չի տա, որ Եվրոպան գումար ծախսի անդրօվկիանոսյան թանկ էներգառեսուրսների վրա։ Ստիպված կլինեն ռուսական հումք գնել։ ՌԻԱ Նովոստին պարզել է՝ «Գազպրոմն» ու պետբյուջեն որքան գումար կվաստակեն արտահանումից:

Իրինա Բադմաևա, ՌԻԱ Նովոստի

Եվրոպայի համար անոմալ սառնամանիքներ

Աշնանն ու ձմռանը եվրոպացիներն ավելի քան 65 մլրդ խորանարդ մետր գազ են ծախսել. տասը տարվա կտրվածքով սա ամենաբարձր ցուցանիշն է։ Տեղեկությունը հայտնում է «Գազպրոմը»՝ հղում անելով GasInfrastructureEurope-ին։ Նախորդ «ռեկորդը» եղել էր 2018-ին, երբ փետրվար-մարտին Եվրոպայում անոմալ սառնամանիք էր ու ձյան առատ տեղումներ:

Եղանակը չար կատակ խաղաց նաև ջեռուցման այս սեզոնին։ «Գազպրոմը» ստիպված եղավ հունվարին շտապ մեծացնել սառցակալած Եվրոպայի մատակարարումները։ Գերմանիա ուղարկվեց սովորականից 32,4 տոկոսով շատ գազ, Ֆրանսիա ուղարկված գազի ծավալն ավելացվեց 77,3 տոկոսով, Նիդեռլանդներինը՝ 21,2 տոկոսով, իսկ Իտալիայինը՝ 100 տոկոսով։

Բացի այդ, ավելացվեց Ասիայի ուղղությամբ արտահանումը. այնտեղ նույնպես սառնամանիքներ էին։ Արդյունքում շուկայում պակասուրդ առաջացավ, որը սպոտային գների կտրում աճ հրահրեց (ապրանքները, արժեթղթերը կամ արժույթը սպոտային գներով են վաճառվում անհապաղ առաքման պայմաններով)։

Օրինակ` Ասիայում եղավ մի պահ, երբ գնանշումները գերազանցեցին հազար խորանարդի դիմաց հազար դոլար։ Որոշ գործարքներ կնքվեցին 1400-ով։ Եվրոպայում գները հատեցին 300 դոլարի սահմանը։ Դա այն դեպքում, երբ «Գազպրոմի» 2021 թվականի պահպանողական բյուջեում 170-ն է դրված։

Արդյունքում ռուսական արտահանումը դեպի հեռավոր արտերկիր աճեց մինչև 19,5 մլրդ խորանարդ մետր։ Դա գրեթե 46 տոկոսով շատ է նախորդ տարվա ցուցանիշից։

Փետրվարին եղանակն առանձնապես չլավացավ։ Այդ ամսվա ընթացքում երեք օր շարունակ եվրոպական պահեստարանները տվեցին առավելագույնը՝ օրական ավելի քան մեկ միլիարդ խորանարդ մետր:

Մինչև մարտի 25-ը, երբ ցուրտ սեզոնն ավարտվեց, Հին աշխարհի պահեստարանների միջին զբաղվածությունը նվազեց մինչև 29 տոկոս: Մասնավորապես Գերմանիայում ու Ավստրիայում հասավ 26 տոկոսի, Նիդեռլանդներում՝ 23–ի, Ֆրանսիայում՝ 17–ի։

«Գազպրոմում» արդեն հաշվել են, որ եկող ձմռանը չմրսելու համար եվրոպացիները պետք է 57,3 տոկոսով (գրեթե 24 մլրդ խմ-ով) ավելացնեն պաշարները անցած տարվա համեմատ: Դա համադրելի է 2020 թվականին դեպի Ֆրանսիա ու Նիդեռլանդներ ընդհանուր արտահանման հետ։ Պահեստարանները լցնելու արշավը խոստանում է ամենազանգվածայիններից մեկը դառնալ 2011 թվականից ի վեր։

Ռուսական գազի այլընտրանքը

«Գազպրոմ էքսպորտի» գլխավոր տնօրեն Ելենա Բուրմիստրովան հայտնել է, որ 2020 թվականին գազի եվրոպական շուկայում ռուսական հումքի բաժինը շուրջ 33 տոկոս է կազմել: Նրա խոսքով՝ արդեն երրորդ եռամսյակից արտահանման ծավալները հասել են նախաճգնաժամային ցուցանիշներին, իսկ առանձին դեպքերում նույնիսկ գերազանցել են: Ներկրողների հանդեպ բոլոր պարտավորությունները կատարվել են։

Ռուսաստանից բացի, ԵՄ կապույտ վառելիք է մատակարարվում Նորվեգիայից, Կատարից, Ալժիրից, ԱՄՆ-ից ու Նիգերիայից: Գլխավոր սպառողներն են Գերմանիան, Մեծ Բրիտանիան և Իտալիան։ Ընդ որում` գերմանացիներն ու բրիտանացիները ռուսական գազը ստանում են «Հյուսիսային հոսքով»։ Այլ տարբերակ չկա։ Իհարկե, կարելի է անցնել հեղուկ բնական գազի, բայց այն ավելի թանկ է: Բացի այդ, դրա համար անհրաժեշտ են հատուկ տերմինալներ, որոնք Գերմանիան, օրինակ, չունի։ Հեղուկացված բնական գազն այնտեղ են հասցնում Բելգիայով ու Նիդեռլանդներով:

Իտալիայում և Մեծ Բրիտանիայում տերմինալներ կան, բայց այնտեղ էլ չեն շտապում հրաժարվել խողովակաշարային գազից։ Ուստի ռուսական էներգառեսուրսների գլխավոր գնորդները չեն սատարում «Հյուսիսային հոսք-2»-ի դեմ ամերիկյան պայքարը։ Ավելին` Գերմանիան ամերիկացիներին առաջարկում էր ֆինանսավորել տերմինալների կառուցումը իրենց հեղուկացված բնական գազն ընդունելու համար, միայն թե նրանք հանգիստ թողնեն «Հյուսիսային հոսք-2»-ը: Անցյալ տարվա ամռանը Բեռլինը պատրաստ էր 1 միլիարդ եվրո վճարել դրա համար։ Բայց Վաշինգտոնն իրենն է պնդում։

ԵՄ-ում ռուսական նախագծի հակառակորդների պակաս չկա՝ Չեխիա, Լեհաստան, Հունգարիա, Սլովակիա, Ռումինիա, Խորվաթիա։ Այս տարանցիկ երկրները գազի շնորհիվ լավ գումարներ են վաստակում։

Ռուսաստանը պարզում է, թե որքանով է Արևմուտքը պատրաստ կրկին «հրդեհել» Դոնբասը

Ի դեպ, Վարշավան արդեն հայտարարել է, որ մտադիր է 2022 թվականից հրաժարվել ռուսական գազից։ Լեհերը հույսները դրել են Հյուսիսային ծովի նորվեգական շելֆում կառուցվող Baltic Pipe խողովակաշարի վրա։ Մնացածը կլինի ամերիկյան հեղուկացված բնական գազը։

Ամերիկացիները, իհարկե, ուրախությամբ կլրացնեին եվրոպական պահեստարանները, հատկապես հիմա, երբ Ասիայում մարել է աժիոտաժային պահանջարկը։ Մարտին Հին աշխարհը նրանցից գնել է 11 միլիարդ խորանարդ մետր՝ երկու անգամ ավելի շատ, քան հունվարին ու փետրվարին ։ ԱՄՆ-ն ապահովել է Արևմտյան Եվրոպայի ուղղությամբ մատակարարումների 30 տոկոսը։ Ավելին` այժմ ծովերում և օվկիանոսներում ամերիկյան հեղուկացված բնական գազով 70 լցանավ կա։

Ո՞վ կլցնի եվրոպական պահեստարանները

Ճգնաժամը դեռ չի անցել, իսկ հեղուկացված բնական գազն առաջվա պես թանկ է խողովակաշարային գազից։ Բացի այդ, «Գազպրոմը», ի տարբերություն մրցակիցների, կարող է արագ մեծացնել արդյունահանումն ու օրական մատակարարումները։ Ընկերությունը սեփական պահեստարաններն ունի Եվրոպայում։

Գ.Վ. Պլեխանովի անվան տնտեսագիտական համալսարանի դոցենտ Ալեքսանդր Տիմոֆեևը նշում է, որ արևմտաեվրոպական ուղղությունը գերակա է, քանի որ «Հյուսիսային հոսքի» փոխհատուցելիությունը դեռ հարցականի տակ է։

«Ցուրտ ու ձգձգված ձմեռը լավ պահանջարկ ապահովեց, որը կարող է ավելի արագ աճել, քան պահեստարանների հզորությունները, ինչն էլ իր հերթին արդեն աշնանը գների բարձրացման կհանգեցնի», — ասում է նա։

VYGONConsulting–ի՝ Ռուսաստանի վառելիքային-էներգետիկ համալիրի զարգացման հարցերով անկախ խորհրդատուի կարծիքով՝ «Գազպրոմն» այս տարի կարող է գազի արտահանումը դեպի հեռավոր արտերկիր հասցնել մինչև 210 միլիարդ խորանարդ մետրի: Դա 17 տոկոսով շատ է, քան 2020-ի ցուցանիշը, և գրեթե հինգուկես տոկոսով շատ, քան «մինչկորոնավիրուսային» 2019-ի ցուցանիշը։

Օրինակ` առաջին եռամսյակում «Գազպրոմի» արտահանումն աճել է 30,7 տոկոսով։ «Ընդ որում՝ նախկինում մատակարարն իր տարեկան բյուջեն հաշվարկում էր` ելնելով 170 դոլար/հազ խմ սակագնից։ Բայց հետո ծրագրերը վերանայվեցին։ Հիմա տարեկան 200 դոլար է նախատեսվում։ Բանն այն է, որ երկարաժամկետ պայմանագրերը հիմնականում կապված են եվրոպական սպոտային գների հետ։ Բացի այդ, բարձրացել են նավթային գնանշումները, որոնցից կախված են գազի գները։ Ուստի լիովին իրատեսական է, որ «Գազպրոմը» սպառողներին համոզի իր ծրագրերի հիմնավորված լինելը»,– ասում է TeleTrade տեղեկատվական-վերլուծական կենտրոնի գլխավոր տնտեսագետ Մարկ Գոյխմանը:

ԱՄՆ-ն որոշել է անտեսանելի վրեժ լուծել Ռուսաստանից

Ի դեպ, գազը շարունակում է թանկանալ նաև ջեռուցման սեզոնի ավարտից հետո։ Հիմա TTF–ի (Title Transfer Facility Natural Gas Price Index) նիդեռլանդական հանգույցում սպոտային գինը 252 դոլար է (1000 խմ-ի համար), որը 2018-ից ի վեր առավելագույն ցուցանիշն է։

VYGON Consulting-ում նշում են, որ արդյունքում հեռավոր երկրներ մատակարարվող գազի շնորհիվ «Գազպրոմի» հասույթն այս տարի կավելանա 1,7 անգամ՝ հասնելով 42 մլրդ դոլարի: Ինչը շատ տեղին է պետբյուջեի համար։

0
թեգերը:
Եվրոպա, ԱՄՆ, գազ, Ռուսաստան