ՌԴ–ն մարդասիրական բեռի նոր խմբաքանակ է ուղարկում Արցախ

Առաջին հերթին՝ օգնել քաղաքացիներին․ ՌԴ–ն մարդասիրական բեռի նոր խմբաքանակ է ուղարկում Արցախ

61
(Թարմացված է 11:22 23.02.2021)
ԱԻՆ օպերատիվ խումբը տեղ կհասցնի Լեռնային Ղարաբաղում պատերազմից տուժած բնակելի շենքերի վերականգնման համար անհրաժեշտ շինանյութերը:

ԵՐԵՎԱՆ, 23 փետրվարի – Sputnik. Ռուսաստանի ԱԻՆ-ը մարդասիրական օգնության հերթական խմբաքանակն է ուղարկել Լեռնային Ղարաբաղ։ Շարասյունը շարժվել է փետրվարի 23-ին՝ Երևանի մերձակայքում գտնվող Հայ-ռուսական մարդասիրական արձագանքման կենտրոնից:

Колонна российского гуманитарного груза для Нагорного Карабаха от МЧС России (23 февраля 2021).
© Sputnik / Asatur Yesayants
ՌԴ–ն մարդասիրական բեռի նոր խմբաքանակ է ուղարկում Արցախ

Ինչպես մեկնումից առաջ լրագրողներին հայտնել Է ՌԴ ԱԻՆ աշխատակից Եվգենի Գորելովը, արտակարգ իրավիճակների նախարարության օպերատիվ խումբը, տեղական իշխանությունների հայտին համապատասխան, կազմել է շինանյութերի առաջնահերթ ցանկը, որոնք անհրաժեշտ են Լեռնային Ղարաբաղում բնակելի շենքերի և կարևոր սոցիալական օբյեկտների վերականգնման համար:

Колонна российского гуманитарного груза для Нагорного Карабаха от МЧС России (23 февраля 2021).
© Sputnik / Asatur Yesayants
ՌԴ–ն մարդասիրական բեռի նոր խմբաքանակ է ուղարկում Արցախ

«Բեռը կազմված է ավելի քան 50 տոննա տանիքածածկի նյութերից և փայտանյութից։ Հումանիտար շարասյունը բաղկացած է 8 միավոր տեխնիկայից՝ վեց բեռնատար և երկու ուղեկցող մեքենա: Խմբաքանակը Ստեփանակերտ կժամանի փետրվարի 24-ին», - ասել է Գորելովը։

Ռուսաստանը ևս 7 վագոն մարդասիրական օգնություն է ուղարկել Արցախ

Колонна российского гуманитарного груза для Нагорного Карабаха от МЧС России (23 февраля 2021).
© Sputnik / Asatur Yesayants
ՌԴ–ն մարդասիրական բեռի նոր խմբաքանակ է ուղարկում Արցախ

 

Նրա խոսքով՝ բեռը նախատեսված է անմիջապես զինված հակամարտության ընթացքում տուժած քաղաքացիների համար։ ԱԻՆ սպան տեղեկացրել է նաև, որ մարտական գործողությունների դադարեցման պահից Ղարաբաղ է տեղափոխվել ավելի քան 200 տոննա մարդասիրական բեռ: Ընդ որում, առաքման երթուղին անցել է ինչպես Հայաստանի, այնպես էլ Ադրբեջանի տարածքով՝ երկաթուղով։

Колонна российского гуманитарного груза для Нагорного Карабаха от МЧС России (23 февраля 2021).
© Sputnik / Asatur Yesayants
ՌԴ–ն մարդասիրական բեռի նոր խմբաքանակ է ուղարկում Արցախ

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ռուսաստանի ԱԻՆ-ը 54 վագոն մարդասիրական օգնություն է ուղարկում Լեռնային Ղարաբաղ

61
թեգերը:
շինանյութ, Հումանիտար օգնություն, Ռուսաստան, Արցախ
Ըստ թեմայի
Արցախի սոցիալական և հումանիտար խնդիրները լուծվել են. նախարար
290 տոննա հումանիտար բեռ է ուղարկվել Արցախ, ևս 90 տոննա տեղ կհասնի առաջիկայում. Զինիչև
Ռուսաստանի հումանիտար օգնության շնորհիվ Արցախում ավելի քան 300 օբյեկտ է վերականգնվել
Դավիթ Բաբայան

Ադրբեջանը ոչնչացնում է ամեն հայկականը, անգամ Հայրենական պատերազմի հուշակոթողները. Բաբայան

155
(Թարմացված է 21:05 08.03.2021)
Արցախի ԱԳՆ-ն նամակներով դիմել է բոլոր միջազգային կառույցներին՝ ահազանգելով մարդկության դեմ կատարվող հանցագործության մասին:

ԵՐԵՎԱՆ, 8 մարտի - Sputnik. Ադրբեջանի կողմից օկուպացված արցախյան տարածքներում հուշարձաններն ամենադաժան կերպով ոչնչացվում են: Sputnik Արմենիայի հետ զրույցում ասաց Արցախի արտգործնախարար Դավիթ Բաբայանը:

«Ոչնչացվում է ամեն ինչ, այն ամենն, ինչ հայկական է: Հատուկ դաժանությամբ ոչնչացվում է արցախահայության ու հայ ժողովրդի ներդրման մասին ցանկացած պատմական հիշատակում, այդ թվում՝ երկրորդ աշխարամարտում հայ ժողովրդի մասնակցությունը փաստող ցանկացած հուշակոթող»,- ասաց Բաբայանը:

Արցախի ԱԳ նախարարի խոսքով` Արցախի օկուպացված տարածքներում հետևողականորեն ոչնչացվում են այն հուշարձանները, որոնք նվիրված են ֆաշիզմի դեմ Սովետական Միության հաղթանակին ու դրանում իրենց ներդրում ունեցած հայ գործիչների հուշարձանները: Վերջին օրերին, Բաբայանի խոսքով, ոչնչացվել են ԽՍՀՄ կրկնակի հերոս Նելսոն Ստեփանյանի, ԽՍՀՄ գունավոր մետաղագործության նախարար, Նախարարների խորհրդի նախագահի տեղակալ, Ճապոնիայում ԽՍՀՄ դեսպան Իվան Ֆյոդորովիչ Թևոսյանի հուշարձանները:

Դեռ արցախյան առաջին պատերազմի տարիներին ոչնչացվել էին Մեծ մարշալներ Բաղրամյանի և Բաբաջանյանի հուշարձանները՝ իրենց հայրենի Չարդախլու գյուղում: Մեծ Թախեր գյուղում ոչնչացվել է ԽՍՀՄ ավիացիայի մարշալ Սերգեյ Ալեքսանդրովիչ Խուդյակովի (Արմենակ Խանփերյանց) հուշարձանը: Ազոխ գյուղում ոչնչացվել է Խորհրդային հակաօդային պաշտպանության համակարգի հիմնադիր հայրերից մեկի` գեներալ-գնդապետ Սերգեյ Սարդարովի հուշարձանը: Ծովակալ Հովհաննես Իսակովի հիշատակը ոչնչացվում է նրա հայրենի Հադրութի շրջանում»,- պատմեց Բաբայանը:

Նախարարի մեկնաբանմամբ` սա ոչ այնքան հակահայ քարոզչության ու վանդալիզմի դրսևորում է, որքան համամարդկային մարտահրավեր ու ֆաշիզմին սատարելու անթաքույց դրսևորում:

Գանձագողերը վնասել են «Ամրոցի համալիր Ախթամիր» հուշարձանը. լուսանկարներ

«Եվ դարձյալ մենք չենք տեսնում համապատասխան ռեակցիա՝ համապատասխան կառույցների կողմից։ Չէ՞ որ ֆաշիզմի դեմ պայքարողների հիշատակի ոչնչացումը դա ֆաշիզմի սատարում է: Սա մի գործընթաց է, որ պետական մակարդակով է իրականացվում և ունի աշխարհաքաղաքական ենթատեքստ՝ պանթյուրքիզմի դրսևորում է ու ուղղված է բոլոր այն երկրների (և առաջին հերթին` Ռուսաստանի) դեմ, որոնք մասնակցել են երկրորդ աշխարհամարտին»,- Արցախի ԱԳ նախարարը:

Բաբայանը շեշտեց, որ Արցախի ԱԳՆ-ն նամակներով դիմել է բոլոր միջազգային կառույցներին՝ ահազանգելով մարդկության դեմ կատարվող հանցագործության մասին:

Մարտի 4-ին համացանցում հայտնվել էր տեսանյութ, որում ադրբեջանցի զինվորականները քանդում էին Հովհաննես (Իվան) Թևոսյանի հուշարձանը Շուշի քաղաքում:

Դա, սակայն, հայկական պատմամշակութային հուշարձանների դեմ ադրբեջանական վանդալիզմի առաջին դեպքը չէր:

2020-ի նոյեմբերին ադրբեջանցի զինծառայողները ոչնչացրել էին Շուշիի Կանաչ մատուռի գմբեթն ու զանգակատունը:

Նոյեմբերի 16-ին պղծել ու մասամբ ավերել էին Մեխակավան գյուղի Սուրբ Աստվածածին եկեղեցին, իսկ դրա վրա տեղադրված խաչը քանդել էին: Պղծվել էր նաև Վազգեն Սարգսյանի հուշարձանը:

Գարեգին Բ–ն Արցախի հուշարձանների խնդրով դիմել է կրոնական առաջնորդներին, ՅՈՒՆԵՍԿՕ-ին

Իսկ պատերազմի օրերին նպատակային կերպով երկու անգամ հրթիռակոծվել էր Շուշիի Սուրբ Ամենափրկիչ Ղազանչեցոց եկեղեցին:

Հիշեցնենք, որ Հայկական պատմության և մշակութային առնվազն 1 456 հուշարձան ներկայում մնացել է Արցախի` ադրբեջանական կողմի վերահսկողության տակ անցած տարածքում։

155
թեգերը:
Հայրենական մեծ պատերազմ, Դավիթ Բաբայան, Հուշարձան, Լեռնային Ղարաբաղ, Արցախյան պատերազմ, Արցախ, Ադրբեջան
Փրկարարները աճյուններ են փնտրում արխիվային լուսանկար

Ադրբեջանին անցած շրջաններում աճյունների որոնման աշխատանքները կրկին չեղարկվել են

59
(Թարմացված է 10:29 08.03.2021)
Եթե եղանակային պայմանները թույլ տան, աճյունների որոնման աշխատանքները կշարունակվեն մարտի 9-ին։

ԵՐԵՎԱՆ, 8 մարտի – Sputnik. Արցախի Հանրապետության ՆԳ նախարարության ԱԻ պետական ծառայությունն իրազեկում է, որ այսօր Արցախի հարավային թևում (Ադրբեջանի վերահսկողության տակ անցած շրջաններ) նախատեսված որոնողական աշխատանքները չեղարկվել են մառախուղի և անբավարար տեսանելության պատճառով:

Նման դեպքում աշխատանքն արդյունք չի տալիս: Եթե եղանակային պայմանները թույլ տան, որոնումները կշարունակվեն վաղը:

Նշենք, որ զինադադարից հետո մինչ օրս հայտնաբերվել է 1490 աճյուն:

Հրաշք տեղի չունեցավ. գտել են պատերազմում զոհված Գագիկ Խաչատուրյանի դին

59
թեգերը:
աճյուն, Ադրբեջան, Արցախ
Ըստ թեմայի
Մարտակերտի զորամասերից մեկի մոտ զոհված զինծառայողի մասունք է հայտնաբերվել
Վարանդայում և Ջրականում հայտնաբերվել է 2 աճյուն. ԴՆԹ կարվի
Անհետ կորածների հարցով ռուս խաղաղապահներին 2500 արցախցի է դիմել
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

229
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

229
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան