Մենք ենք, մեր սարերը. Արցախ

«Չնայած արհավիրքներին, Արցախը կանգուն է»․ Արցախի ԱԳՆ-ի ուղերձը

72
(Թարմացված է 12:46 20.02.2021)
Փետրվարի 20-ը նշվում է որպես Արցախի վերածննդի օր։ 1988-ի այս օրը սկսեցին համատարած ակցիաներ՝ ԼՂԻՄ-ը Հայկական ԽՍՀ-ին միացնելու պահանջով։

ԵՐԵՎԱՆ, 20 փետրվարի - Sputnik. Արցախի Հանրապետության ԱԳՆ-ն հայտարարություն է տարածել Արցախի վերածննդի օրվա կապակցությամբ։

«Ղարաբաղյան շարժումը պայքար էր հանուն պատմական արդարության, ազգային ինքնության և արժանապատվության պահպանման, քաղաքացիական իրավունքների և համամարդկային արժեքների, պատմական հայրենիքում ազատ ապրելու և արարելու», - գրված է հայտարարությունում։

Այստեղ հիշատակված են 1980-90-ականներին Ադրբեջանի կողմից կազմակերպված ջարդերը՝ Սումգայիթում, Բաքվում, Ադրբեջանի հայաշատ այլ քաղաքներում, Հյուսիսային Արցախի բնակավայրերում։

«Արցախահայությունը, սակայն, միավորվեց և թիկունքում ունենալով աշխարհասփյուռ հայության աջակցությունը՝ կարողացավ իրեն պարտադրված պատերազմում պաշտպանել իր պատմական հայրենիքում ազատ ապրելու իրավունքը և կերտել անկախ պետականություն՝ Արցախի Հանրապետությունը», - գրված է հայտարարությունում։

Արցախի նախագահը 1988-ի իրադարձությունների ու ոգու մասին գրառում է արել

Նշվում է, որ Արցախի ժողովրդի ինքնորոշման անքակտելի իրավունքին բռնանալու Ադրբեջանի իշխանությունների հերթական փորձն էր 2020 թ. սեպտեմբերի 27-ին Արցախի դեմ սանձազերծված զինված ագրեսիան, որն ուղեկցվեց բազմաթիվ պատերազմական հանցագործություններով, միջազգային մարդասիրական իրավունքի նորմերի կոպտագույն խախտումներով և զգալի մարդկային կորուստներով։

«Չնայած այդ արհավիրքներին, Արցախը կանգուն է։ Այս խորհրդանշական օրը մենք խոնարհվում ենք Հայրենիքի պաշտպանների և ազգի նվիրյալների առջև, ոգեկոչում մեր բոլոր մարտիրսների հիշատակը։ Կեցցե՛ ազատ և անկախ Արցախը», - ավարտվում է հայտարարությունը։

Հիշեցնենք, որ փետրվարի 20-ը նշվում է որպես Արցախի վերածննդի օր։ 1988-ի այս օրը սկսեցին համատարած ակցիաներ՝ ԼՂԻՄ-ը Հայկական ԽՍՀ-ին միացնելու պահանջով։

«Ղարաբաղը հայկական հող է», կամ ինչպես ժողովուրդը միավորվեց 1988 թվականի փետրվարին

72
թեգերը:
Ղարաբաղյան շարժում, հայտարարություն, Արտաքին գործերի նախարարություն (ԱԳՆ), Արցախ
Ըստ թեմայի
​Ղարաբաղյան շարժում, 1-ին նախագահի կանխատեսում, Արցախի «առևտուր». հայերի բուռն փետրվարները
Ղարաբաղյան հակամարտություն. Նուրգալիևն ասել է` ինչ էր առաջարկում ՌԴ–ն 2016 թվականից հետո
Զգույշ եղեք Ղարաբաղյան հակամարտության վերաբերյալ արտահայտություններում. Արցախի ԱԳՆ
Դավիթ Բաբայան

Ադրբեջանը ոչնչացնում է ամեն հայկականը, անգամ Հայրենական պատերազմի հուշակոթողները. Բաբայան

156
(Թարմացված է 21:05 08.03.2021)
Արցախի ԱԳՆ-ն նամակներով դիմել է բոլոր միջազգային կառույցներին՝ ահազանգելով մարդկության դեմ կատարվող հանցագործության մասին:

ԵՐԵՎԱՆ, 8 մարտի - Sputnik. Ադրբեջանի կողմից օկուպացված արցախյան տարածքներում հուշարձաններն ամենադաժան կերպով ոչնչացվում են: Sputnik Արմենիայի հետ զրույցում ասաց Արցախի արտգործնախարար Դավիթ Բաբայանը:

«Ոչնչացվում է ամեն ինչ, այն ամենն, ինչ հայկական է: Հատուկ դաժանությամբ ոչնչացվում է արցախահայության ու հայ ժողովրդի ներդրման մասին ցանկացած պատմական հիշատակում, այդ թվում՝ երկրորդ աշխարամարտում հայ ժողովրդի մասնակցությունը փաստող ցանկացած հուշակոթող»,- ասաց Բաբայանը:

Արցախի ԱԳ նախարարի խոսքով` Արցախի օկուպացված տարածքներում հետևողականորեն ոչնչացվում են այն հուշարձանները, որոնք նվիրված են ֆաշիզմի դեմ Սովետական Միության հաղթանակին ու դրանում իրենց ներդրում ունեցած հայ գործիչների հուշարձանները: Վերջին օրերին, Բաբայանի խոսքով, ոչնչացվել են ԽՍՀՄ կրկնակի հերոս Նելսոն Ստեփանյանի, ԽՍՀՄ գունավոր մետաղագործության նախարար, Նախարարների խորհրդի նախագահի տեղակալ, Ճապոնիայում ԽՍՀՄ դեսպան Իվան Ֆյոդորովիչ Թևոսյանի հուշարձանները:

Դեռ արցախյան առաջին պատերազմի տարիներին ոչնչացվել էին Մեծ մարշալներ Բաղրամյանի և Բաբաջանյանի հուշարձանները՝ իրենց հայրենի Չարդախլու գյուղում: Մեծ Թախեր գյուղում ոչնչացվել է ԽՍՀՄ ավիացիայի մարշալ Սերգեյ Ալեքսանդրովիչ Խուդյակովի (Արմենակ Խանփերյանց) հուշարձանը: Ազոխ գյուղում ոչնչացվել է Խորհրդային հակաօդային պաշտպանության համակարգի հիմնադիր հայրերից մեկի` գեներալ-գնդապետ Սերգեյ Սարդարովի հուշարձանը: Ծովակալ Հովհաննես Իսակովի հիշատակը ոչնչացվում է նրա հայրենի Հադրութի շրջանում»,- պատմեց Բաբայանը:

Նախարարի մեկնաբանմամբ` սա ոչ այնքան հակահայ քարոզչության ու վանդալիզմի դրսևորում է, որքան համամարդկային մարտահրավեր ու ֆաշիզմին սատարելու անթաքույց դրսևորում:

Գանձագողերը վնասել են «Ամրոցի համալիր Ախթամիր» հուշարձանը. լուսանկարներ

«Եվ դարձյալ մենք չենք տեսնում համապատասխան ռեակցիա՝ համապատասխան կառույցների կողմից։ Չէ՞ որ ֆաշիզմի դեմ պայքարողների հիշատակի ոչնչացումը դա ֆաշիզմի սատարում է: Սա մի գործընթաց է, որ պետական մակարդակով է իրականացվում և ունի աշխարհաքաղաքական ենթատեքստ՝ պանթյուրքիզմի դրսևորում է ու ուղղված է բոլոր այն երկրների (և առաջին հերթին` Ռուսաստանի) դեմ, որոնք մասնակցել են երկրորդ աշխարհամարտին»,- Արցախի ԱԳ նախարարը:

Բաբայանը շեշտեց, որ Արցախի ԱԳՆ-ն նամակներով դիմել է բոլոր միջազգային կառույցներին՝ ահազանգելով մարդկության դեմ կատարվող հանցագործության մասին:

Մարտի 4-ին համացանցում հայտնվել էր տեսանյութ, որում ադրբեջանցի զինվորականները քանդում էին Հովհաննես (Իվան) Թևոսյանի հուշարձանը Շուշի քաղաքում:

Դա, սակայն, հայկական պատմամշակութային հուշարձանների դեմ ադրբեջանական վանդալիզմի առաջին դեպքը չէր:

2020-ի նոյեմբերին ադրբեջանցի զինծառայողները ոչնչացրել էին Շուշիի Կանաչ մատուռի գմբեթն ու զանգակատունը:

Նոյեմբերի 16-ին պղծել ու մասամբ ավերել էին Մեխակավան գյուղի Սուրբ Աստվածածին եկեղեցին, իսկ դրա վրա տեղադրված խաչը քանդել էին: Պղծվել էր նաև Վազգեն Սարգսյանի հուշարձանը:

Գարեգին Բ–ն Արցախի հուշարձանների խնդրով դիմել է կրոնական առաջնորդներին, ՅՈՒՆԵՍԿՕ-ին

Իսկ պատերազմի օրերին նպատակային կերպով երկու անգամ հրթիռակոծվել էր Շուշիի Սուրբ Ամենափրկիչ Ղազանչեցոց եկեղեցին:

Հիշեցնենք, որ Հայկական պատմության և մշակութային առնվազն 1 456 հուշարձան ներկայում մնացել է Արցախի` ադրբեջանական կողմի վերահսկողության տակ անցած տարածքում։

156
թեգերը:
Հայրենական մեծ պատերազմ, Դավիթ Բաբայան, Հուշարձան, Լեռնային Ղարաբաղ, Արցախյան պատերազմ, Արցախ, Ադրբեջան
Փրկարարները աճյուններ են փնտրում արխիվային լուսանկար

Ադրբեջանին անցած շրջաններում աճյունների որոնման աշխատանքները կրկին չեղարկվել են

59
(Թարմացված է 10:29 08.03.2021)
Եթե եղանակային պայմանները թույլ տան, աճյունների որոնման աշխատանքները կշարունակվեն մարտի 9-ին։

ԵՐԵՎԱՆ, 8 մարտի – Sputnik. Արցախի Հանրապետության ՆԳ նախարարության ԱԻ պետական ծառայությունն իրազեկում է, որ այսօր Արցախի հարավային թևում (Ադրբեջանի վերահսկողության տակ անցած շրջաններ) նախատեսված որոնողական աշխատանքները չեղարկվել են մառախուղի և անբավարար տեսանելության պատճառով:

Նման դեպքում աշխատանքն արդյունք չի տալիս: Եթե եղանակային պայմանները թույլ տան, որոնումները կշարունակվեն վաղը:

Նշենք, որ զինադադարից հետո մինչ օրս հայտնաբերվել է 1490 աճյուն:

Հրաշք տեղի չունեցավ. գտել են պատերազմում զոհված Գագիկ Խաչատուրյանի դին

59
թեգերը:
աճյուն, Ադրբեջան, Արցախ
Ըստ թեմայի
Մարտակերտի զորամասերից մեկի մոտ զոհված զինծառայողի մասունք է հայտնաբերվել
Վարանդայում և Ջրականում հայտնաբերվել է 2 աճյուն. ԴՆԹ կարվի
Անհետ կորածների հարցով ռուս խաղաղապահներին 2500 արցախցի է դիմել
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

232
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

232
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան