Մարիա Զախարովա

Մարիա Զախարովան խոսել է Լեռնային Ղարաբաղի մասին

124
(Թարմացված է 18:02 18.02.2021)
Ռուսաստանի ԱԳՆ պաշտոնական ներկայացուցիչը նշել է, որ ԼՂ հարցով եռակողմ խումբը շարունակում է աշխատանքը։

ԵՐԵՎԱՆ, 18 փետրվարի – Sputnik. Ռուսաստանի ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցի ժամանակ հայտարարել է, որ Լեռնային Ղարաբաղի հակամարտության գոտում տիրող իրավիճակը վերջին օրերի ընթացքում կայուն է եղել:

«Հրադադարի ռեժիմի խախտումներ չեն արձանագրվել: Ռուսական խաղաղապահ զորախմբի զինծառայողները վերահսկողություն են իրականացնում 27 դիտակետում, շարունակում են տեղանքը մաքրել պայթյունավտանգ առարկաներից և ապահովում են փախստականների վերադարձի անվտանգությունը», - ասել Է նա։

Նա նշել է, որ Հայաստանի, Ռուսաստանի ու Ադրբեջանի ղեկավարների` 2020թ.–ի նոյեմբերի 9-ի և 2021թ. հունվարի 11-ի հայտարարության կատարումը քննարկվել է փետրվարի 17-ին ՌԴ նախագահի և Հայաստանի վարչապետի, ինչպես նաև ՌԴ ԱԳ նախարարի՝ հայ և ադրբեջանցի գործընկերների հետ բանակցությունների ընթացքում:

Աշխատանքը շարունակվում է նաև փորձագիտական խմբի շրջանակում՝ երեք պետությունների փոխվարչապետների համատեղ նախագահությամբ։ Ռուսաստանի ԱԳՆ պաշտոնական ներկայացուցիչը հիշեցրել է, որ խմբի երկրորդ նիստը կայացել է փետրվարի 12-ին տեսակոնֆերանսի ռեժիմով:

Հիշեցնենք` նոյեմբերի 9-ին Մոսկվայում ստորագրված եռակողմ հայտարարության 9-րդ կետով նախատեսվում է ապաշրջափակել տարածաշրջանի տնտեսական և տրանսպորտային բոլոր կապերը։

ՀՀ վարչապետ Նիկոլ Փաշինյանի, Ռուսաստանի Դաշնության նախագահ Վլադիմիր Պուտինի և Ադրբեջանի նախագահ Իլհամ Ալիևի` հունվարի 11-ին Մոսկվայում կայացած եռակողմ հանդիպման արդյունքներով ընդունվեց ևս մեկ լրացուցիչ հայտարարություն, որի բոլոր 4 կետերը վերաբերում են ապաշրջափակման ծրագրերին։

Երկաթուղային ապաշրջափակման դեպքում բեռնափոխադրումների 80 տոկոսը կանցնի Մեղրիով

Հայտարարության արդյունքում ստեղծվել է երեք երկրների փոխվարչապետների համատեղ նախագահությամբ եռակողմ աշխատանքային խումբ, որը պետք է կազմի աշխատանքների հիմնական ուղղությունների ցանկ՝ որպես գերակայություններ ընդունելով երկաթուղային և ճանապարհային հաղորդակցությունները:

Աշխատանքային խումբը մինչև 2021թ. մարտի 1-ը պետք է կողմերի ամենաբարձր մակարդակով հաստատմանը ներկայացնի Ադրբեջանի և Հայաստանի տարածքով իրականացվող միջազգային փոխադրումների կազմակերպման, իրականացման և անվտանգության ապահովման նոր տրանսպորտային ենթակառուցվածքների վերականգնման ու կառուցման միջոցառումների իրականացման ցանկն ու ժամանակացույցը։

Նշենք, որ աշխատանքային խումբը փետրվարի 2-ին արդեն երկրորդ հանդիպում է անցկացրել։ Բայց քննարկված հարցերի մասին մանրամասներ, այդ թվում` ճանապարհների վերաբերյալ հստակ տեղեկություններ չեն հաղորդվում։

Երկաթուղային հաղորդակցության սխեման Հարավային Կովկասում` ապաշրջափակումից հետո

124
թեգերը:
Մարիա Զախարովա, Լեռնային Ղարաբաղ, Արցախ
Ըստ թեմայի
Թուրքիան, թեև փոքր, բայց տարաձայնություն ունի ՌԴ–ի հետ ղարաբաղյան հարցում. Պողոսյան
Մեր կարմիր գիծն այն էր, որ Լեռնային Ղարաբաղը երբեք չլիներ Ադրբեջանի կազմում. Սարգսյան
ՌԴ խաղաղապահների մուտքը Ղարաբաղ կայունացրել է իրավիճակը Հարավային Կովկասում. Զաս
ԱԻՊԾ աշխատակիցներ. արխիվային լուսանկար

Հադրութի և Վարանդայի շրջաններում որոնողական աշխատանքներն արդյունք չեն տվել

36
(Թարմացված է 10:56 06.03.2021)
Զոհված զինծառայողների դիերը գտնելու որոնողափրկարարական աշխատանքները շարունակվում են։

ԵՐԵՎԱՆ, 6 մարտի - Sputnik. Երեկ` մարտի 5–ին, Հադրութի և Վարանդայի (Ֆիզուլի) շրջաններում Արցախի ներքին գործերի նախարարության ԱԻ պետական ծառայության փրկարար ջոկատների որոնողական աշխատանքները դարձյալ արդյունք չեն տվել։ Տեղեկությունը Sputnik Արմենիայի հետ զրույցում հայտնեց Արցախի արտակարհ իրավիճակների պետական ծառայության հասարակայնության հետ կապերի բաժնի ղեկավար Հունան Թադևոսյանը։

«Որոնողական աշխատանքները, սակայն, շարունակվում են։ Այսօր որոնումներ կիրականացվեն միայն Վարանդայի (Ֆիզուլի) շրջանում»,–ասաց Թադևոսյանը։

Զինադադարից հետո մինչ օրս հայտնաբերվել է ընդհանուր 1488 աճյուն:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

36
թեգերը:
անհետ կորած, Արցախ, Պատերազմ, աճյուն
Ըստ թեմայի
Արցախի հարավում իրականացված աճյունների որոնումներն արդյունք չեն տվել
Զինծառայողների աճյուններ կփնտրեն Հադրութի շրջանում և Քաշաթաղի շրջանի հարավային թևում
15–օրյա դադարից հետո Արցախում աճյունների որոնողական աշխատանքները վերսկսվել են
Անցակետ Լաչինի միջանցքում. 17 նոյեմբերի, 2020

Մահաբեր «քվեստ». ովքեր և ինչու են ներթափանցում Ադրբեջանին անցած տարածքներ

712
(Թարմացված է 23:19 05.03.2021)
Մարտական գործողությունների ավարտից  ու եռակողմ համաձայնագրի ստորագրումից անմիջապես հետո Ադրբեջանի իշխանություններն արգելք մտցրեցին իրենց վերահսկողության տակ անցած շրջաններ այցելելու համար։

Ադրբեջանում Արցախ այցելելը նախկինի պես պատժելի հանցագործություն է համարվում, և խոսքը Ստեփանակերտի վերահսկողության տակ գտնվող տարածքների մասին չէ։  Բաքվում վերջին երեք ամիսների ընթացքում տասնյակ քրեական գործեր են հարուցվել սեփական քաղաքացիների նկատմամբ, որոնք որոշել են չարտոնված այցեր կատարել պատերազմի հետևանքով Ադրբեջանին անցած շրջաններ։ Ակնհայտ է, որ այդ գործերով անցնող անձինք այնտեղ մեկնում էին շահադիտական նպատակով, ինչպես դա սովորաբար լինում է զինված հակամարտություններից հետո։ Sputnik Արմենիայի սյունակագիրը որոշել է ուսումնասիրել իրավիճակը։

Մարտական գործողությունների ավարտից  ու եռակողմ համաձայնագրի ստորագրումից անմիջապես հետո Ադրբեջանի իշխանություններն արգելք մտցրեցին իրենց վերահսկողության տակ անցած շրջաններ այցելելու համար։ Պատճառը ականների վրա պայթելու վտանգն է։ Պաշտոնական վիճակագրության համաձայն՝ նոյեմբերի 10-ից փետրվարի 9-ը մարտական գործողությունների գոտում ականների վրա 74 մարդ է պայթել։ Իսկ եթե հաշվի առնենք, որ փետրվարի 9-ից հետո էլ նման դեպքեր եղել են, ապա կարելի է ենթադրել, որ ականների վրա պայթած մարդկանց թիվը մոտենում է 100-ի։  Նրանցից առնվազն ¼-րդը քաղաքացիական անձինք են։ Մեծամասնությունը՝ հենց այդ արգելքը խախտածները։ Սպառնալիքի մասշտաբները գիտակցելով՝ Իլհամ Ալիևը վերջերս հանձնարարեց ուժեղացնել Ադրբեջանի վերահսկողության տակ գտնվող Արցախի շրջաններ քաղաքացիական անձանց չարտոնված ուղևորությունները կանխող միջոցները։

Նախագահի կարգադրությամբ ավելացվել է անցակետերի քանակը արդեն նախկին շփման գիծ տանող ճանապարհահատվածներում ։ Ցածրադիր շրջաններում տեղադրվել են նախազգուշական նշաններ, որոնք կոչ են անում հիշել ականների մասին։ Դատախազության պատվերով պատրաստվել է մի քանի տեղեկատվական տեսահոլովակ, որոնցում հստակ ցուցադրվում է, թե ինչ է սպասում նրանց, ովքեր խախտում են առանց հատուկ թույլտվության Ղարաբաղ այցելելու հրահանգը։

Խախտողներին սկսել են ավելի խիստ պատժել։ Միայն մարտի 3-ին Ղարաբաղի չթույլատրված այցելության համար ձերբակալվել և պատասխանատվության է ենթարկվել Զոբուջուղ գյուղի 9 բնակիչ։ Դատելով Բաքվի ԶԼՄ-ների հրապարակումներից, մինչ այդ արդեն պատասխանատվության էր ենթարկվել 2 մարդ, որոնք մեղադրվում էին «ռազմական ռեժիմի պահանջները խախտելու» և «ոստիկանությանը չենթարկվելու» համար։ Պատիժները տարբեր են՝ 150 մանաթ (88 դոլար) տուգանքից մինչև 10 օր կալանք։

Ի՞նչն է Ադրբեջանի քաղաքացիներին այդքան ձգում դեպի Ղարաբաղ, չնայած բանտում հայտնվելու կամ, որ ավելի վատ է, ականի վրա պայթելու վտանգին։ Ոմանց դրդապատճառը սովորական հետաքրքրասիրությունն է։ Թարթառի շրջանի բնակիչները լրագրողներին պատմել են, որ որոշ տեղացիներ Ղարաբաղ գնում են պարզապես լուսանկարվելու և սոցիալական ցանցերում լուսանկարը տեղադրելու համար։

Ինչ են թողել հայերը Շուշիում. պատմության ավերակներ, թե ավերակների պատմություն

Կա նաև օրինախախտների մեկ այլ՝ էքստրեմալների տեսակ։ Նրանց դրդապատճառն ադրենալինն է։ Նրանք համար այդպիսի ուղևորությունը մի տեսակ քվեստ է, որի կանոնների համաձայն պետք է հաղթահարել վախը, կարողանալ շրջանցել բոլոր անցակետերն ու հասնել նպատակին։ Մյուս տեսակը Ադրբեջանի վերահսկողության տակ անցած շրջաններում ծնվածներն են։

Նրանք ուզում են գտնել հայրական տան ավերակներն ու նախնիների գերեզմանները։ Բայց ամբողջ պարադոքսն այն է, որ իշխանությունների արգելքը խախտողներից շատ-շատերին գրավում են ոչ թե Աղդամը, Ֆիզուլին կամ Ջաբրայիլը, այլ հայերի կողմից լքված Թալիշն ու Մատաղիսը՝ հյուսիսում, և Հադրութ բնակավայրն ու հարակից գյուղերը՝ հարավի համանուն շրջանում։ Ակնհայտ է, որ այս դեպքերում այցի նպատակը թալանն է։ Մեր օրերում այդ ճանապարհով կարելի է ստանալ ոչ միայն հեռուստացույցներ ու սառնարաններ (ինչպես 90-ականներին՝ առաջին Արցախյան պատերազմի ժամանակ), այլև համակարգիչներ։

Դատելով ԶԼՄ-ներում և սոցիալական ցանցերում հայտնված հրապարակումներից, կողոպուտը Ադրբեջանի վերահսկողության տակ հայտնված տարածքներում բավականաչափ զանգվածային երևույթ է։ Հունվարի սկզբին հայտնի ադրբեջանցի ընդդիմադիր լրագրող և բլոգեր, «Մեյդան TV» ինտերնետ-պարբերականի համահիմնադիր Հաբիբ Մունթազիրը հայտնել էր, որ Մարտունու և Հադրութի շրջանի գյուղերից և Շուշի քաղաքից կազմակերպված կերպով դուրս են բերվում անասուններ, տոննաներով հացահատիկ, գյուղատնտեսական տեխնիկա, քանդված ավտոմեքենաների պահեստամասեր։

Facebook-ի իր էջում լրագրողը գրում է․ «Եթե Ազգային անվտանգության ծառայությունը, Գլխավոր դատախազությունը և զինվորական դատախազությունը չհամագործակցեին գողերի հետ, նրանք հետաքննություն կիրականացնեին և անմիջապես կձերբակալեին այդ մարդկանց: Ստացվում է, որ ադրբեջանական բանակի զինծառայողներն իրենց կյանքը տվել են, որպեսզի գեներալները, ոստիկանապետերը, քաղաքապետերը թալանեն ու վաճառեն թալանը»։ Համացանցում բազմաթիվ նմանատիպ տեսանյութեր կան։

Հետաքրքիր են նաև այդ գրառման տակ Մունթազիրի հայրենակիցների և համախոհների մեկնաբանությունները։

Ահա թե ինչ է գրում Բասատ Թուրխանը․ «Մենք ուզում էինք խանութ մտնել, որպեսզի մի շիշ ջուր ու ծխախոտ վերցնենք, բայց ռազմական ոստիկանությունը թույլ չտվեց։ Մեզ սպառնացին, որ եթե չլքենք այդ վայրը, տրիբունալում կհայտնվենք։ Իսկ հետո մենք տեսանք, որ հենց նրանք էլ մոտ բերեցին բեռնատարը և դատարկեցին խանութը։ Հենց նրանք էլ տանում էին հացահատիկը, ալյուրը և կենդանիներին։ Իսկ ծարավից տանջվող զինվորները ջրազրկվածությունից տերևների վրայից ցողի կաթիլներն էին լպստում․․․»

Ռուսական Նորությունների դաշնային գործակալությունը գրում էր, որ հայկական գյուղերում թալանով էին զբաղվում ոչ միայն զինվորականները, այլև մարտերին մասնակցած վարձկանները՝ թուրքական խմբավորումներից։

Կողոպուտը տարածվում է ոչ միայն մասնավոր սեփականության, այլև մշակութային ժառանգության առարկաների վրա։ Արցախում մի քանի թանգարան է թալանվել։ Եթե Բերձորի և Տիգրանակերտի թանգարանների ցուցանմուշները հասցրել են ժամանակին տարհանել, ապա Շուշիում ամեն ինչ շատ ավելի վատ է։ Այդտեղ 4 պետական և 2 մասնավոր թանգարան էր գործում։ Կարողացել են տարհանել միայն գորգերի թանգարանի ցուցանմուշները։

Հայկական ժառանգության ինքնության խեղաթյուրումը «մշակութային թալանի» փորձ է. ՀՀ ԱԳՆ

Արցախում կորցրած ունեցվածքն ընդհանուր առմամբ գնահատվում է հարյուր միլիոնավոր դոլարներ։ Չի բացառվում, որ ժամանակի ընթացքում Մարդու իրավունքների եվրոպական դատարան համապատասխան հայցեր կլինեն։ Իսկ մինչ հայ իրավաբանները համապատասխան նյութեր են հավաքում՝ ռազմաճակատի գծի մյուս կողմում շարունակվում են «քրեական միսիոներների» չթույլատրված այցերը։

712
թեգերը:
կողոպուտ, թալան, Ադրբեջան, Արցախ
Ըստ թեմայի
Ուժը կորցրած են ճանաչվել Ադրբեջանի վերահսկողության տակ անցած ՀԷԿ–երի լիցենզիաները
Ռուսաստանը զիջե՞լ է Թուրքիային. Մալաշենկոն` հրադադարը վերահսկող կենտրոնի մասին
Արցախի վերահսկողությունից դուրս են մնացել նաև սեյսմիկ կայաններ. ՀՀ ԱԻ նախարարն Արցախում է

Ո՞վ է ավելի թեթև տանում համավարակը. իտալացի գիտնականների հետազոտությունը

10
Իտալացի գիտնականները պարզել են, որ հոգեկան խնդիրներ ունեցողներն այնքան էլ չեն տառապում կորոնավիրուսային սահմանափակումներից։

ԵՐԵՎԱՆ, 6 մարտի - Sputnik. Հանդուգն, անխոհեմ ու լկտի մարդիկ համավարակի ընթացքում շատ ավելի դիմացկուն են։ Տեղեկությունը հայտնում են Ֆիրենցեի համալսարանի իտալացի գիտնականները:

Պարզվել է, որ բնավորության այս գծերով մարդիկ ավելի լավ են տանում սահմանափակումներն ու նրանց մոտ սթրեսի մակարդակը զգալիորեն ավելի ցածր է:

Ուսումնասիրությունը հաստատում է, որ COVID-19-ի պատճառով սոցիալական մեկուսացումը կարող է հանգեցնել լուրջ հոգեբանական խնդիրների՝ սթրեսի ու դեպրեսիայի:

Լկտիությունն ու անխոհեմությունը պսիխոպաթիայի նշաններ են՝ կարեկցանքի արտահայտված բացակայությամբ, սոցիալական գերիշխանությամբ, մանիպուլյատիվությամբ, ինչպես նաև իմպուլսիվությամբ և սուր զգացողությունների ձգտումով։

Գիտնականների եզրակացություններն արվել են ավելի քան 600 մարդու հարցման հիման վրա։ Մասնակիցների միջին տարիքը 31,3  տարեկան է։

Աշխարհում, ԱՀԿ-ի վերջին տվյալներով, 114,4 մլն վարակակիր կա, իսկ Ջոնս Հոպկինսի համալսարանի հաշվարկներով նրանց թիվն արդեն գերազանցել է 115 միլիոնը: Ավելի քան երկուսուկես միլիոն մարդու կյանք բժիշկներին չի հաջողվել փրկել։

Կորոնավիրուսի դինամիկան հասել է 16 տոկոսի. վերահսկողությունը կխստացվի

10
թեգերը:
Իտալիա, աշխարհ, կորոնավիրուս
թեմա:
Կորոնավիրուսը աշխարհում
Ըստ թեմայի
COVID-ին նույնպիսի էվոլյուցիա է սպասում․ բժիշկը խոսել է կորոնավիրուսի ապագայի մասին
Առողջապահության նախկին նախարարը կորոնավիրուսի 3-րդ ալիք չի կանխատեսում
Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը