Ստեփանակերտ

Ինչպես կարող են օտարերկրացիները մուտք գործել Արցախ. նոր ընթացակարգ է գործում

271
(Թարմացված է 20:38 08.02.2021)
Օտարերկրացիներին Արցախ մուտքի թույլտվություն կտրամադրվի 3-4 աշխատանքային օրվա ընթացքում։

ԵՐԵՎԱՆ, 8 փետրվարի – Sputnik. Արցախի ԱԳՆ-ն տեղեկացնում է, որ անվտանգության նկատառումներից ելնելով՝ հետպատերազմական պայմաններում գործում է օտարերկրյա քաղաքացիների՝ Արցախ մուտք գործելու նորացված ընթացակարգ:

«Օտարերկրյա պետությունների քաղաքացիները, որոնք Արցախ այցելելու ցանկություն ունեն, նախապես պետք է դիմեն Արցախի ԱԳՆ մուտքի թույլտվություն ստանալու համար: Այս ընթացակարգը տարածվում է ինչպես այն օտարերկրյա քաղաքացիների համար, որոնք մուտքի վիզա ստանալու կարիք ունեն, այնպես էլ այն պետությունների քաղաքացիների համար, որոնց համար գործում է առանց վիզայի ռեժիմ»,–նշված է հաղորդագրության մեջ։

Դիմումների վերաբերյալ տեղեկատվությունը կփոխանցվի նաև ՌԴ խաղաղապահ ուժերին` հաշվի առնելով անվտանգության նկատառումները։

Հայտերի հաստատումից հետո այդ մասին կտեղեկացվեն դիմում ներկայացրած օտարերկրյա քաղաքացիները, որոնք համապատասխան մուտքի արտոնագրերը կստանան Երևանում՝ Արցախի մշտական ներկայացուցչությունում, որից հետո կարող են ժամանել Արցախ։

Ինչ վերաբերում է ժամկետներին, ապա մուտքի թույլտվությունը կտրամադրվի 3-4 աշխատանքային օրվա ընթացքում։ Երբեմն գործընթացը կարող է ավելի երկար տևել, դիմում ներկայացրած քաղաքացին այդ մասին կտեղեկացվի։

Արցախի ԱԳՆ–ն հայտնում է, որ մեխանիզմը գտնվում է ներդրման փուլում։ Վերջին օրերի ընթացքում նշված ընթացակարգով Արցախ մուտք են գործել մի շարք օտարերկրյա լրատվամիջոցների և միջազգային կազմակերպությունների ներկայացուցիչներ։

271
թեգերը:
Արցախ
Ըստ թեմայի
«Ինձ աշխատանքից չեն հանել, ես Արցախի նախագահի խոսնակը չեմ եղել». Վահրամ Պողոսյան
Գործընթացը սկսված է․ ի՞նչ հետևանքներ կարող է ունենալ Արցախի բանակի վերաձևավորումը
Հարությունյանի նախագահությունը «Անկախ Արցախ» ֆարսի վերջին գործողությունն է. Ղարաբեկյան
Արայիկ Հարությունյան

«Մենք տերն ենք մեր պատմության, հզոր ու լուսավոր ապագայի»․ Արայիկ Հարությունյան

26
(Թարմացված է 15:01 28.02.2021)
Չնայած կրած կորուստներին ու պարտությանը՝ Արցախի նախագահը վստահ է, որ ապագան հզոր ու լուսավոր է լինելու։

ԵՐԵՎԱՆ, 28 փետրվարի – Sputnik․ Արցախի Հանրապետության նախագահ Արայիկ Հարությունյանը Սումգայիթի ջարդերի 33-րդ տարելիցի կապակցությամբ այցելել է Ստեփանակերտի հուշահամալիր, հարգանքի տուրք մատուցել, ծաղիկներ դրել անմեղ զոհերի հիշատակը հավերժացնող հուշակոթողին և գրառում արել Facebook–ի իր էջում։

«Սումգայիթի ջարդերից 33 տարի անց էլ ոչինչ չի փոխվել»,– գրել է նա` նշելով, որ Ադրբեջանն այսօր էլ շարունակում է կոպտորեն խախտել միջազգային իրավունքի բոլոր նորմերն ու սկզբունքները, ոտնահարել մարդու հիմնարար իրավունքներն ու ազատությունները։

«Տասնամյակներ առաջ ժողովրդավարության ուղին բռնած Արցախն այսօր՝ Ադրբեջանի կողմից կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրը, լի է անսասան վճռականությամբ ու հաստատակամությամբ՝ պաշտպանելու իր քաղաքացիների շահերը, հայրենի հողի վրա ազատ ապրելու և սեփական ճակատագիրն ինքնուրույն տնօրինելու հայ ժողովրդի անքակտելի իրավունքը»,- շեշտել է Արցախի նախագահը։

Հարությունյանը նաև լիահույս է՝ ապագան հզոր ու լուսավոր է լինելու։

«Մենք տերն ենք մեր պատմության, որը լի է վայրիվերումներով, կորուստներով ու ձեռքբերումներով, տերն ենք մեր հիշողության, հզոր ու լուսավոր ապագայի»,- եզրափակել է Արցախի նախագահը։

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

26
թեգերը:
Սումգայիթ, Արցախի նախագահ Արայիկ Հարությունյան, Արցախ
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
«Չնայած արհավիրքներին, Արցախը կանգուն է»․ Արցախի ԱԳՆ-ի ուղերձը
ՄԻՊ–ը բոլոր ապացույցներն ունի. Թաթոյանը` հայերի ջարդերի մասին
Արցախի ԱԳՆ

Սումգայիթյան սպանդը մարդկայնության դեմ նոր հանցագործությունների սկիզբ դրեց․ Արցախի ԱԳՆ

20
(Թարմացված է 12:46 28.02.2021)
Անպատժելիության հետևանքով է, որ Ադրբեջանը հրաժարվում է վերադարձնել ռազմագերիներին։ Արցախի ԱԳՆ-ն հերթական անգամ դիմում է միջազգային հանրությանը։

ԵՐԵՎԱՆ, 28 փետրվարի – Sputnik․ Այսօր մեր ժողովրդի ժամանակակից պատմության ամենաողբերգական իրադարձություններից մեկի՝ սումգայիթյան ցեղասպանության անմեղ զոհերի հիշատակի ոգեկոչման օրն է։ Արցախի ԱԳՆ-ն հիշեցնում է, որ 1988 թ. փետրվարի 27-29-ը Ադրբեջանի մայրաքաղաքի մոտ գտնվող Սումգայիթ քաղաքում տասնյակ հայեր սպանվեցին, հարյուրավորները խեղվեցին, տասնյակ հազարներն արտաքսվեցին:

Արցախի արտաքին գերատեսչության մամուլի ծառայության տարածած հաղորդագրության մեջ ընդգծվում է, որ Խորհրդային Ադրբեջանի իշխանությունների հանցավոր թողտվությամբ և իրավապահ մարմինների լիակատար անգործության պայմաններում բազմահազարանոց քաղաքը երեք օր շարունակ տրվեց զինված ջարդարարներին։ Նրանք անպատիժ և հատուկ դաժանությամբ սպանում էին ազգությամբ հայ քաղաքացիներին:

«Սումգայիթյան սպանդը սկիզբ դրեց մարդկայնության դեմ ուղղված հանցագործությունների մի ամբողջ շարքի, որոնք ադրբեջանա-ղարաբաղյան հակամարտության բոլոր փուլերում իրագործվում էին հայ ժողովրդի նկատմամբ Ադրբեջանի պետական քաղաքականության շրջանակներում: ԽՍՀՄ փլուզումից հետո՝ 1988-1991 թթ., ադրբեջանական իշխանությունների կողմից իրականացված ցեղասպանությունը, էթնիկ զտումները և զանգվածային սպանությունները փոխարինվեցին 1991-1994, 2016 և 2020 թվականներին Արցախի Հանրապետության և նրա ժողովրդի դեմ զինված ագրեսիաների ընթացքում կատարված պատերազմական հանցագործություններով»,- նշված է հաղորդագրության մեջ։

ՄԻՊ–ը բոլոր ապացույցներն ունի. Թաթոյանը` հայերի ջարդերի մասին

Այս 33 տարիների ընթացքում ադրբեջանական հայատյաց քաղաքականության հետևանքով հազարավոր հայեր սպանվել են, տասնյակ հազարները՝ հաշմանդամ դարձել, հարյուր հազարները՝ բռնի տեղահանվել և հայրենազրկվել:

«Անպատժելիությունը և միջազգային հանրության կողմից համապատասխան արձագանքի բացակայությունը հանգեցնում էին ագրեսիայի ուժեղացմանը և Արցախի ժողովրդի դեմ Ադրբեջանի կողմից իրագործվող հանցագործությունների ծավալների ընդլայնմանը: Ադրբեջանի իշխանությունների կողմից իրենց հասարակությունում ձևավորվող մարդատյաց մթնոլորտը ստեղծել է մի իրավիճակ, որում ռազմական հանցագործությունները, այդ թվում՝ ռազմագերիներին և քաղաքացիական անձանց ծաղրելը, տանջելը և սպանելը, Ադրբեջանում ընկալվում են որպես նորմալ և ընդօրինակման արժանի արարք»,- շեշտվում է հաղորդագրության մեջ։

ԱՀ ԱԳՆ-ն մատնանշում է՝ ռազմագերիներին և գերեվարված քաղաքացիական անձանց վերադարձնելուց Ադրբեջանի հրաժարումը անպատժելիության և ամենաթողության հարուցած հանցավոր քաղաքականության վառ օրինակ է:

Արցախի արտաքին գերատեսչությունը նաև կոչով դիմում է միջազգային հանրությանը՝ գործուն քայլերով պարտադրելու Ադրբեջանի իշխանություններին հրաժարվել հանցավոր քաղաքականությունից և նախապայմաններ ստեղծել տարածաշրջանում կայուն և երկարաժամկետ խաղաղության հաստատման համար:

Արցախը չի կարող լինել Ադրբեջանի կազմում․ Գարեգին Բ–ն հիշեցնում է վերջին 33 տարիները

20
թեգերը:
Սումգայիթ, Արտաքին գործերի նախարարություն (ԱԳՆ), Արցախ
Ըստ թեմայի
Վարչապետը հարգանքի տուրք է մատուցել Սումգայիթի ոճրագործության զոհերի հիշատակին
Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ
Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան
Ավտոբուս

Գարնան առաջին օրվանից 99 համարի երթուղին Երևանում կսկսի գործել նոր ավտոբուսներով

12
(Թարմացված է 16:19 28.02.2021)
Վարորդները լինելու են հատուկ համազգեստով, ղեկին չեն ծխելու և հեռախոսով չեն խոսելու։

ԵՐԵՎԱՆ, 28 փետրվարի – Sputnik․ Մարտի 1-ից մայրաքաղաքային 99 համարի երթուղին կգործի 13 նոր ավտոբուսներով։ Տեղեկությունը Facebook-ի իր էջում հայտնում է քաղաքապետի մամուլի խոսնակ Հակոբ Կարապետյանը։

Երթուղին սկսվելու է ՀԱԹ Բաբաջանյան փողոցից, անցնելու է քաղաքի կենտրոնով դեպի Քանաքեռ-Զեյթուն։ Երթուղու վերջնակետը Ուռուցքաբանության կենտրոնի մոտ է։ Ավտոբուսներն աշխատելու են առավոտյան 07.15-ից մինչև 23.00։

Քաղաքապետի մամուլի խոսնակը նաև մի քանի «կանոններ» է հիշեցրել, որոնք կարևոր են երթուղու նոր ավտոբուսներից օգտվելու համար։

«Պետք է վճարել նստելիս։ Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ»,- նշում է Կարապետյանը։
Նրա խոսքով՝ ավտոբուսի սրահը տեսահսկվում է՝ ուղևորների և առհասարակ երթևեկության անվտանգության նկատառումներով։

Հատուկ կանոններ են սահմանված նաև վարորդների համար․ նրանք լինելու են համապատասխան համազգեստով, հրահանգավորված են երևեկության ընթացքում չծխելու և հեռախոսով չխոսելու պահանջի մասին։

12
թեգերը:
ավտոբուս, Երևան, Հայաստան