Որոնողական աշխատանքներ, արխիվային լուսանկար

Երեկ աճյուն չի հայտնաբերվել, այսօր շարունակում են փնտրել Հադրութում ու Ֆիզուլիում

101
(Թարմացված է 13:42 07.02.2021)
Նոյեմբերի 13-ից մինչև փետրվարի 6-ը հայտնաբերվել է ընդհանուր 1365 աճյուն: Գտնվել է 9 ողջ մարդ, 7-ը զինծառայող, 2-ը քաղաքացիական անձ՝ հայր և որդի Հադրութից։

ԵՐԵՎԱՆ, 7 փետրվարի – Sputnik․ Երեկ` փետրվարի 6–ին, Արցախում տեղի ունեցած փրկարաորոնողական աշխատանքների արդյունքում որևէ աճյուն չի հայտնաբերվել։ Տեղեկությունը Sputnik Արմենիայի հետ զրույցում ասաց Արցախի ԱԻՊԾ տեղեկատվության և հասարակայնության հետ կապերի բաժնի պետ Հունան Թադևոսյանը։

Որոնողական աշխատանքները ընթացել են Հադրութի և Ջրականի (Ջեբրայիլ) ուղղություններում: Այսօր որոնումները շարունակվելու են Հադրութի և Ֆիզուլիի ուղղություններում:

Նշենք, որ նոյեմբերի 13-ից մինչ օրս իրականացած որոնողական աշխատանքների արդյունքում Արցախում և Ադրբեջանի վերահսկողության տակ անցած տարածքներում հայտնաբերվել է 1365 աճյուն։ Գտնվել է 9 ողջ մարդ, 7-ը զինծառայող, 2-ը քաղաքացիական անձ՝ հայր և որդի Հադրութից։

Արցախում քաղաքացիների ընդունելության կետ է դիմել շուրջ 2.4 հազար մարդ

101
թեգերը:
զինծառայող, Դիակ, աճյուն, Լեռնային Ղարաբաղ, Արցախյան պատերազմ, Արցախ
Ըստ թեմայի
Ի՞նչ է հայտնի Արցախի նախագահի նորանշանակ խոսնակի մասին
«Ինձ աշխատանքից չեն հանել, ես Արցախի նախագահի խոսնակը չեմ եղել». Վահրամ Պողոսյան
Գործընթացը սկսված է․ ի՞նչ հետևանքներ կարող է ունենալ Արցախի բանակի վերաձևավորումը
Ջալալ Հարությունյան

Ջալալ Հարությունյանը բանակի կողքին է, կխոսի վիրահատությունից հետո

16
(Թարմացված է 16:38 28.02.2021)
Կայքի տեղեկություններով՝ ՊԲ նախկին հրամանատարի առողջական վիճակը վատացել է, այդ պատճառով էլ չի մեկնաբանում ԳՇ հայտարարությունը։

ԵՐԵՎԱՆ, 28 փետրվարի – Sputnik․ Արցախի պաշտպանության բանակի նախկին հրամանատար, ՀՀ ՊՆ ռազմական վերահսկողության ծառայության պետ Ջալալ Հարությունյանը Irakanum-ի հետ զրույցում նշել է, որ ինքը բանակի կողքին է։

«Ես ի ծնե բանակային մարդ եմ, բանակի կողքին, և միշտ այդպես է լինելու։ Այս փուլում չեմ տրվելու որևէ սադրանքի»,- ասել է Հարությունյանը՝ պատասխանելով կայքի խնդրանքին՝ մեկնաբանել Գլխավոր շտաբի հայտարարությունը։

Հարությունյանը հայտնել է, որ վիրահատության է պատրաստվում։ Խոստացել է մանրամասն խոսել վիրահատությունից հետո։

Նշենք, որ ավելի վաղ  Irakanum.am-ը հայտնել էր, որ Ջալալ Հարությունյանի առողջական վիճակը վատթարացել է, և նա պատրաստվում է գլխի վիրահատության։

Կայքի տեղեկություններով՝ այս հանգամանքով պայմանավորված՝ Ջալալ Հարությունյանը որևէ կերպ չի մեկնաբանում Գլխավոր շտաբի հայտարարությունը։

16
թեգերը:
Բանակ, Ջալալ Հարությունյան, Արցախ
Արայիկ Հարությունյան

«Մենք տերն ենք մեր պատմության, հզոր ու լուսավոր ապագայի»․ Արայիկ Հարությունյան

27
(Թարմացված է 15:01 28.02.2021)
Չնայած կրած կորուստներին ու պարտությանը՝ Արցախի նախագահը վստահ է, որ ապագան հզոր ու լուսավոր է լինելու։

ԵՐԵՎԱՆ, 28 փետրվարի – Sputnik․ Արցախի Հանրապետության նախագահ Արայիկ Հարությունյանը Սումգայիթի ջարդերի 33-րդ տարելիցի կապակցությամբ այցելել է Ստեփանակերտի հուշահամալիր, հարգանքի տուրք մատուցել, ծաղիկներ դրել անմեղ զոհերի հիշատակը հավերժացնող հուշակոթողին և գրառում արել Facebook–ի իր էջում։

«Սումգայիթի ջարդերից 33 տարի անց էլ ոչինչ չի փոխվել»,– գրել է նա` նշելով, որ Ադրբեջանն այսօր էլ շարունակում է կոպտորեն խախտել միջազգային իրավունքի բոլոր նորմերն ու սկզբունքները, ոտնահարել մարդու հիմնարար իրավունքներն ու ազատությունները։

«Տասնամյակներ առաջ ժողովրդավարության ուղին բռնած Արցախն այսօր՝ Ադրբեջանի կողմից կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրը, լի է անսասան վճռականությամբ ու հաստատակամությամբ՝ պաշտպանելու իր քաղաքացիների շահերը, հայրենի հողի վրա ազատ ապրելու և սեփական ճակատագիրն ինքնուրույն տնօրինելու հայ ժողովրդի անքակտելի իրավունքը»,- շեշտել է Արցախի նախագահը։

Հարությունյանը նաև լիահույս է՝ ապագան հզոր ու լուսավոր է լինելու։

«Մենք տերն ենք մեր պատմության, որը լի է վայրիվերումներով, կորուստներով ու ձեռքբերումներով, տերն ենք մեր հիշողության, հզոր ու լուսավոր ապագայի»,- եզրափակել է Արցախի նախագահը։

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

27
թեգերը:
Սումգայիթ, Արցախի նախագահ Արայիկ Հարությունյան, Արցախ
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
«Չնայած արհավիրքներին, Արցախը կանգուն է»․ Արցախի ԱԳՆ-ի ուղերձը
ՄԻՊ–ը բոլոր ապացույցներն ունի. Թաթոյանը` հայերի ջարդերի մասին