ԵՐԵՎԱՆ, 6 փետրվարի – Sputnik. Արմավիրի մարզից Խծաբերդի ուղղությամբ մղված մարտերում զոհված ինը զինծառայող հետմահու պարգևատրվել են «Արիության համար» մեդալով։ Տեղեկությունը հայտնում է Արմավիրի մարզպետարանի մամուլի ծառայությունը։
Նշվում է, որ ՀՀ Արմավիրի մարզպետ Համբարձում Մաթևոսյանը «Արցախի պահեստազորի սպաների միություն» ՀԿ-ի նախագահ Կարմեն Ասլանյանի և փոխմարզպետ Ալեքսան Ալեքսանյանի հետ այսօր ընդունել են Արմավիրի մարզից Խծաբերդի ուղղությամբ մղված մարտերում զոհված ինը զինծառայողների ծնողներին:
Մաթևոսյանն իր խոնարհումն է հայտնել հերոսածին ծնողներին, նրանց ընտանիքների անդամներին` վստահեցնելով, որ միշտ նրանց կողքին է և պատրաստ` աջակցելու նրանց խնդիրների լուծմանը:
«Արիության համար» մեդալով են պարգևատրվել`
- Հարություն Գևորգի Անդրիասյանը, գյուղ Առատաշեն,
- Սարգիս Վահրամի Հարությունյանը, գյուղ Առատաշեն,
- Անդրանիկ Մարտիրոսի Շահնազարյանը, գյուղ Տանձուտ,
- Արմեն Գուրգենի Մարտիրոսյանը, գյուղ Արգավանդ,
- Սմբատ Միհրանի Ավետիսյան, գյուղ Արգավանդ,
- Ռոման Սուրիկի Մարգարյան, գյուղ Մարգարա,
- Հարություն Սեյրանի Մկրտչյան, գյուղ Նոր Կեսարիա,
- Գևորգ Սեյրանի Արշակյան, գյուղ Մրգաշատ,
- Գարիկ Գրիգորի Բարսեղյան , գյուղ Մրգաշատ։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
ՀԱնհետ կորածների, գերիների ու վիրավորների թվի մասին պաշտոնական տվյալներ չկան։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը
