ԵՐԵՎԱՆ, 2 փետրվարի – Sputnik. Ղարաբաղյան հակամարտության գոտում հրադադարի ռեժիմի վերահսկման ռուս-թուրքական համատեղ կենտրոնի ստեղծումը միանգամայն նորմալ է, և դա ամենևին էլ չի նշանակում, որ Ռուսաստանը զիջել է Թուրքիային։ Ավելի շուտ դա այն մտքի գիտակցումն է, որ Անկարայից ոչ մի տեղ չես փախչի։ Այս տեսակետը Sputnik Արմենիայի հետ զրույցում հայտնեց ռուս արևելագետ Ալեքսեյ Մալաշենկոն։

© Sputnik / Ashot Safaryan

Ալեքսեյ Մալաշենկո

Նրա խոսքով՝ այսօր Ռուսաստանը չի կարող հաշվի չառնել Թուրքիային։ «Թուրքերի հետ հիմա վիճել պետք չէ, դրա համար էլ սա դիվանագիտական քայլ է։ Եվ, ի դեպ, թուրքերն իրենք էլ շատ լավ հասկանում են, որ գլխավոր դերն այնտեղ խաղալու է Ռուսաստանը։ Դրա համար էլ Թուրքիայի ազդեցության հսկայական աճի ոչ մի սպառնալիք ես այստեղ չեմ տեսնում»,-ասաց մասնագետը։

Նրա խոսքով` կենտրոնի ստեղծումը միայն քաղաքական քայլ է, իսկ դրա նշանակությունը կախված կլինի իրական իրավիճակի զարգացումից:

«Սրացում հրահրելու հարցում ո՛չ Ռուսաստանը, ո՛չ Թուրքիան շահագրգռված չեն, քանի որ այդ դեպքում երկուսն էլ միայն տանուլ կտան»,-կարծում է Մալաշենկոն:

Լեռնային Ղարաբաղի հակամարտության գոտում հրադադարի վերահսկողության ռուս-թուրքական համատեղ կենտրոնը բացվել է հունվարի 30-ին Քիամադդինլի բնակավայրի շրջանում` 2020 թվականի նոյեմբերի 11-ին Ռուսաստանի և Թուրքիայի պաշտպանական գերատեսչությունների ղեկավարների կողմից ստորագրված հուշագրի համաձայն:

© Photo : Минобороны России

Ռուս խաղաղապահներն Արցախում վնասազերծել են մոտ 24 հազար պայթուցիկ առարկա

Ադրբեջանական իշխանություններն ու ԶԼՄ-ները, խոսելով կենտրոնի մասին, նշում են, որ այն տեղակայված է Աղդամում (Ակնա), այնինչ Քիամադդինլին գտնվում է Ադրբեջանի Աղջաբեդիի շրջանում, իսկ կենտրոնը` մի քանի կիլոմետր հեռու այդ բնակավայրից` փաստացի Աղդամի շրջանում (ըստ Ադրբեջանի վարչատարածքային բաժանման), բայց ոչ բուն Աղդամ քաղաքում։

Փորձագետների կարծիքով` Ադրբեջանը կենտրոնի տեղակայման վայր է նշում Աղդամը` նախևառաջ հայ հասարակության վրա հոգեբանական ճնշում գործադրելու և իր հասարակության հուզական պահանջները բավարարելու համար:

Նշենք, որ կենտրոնը դիտարկումն իրականացնելու է նաև անօդաչու թռչող սարքերի միջոցով: Ներգրավված են 60 ռուս և 60 թուրք զինծառայողներ։

Ռուս–թուրքական կենտրոնը ֆորմալ բնույթ կրող կառույցի տպավորություն է թողնում

ԵՐԵՎԱՆ, 12 ապրիլի – Sputnik. ԱՀ ՆԳ նախարար Կարեն Սարգսյանի հրամանով Շոշ-Սարուշեն-Կարմիր Շուկա ներպետական մայրուղում տեղակայված ոստիկանական հենակետերում ծառայությունը կշարունակվի ուժեղացված ռեժիմով: Շուրջօրյա դիտարկումներ կատարելու նպատակով, ըստ անհրաժեշտության կավելացվեն հենակետերը: Տեղեկությունը Facebook-ի իր էջում հայտնել է ԱՀ ՆԳ նախարարության տեղեկատվության և հասարակայնության հետ կապերի բաժնի պետ Հունան Թադևոսյանը։

© Photo : Facebook / Վահրամ Պողոսյան

Ադրբեջանցիները կրակել են Արցախի Սարուշեն գյուղի ուղղությամբ

Ապրիլի 7-ին` առավոտյան 09:40-ի սահմաններում, Ադրբեջանի կողմից օկուպացված Սարգսաշեն գյուղի տարածքից, ադրբեջանցիները կրակել էին Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ՝ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ: 

«Ադրբեջանական կողմը կիրառել է գնդացիր, ինչի հետևանքով ջարդվել է Վ.Հարությունյանին պատկանող տրակտորի ձախ կողմի ապակին:
ԱՀ ՆԳ նախարարության ոստիկանության Ասկերանի շրջանային բաժնի հետաքննիչները Շ.Սարգսյանից և Վ.Հարությունյանից բացատրություն են վերցրել, լուսանկարել տեղանքը և տրակտորը, պատրաստել համապատասխան նյութեր, կազմել արձանագրություն՝ ՌԴ խաղաղապահ զորակազմի հրամանատարությանը ներկայացնելու համար»,–գրել է Թադևոսյանը:

Նշենք, որ նշված ճանապարհահատվածում սա հայերի ու ադրբեջանցիների միջև գրանցված 2-րդ միջադեպն է:

Հայերի ու ադրբեջանցիների միջև միջադեպ է տեղի ունեցել Սարուշեն-Կարմիր գյուղ հատվածում