Գագիկ Աղաջանյան

Ապաշրջափակում չի կարող լինել, քանի դեռ գերիների հարցը չի լուծվել․ փորձագետ

248
(Թարմացված է 16:55 27.01.2021)
Ինչ վերաբերում է ճանապարհների ապաշրջափակման շուրջ մտահոգություններին, ապա փորձագետը նշեց, որ դրանք իրենց մեջ ռիսկեր են պարունակում և ՀՀ-ի համար այդքան էլ շահեկան չեն։

ԵՐԵՎԱՆ, 27 հունվարի – Sputnik. Ճանապարհների ապաշրջափակման հետ կապված ոչ մի կոնկրետ քայլ, գործողություն չի կարող իրականացվել, քանի դեռ գերիների հարցը չի լուծվել։ Այս մասին լրագրողների հետ հանդիպման ժամանակ հայտարարեց փորձագետ, «Ապավեն» բեռնափոխադրող ընկերության գործադիր տնօրեն Գագիկ Աղաջանյանը։

«Չի կարող լինել տնտեսական ոլորտում համագործակցություն, երբ մենք այդքան ցավոտ՝ գերիների և աճյունների փոխանակման հարցում համաձայնության չենք գալիս»,- ասաց նա։

Ինչ վերաբերվում է ճանապարհների ապաշրջափակման շուրջ մտահոգություններին, ապա փորձագետը նշեց, որ դրանք իրենց մեջ իրոք ռիսկեր են պարունակում և այդքան էլ շահեկան չեն ՀՀ-ի համար։

«Առաջին հայացքից թվում է, թե ճանապարհ է բացվում. ի՞նչ վատ բան կա դրա մեջ, բայց իմ կարծիքով` ցանկացած ճանապարհ բացելուց առաջ պետք է դիտարկվի այդ ճանապարհի վերականգնման և շահագործման նպատակահարմարությունը, մեր տնտեսության մեջ դրա դերը և նշանակությունը։ «Հայտնի ճանապարհը» չգիտես ինչու` բոլորի մոտ ընկալվում է Հորադիզից երկաթուղային ճանապարհի կառուցումը դեպի Մեղրի, Մեղրիից դեպի նախիջևան, ապա Երասխով Երևան։ Այդ ճանապարհի մասին այսօր խոսել, կամ դնել առհասարակ քննարկման` տեղին չէ, դեռ շատ վաղ է։ Այդ ճանապարհի մասին կարելի է խոսել, դա վերջին թեման է տրանսպորտային կոմունիկացիաների ապաշրջափակման, որի մասին կարելի է խոսել։ Այսինքն Հորադիզից դեպի Երևան ճանապարհը չի վերականգնվելու այլ կառուցվելու է»,-ասաց Աղաջանյանը։

Նա նշեց, որ այս ամենը հակասում է մեր շահերին` ընդգծելով, որ մինչև Հայաստանի շրջափակումը Հայաստանը տարածաշրջանի երկաթուղային խաչմերուկն էր և հարևան երկրները կապում էր իրար։

«Իսկ այս 30 տարվա ընթացքում կառուցվեցին Աստարա-Կաղզվին և Կարս-Ախալքալաք ճանապարհները, որոնք Հայաստանը շրջանցեցին արևելքից և արևմուտքից։ Միակ հատվածը, որ Հայաստանը չի շրջանցվել, դա հարավն է: Եթե դու տալիս ես Մեղրիի միջանցքը, դրանով դու քո ձեռքով իրենց հնարավորություն ես տալիս Հայաստանը շրջանցելու: Մենք ի՞նչ ենք շահելու դրանից, երբ նրանց այդպիսի ճանապարհ ենք տալիս: Բացարձակ ոչինչ չենք շահում»,-ասաց նա:

Գագիկ Աղաջանյանը հավելեց, որ Հայաստանից Ռուսաստան հասնելու համար Աղստաֆով անցնող երկաթուղին գոյություն ունի, որի թողունակությունը շատ բարձր է, բայց մեզ առաջարկում են դեպի հյուսիս՝ Ռուսաստան գնալու համար անցնել դեպի հարավ գնացող ճանապարհով, որը շատ ավելի երկար է, ու ճանապարհն էլ նոր պետք է կառուցվի:

Հիշեցնենք` Նիկոլ Փաշինյանի, Վլադիմիր Պուտինի ու Իլհամ Ալիևի ստորագրած համատեղ հայտարարության մեջ նշված է, որ անհրաժեշտ է ապաարգելափակել բոլոր ճանապարհները։ Խոսքն առաջին հերթին երկաթուղային ճանապարհների մասին է։

Եթե հաջողվի պայմանավորվածությունները կյանքի կոչել, կստանանք հետևյալ պատկերը` Իջևան-Ղազախ երկաթուղային հատված հյուսիսում. այն Հայաստանին հնարավորություն կտա երկաթուղային ելք ունենալ դեպի Ռուսաստան։

Մեղրիով Նախիջևանի Ինքնավար Հանրապետություն գնացող՝ Ադրբեջանի հարավում գտնվող ճանապարհի վերականգնում։ Այնտեղ Թուրքիա  գնացող ավտոմայրուղի կա։

Հայաստանը կարող է դառնալ տարածաշրջանի դուռը. Դանիելյանը`ապաշրջափակման մասին

Հայաստանի Արարատի մարզն ու Նախիջևանը կապող Երասխ – Շարուր անցման ապաարգելափակում։ Հայաստանի համար դա երկաթուղային ճանապարհ է դեպի Իրան ու կարճ ճանապարհ դեպի Սյունիք։

Գյումրուց մինչև Թուրքիայի սահման տանող երկաթուղու բացումը կհանգեցնի Ռուսաստանի ու Թուրքիայի երկաթուղային համակարգերի միավորմանը, նաև կարող է լրացուցիչ միջանցք դառնալ Թուրքիայի ու Ադրբեջանի հաղորդակցության համար։

Այդ ցանցը կարող է համակցված լինել «Հյուսիս-հարավ» (Եվրոպա-Ռուսաստան-Իրան-Հնդկաստան) տրանսպորտային միջանցքի հետ։

Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին

248
թեգերը:
Արցախ, Ադրբեջան, Հայաստան, ռազմագերի, գերի, ապաշրջափակում
Ըստ թեմայի
Ավելի շատ հայանպաստ, քան ադրբեջանամետ. Մարուքյանը` ԵԽԽՎ–ում գերիների հարցի պատասխանի մասին
Շիրակցի 62 գերիների կյանքին ու առողջությանը սպառնալիք չկա. Սուրեն Պապիկյան
ՀՀ ԱԻ նախարարը ՌԴ դեսպանի հետ քննարկել է գերիների վերադարձի հարցը
ԱԻՊԾ աշխատակիցներ

Վարանդայում և Ջրականում հայտնաբերվել է 2 աճյուն. ԴՆԹ կարվի

72
(Թարմացված է 18:45 06.03.2021)
Նախնական տվյալներով` դրանք ռազմական գործողությունների մասնակիցներների աճյուններ են։

ԵՐԵՎԱՆ, 6 մարտի - Sputnik. Արցախի փրկարարներն այսօր որոնողական աշխատանքներն իրականացրել են Ադրբեջանի վերահսկողության տակ անցած Վարանդայի (Ֆիզուլի) և Ջրականի (Ջաբրայիլ) շրջաններում: Տեղեկությունը հայտնում է Արցախի արտակարգ իրավիճակների պետական ծառայությունը։

«Հայտնաբերվել է ևս երկու աճյուն: Նախնական տվյալներով վերջիններս ռազմագործողությունների մասնակիցներ են: Նրանց ինքնությունը պարզելու նպատակով նշանակվել է դատաբժշկական փորձաքննություն»,–նշված է հաղորդագրության մեջ։

Որոնումները կշարունակվեն երկուշաբթի՝ մարտի 8-ին:

Զինադադարից հետո հայտնաբերված զինծառայողների և քաղաքացիական անձանց աճյունների ընդհանուր թիվը 1490 է:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

72
թեգերը:
Պատերազմ, Արցախ, աճյուն
Ըստ թեմայի
Արցախի հարավում իրականացված աճյունների որոնումներն արդյունք չեն տվել
Զինծառայողների աճյուններ կփնտրեն Հադրութի շրջանում և Քաշաթաղի շրջանի հարավային թևում
15–օրյա դադարից հետո Արցախում աճյունների որոնողական աշխատանքները վերսկսվել են
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Հետպատերազմական առողջապահության համակարգը կարդիականացվի. Ավանեսյանն Արցախում է

27
(Թարմացված է 15:02 06.03.2021)
Անահիտ Ավանեսյանին ընդունել է նաև Արցախի նախագահ Արայիկ Հարությունյանը, որն իր երախտագիտությունն է հայտնել Հայաստանի առողջապահության համակարգին ու բժիշկներին։

ԵՐԵՎԱՆ, 6 մարտի - Sputnik. Արցախի և Հայաստանի առողջապահության նախարարները քննարկել են հետպատերազմական Արցախի առողջապահության համակարգի արդիականացման գործընթացը: Տեղեկությունը հայտնում է ՀՀ առողջապահության նախարարությունը` հավելելով, որ Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է:

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

«Նախարարները քննարկել են համավարակով պայմանավորված՝ առողջապահական համակարգի մարտահրավերները, խոսել համատեղ իրականացվող և նախանշված ծրագրերի մասին։ Առողջապահական գերատեսչությունների ղեկավարներն անդրադարձել են նաև վիրավորված զինծառայողների և քաղաքացիական անձանց բուժման, ֆիզիկական ու հոգեբանական վերականգնման ուղղությամբ տարվող աշխատանքներին»,–նշված է հաղորդագրության մեջ։

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Ավանեսյանի գլխավորած պատվիրակությանն ընդունել է ԱՀ պետական նախարար, ֆինանսների նախարար Գրիգորի Մարտիրոսյանը: Օրակարգի վերջում Հայաստանից ժամանած պատվիրակությանն ընդունել է Արցախի նախագահ Արայիկ Հարությունյանը:

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Նա իր երախտագիտությունն է հայտնել Հայաստանի առողջապահության համակարգին ու բժիշկներին, որոնց շնորհիվ պատերազմի օրերին և դրանից հետո էլ հազարավոր կյանքեր են փրկվել ու շարունակում են պայքարել վիրավորների առողջության համար:

Ամեն մեկն իր պատմությունն ունի. արցախյան գորգերը փրկվել են պատերազմից ու հասել Երևան

27
թեգերը:
Պատերազմ, Անահիտ Ավանեսյան, ՀՀ Առողջապահության նախարարություն, Արցախ
Ըստ թեմայի
Զատուլինը խոսել է Արցախը ՌԴ կազմում ներառելու և ռուսերենը պաշտոնական լեզու դարձնելու մասին
Բնակչության տարհանումը պատշաճ չեն կատարել. Արցախի դատախազությունում քրգործ է հարուցվել
Երևանը Մոսկվայի հետ քննարկում է Արցախ մեկնելու ցանկություն ունեցող օտարերկրացիների հարցը
Ծաղիկներ

Ինչպես ծաղկեփնջի օգնությամբ Մարտի 8-ին աղջկան սեր խոստովանել

13
(Թարմացված է 17:53 07.03.2021)
Որ ծաղիկներն ավելի լավ կբացահայտեն նվիրողի զգացմունքները, և ինչ ծաղիկ չի կարելի նվիրել. կանանց տոնին ընդառաջ հետևենք ֆլորիստի խորհուրդներին։

Կարմիր վարդերով ծաղկեփունջը սիրո և հուզականության նշան է, այն մեծ սեր է խորհրդանշում, բաց գույնի վարդերը` դեկորատիվ բաղեղանման խոտով զարդարած, ընկերական կապվածության, հարգանքի, համակրանքի նշան են, մուգ կարմիր վարդերը կարող են ակնարկել խորը և կայուն զգացմունքների մասին, խառը ծաղիկներով ծաղկեփնջերը կպատմեն ընտրյալի նկատմամբ հույզերի բազմակողմանիության մասին, ՌԻԱ Նովոստիի հարցախույզի ժամանակ ասել են էթիկետի գծով փորձագետները։
Կանանց միջազգային օրն ամեն տարի նշվում է մարտի 8-ին։ Այն համարվում է գարնան, կանացի գեղեցկության, նրբության և կնոջ նկատմամբ ուշադրության օր, անկախ նրա կարգավիճակից ու տարիքից։

«Ծաղկեփունջն անկասկած կարող է արտահայտել նվիրողի զգացմունքները։ Օրինակ` կարմիր վարդերը սիրո խորհրդանիշ են։ Բաղեղանման դեկորատիվ խոտով զարդարված նուրբ վարդերը` ընկերական կապվածություն ու սեր են։ Որքան վարդերը մուգ են, այնքան տղամարդու զգացմունքն ավելի կրքոտ է», - ասել է էթիկետի մասնագետ, պատմաբան, գրող Էլեոնորա Բասմանովան։

Միևնույն ժամանակ նա նշել է, որ աղջիկներից շատերը սիրում են Մարտի 8-ին որպես նվեր գարնանային ծաղիկներ ստանալ՝ կակաչ, հակինթ, մանուշակ, քանի որ այդ ծաղիկները խորհրդանշում են անցում ցրտաշունչ ձմռանից դեպի թարմ ու ջերմ գարուն։ «Այդ ծաղիկները ևս քնքշություն են խորհրդանշում ընտրայլի նկատմամբ», - հավելել է Բասմանովան։

Ժամանակակից էթիկետի մասնագետ Տատյանա Բարանովան իր հերթին համաձայնել է, որ ուժեղ զգացմունքները կարելի է փոխանցել կարմիր վարդերի օգնությամբ, կամ կարմիր գույնը ծաղկեփնջի ձևավորման ժամանակ պետք է գերակշռի։ «Քանի որ մեզ համար, մեր մշակույթի համար, այն հուզականության, կրքի, ուժեղ զգացմունքների նշան է», - ասել է Բարանովան` նշելով, որ նման ծաղկեփնջեր գործընկեր կնոջը (նույնիսկ մեծ համակրանքի դեպքում) նվիրելը կոռեկտ չէ։

Միայն կվնասի. նիհարելու ո՞ր եղանակներն է սննդաբանն անիմաստ համարել

Փորձագետի կարծիքով՝ ցուցադրել սիրահարվածությունը, միաժամանակ այնպես անել, որ աղջիկը չկարծի, որ դա պարզապես ունիվերսալ բաց գույնի ծաղկեփունջ է, բավական դժվար է։ Շատ բան կախված է տղամարդու երևակայությունից, չէ՞ որ ծաղկեփունջը պետք է նաև նրան դուր գա։

«Թող այդ ծաղկեփնջի հիմնական գույները լինեն բաց-նուրբ-վարդագույն` մի քանի կարմիր վարդերով համեմված։ Այսինքն` շեշտը չդնել նրա վրա, որ ծաղկեփնջում միայն կարմիր կամ վարդագույն վարդեր են, թող տարբեր լինեն», - եզրափակել է Բարանովան։

 Միևնույն ժամանակ, նրա խոսքով, տղամարդը պետք է հստակ գիտակցի, որ այդ ծաղկեփունջը խոսում է իր զգացմունքների մասին։

13
թեգերը:
սեր, Կին, Ծաղիկ, Մարտի 8
Ըստ թեմայի
Գերեզմանին ծաղիկ դնելու հնարավորություն չկա․ հադրութցիները պահանջում են չզրկել իրենց տնից
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ