Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան
(Թարմացված է 22:10 13.01.2021)
Բեգլարյանը պատրաստվում է դիմել Արայիկ Հարությունյանին, որպեսզի իր ծառայողական մեքենան նույնպես աճուրդի հանեն։ԵՐԵՎԱՆ, 13 հունվարի – Sputnik. Առաջիկայում Արցախի պետական ծառայողական թանկարժեք մեքենաները բաց աճուրդի կդրվեն։ Տեղեկությունը հայտնեց Արցախի նախագահի աշխատակազմի ղեկավար Արտակ Բեգլարյանը` ֆեյսբուքյան իր էջում ուղիղ եթերի ժամանակ պատասխանելով օգտատերերից մեկի հարցին, թե չի՞ կարծում, որ ծառայողական մեքենաները պետք է կրճատվեն։
©
Sputnik / Aram Nersesyan
«Կարծում եմ` պետք է կրճատվեն ծառայողական մեքենաները։ Այս թեմայով Արցախի նախագահ Արայիկ Հարությունյանի հետ քննարկումներ ենք ունեցել, համապատասխան որոշում կա, որը կհրապարակի վերջինս։ Որոշվել է, որ հատկապես թանկարժեք մեքենաները հավաքվելու են և բաց աճուրդի են դրվելու։ Վաճառքից գոյացած գումարները պետբյուջեին կփոխանցվեն հանրային նպատակով օգտագործելու համար»,–ասաց Բեգլարյանը։
Նրա խոսքով` ճիշտ տարբերակը սա է։ Բեգլարյանը նշեց, որ ծառայողական մեքենայի կարիք ինքն էլ ունի, սակայն դիմելու է Արայիկ Հարությունյանին, որ իր ծառայողական մեքենան նույնպես դրվի աճուրդի։ Նախագահի աշխատակազմում կան մեքենաներ, որոնցից էլ անհրաժեշտության դեպքում կօգտվի Բեգլարյանը։
Նա հավելեց նաև, որ կան մարդիկ, որոնք պետական միջոցներին սրտացավությամբ չեն վերաբերվում։
Ադրբեջանը կոպիտ կերպով խախտում է եռակողմ հայտարարությունը. Արցախի ԱԳՆ
Հիշեցնենք, որ դեռ նախորդ տարվա սեպտեմբերին Արցախի նախագահ Արայիկ Հարությունյանը ֆեյսբուքյան գրառմամբ հայտնել էր, որ իր ծառայողական 2 մեքենաները (Տոյոտա LC 200 և էլեկտրամոբիլ) ստացել է բարերարների կողմից:
Ծրագրեր են սկսվել Արցախի վերահսկողությունից դուրս մնացած համայնքների բնակիչների համար
(Թարմացված է 22:08 15.01.2021)
Ծրագրերին դիմելու համար անհրաժեշտ է առձեռն դիմում ներկայացնել զբաղվածության պետական գործակալության տարածքային կենտրոն։ԵՐԵՎԱՆ, 15 հունվարի – Sputnik. Աշխատանքի և սոցիալական հարցերի նախարարությունը տեղեկացնում է, որ պատերազմի հետևանքով Հայաստանում գտնվող Արցախի գործազուրկ քաղաքացիների ժամանակավոր զբաղվածության ծրագրերի դիմումներն արդեն ընդունվում են։
«Աշխատանքային փորձ ձեռք բերելու համար աջակցության տրամադրում» ծրագրում շահառուն կարող է ընդգրկվել մեկ անգամ՝ 3 ամիս ժամկետով: Միջոցառման շրջանակում ամսական կտրվի 100 000 դրամ մաքուր աշխատավարձ, իսկ եկամտային հարկը և պարտադիր վճարների գումարը կփոխհատուցվի գործատուին։
Միևնույն ժամանակ, գործատուի մոտ աշխատանքային փորձի ձեռքբերման գործընթացը կազմակերպող մասնագետը ևս կվարձատրվի՝ ամսական 34 000 դրամի չափով:
Մյուս ծրագիրը «Վարձատրվող հասարակական աշխատանքների կազմակերպում»-ն է, որի շրջանակում արցախցիները հնարավորություն ունեն ընդգրկվել համայնքներում իրականացվող վարձատրվող հասարակական աշխատանքներում և մեկ աշխատանքային օրվա համար ստանալ 8000 դրամ՝ ներառյալ եկամտային հարկը և պարտադիր վճարները:
Նույն անձը չի կարող ընդգրկվել միաժամանակ մեկից ավելի վարձատրվող հասարակական աշխատանքներում։ Ծրագրի առավելագույն տևողությունը երեք ամիս է:
Ծրագրերին կարող են դիմել պատերազմի հետևանքով տեղահանված և Հայաստանում փաստացի գտնվող այն անձինք, որոնք հաշվառված են և մինչև 2020 թ․ սեպտեմբերի 27-ն առնվազն վերջին 3 ամիսը փաստացի բնակվել են Արցախի վերհսկողությունից դուրս մնացած համայնքներում։
Երկու ծրագրի դեպքում էլ անհրաժեշտ է առձեռն դիմում ներկայացնել զբաղվածության պետական գործակալության տարածքային կենտրոն կամ դիմել էլեկտրոնային եղանակով՝ www.employment.am կայքում լրացնելով համապատասխան դիմումը։
Անորոշության շեմին. բերձորցիները լքում են իրենց տները
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։
թեգերը:
Ղարաբաղի հարցը պետք է հասցեագրվի Մինսկի խմբին. Այվազյանի զրույցը ֆինն գործընկերոջ հետ
(Թարմացված է 21:01 15.01.2021)
Արա Այվազյանը որպես հայկական կողմի առաջնահերթություն ընդգծել է ռազմագերիների, պատանդների և պահվող այլ անձանց անհապաղ վերադարձը։
ԵՐԵՎԱՆ, 15 հունվարի – Sputnik. Հայաստանի և Ֆինլանդիայի ԱԳ նախարարներ Արա Այվազյանը և Պեկկա Հաավիստոն հեռախոսազրույց են ունեցել` կարևորելով ԼՂ խաղաղ կարգավորման հարցերի հասցեագրումը ԵԱՀԿ Մինսկի խմբի համանախագահության շրջանակներում: Տեղեկությունը հայտնում է ՀՀ ԱԳՆ մամուլի ծառայությունը։
«Այվազյանն իր ֆինն գործընկերոջը համապարփակ տեղեկացրեց Արցախի դեմ Ադրբեջանի սանձազերծած պատերազմին հաջորդած իրադրության, ձեռքբերված հրադադարի պահպանման և տարածաշրջանում իրավիճակի կայունացման ուղղությամբ ձեռնարկվող քայլերի վերաբերյալ: Այս համատեքստում Այվազյանը որպես հայկական կողմի առաջնահերթություն ընդգծել է ռազմագերիների, պատանդների և պահվող այլ անձանց անվտանգ և անհապաղ վերադարձը»,–նշված է հաղորդագրության մեջ։
Հեռախոսազրույցի ընթացքում արծարծվել են հայ-ֆիննական օրակարգին առնչվող հարցեր: Երկուստեք ընդգծվել է քաղաքական երկխոսությանը նոր թափ հաղորդելու անհրաժեշտությունը, այդ թվում՝ փոխադարձ այցելությունների և քաղաքական երկխոսության ակտիվացման միջոցով:
©
Sputnik / Asatur Yesayants
Անդրադարձ է կատարվել նաև Հայաստան-Եվրոպական Միություն գործընկերությանը և դրա շրջանակներում Հայաստանի և Ֆինլանդիայի միջև համագործակցությանը:
Հիշեցնենք, որ երեկ ԵԱՀԿ գործող նախագահ, Շվեդիայի արտաքին գործերի նախարար Անն Լինդեն Մշտական խորհրդին ներկայացված առաջնահերթությունների շարքում նշել էր ԼՂ հակամարտության կարգավորումը:
Լինդեն շեշտել էր, որ իբրև գործող նախագահ` պատրաստ է անմիջականորեն համագործակցել շահագրգիռ կողմերի հետ։
2021թ. ԵԱՀԿ-ում նախագահում է Շվեդիան:
Արցախի կարգավիճակ ու դեօկուպացիա. Արա Այվազյանն ընդունել է ԵԱՀԿ ՄԽ համանախագահներին
Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան
Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։
©
Sputnik / Asatur Yesayants
«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։
Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։
«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։
Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։
«Հույս չունենաք, որ լավ ենք ապրելու». Վազգեն Մանուկյանը Գյումրիում է
Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են: