Աշոտ Թադևոսյան

Ինչպես մեկնած ձեռքը հայ զինվորի «ցավը տարավ»․ հայտնի լուսանկարի պատմությունը

5887
(Թարմացված է 20:51 01.01.2021)
Sputnik Արմենիան գտել է համացանցում տարածված լուսանկարի հերոսին ու պարզել է՝ ինչ պայմաններում է արվել լուսանկարը ու ինչպես է այն օգնել երկու զինվորներին ընկերանալ։

ԵՐԵՎԱՆ, 1 հունվարի – Sputnik, Նանա Մարտիրոսյան. Արցախյան վերջին պատերազմի մասնակից Աշոտ Թադևոսյանի կյանքում «ցավդ տանեմ» արտահայտությունը բառացի դրսևորում է ստացել։ 18-ամյա տղան պնդում է, որ անծանոթ զինվորը կարողացել է պարզապես իր ձեռքը բռնելով տանել ցավը։

Հոր ձայնը լսվել է. 70 օր անց գտնված Նիկոլայը ծնողներից թաքուն էր ՀՀ քաղաքացիություն ստացել

Սեպտեմբերի 27-ին, առավոտյան ժամը մոտավորապես 07։30-ին հարավային ուղղությամբ գտնվող զորամասում, որտեղ Թադևոսյանը ծառայում էր, պայթյուն հնչեց։ Հակառակորդը հարվածեց զենքի պահեստին։ Աշոտը նորակոչիկ էր․երկու ամիս էր բանակում ծառայում։ Հիշում է՝ ինչպես չորսհարկանի շենքը սկսեց ցնցվել, բոլոր ապակիները հարվածային ալիքից կոտրվեցին։ Նրանց թաքցրեցին նկուղում, իսկ կեսօրից հետո առաջնագիծ տարան։

Ашот Тадевосян
Վիրավոր զինվորները` իրար ձեռք բռնած. հայտնի դարձած լուսանկարը

«Ինտենսիվ հրետակոծություն էր, մեզ ականանետներով էին հարվածում։ Սկզբում հուզված էի, լավ չէի գիտակցում՝ ինչ է տեղի ունենում, բայց վիրավորումը սթափեցրեց ինձ։ Ոմանք վիրավորվելուց հետո կորցնում են գիտակցությունը, բայց ես մանրամասն հիշում եմ՝ ինչպես հարվածային ալիքը մի կողմ նետեց ինձ, ու ես արյան մեջ կորեցի», - պատմում է Աշոտը Sputnik Արմենիայի հետ զրույցում։

Նա իրենց վաշտի առաջին վիրավորն էր։ Հաջորդ օրը լուսաբացին նա արդեն Ստեփանակերտի ճանապարհին էր։ Այդ ժամանակ բժիշկներից մեկը նկատեց՝ ինչպես են երկու զինվոր իրար ձեռք բռնել ու լուսանկարեց։ Լուսանկարը մեծ տարածում գտավ, շատերը հետաքրքրվում էին՝ ինչպես են զինվորներն իրենց զգում, որտեղ են նրանք, ինչ ճակատագրի արժանացան։ Բժիշկը ստիպված էր ջնջել հրապարակումը, սակայն լուսանկարը տարածվեց ու հասավ Աշոտին։

«Քանի որ ոտքս կոտրած էր ու ողնաշարի վնասվածք ունեի, մեքենայի ընթացքն ինձ համար շատ ցավոտ էր։ Բռնվելու տեղ չունեի։ Դիմացս զինվոր էր նստած, որն առաջինն ինձ ձեռք մեկնեց, կամ էլ ինքնաբերաբար բռնեցի նրա ձեռքը, արդեն չեմ հիշում։ Նա տեսավ՝ ինչպես եմ տանջվում ու ամուր բռնեց ձեռքս։ Երբեք չեմ մոռանա՝ ինչպես նա «իմ ցավը տարավ»», - ասաց Աշոտը։

Հիվանդանոցում Աշոտը որոշեց, որ պետք է գտնի այդ զինվորին։ Ճակատագրի բերումով՝ կուրսեցիներից մեկն արդեն Հայաստանում նրան ուղարկեց հայտնի լուսանկարը։ Տղան հրապարակեց այն ու խնդրեց օգնել գտնել իր ձեռքը բռնած զինվորին։ Րոպեներ անց ծանոթ մի աղջիկ նրան սոցցանցի էջի  հղում ուղարկեց, ու Աշոտը ճանաչեց իր օգնականին։ Նրա անունը Գեորգի է։ Նա նույնպես հարավային ուղղությամբ է ծառայել ու նույնպես լուրջ վիրավորում էր ստացել։

Ашот Тадевосян
Աշոտ Թադևոսյանը

«Մենք շփվում ենք։ Արդեն ընկերակցել ենք ու որոշել ենք հանդիպել, հենց երկուսս էլ ապաքինվենք»,  - ասաց Աշոտը։

Ցավոք, չկարողացանք կապ հաստատել Գեորգիի հետ։ Նա շատ համեստ է ու հարցազրույցներ չի տալիս։ Բայց բժիշկի ու նրա հրապարակման շնորհիվ Գեորգին ու Աշոտը հայտնի դարձան հայ հասարակության շրջանում։

Երկրորդ մարտը` հանուն կյանքի. վիրավոր զինծառայողները ժպտում են ու պայքարում. տեսանյութ

5887
թեգերը:
Facebook, Արցախյան պատերազմ, Ստեփանակերտ, բժիշկ, Լուսանկար, Վիրավոր, Զինվոր
Ըստ թեմայի
Շտապել է օգնության, բայց դիվերսանտների ծուղակն է ընկել. ռազմական բժիշկ Սաշա Ռուստամյանը
Մոր երազը և անտառում 70 օր թաքնված Դավիթի ցանկությունը. հնարավոր է` էլի կան ողջ մնացածներ
«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց
Մարտունի. արխիվային լուսանկար

Արցախում ամեն օր նոր տարածքային կորուստներ են գրանցվում. Քոչարյան

172
(Թարմացված է 23:30 27.01.2021)
ՀՀ 2–րդ նախագահի խոսքով` հայտնի են միայն Սյունիքի մարզում առկա կորուստները, մինչդեռ Արցախում ամեն օր նոր տարածքային կորուստներ են գրանցվում:

ԵՐԵՎԱՆ, 27 հունվարի – Sputnik. Արցախի պետականությունից միայն բեկորներ են մնացել: Բայց այն փրկել կարելի է, միայն թե ոչ իշխանությունում այսօր գտնվող մարդկանցով ու նրանց ունեցած գործիքակազմով: Նման տեսակետ է հայաստանյան մի քանի կայքերին տված հարցազրույցում հայտնել ՀՀ երկրորդ նախագահ Ռոբերտ Քոչարյանը:

«Արցախում պետք է փոխվի ամբողջ պետական համակարգը: Ինձ ասում են՝ Սահմանադրությունը թույլ չի տալիս: Արցախի Սահմանադրությամբ Արցախը 12.5 հազար քառ. կմ է: Հիմա 2.5 հազարն է մնացել, ի՞նչ Սահմանադրության մասին եք դուք խոսում»,- ասաց Քոչարյանը:

Նրա խոսքով` շարքային քաղաքացիներին հայտնի են միայն Սյունիքի մարզում առկա կորուստները, մինչդեռ Արցախում ամեն օր նոր տարածքային կորուստներ են գրանցվում:

Ըստ նրա` չի արձանագրվել, թե նոյեմբերի 9-ի դրությամբ կողմերից  որն ինչ դիրքում է մնացել: Ադրբեջանը, այս բացից օգտվելով, ամեն օր առաջ է գալիս, իսկ նրան դիմակայող չկա:

«Ես տեսնում եմ, որ մենք ամեն օր քայլ առ քայլ շարունակում ենք պարտվել»,- ասաց Քոչարյանը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

172
թեգերը:
Սյունիք, Արցախյան պատերազմ, Արցախ, Ռոբերտ Քոչարյան
Ըստ թեմայի
Որևէ կարգավիճակ Ադրբեջանի կազմում անհնար ու անընդունելի է. Արցախի նախագահ
Այվազյանն ու Լավրովը քննարկել են Արցախի վերաբերյալ պայմանավորվածությունների կատարումը
Նշանակվել են Արցախի ոստիկանության ու ԱԻՊԾ ղեկավարներ
Արցախի նախագահի նստավայրը

Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց

463
(Թարմացված է 23:33 27.01.2021)
Ռոբերտ Քոչարյանը հիշեցրեց, որ պատերազմի ժամանակ թիրախավորվել են Ջալալ Հարությունյանի գրասենյակն ու ավտոմեքենան, բազմաթիվ այլ օբյեկտներ, բայց ԱՀ նախագահի նստավայրում անգամ մեկ պատուհան չի կոտրվել։

ԵՐԵՎԱՆ, 27 հունվարի – Sputnik. Արցախի 44-օրյա պատերազմի ժամանակ ՀՀ երկրորդ նախագահ Ռոբերտ Քոչարյանն արձանագրել է՝ պատերազմի ընթացքում Արցախի նախագահի նստավայրի մոտ շուրջ 200 մ շառավիղով որևէ հրթիռ չի ընկել:

Այս մասին Քոչարյանը պատմել է հայաստանյան մի քանի կայքերին տված հարցազրույցում՝ ներկայացնելով այդ փաստի շուրջ իր կասկածները:

«Ամենից անվտանգ տեղը եղել է նախագահական շենքի շուրջը: Ես ոտքով էի քայլում այնտեղ այդ ռմբակոծումների ժամանակ: Երրորդ օրը հասկացել եմ, որ խնայվում է այդ շենքը»,- պատմեց Քոչարյանը՝ հավելելով, որ Արցախում իր պաշտոնավարման տարիներին ԱՀ նախագահական շենքը 12-13 անգամ ռմբակոծության է ենթարկվել:

«Հիմա ինձ մոտ հարց էր առաջանում՝ ինչո՞ւ էր թշնամուն հետաքրքրում Շուշիի մշակույթի տունը, որտեղ ոստիկաններ էին հավաքված ու որը երկու ճշգրիտ հարվածով հողին էին հավասարեցրել, մի քանի տասնյակ մարդ զոհվել էր, կրկնակի ավելի մարդ վիրավորվել: Ինչո՞ւ էր իրենց հետաքրքրում Ջալալի գրասենյակը, որին ուղղակի հարվածել են: Ինչո՞ւ էր հետաքրքրում Ղազանչեցոց եկեղեցին կամ հրամանատարական կետերը Մարտունիում, Հադրութում, Աղդամում, կամ Ջալալի մեքենան, կան Լաչինի կամուրջը, որը երկու հրթիռով ուղղակի քանդեցին, իսկ նախագահի նստավայրը` ոչ»,- ասաց Քոչարյանը՝ դարձյալ շեշտելով, որ նախագահի նստավայրի անգամ մեկ պատուհան չի կոտրվել:

Արցախում ամեն օր նոր տարածքային կորուստներ են գրանցվում. Քոչարյան

«Չեմ կարծում, որ Ադրբեջանը խնայում էր Արայիկ Հարությունյանին»,- հայտարարեց Քոչարյանը՝ միաժամանակ կարծիք հայտնելով, որ խնայում էին այն մարդկանց, ովքեր նստած էին այդ շենքում՝ Նիկոլ Փաշինյանի թիմակիցներին՝ ԱԺ նախագահ, փոխվարչապետ և այլն, ովքեր հերթով այցելում էին Արցախ ու գտնվում ԱՀ նախագահի նստավայրում:

Ըստ նրա՝ կասկած է առաջանում, որ այդ մարդկանց խնայել են իրենց առաքելության համար, որպեսզի պատերազմը կանխորոշվածից այլ ավարտ չունենար:

463
թեգերը:
ռմբակոծություն, Արցախի նախագահ Արայիկ Հարությունյան, Արցախյան պատերազմ, Հայաստան, Ռոբերտ Քոչարյան
Ըստ թեմայի
Արա Այվազյանն Արցախի հուշարձանների հարցը քննարկել է ՅՈՒՆԵՍԿՕ-ի գլխավոր տնօրենի հետ
Բնակարանաշինություն, նոր աշխատատեղեր. Սփյուռքը պատրաստ է օգնել արցախցիներին
Որևէ կարգավիճակ Ադրբեջանի կազմում անհնար ու անընդունելի է. Արցախի նախագահ
Երևան

Մեկ օր էլ ձյուն չի տեղա. եղանակի տեսություն

0
(Թարմացված է 16:37 27.01.2021)
Օդերևութաբանները ներկայացրել են առաջիկա օրերի եղանակային կանխատեսումներն ամբողջ հանրապետության համար։

ԵՐԵՎԱՆ, 28 հունվարի – Sputnik. Հանրապետության տարածքում հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը շրջանների զգալի մասում սպասվում են տեղումներ:

«Սարեր են խոստացել, բայց չեն արել». ինչո՞ւ որոշ հեռուստաընկերություններ զրկվեցին եթերից

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին հարավ-արևմտյան է` 5-10 մ/վ արագությամբ:

Օդի ջերմաստիճանը հունվարի 28-30-ն աստիճանաբար կբարձրանա 5-6 աստիճանով։

Եղանակի կանխատեսում
Եղանակի կանխատեսում

Երևան քաղաքում ևս հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը սպասվում են տեղումներ:

Մայրաքաղաքում հունվարի 28–ի գիշերը կլինի 5-7 աստիճան ցուրտ, իսկ ցերեկային ժամերին կգրանցվի +1....+3 աստիճան։

Պատերազմում վիրավորում ստացած քաղաքացիները կես միլիոն դրամ աջակցություն կստանան

0
թեգերը:
Արցախ, ձյուն, Երևան, Հայաստան, եղանակ
թեմա:
Եղանակը Հայաստանում