Շուշիի Սուրբ Ամենափրկիչ Ղազանչեցոց եկեղեցին

Բաքուն ՅՈւՆԵՍԿՕ-ին չի ենթարկվում․ ինչ պետք է անել Արցախի ժառանգությունը պահպանելու համար

791
(Թարմացված է 00:03 31.12.2020)
Արցախում պատմամշակութային ժառանգության ավելի քան երեք հազար հուշարձան կա (բերդեր, վանքեր, խաչքարներ, տապանաքարեր)։ Բոլորը վաղուց գույքագրված են ու անձնագրեր ունեն։

ԵՐԵՎԱՆ, 29 դեկտեմբերի – Sputnik. ՅՈւՆԵՍԿՕ-ի պատվիրակությունն առանց Բաքվի թույլտվության չի կարող Արցախ այցելել։ Գործին չի օգնի նաև ՅՈւՆԵՍԿՕ-ի փոխարեն նոր միջազգային հանձնաժողովի ստեղծումը, քանի որ Ադրբեջանի վերահսկողության տակ գտնվող ցանկացած տարածք այցելությունը կախված է Բաքվի քաղաքական կամքից։

 Sputnik Արմենիայի հետ զրույցում նման կարծիք հայտնեց Հայաստանի կրթության, գիտության, մշակույթի ու սպորտի փոխնախարար Նարինե Խաչատուրյանը։

Նրա խոսքով` մշակութային և կրոնական ժառանգության հարցը պետք է լուծել նաև սփյուռքի ներուժի օգնությամբ։

Ավելի վաղ ՅՈւՆԵՍԿՕ-ից հայտնել էին, որ մշակութային ժառանգության պաշտպանության առաքելությամբ  փորձագետներին Լեռնային Ղարաբաղ ուղարկելու համար սպասում են Ադրբեջանի պատասխանին։ Ադրբեջանի ԱԳՆ-ն իր հերթին հայտարարել է, որ հարցը քաղաքականացվում է։ Ադրբեջանի արտգործնախարարությունը վստահ է, որ մամուլի համար արված ՅՈւՆԵՍԿՕ-ի հայտարարությունը «չի համապատասխանում Ադրբեջանի ու ՅՈւՆԵՍԿՕ-ի համագործակցության ոգուն»։ Նրանք նշել են նաև, որ համագործակցությունը պետք է կառուցվի անդամ երկրների ինքնավարությունը, տարածքային ամբողջականությունն ու միջազգայնորեն ճանաչված սահմանների անձեռնմխելիությունը հարգելու հիման վրա։

«Նոր, այլընտրանքային հանձնաժողովի ստեղծումը` միջազգային ակտորների ներգրավմամբ, հարցը չի լուծի։ Եթե Ադրբեջանը դեմ է, ոչ ոք չի կարող առանց թույլտվության այցելել նրա վերահսկողության տակ գտնվող տարածքները», - ասաց Խաչատրյանը։

Նրա խոսքով՝ ստեղծված իրավիճակում կրոնական ու մշակութային ժառանգությունը պահպանելու համար Հայաստանը պետք է պայքարի ու առաջ տանի իր դիրքորոշումը միջազգային հարթակում։ Երևանը պետք է փաստերով, գիտական փաստաթղթերով հակազդի Ադրբեջանի` իրականությունը խեղելու քաղաքականությանը։

Արցախի մշակութային ժառանգության փրկության հարցով 150 գիտնականներ դիմել են Հռոմի պապին

Հայկական կողմն այդ նպատակով պետք է օգտագործի սփյուռքի ներուժը, կոնկրետ պետություններում դրա աշխատանքի փորձը։ Խաչատուրյանը նշեց, որ այդ թեման արդեն բարձրացվել է արտաքին գործերի նախարարությունում։ Կա պատրաստի փաստաթուղթ, որտեղ ներառված են Ադրբեջանի վերահսկողության տակ գտնվող բոլոր կրոնական ու մշակութային հուշարձանները։ Այս պահին մշակութային հուշարձանների ցանկի վերջնական ճշտումներ են իրականացվում։

Հայկական կողմն այս համատեքստում կարճ, միջին ու երկարաժամկետ ծրագրեր է կազմում։ Բացի այդ կադաստրն աշխատում է քարտեզով ինտերակտիվ հարթակի վրա, որտեղ ներկայացված են լինելու ադրբեջանական կողմում գտնվող հայկական մշակութային ժառանգության օբյեկտները։

Մկնիկը անվան վրա պահելով՝ հնարավոր կլինի մանրամասն կարդալ դրանցից յուրաքանչյուրի մասին`ինչ տեսակի հուշարձան է, երբ է ստեղծվել և այլն։

«Մի քանի օրից կմախքը կսարքեն, այն մշտապես կթարմացվի, տեղեկությունն էլ կավելացվի» - ասաց Խաչատրյանը։

Հուշարձանների իրական վիճակի մասին այս պահին հայկական կողմը ինֆորմացիա չունի, քանի որ մոնիթորինգի համակարգ չկա։ Ստեփանակերտն ու Երևանը իրավիճակին հետևելու ու գնահատելու հնարավորություն չունեն։

«Մենք մոնիթորինգի հնարավորություն չունենք, չգիտենք՝ հուշարձանների հետ հիմա ինչ է կատարվում։ Տեղյակ ենք միայն մի քանի հուշարձանի ճակատագրի մասին, այն էլ՝ նրանց աղբյուրներից», - ասաց Խաչատրյանը։

Նա կարևորեց պատվիրակությունների այցելություններ այդ շրջաններ՝ հուշարձանների վիճակն արձանագրելու համար։ Այդ ժամանակ կարելի էր համեմատության հիման վրա եզրակացություններ անել։

Արցախում պատմամշակութային ժառանգության ավելի քան երեք հազար հուշարձան կա (բերդեր, վանքեր, խաչքարներ, տապանաքարեր)։ Բոլորը վաղուց գույքագրված են ու անձնագրեր ունեն։

791
թեգերը:
Ադրբեջան, խաչքար, Եկեղեցի, մշակույթ, Լեռնային Ղարաբաղ, Արցախ, ՅՈՒՆԵՍԿՕ
Ըստ թեմայի
Մշակութային ժառանգությունը պետք է պահպանվի. Մակրոնը խոսել է Փաշինյանի և Ալիևի հետ
ՅՈՒՆԵՍԿՕ-ն օգնություն է առաջարկել Արցախի մշակութային հուշարձանների պահպանության համար
Մայր Աթոռում կգործի Արցախի հոգևոր-մշակութային ժառանգության հարցերով գրասենյակ
Լեոնիդ Սլուցկի

Ղարաբաղում գլխավոր խնդիրը լուծված է. Սլուցկին` Պուտինի գործողությունների մասին

16
(Թարմացված է 19:29 20.01.2021)
Ռուսաստանցի պատգամավորի խոսքով` հայ և ադրբեջանցի գործընկերների հետ շփումներում ղարաբաղյան խնդիրը երբեք չի անտեսվել։

ԵՐԵՎԱՆ, 20 հունվարի – Sputnik. Ղարաբաղում արյունահեղությունը կանխելուն ուղղված ՌԴ նախագահի գործողությունները կհամալրեն սառեցված հակամարտությունների կարգավորման քրեստոմատիան։ Այս մասին «Ռոսիա Սեգոդնյա» ՄՏԳ հարթակում կազմակերպած առցանց ճեպազրույցի ժամանակ պատասխանելով Sputnik Արմենիայի հարցին, ասաց Պետդումայի միջազգային գործերի կոմիտեի նախագահ Լեոնիդ Սլուցկին։

«Ղարաբաղում գլխավոր խնդիրն արյունահեղությունը դադարեցնելն էր։ Այդ խնդիրը լուծված է, և ես համոզված եմ, որ եղանակը, որով Ռուսաստանի նախագահը կարողացավ միավորել կողմերին արյունահեղությունը դադարեցնելու նպատակով, կհամալրի սառեցված հակամարտությունների լուծման քրեստոմատիան», – ասաց նա։

Պետդումայի պատգամավորը կարծում է, որ պատերազմից հետո Արցախում հետագա գործողությունները պետք է միտված լինեն տնտեսության վերականգնմանը։ Եվ դա չափազանց բարդ խնդիր է։

Նա ընդգծեց, որ ռուսաստանցի պատգամավորներն իրենց հերթին մշտապես եղել ու շարունակում են շփման մեջ մնալ հայ և ադրբեջանցի գործընկերների հետ։ Միևնույն ժամանակ խորհրդարանականները չեն անտեսել այնպիսի նուրբ ու բարդ գործը, ինչպիսին է Ղարաբաղյան հակամարտությունը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

16
թեգերը:
Լեոնիդ Սլուցկի, Պատերազմ, Ղարաբաղյան հակամարտություն, Լեռնային Ղարաբաղ, Վլադիմիր Պուտին
Ըստ թեմայի
Պուտինն Անվտանգության խորհրդի հետ քննարկել է Փաշինյանի ու Ալիևի հետ հանդիպման արդյունքները
Պուտինն Էրդողանին հայտնել է մոսկովյան եռակողմ հանդիպման արդյունքների մասին
Ռուսաստանն ԱՄՆ-ին և Ֆրանսիային տեղեկացրել է Պուտին-Փաշինյան-Ալիև հանդիպման մասին
Նիկոլ Փաշինյան, արխիվային լուսանկար

«Մոտ 1300 քրեական գործ կա»․ Փաշինյանը պատասխանեց՝ ինչու իր ասած դավաճանները չեն պատժվել

67
(Թարմացված է 17:55 20.01.2021)
Վարչապետի խոսքով՝ իր հայտարարությունների մի մասի հետքերով արդեն քրեական գործեր են հարուցված։ Փաշինյանը համաձայն է, որ նախաքննական գործընթացը դանդաղ է ընթանում։

ԵՐԵՎԱՆ, 20 հունվարի – Sputnik. ՀՀ վարչապետ Նիկոլ Փաշինյանն այսօր Ազգային ժողովում, պատասխանելով «Բարգավաճ Հայաստան» խմբակցության ԱԺ պատգամավոր Հրանտ Մադաթյանի հարցին, թե ինչու վարչապետի ասած դավաճաններն ու երկիրը ծախողները չեն պատժվել, հայտարարեց` պատերազմի հետ կապված մոտ 1300 քրեական գործ է հարուցված, ընթանում է նախաքննություն։

«Իմ հայտարարությունների մի մասի հետ կապված կան արդեն քրեական գործեր, ընթանում են քննություններ, և ես հույս ունեմ, ավելի ճիշտ՝ համոզված եմ, որ դրանք կտան շատ հարցերի պատասխաններ», - ասաց Փաշինյանը։

Նա համաձայնեց, որ նախաքննական գործընթացը դանդաղ է ընթանում։

Փաշինյանը խորհրդակցություն է անցկացրել ՀՀ աշխատանքի և սոցիալական հարցերի նախարարությունում

«Տեմպերի հարցը կա, միայն դուք չեք այդ հարցը բարձրացնում, մենք պետք է ամեն ինչ անենք, որ բոլոր հարցերը հնարավորինս շուտ լուծվեն», - ասաց վարչապետը։

Հիշեցնենք՝ նոյեմբերի 10-ին` ժամը 00:18-ին, ԼՂ շուրջ եռակողմ հայտարարության ստորագրումից րոպեներ անց վարչապետ Նիկոլ Փաշինյանը Facebook-ի ուղիղ եթերում հայտարարեց, որ հայ ժողովուրդն Արցախը կորցրել է դավաճանների ու երկիրը ծախողների պատճառով։

Փաշինյանն ուզում է նիդեռլանդական ընկերությունների ուշադրությունը հրավիրել Հայաստանի վրա

67
թեգերը:
Պատերազմ, Նիկոլ Փաշինյան, Արցախ, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Պետք է ուշադիր լինել քննադատությունների նկատմամբ. Փաշինյանը ներկայացրել է նոր նախարարին
Ինչպես է փոխվել Փաշինյանի կառավարության կազմը պատերազմից հետո
Պետական կառավարման համակարգը շոկի մեջ է, ռեստարտի կարիք կա. Նիկոլ Փաշինյան
Տիգրանաշեն. 11 հունվարի, 2021

«Հերիք է ասեք՝ Շուռնուխ». Փաշինյանը չասաց` Տիգրանաշենին սպառնո՞ւմ է Շուռնուխի ճակատագիրը

0
(Թարմացված է 19:44 20.01.2021)
Նիկոլ Փաշինյանը հարցնում է` ինչո՞ւ ԱԺ ամբիոնից որևէ մեկը հարց չի բարձրացնում ՝ Արծվաշեն գյուղի հետ ի՞նչ է լինելու:

ԵՐԵՎԱՆ, 20 հունվարի - Sputnik. ՀՀ վարչապետ Նիկոլ Փաշինյանն Ազգային ժողովում հարցուպատասխանի ժամանակ խուսափեց հստակ պատասխանել ԲՀԿ–ական պատգամավոր Իվետա Տոնոյանի այն հարցին, թե արդյո՞ք Տիգրանաշենին սպառնում է նույն ճակատագիրը, որը բաժին հասավ Շուռնուխ և Որոտան համայնքներին:

«Երբեմն տպավորություն է ստեղծվում` ասվում են բաներ, որոնց բովանդակության նպատակը պետք է շատ լուրջ հասկանալ։ Շուռնուխի ճակատագիրը որոշել եք դուք՝ 2010 թվականին «Վարչատարածքային բաժանման մասին» օրենքին կողմ քվեարկելով: Այն ժամանակ, որ ընդունում էիք այս օրենքը, դրա մասին չէի՞ք մտածում»,–ասաց Փաշինյանը։

Նա նշեց, որ հակամարտությունը դեռ լուծված չէ, և կան բազմաթիվ հարցեր, որոնք լուծված չեն։ Փաշինյանը հարցրեց, թե ինչո՞ւ ԱԺ ամբիոնից որևէ մեկը հարց չի բարձրացնում ՝ Արծվաշեն գյուղի հետ ի՞նչ է լինելու:

«Հերիք է ասեք՝ Շուռնուխ, Շուռնուխ։ Դուք եք որոշել, որ ճանապարհից այն կողմ Ադրբեջանն է։ Է, կողմ չքվեարկեիք»,–հավելեց նա։

Փաշինյանն ասաց` Տավուշի, Սյունիքի, Վայոց ձորի մարզերում կան տարածքներ, որոնք մինչ օրս գտնվում են ադրբեջանական վերահսկողության ներքո. ինչո՞ւ նման հարցեր չեն բարձրացնում։

Նշենք, որ նոյեմբերի 9-ի եռաոկղմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Անհեթեթ վիճակ. շուռնուխցու գոմի կեսը մնացել է հայկական, մյուս կեսը` ադրբեջանական տարածքում

Հունվարի 5-ին Շուռնուխ գյուղի 12 տներ հանձնվեցին ադրբեջանցիներին։ Գյուղի այդ հատվածում ադրբեջանական զինծառայողներ են տեղակայվել։

0
թեգերը:
Նիկոլ Փաշինյան, ԱԺ, Տիգրանաշեն, Շուռնուխ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ուշադիր եղեք՝ էրեխեքը ճանապարհը չանցնեն․ ինչպես են Շուռնուխում «դիմավորել» ադրբեջանցիներին
Ինչպե՞ս լուծել Շուռնուխի և Որոտանի խնդիրը. Մարուքյանն առաջարկ ունի
Շուռնուխցիներին խոստացել են 12 նոր տուն կառուցել գյուղում. տեսանյութ