Հադրութ. արխիվային լուսանկար

Հնարավոր է` ողջ մնացածներ կան. Ադրբեջանը չի թույլատրել որոնողական խմբին Հադրութ մտնել

711
(Թարմացված է 17:43 28.12.2020)
Առավոտյան դեպի Հադրութ է մեկնել որոնողափրկարարական երեք ջոկատ։ Նրանց մի քանի ժամ սպասեցնելուց հետո ադրբեջանական կողմը հետ է ուղարկել` չթույլատրելով այնտեղ աշխատանքներ իրականացնել։

ԵՐԵՎԱՆ, 28 դեկտեմբերի – Sputnik. Ադրբեջանական կողմը չի թույլատրել այսօր Հադրութի ուղղությամբ որոնողափրկարարական աշխատանքներ իրականացնել։ Տեղեկությունը Sputnik Արմենիային հայտնեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը։

«Առավոտյան Արցախի արտակարգ իրավիճակների պետական ծառայության 3 խումբ մեկնել է Հադրութի ուղղությամբ որոնողափրկարարական աշխատանքներ իրականացնելու։ Սակայն մինչ այս պահը որևէ կապ չէր հաջողվում հաստատել նրանց հետ։ Քիչ առաջ կապ հաստատեցինք, և ասացին, որ նրանց չեն թույլատրել մտնել Հադրութի տարածք»,–ասաց Թադևոսյանը։

Նա հայտնեց, որ ուշագրավ է այն հանգամանքը, որ այսօր առավոտյան թույլտվություն եղել է Հադրութում որոնողափրկարարական աշխատանքներ կատարելու համար։ Թադևոսյանն ասում է` խմբերը գնացել են մինչև Դրախտիկ գյուղ (Մարտունուց դեպի Հադրութ առաջին գյուղն է), և պետք է ինչպես դիեր, այնպես էլ ողջերի փնտրեին։ Խմբերին մի քանի ժամ սպասեցրել են, որից հետո հայտնել` Հադրութ այսօր չեն մտնելու։

Հայկական կողմը չէր կարող որևէ հստակ տեղեկություն ունենալ Տող գյուղից. վերլուծաբան

Հարցին, թե սա առաջի՞ն դեպքն է, որ հետ են ուղարկում որոնողափրկարարական խմբերին, Թադևոսյանը պատասխանեց, որ ոչ, նման դեպքեր էլի են եղել։ Այսինքն` ամեն անգամ, երբ ինչ–որ միջադեպ է եղել սահմանապահների կամ զորքի միջև, նորից դադարեցրել են, սակայն կամ կանխավ են զգուշացրել, որ պետք է չեղարկվեն աշխատանքները, կամ էլ գոնե կես ճանապարհից են հայտնել այդ մասին։

Նշենք, որ ադրբեջանական կողմը լուրեր էր տարածել, որ իր վերահսկողության ներքո գտնվող Հադրութի շրջանի Տող գյուղի մոտակայքում հայ և ադրբեջանցի զինվորականների միջև մարտեր են վերսկսվել։ Թե որքանո՞վ սա կարող է կապ ունենալ Հադրութում որոնողափրկարարական աշխատանքների չեղարկման հետ հարցին Թադևոսյանը պատասխանեց, թե կա վարկած, որ Ադրբեջանի վերահսկողության ներքո գտնվող բնակավայրերի խորքում մնացած զինվորներ կան։

«Սա ամենահավանական վարկածն է, որն այս պահին քննարկվում է, և գուցե հենց այս պատճառով էլ չեն թույլատրել որոնողափրկարարական աշխատանքներ իրականացնել այս տարածքում»,–ասաց Թադևոսյանը։

Նա հավելեց նաև, որ մինչ այս ոչ միայն Տող գյուղի ներսում, բնակարաններում, նկուղներում են որոնողափրկարարական աշխատանքներ իրականացվել, այլ նաև գյուղի անտառային և լեռնային հատվածներում։ Սակայն այդ հատվածում ողջ մնացածների հետքեր չեն եղել, բացի երկու քաղաքացիներից, որոնց վերջերս են հայտնաբերել։

Հիշեցնենք, որ Արցախի պաշտպանության բանակը հերքել էր ադրբեջանական կողմի լուրերը` հայտնելով, որ ՊԲ որևէ ստորաբաժանում, որևէ զինծառայող որևէ գործողության չի մասնակցել, որևէ արտակարգ պատահար չի գրանցվել և հայկական կողմից անգամ մեկ կրակոց չի արձակվել։

Ռուս խաղաղապահները դիմում են ստացել 540 անհետ կորած հայ զինծառայողի մասին

Դեկտեմբերի 21-ին հայտնի դարձավ, որ 61 օր անհայտության մեջ գտնվող 2 քաղաքացի է հայտնաբերվել։ Որոնողափրկարարական աշխատանքների արդյունքում հայտնաբերված 2 քաղաքացի՝ հայր և որդի Միքայել և Գեղամ Պետրոսյանները, ռուս խաղաղապահների և Կարմիր խաչի միջազգային կոմիտեի ներկայացուցիչների ուղեկցությամբ տեղափոխվել են Ստեփանակերտ։

Հավելենք, որ Արցախում պատերազմական գործողություները դադարեցվել են Հայաստանի, Ռուսաստանի ու Ադրբեջանի միջև նոյեմբերի 9-ին ստորագրված հրադադարի հայտարարությունից հետո։

711
թեգերը:
Արցախ, Հայաստան, Ադրբեջան, Հադրութ
Ըստ թեմայի
ԶԼՄ-ները հայտնում են Հադրութում հայ-ադրբեջանական վերսկսված մարտերի ու զոհերի մասին. ՊՆ
Որքան կավելանա «1000 դրամների» հիմնադրամին վճարվող գումարը. Բադասյանը ներկայացրեց թվերը
Որևէ հարձակում չի եղել. Արցախի ՊՆ–ն հերքում է Ադրբեջանի տարածած տեղեկությունը
Լաչինի միջանցք

Ղարաբաղում կրկին ադրբեջանցիներ են մահացել․ այս անգամ՝ ՃՏՊ–ի հետևանքով

333
(Թարմացված է 23:18 16.06.2021)
ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

ԵՐԵՎԱՆ, 16 հունիսի - Sputnik. Լաչինի շրջանում ՃՏՊ-ի հետևանքով ադրբեջանցի երկու զինծառայողներ են մահացել։ Տեղեկությունը հայտնում է Sputnik Ադրբեջանի Telegram-ալիքը։

Նշվում է, որ պատահարը տեղի է ունեցել այսօր՝ ժամը 16:40-ի սահմաններում, Պետական սահմանային ծառայության սահմանապահ զորքերի «Գուբադլի» առանձին սահմանային բաժնի հատվածում:

Ադրբեջանի ՄԻՊ-ը հայտնել է, թե պատերազմից հետո քանի ադրբեջանցի է պայթել ականի վրա

ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

Նրանց անունները հայտնի են՝ ավագ լեյտենանտ Էլմեդդին Նասիբով և ենթասպա Ջամալ Ջամալլի:

Նախաքննություն է ընթանում։

Նշենք, որ հակամարտության գոտում հաճախ են միջադեպեր տեղի ունենում։

2020–ի դեկտեմբերի 14-ին Աղդամում ականի պայթյունից մեկ ադրբեջանցի էր մահացել, ևս երկուսը վիրավորվել էին։ Հունվարի 1-ին էլ Ֆիզուլու շրջանում մի ադրբեջանցի էր պայթել ականի վրա, նրա 2 ոտքերն անդամահատել էին։ Հունվարի 21–ին զինծառայող Ռաշադ Ջավադովն էր Ֆիզուլու շրջանում պայթել ականի վրա։ Նույն օրը ճանապարհաշինության աշխատանքների ժամանակ ականի վրա պայթել էր 41-ամյա Ալիյար Օջագվերդիևը, իսկ Կուբաթլուում ականի պայթյունի հետևանքով մահացել էր մայոր Մուխթարով Սարխան Իլգար օղլուն։

Հունվարի 29–ին հերթական ադրբեջանցին էր պայթել ականի վրա, նրա ոտքն ամպուտացրել էին։ Փետրվարի 3-ին երեք ադրբեջանցիներ պայթել էին ականի վրա Ֆիզուլիում (Վարանդա), նրանցից մեկը տեղում մահացել էր։ Փետրվարի 7-ին նույն շրջանում մեքենան պայթել էր հակատանկային ականի վրա, մեկ քաղաքացի մահացել էր, երկուսը` անհետ կորել։ Փետրվարի 19-ին Թալիշ գյուղում էր պայթել մեկ ադրբեջանցի։ Փետրվարի 25-ին նման միջադեպ էր տեղի ունեցել Ջրականում (Ջաբրայիլ), մարտի 3-ին և 15–ին` Ակնայում (Աղդամ)։

Ադրբեջանական ԶԼՄ-ները նշում են, որ քաղաքացիները հաճախ փորձում են ներխուժել Ադրբեջանի վերահսկողության տակ անցած տարածքներ ՝ առանց իշխանությունների թույլտվության:

Ադրբեջանցի պաշտոնյան Աղդամում պայթել է ականի վրա

333
թեգերը:
Մահ, զինծառայող, Ադրբեջան
Սերժ Սարգսյան. արխիվային լուսանկար

«Անհետ կորածների թիվը 1064 է»․ Սերժ Սարգսյանը փաստաթուղթ է հրապարակել

217
(Թարմացված է 21:39 16.06.2021)
Սարգսյանի հրապարակած փաստաթուղթը Զինծառայության ապահովագրման հիմանդրամի հաշվետվությունն է, որտեղ գրված է նվիրատվությունների քանակը ծանր վիրավոր և անհետ կորած զինվորների ընտանիքներին։

ԵՐԵՎԱՆ, 16 հունիսի - Sputnik. Արցախյան 44–օրյա պատերազմում անհետ կորածների թիվը 1064 է։ Նման հայտարարություն է արել ՀՀ երրորդ նախագահ Սերժ Սարգսյանը այսօր Կոտայքի մարզում իր համակիրների հետ հանդիպման ժամանակ։

«Իմ հեռախոսում կա մի փաստաթուղթ, որը խոսում է սրանց շանտղության մասին։ Անհետ կորածների թիվը 1064 է: Այս չմարդը, այս ստահակը (նկատի ունի ՀՀ վարչապետի պաշտոնակատար Նիկոլ Փաշինյանին,–խմբ), ելույթ ունենալով ԱԺ-ում հայտարարում է, որ անհայտ կորածների թիվը 321 է: Հիմա սրան ի՞նչ ասես», - ասել է Սարգսյանը։

Ապա Սերժ Սարգսյանը ցույց է տվել իր կողմից հիշատակված փաստաթուղթը։ Դա Զինծառայության ապահովագրման հիմնադրամի հաշվետվությունն է, որտեղ գրված են նվիրատվությունների քանակը ծանր վիրավոր և անհետ կորած զինվորների ընտանիքներին։

Համաձայն թղթի՝ անհայտ կորածների թիվը 1064 է, ծանր վիրավորում ստացածներինը՝ 265: Փաստաթուղթը ստորագրված է հիմնադրամի տնօրենի՝ Վարուժան Ավետիքյանի կողմից։

«Բա մեզ չի ընդունում, ո՞ւմ պիտի ընդունի». անհետ կորածի հայրը` Նիկոլ Փաշինյանի մասին

217
թեգերը:
Արցախյան պատերազմ, փաստաթուղթ, անհետ կորած, Սերժ Սարգսյան
Ըստ թեմայի
«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
Чемпион молодежного Чемпионата Европы по вольной борьбе Арен Исраелян

Հայաստանի փառահեղ հաջողությունը. Արեն Իսրայելյանը ևս ոսկե մեդալակիր դարձավ ԵԱ–ում

24
(Թարմացված է 00:10 17.06.2021)
Հայաստանի պատանեկան հավաքականը թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

ԵՐԵՎԱՆ, 17 հունիսի – Sputnik. Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը: Ազատ ոճային Արեն Իսրայելյանը (71կգ) առաջնության ոսկե մեդալակիր դարձավ՝ եզրափակիչում 12:1 հաշվով առավելության հասնելով ռուս մրցակցի նկատմամբ: Տեղեկությունը հայտնում է Հայաստանի ըմբշամարտի ֆեդերացիան։

Հայկ Գասպարյանը (45կգ) դարձավ արծաթե մեդալակիր, իսկ Տիգրան Բունիաթյանը (51կգ)` բրոնզե մեդալակիր։

Հիշեցնենք` 55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող:

Այսպիսով, ազատ ոճի ըմբշամարտի Հայաստանի պատանեկան հավաքականը ԵԱ-ի թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

24
թեգերը:
մեդալ, ըմբշամարտիկ, Հայաստան
Ըստ թեմայի
Ամեն ինչ՝ հեծանվորդների համար. երևանցի ամուսինների վանաձորյան նախագիծը
Արոնյանը զբաղեցրեց երկրորդ հորիզոնականը «Grand Chess Tour»-ում
Հայտնի է «Ալաշկերտի» մրցակիցը Չեմպիոնների լիգայում