Արցախ

Ադրբեջանցիները Եղցահողից 4 կմ հեռու են քաշվել․ Շուշիի շրջանի գյուղերում հանգիստ է

2438
(Թարմացված է 21:20 25.12.2020)
Ռուս սահմանապահները հենակետ են դրել Հին Շեն գյուղում, այնտեղ էլ, ինչպես և մյուս երկու գյուղերում, անվտանգությունն ապահովում են նաև հայ զինվորականները։

ԵՐԵՎԱՆ, 25 դեկտեմբերի – Sputnik. Շուշիի շրջանի վարչակազմի ղեկավարի տեղակալ Վյաչեսլավ Գաբրիելյանը Sputnik Արմենիայի հետ զրույցում վստահեցրեց, որ Շուշիի շրջանի` հայկական վերահսկողության տակ գտնվող երեք գյուղերում անվտանգությունն ապահովված է։

«Հին Շեն գյուղում իրավիճակը նորմալ է։ Ես ինքս երկրորդ անգամ եմ գնացել այնտեղ, բնակիչներն այնտեղ են, երեխաներն այնտեղ են։ Ռուս խաղաղապահները կանգնած են դպրոցի կողքին։ Կյանքի համար բոլոր պայմանները կան, անվտանգությունն ապահովվում է»,-ասաց Գաբրիելյանը։

Գյուղից ոչ հեռու ադրբեջանական դիրքերն են, սակայն անվտանգությունը ռուս զինծառայողների հետ միասին գյուղում ապահովում են նաև հայ զինվորականները:

Բնակչության վերադարձի հետ կապված խնդիր առայժմ կա մեկ այլ գյուղում՝ Մեծ Շենում։ Այն բանից հետո, երբ ավելի վաղ ադրբեջանցիները մոտեցել էին գյուղին, բնակչությունը երկրորդ անգամ էր դուրս եկել այնտեղից։ Հիմա նրանք հեռացել են գյուղից, բայց մարդիկ դեռ չեն վերադարձել, բնակավայրում մի քանի մարդ է մնացել։

«Մարդիկ կարող են հանգիստ երթևեկել Հին Շենի և Եղցահողի միջև ընկած ճանապարհով։ Այսինքն՝ այս փուլում անվտանգություն կա»,-նշեց Գաբրիելյանը։

Կապանի քաղաքապետն առաջարկում է զենք կրելու թույլտվություն տալ Սյունիքի բնակիչներին

Եղցահող համայնքի ղեկավար Արտակ Հակոբյանն էլ Sputnik Արմենիային հայտնեց, որ գյուղը պահպանում են հայկական ստորաբաժանումները: Ադրբեջանցիներն ավելի վաղ փորձել են գրավել գյուղը, բայց հայկական կողմը խաղաղապահներին ապացուցել է, որ Եղցահողը պետք է մնա հայերի ձեռքում։

«Հիմա նրանք (ադրբեջանցիները. խմբ․) գյուղից մոտ 4 կմ են հեռու։ Նրանք իրենց դիրքերում են կանգնած, մենք՝ մեր։ Բոլոր գյուղերի հետ կապ կա։ Իրավիճակը կայուն է։ Ադրբեջանցիների կողմից նույնպես հանգիստ է»,-ասաց Հակոբյանը։

Ավելի վաղ գյուղից հեռացած բնակչությունը, մասնավորապես կանայք և երեխաները, սկսել էին աստիճանաբար վերադառնալ։ Հունվարից դպրոցներում կսկսվեն կանոնավոր դասերը։ Այսօր, օրինակ, երկու ընտանիք է գյուղ վերադարձել։

Համայնքում ընդհանուր առմամբ 180 մարդ կա, այս պահին գյուղում են մոտ 60–ը։ Լուրջ խնդիրներ չկան, ջուր և էլէկտրականություն կա, մի քանի օր առաջ նաև գազն են միացրել։

Ավելի վաղ Ադրբեջանի Զինված ուժերը վերահսկողության տակ էին վերցրել Շուշիի շրջանի Հին Շեն գյուղը Բերձոր-Շուշի մայրուղու հետ կապող և Մեծ Շեն գյուղ տանող միակ ճանապարհը: Ավելի ուշ ռուս խաղաղապահները հասան նրան, որ ադրբեջանցիները հեռանան այնտեղից և բուն գյուղերից։

Դեկտեմբերի 17-ին փոխվարչապետ Տիգրան Ավինյանը հայտարարեց, որ Շուշիի շրջանի Հին Շեն գյուղում տեղակայված են ռուս խաղաղապահներ:

2438
թեգերը:
Եղցահող, Գյուղ, Շուշի, Արցախ
Ըստ թեմայի
Արցախյան պատերազմի մի քանի շաբաթվա վնասը համեմատելի է մի քանի տարվա ՀՆԱ-ի հետ. պետնախարար
35-45 հազար մարդ է զրկվել տանիքից․ Մարտիրոսյանն այն մասին, թե երբ ուշքի կգա Արցախը
«Տեղացու» համախտանիշ, կամ պառակտումը մեզ կհասցնի ինքնաոչնչացման
Արխիվային լուսանկար. 20 նոյեմբերի, 2020, Ստեփանակերտ

Մեկ օրում Արցախ է վերադարձել 220-ից ավելի բնակիչ

20
(Թարմացված է 21:21 25.01.2021)
Խաղաղապահ առաքելության ընթացքում Լեռնային Ղարաբաղում վնասազերծվել է 23 813 պայթյունավտանգ առարկա։

ԵՐԵՎԱՆ, 25 հունվարի – Sputnik. 222 արցախցիներ խաղաղապահների ուղեկցությամբ Հայաստանից վերադարձել են Արցախ։ Տեղեկությունը հաղորդում է Ռուսաստանի պաշտպանության նախարարության մամուլի ծառայությունը։

«Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները», - ասված է հաղորդագրությունում։

Ընդհանուր առմամբ, ռուսական պաշտպանական գերատեսչության տվյալներով, Լեռնային Ղարաբաղում մշտական բնակության վայրեր են վերադարձել 51065 փախստականներ:

ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ 2020 թ. նոյեմբերի 23-ից ի վեր չպայթած զինամթերքից մաքրվել է 672,3 հա տարածք, 225,8 կմ ճանապարհ, 883 բնակելի շինություն, այդ թվում՝ 25 հանրային նշանակության օբյեկտ, հայտնաբերվել և վնասազերծվել է 23 813 պայթյունավտանգ առարկա։

Նշվում է, որ խաղաղապահներն իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում 27 դիտակետերում, վերականգնում են քաղաքացիական ենթակառուցվածքները:

Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Մարտակերտում խաղաղապահները մշակում են հրադադարի խախտման դեպքում իրենց գործողությունները

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

20
թեգերը:
Ռուսաստան, խաղաղապահ, Արցախ
Ըստ թեմայի
Ի՞նչ է պահանջում Ադրբեջանը Արցախում խաղաղապահների ներկայության փոխարեն. Մինասյան
Արցախում ռուս խաղաղապահների համար ևս 5 մոդուլային ավան կկառուցվի
ՌԴ խաղաղապահների տարածքներն Արցախում ախտահանվում են, շարունակվում են նաև պատվաստումները
Глава МИД Армении Ара Айвазян перед началом заседания Комиссии парламента по внешним связям (14 января 2021). Еревaн

Արա Այվազյանն Արցախի հուշարձանների հարցը քննարկել է ՅՈՒՆԵՍԿՕ-ի գլխավոր տնօրենի հետ

30
(Թարմացված է 19:21 25.01.2021)
Նախարարն ընդգծել է Արցախի հայկական մշակութային ժառանգության համամարդկային կարևորությունը՝ անընդունելի համարելով դրանց պաշտպանության հարցի քաղաքականացումը և այդ գործընթացում արհեստական խոչընդոտներ ստեղծելու ադրբեջանական կողմի պրակտիկան:

ԵՐԵՎԱՆ, 25 հունվարի – Sputnik. ՀՀ ԱԳ նախարար Արա Այվազյանն այսօր հեռախոսազրույց է ունեցել ՅՈՒՆԵՍԿՕ-ի Գլխավոր տնօրեն Օդրի Ազուլեի հետ։ Տեղեկությունը հայտնում են ՀՀ ԱԳՆ մամուլի ծառայությունից։

Զրուցակիցներն հերթական անգամ անդրադարձ են կատարել ԼՂ հակամարտության գոտում հայկական պատմական, կրոնական ժառանգության պահպանման հարցերին և այդ համատեքստում ՅՈՒՆԵՍԿՕ-ի հետ համագործակցության հեռանկարներին: Նախարար Այվազյանը նշել է, որ հայկական պատմամշակութային կոթողները տարածաշրջանի հարուստ ժառանգության անբաժան մասն են կազմում՝ դրանց պաշտպանության ուղղությամբ ակնկալելով ՅՈՒՆԵՍԿՕ-ի ակտիվ ներգրավվածությունը:

Նախարար Այվազյանն ընդգծել է Արցախի՝ ադրբեջանական վերահսկողության ներքո հայտնված տարածքներում հայկական պատմամշակութային, կրոնական ժառանգության պահպանության ուղղությամբ քայլերի ձեռնարկման հրատապությունը, որն առավել ընդգծվում է հայկական ժառանգության դիտավորյալ ոչնչացման և դրանց ինքնության խեղաթյուրման ուղղությամբ ձեռնարկվող քայլերի ֆոնին։

Ողջունելով ՅՈՒՆԵՍԿՕ-ի փաստահավաք առաքելություն ուղարկելու որոշումը՝ Հայաստանի արտաքին քաղաքական գերատեսչության ղեկավարն ընդգծել է Արցախի հայկական մշակութային ժառանգության համամարդկային կարևորությունը՝ անընդունելի համարելով դրանց պաշտպանության հարցի քաղաքականացումը և այդ գործընթացում արհեստական խոչընդոտներ ստեղծելու ադրբեջանական կողմի պրակտիկան:

Ալիևը պատասխանել է ՅՈւՆԵՍԿՕ–ի՝ Արցախ փորձագետների խումբ ուղարկելու առաջարկին

Նշենք, որ տևական ժամանակ է ՅՈՒՆԵՍԿՕ–ն սպասում է Ադրբեջանի իշխանությունների համաձայնությանը` Ադրբեջանի վերահսկողության տակ անցած Արցախի տարածքների հուշարձանների ուսումնասիրության համար մասնագետների խումբ ուղարկելու համար։

30
թեգերը:
Ադրբեջան, Արա Այվազյան, ՅՈՒՆԵՍԿՕ, Հուշարձան, Լեռնային Ղարաբաղ, Արցախ
Ըստ թեմայի
Պետք չէ բարբարոսներից գթասրտություն ակնկալել. մշակութաբանը` ՅՈւՆԵՍԿՕ–ի առաջարկի մասին
ՀՀ ԱԳՆ պատասխանը ՅՈՒՆԵՍԿՕ–ին. Ադրբեջանը մեղադրանքը շուռ տալու քարոզչական փորձ է կիրառել
Բաքուն ՅՈւՆԵՍԿՕ-ին չի ենթարկվում․ ինչ պետք է անել Արցախի ժառանգությունը պահպանելու համար
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները