Կարմիր խաչը շինարարական նյութեր է տրամադրել Արցախում 500 տան վերանորոգման համար

Կարմիր խաչը շինարարական նյութեր է տրամադրել Արցախում 500 տան վերանորոգման համար

54
(Թարմացված է 14:11 21.12.2020)
Անխափան էլեկտրամատակարարումն ապահովելու համար դպրոցներին, մանկապարտեզներին և ջրային համակարգերի կառավարման մարմիններին հատկացվել են գեներատորներ։

ԵՐԵՎԱՆ, 21 դեկտեմբերի – Sputnik. Արցախի տեղեկատվական շտաբը հայտնում է, որ Լեռնային Ղարաբաղում ԿԽՄԿ առաքելության աշխատակիցները շինարարական նյութեր են տրամադրել 500 տան վերանորոգման համար։ Դրանք վնասվել էին հակամարտության սրման պատճառով։

«Դրա հետ մեկտեղ, դպրոցներին, մանկապարտեզներին և ջրային համակարգերի կառավարման մարմիններին հատկացնում են գեներատորներ՝ անխափան էլեկտրամատակարարումն ապահովելու համար»,–ասված է հաղորդագրության մեջ։

Նշենք, որ այսօր Ռուսաստանի Դաշնությունից մարդասիրական օգնության ևս 7 բեռնատար էր ժամանել Արցախ։

Դա մարդասիրական օգնության երրորդ խմբաքանակն է, որը տրամադրում է Ռուսաստանի Դաշնությունը:

МККК предоставилa строительные материалы для ремонта 500 домов (21 декабря 2020). Карабах
Կարմիր խաչը շինարարական նյութեր է տրամադրել Արցախում 500 տան վերանորոգման համար

Այս պահին ժամանել են 54 վագոններից 9-ը։ Ավելի վաղ հաղորդվել էր, որ ՌԴ ԱԻՆ-ը 1,2 հազար տոննա մարդասիրական օգնության 54 վագոն կուղարկի Արցախի Հանրապետություն:

54
թեգերը:
շինանյութ, Լեռնային Ղարաբաղ, Արցախ, Կարմիր խաչ
Ըստ թեմայի
Ռազմական գործողությունների վայրերից նոյեմբերի 13-ից առ այսօր հայտնաբերվել է 1039 աճյուն
Սիսիանի եկեղեցու քահանան հրաժարվեց սեղմել Նիկոլ Փաշինյանի ձեռքը
Ղարաբաղը Մերձավոր Արևելքի ծայրահեղականների տեղը չէ․ Ռուսաստանի փոխարտգործնախարար
Լեոնիդ Սլուցկի

Ղարաբաղում գլխավոր խնդիրը լուծված է. Սլուցկին` Պուտինի գործողությունների մասին

16
(Թարմացված է 19:29 20.01.2021)
Ռուսաստանցի պատգամավորի խոսքով` հայ և ադրբեջանցի գործընկերների հետ շփումներում ղարաբաղյան խնդիրը երբեք չի անտեսվել։

ԵՐԵՎԱՆ, 20 հունվարի – Sputnik. Ղարաբաղում արյունահեղությունը կանխելուն ուղղված ՌԴ նախագահի գործողությունները կհամալրեն սառեցված հակամարտությունների կարգավորման քրեստոմատիան։ Այս մասին «Ռոսիա Սեգոդնյա» ՄՏԳ հարթակում կազմակերպած առցանց ճեպազրույցի ժամանակ պատասխանելով Sputnik Արմենիայի հարցին, ասաց Պետդումայի միջազգային գործերի կոմիտեի նախագահ Լեոնիդ Սլուցկին։

«Ղարաբաղում գլխավոր խնդիրն արյունահեղությունը դադարեցնելն էր։ Այդ խնդիրը լուծված է, և ես համոզված եմ, որ եղանակը, որով Ռուսաստանի նախագահը կարողացավ միավորել կողմերին արյունահեղությունը դադարեցնելու նպատակով, կհամալրի սառեցված հակամարտությունների լուծման քրեստոմատիան», – ասաց նա։

Պետդումայի պատգամավորը կարծում է, որ պատերազմից հետո Արցախում հետագա գործողությունները պետք է միտված լինեն տնտեսության վերականգնմանը։ Եվ դա չափազանց բարդ խնդիր է։

Նա ընդգծեց, որ ռուսաստանցի պատգամավորներն իրենց հերթին մշտապես եղել ու շարունակում են շփման մեջ մնալ հայ և ադրբեջանցի գործընկերների հետ։ Միևնույն ժամանակ խորհրդարանականները չեն անտեսել այնպիսի նուրբ ու բարդ գործը, ինչպիսին է Ղարաբաղյան հակամարտությունը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

16
թեգերը:
Լեոնիդ Սլուցկի, Պատերազմ, Ղարաբաղյան հակամարտություն, Լեռնային Ղարաբաղ, Վլադիմիր Պուտին
Ըստ թեմայի
Պուտինն Անվտանգության խորհրդի հետ քննարկել է Փաշինյանի ու Ալիևի հետ հանդիպման արդյունքները
Պուտինն Էրդողանին հայտնել է մոսկովյան եռակողմ հանդիպման արդյունքների մասին
Ռուսաստանն ԱՄՆ-ին և Ֆրանսիային տեղեկացրել է Պուտին-Փաշինյան-Ալիև հանդիպման մասին
Նիկոլ Փաշինյան, արխիվային լուսանկար

«Մոտ 1300 քրեական գործ կա»․ Փաշինյանը պատասխանեց՝ ինչու իր ասած դավաճանները չեն պատժվել

69
(Թարմացված է 17:55 20.01.2021)
Վարչապետի խոսքով՝ իր հայտարարությունների մի մասի հետքերով արդեն քրեական գործեր են հարուցված։ Փաշինյանը համաձայն է, որ նախաքննական գործընթացը դանդաղ է ընթանում։

ԵՐԵՎԱՆ, 20 հունվարի – Sputnik. ՀՀ վարչապետ Նիկոլ Փաշինյանն այսօր Ազգային ժողովում, պատասխանելով «Բարգավաճ Հայաստան» խմբակցության ԱԺ պատգամավոր Հրանտ Մադաթյանի հարցին, թե ինչու վարչապետի ասած դավաճաններն ու երկիրը ծախողները չեն պատժվել, հայտարարեց` պատերազմի հետ կապված մոտ 1300 քրեական գործ է հարուցված, ընթանում է նախաքննություն։

«Իմ հայտարարությունների մի մասի հետ կապված կան արդեն քրեական գործեր, ընթանում են քննություններ, և ես հույս ունեմ, ավելի ճիշտ՝ համոզված եմ, որ դրանք կտան շատ հարցերի պատասխաններ», - ասաց Փաշինյանը։

Նա համաձայնեց, որ նախաքննական գործընթացը դանդաղ է ընթանում։

Փաշինյանը խորհրդակցություն է անցկացրել ՀՀ աշխատանքի և սոցիալական հարցերի նախարարությունում

«Տեմպերի հարցը կա, միայն դուք չեք այդ հարցը բարձրացնում, մենք պետք է ամեն ինչ անենք, որ բոլոր հարցերը հնարավորինս շուտ լուծվեն», - ասաց վարչապետը։

Հիշեցնենք՝ նոյեմբերի 10-ին` ժամը 00:18-ին, ԼՂ շուրջ եռակողմ հայտարարության ստորագրումից րոպեներ անց վարչապետ Նիկոլ Փաշինյանը Facebook-ի ուղիղ եթերում հայտարարեց, որ հայ ժողովուրդն Արցախը կորցրել է դավաճանների ու երկիրը ծախողների պատճառով։

Փաշինյանն ուզում է նիդեռլանդական ընկերությունների ուշադրությունը հրավիրել Հայաստանի վրա

69
թեգերը:
Պատերազմ, Նիկոլ Փաշինյան, Արցախ, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Պետք է ուշադիր լինել քննադատությունների նկատմամբ. Փաշինյանը ներկայացրել է նոր նախարարին
Ինչպես է փոխվել Փաշինյանի կառավարության կազմը պատերազմից հետո
Պետական կառավարման համակարգը շոկի մեջ է, ռեստարտի կարիք կա. Նիկոլ Փաշինյան
Զինվորական սաղավարդ

Հայկական կողմի զոհերի թիվը 4000-ից չի անցնելու. փոխվարչապետ

0
(Թարմացված է 19:55 20.01.2021)
Տիգրան Ավինյանն Ազգային ժողովում հայտարարեց, թե այս պահին քանի զոհի մասին է հայտնի։ Նա խոսեց նաև ծանր վիրավորների մասին։

ԵՐԵՎԱՆ, 20 հունվարի – Sputnik. Այս պահի դրությամբ ունենք դուրս բերված 3439 մարմին, որոնցից 766-ի ինքնությունը դեռ նույնականացված չէ։ Ազգային ժողովում կառավարության անդամների հետ հարցուպատասխանի ժամանակ հայտնեց ՀՀ փոխվարչապետ Տիգրան Ավինյանը։

«Թվերը, որ տարբեր շրջանակներ շրջանառում են զոհերի վերաբերյալ, իրականությանը չեն համապատասխանում, չափազանցված են։ Նույնականացման գործընթացի արդյունքում ավելի հստակ տվյալներ կունենանք. վերջնական ցուցակը կհրապարակի պաշտպանության նախարարությունը»,–ասաց Ավինյանը։

Նա հիշեցրեց, որ կան նաև անհետ կորածներ, և վստահեցրեց` զոհերի թիվը 4000-ը չի անցնելու։

Ինչ վերաբերում է ծանր վիրավոր զինծառայողներին, ապա Ավինյանը հայտնեց, որ անդամահատումների խնդիր ունեցող զինծառայողների թիվը չի գերազանցում 150–ը։ Նա հավելեց նաև, որ պատերազմի ժամանակ վիրավորված զինվորներին կտրամադրվի լավագույն ստանդարտներով պրոթեզավորում։

 

0
թեգերը:
Պատերազմ, Զոհ, Հայաստան