Զինծառայող

Նոր հերոսներ. սերժանտ Եղիազարյանը հակագրոհի ժամանակ մեր դրոշը տեղադրել է դիտակետի վրա

214
(Թարմացված է 15:14 12.12.2020)
Արցախի պաշտպանության նախարարությունը ներկայացրել է պատերազմի ժամանակ հերոսություններ կատարած զինծառայողների անունները։

ԵՐԵՎԱՆ, 12 դեկտեմբերի – Sputnik. Արցախի պաշտպանության նախարարությունը հայտնում է, որ Ադրբեջանի սանձազերծած ռազմական գործունությունների ժամանակ սերժանտ Էդգար Եղիազարյանը հարավային ճակատում մասնակցել է մեր ուժերի կազմակերպած հակագրոհին՝ յուրային հրամանատարական դիտակետի վրա տեղադրելով մեր դրոշը, և կորուստներ պատճառել հակառակորդին:

«Փոխգնդապետ Արտակ Վահրամի Կարապետյանը հմտորեն և արդյունավետ կերպով ղեկավարել է ենթականերին, կառավարել մարտը, ապահովել վիրավորների ժամանակին դուրս բերումը, ստորաբաժանման համալրումը պահեստազորայիններով։ Նա մասնակցել է թշնամու առաջխաղացումը կասեցնելու համար մղված մարտերին: Անձնական արիություն է ցուցաբերել փոխգնդապետ Վազգեն Նիկողոսյանը՝ հյուսիս-արևելյան հատվածում գտնվող կարևոր բարձունքում, թշնամու հարյուր հոգանոց խմբի գրոհները հետ մղելու ժամանակ՝ խոցելով հակառակորդի մեծաթիվ կենդանի ուժ»,–նշված է ՊԲ տարածած հաղորդագրության մեջ։

«Աղաչում եմ, չլացես, մամ. հերոս կմնամ». անհետ կորած զինվորի վերջին նամակը

Բացի այդ, հյուսիսարևելյան ճակատային գծում, թշնամական ուժերի ջախջախմանը նպաստել, և մեր դիրքերի մատույցները անառիկ է պահել կապիտան Սարգիս Ջիլավյանը:

Թշնամական հրետակոծության պայմաններում ծառայողական պարտականությունները և մարտական առաջադրանքները բարձր մակարդակով ու բարեխղճորեն են կատարել պահեստազորային Գարի Հովսեփյանը, կապիտան Էմմա Գրիգորյանը, սերժանտ-պայմանագրայիններ Նորայր Գրիգորյանը, Արսեն Պետրոսյանը, ավագ սերժանտ-պայմանագրային Արտաշես Ավանեսյանը:

Ճանաչենք մեր հերոսներին. կասեցրել են թշնամու գրոհը, կրակի տակից տարհանել վիրավորներին

214
թեգերը:
Պատերազմ, Արցախ
Ըստ թեմայի
4–ամյա որդու հերոսն է. պատերազմում երկու ոտքը կորցրած Արգիշտին սոցիալական ծանր վիճակում է
Հայտնի լուսանկարի հերոս հրետանավոր Արմանը տանն է. տեսանյութ
Մեկը 5 տանկ է խոցել, մյուսը` 10 վիրավորի կյանք փրկել. մերօրյա հերոսների սխրանքը
Ժնևում հայ և օտարերկրացի ցուցարարները դիմել են Պուտինին ու Բայդենին. տեսանյութ

Ժնևում հայ և օտարերկրացի ցուցարարները դիմել են Պուտինին ու Բայդենին. տեսանյութ

117
(Թարմացված է 18:22 16.06.2021)
Ցուցարարները Ռուսաստանի և ԱՄՆ-ի առաջնորդներին կոչ են արել հիշել ռազմավարական ու բարոյական պատասխանատվության մասին, որը իրենց երկրները ստանձնել են Ղարաբաղյան հակամարտության կարգավորման գործում:

ԵՐԵՎԱՆ, 16 հունիսի - Sputnik. Ժնևում ցույց է կայացել ՝ ի աջակցություն Հայաստանի և Արցախի։ Բողոքի ակցիան նվիրված է եղել Վլադիմիր Պուտին–Ջո Բայդեն հանդիպմանը, որը մեկնարկել է Ժնևում:

Ցուցարարների թվում էին Շվեյցարիայում ապրող հայեր, տեղի բնակիչներ, ինչպես նաև Ժնևի քաղաքային խորհրդի անդամներ Սեբաստիեն Դեֆայեն, Լուիզա Թրոթեն, Պատրիկ Դիմյեն և Սիլվեն Տևոն:

«Շվեյցարիայի հայերը երկու առաջնորդներին հիշեցնում են բարոյական և ռազմավարական պատասխանատվության մասին, որը նրանք ստանձնել են հայկական պետության և Արցախի հայ բնակչության անվտանգությունն ապահովելու համար։ Հայաստանի ու հայ ժողովրդի անվտանգությունը չի կարող սակարկության առարկա լինել», - ցույցի ժամանակ հայտարարել է շվեյցարահայ համայնքի ղեկավարներից մեկը՝ Հայաստան-Շվեյցարիա խորհրդարանական բարեկամության խմբի քարտուղար Սարգիս Շահինյանը։

Հավաքվածների ձեռքերում էին Հայաստանի, Արցախի և Շվեյցարիայի դրոշները և պաստառներ` «ԵԱՀԿ-ն պետք է պատասխանատվություն ստանձնի Հայաստանի և Ղարաբաղի անվտանգության համար», «Մի հաստատեք բռնապետի կազմած քարտեզները․ ո՛չ ստալինյան քարտեզներին» գրություններով։

«Ադրբեջանը շարունակում է պահել հայ գերիներին՝ խախտելով միջազգային իրավունքը։ Ադրբեջանը շարունակում է Թուրքիայի լիակատար աջակցությամբ սպառնալ Հայաստանին», - իր ելույթում հայտարարել է Սիլվեն Տևոն։

Նա հիշեցրել է, որ 2020 թվականի դեկտեմբերին քաղաքային խորհրդի մի քանի ներկայացուցիչներով նրանք նախագիծ են ուղարկել Ժնևի խորհրդարան՝ դատապարտելով Ադրբեջանի ագրեսիան Արցախի ու Հայաստանի դեմ:

«Ցավոք, որոշ պատգամավորներ հրաժարվում են աջակցել այդ բանաձևին՝ վկայակոչելով երկրի չեզոքությունը, սակայն դրանով նրանք փրկում են Շվեյցարիայի տնտեսական կապերը Ադրբեջանի պետական նավթագազային ընկերության (SOCAR) հետ», - նշել է Տևոն:

Նշենք, որ նման ցույցեր եվրոպական քաղաքներում պարբերաբար են անցկացվում։

117
թեգերը:
տեսանյութ, հայեր, Ջո Բայդեն, Վլադիմիր Պուտին
Արցախի ԱԳՆ

Շահումյանի շրջանը Լեռնային Ղարաբաղի անբաժանելի մասն է. Արցախի ԱԳՆ-ի հայտարարությունը

72
Գերատեսչությունը նշում է, որ 2020 թվականին Ադրբեջանը, Թուրքիայի և միջազգային ահաբեկիչների անմիջական ռազմական մասնակցությամբ, կրկին փորձեց անել այն, ինչը նրան չէր հաջողվել 1991-1994 թվականներին։

ԵՐԵՎԱՆ, 16 հունիսի – Sputnik. Շահումյանի շրջանը Լեռնային Ղարաբաղի անբաժանելի մասն է, Արցախի պատմական տարածքը, որտեղ մեր ժողովուրդն իրացրել է ինքնորոշման իր անքակտելի իրավունքը և հետագայում ստեղծել պետականություն: Նման հայտարարություն է տարածել Արցախի արտաքին գործերի նախարարությունը Շահումյանի շրջանի օկուպացիայի 29-րդ տարելիցի կապակցությամբ։

Նշենք, որ 1992 թ. հունիսի 12-ին ձեռնարկված լայնամասշտաբ հարձակման հետևանքով 1992 թ. հունիսի կեսերին ադրբեջանական զորամիավորումներն ամբողջովին գրավեցին Շահումյանի շրջանը։

«Օկուպացիայի ընթացքում ադրբեջանական բանակը կատարեց ռազմական և մարդկայնության դեմ ուղղված բազմաթիվ հանցագործություններ։ Մասնավորապես գրավված բնակավայրերը լքել ցանկացող մարդկանց կանխամտածված գնդակահարություններ եղան, արտադատարանային հաշվեհարդարներ տեսան գերիների հանդեպ և պատանդների նկատմամբ և այլն»,–նշված է Արցախի ԱԳՆ-ի հաղորդագրության մեջ։

Գերատեսչությունը միաժամանակ հիշեցնում է, որ 2020 թվականի սեպտեմբեր-նոյեմբեր ամիսներին Ադրբեջանը, Թուրքիայի և միջազգային ահաբեկիչների անմիջական ռազմական մասնակցությամբ, կրկին փորձեց անել այն, ինչը նրան չէր հաջողվել 1991-1994 թվականներին: Նոր պատերազմը հանգեցրեց մարդկային ավելի մեծ տառապանքների, փախստականների և ներքին տեղահանվածների նոր ալիքի և Արցախի մեծ մասի բռնազավթման:

Արցախի ԱԳՆ–ն հայտնում է, որ Շահումյանի շրջանի, ինչպես նաև 1991-1994, 2016 և 2020 թվականներին գրավված Արցախի մյուս տարածքների դեօկուպացիան, ադրբեջանա-ղարաբաղյան հակամարտության առանցքային բաղադրիչն է:

 

 

72
թեգերը:
Արտաքին գործերի նախարարություն (ԱԳՆ), Ադրբեջան, Արցախ
Ըստ թեմայի
Քաշել է նռնակի օղակն ու մերժել ադրբեջանցիներին. Տեղի գյուղապետը մանրամասներ է պատմել
ԱԱԾ-ն արձագանքել է Երևանում ադրբեջանցիների հնարավոր ներկայության մասին լուրերին
Ալիևից մենք վտանգ չունենք. պատերազմ անհնար է Հայաստանի և Ադրբեջանի միջև. Տեր-Պետրոսյան
Глава администрации села Шурнух Акоп Аршакян (18 декабря 2020).

Փաշինյանը Շուռնուխ չի այցելել. բնակիչների հետ մայրուղում են հանդիպել. Արշակյան

0
(Թարմացված է 20:53 16.06.2021)
Շուռնուխի ղեկավար Հակոբ Արշակյանը Sputnik Արմենիայի հետ զրույցում անդրադարձել է ՀՀ վարչապետի պաշտոնակատար, վարչապետի թեկնածու Նիկոլ Փաշինյանի և մոտ մեկ տասնյակ շուռնուխցիների հանդիպմանը։
Փաշինյանը Շուռնուխ չի այցելել, բնակիչների հետ մայրուղում են հանդիպել. Արշակյան

ՀՀ վարչապետի պաշտոնակատար Նիկոլ Փաշինյանը Շուռնուխ չի այցելել։ Կապանից վերադառնալիս շուռնուխցի մի քանի ընտանիք մայրուղի են իջել, որ Փաշինյանի հետ հանդիպեն։ Տեղեկությունը Sputnik Արմենիայի հետ զրույցում հայտնեց Շուռնուխի վարչական ղեկավար Հակոբ Արշակյանը։

«Ինքը Շուռնուխ չի այցելել, Կապանից հետ վերադառնալու ճանապարհին մի քանի ընտանիք ընդամենը 15 րոպեի մեջ հավաքվել են ու իջել մայրուղի` Փաշինյանի հետ հանդիպելու։ Կարծում եմ` նախապես պայմանավորվել են, թե չէ ինչպես պետք է իմանային` որ ժամին է գալու, որ ժամին հավաքվեն»,- ասաց նա։ 

Վարչապետի պաշտոնակատարի հետ հանդիպման ժամանակ շուռնուխցի մի տղամարդ առաջարկեց գործարկել խելացի անասնագոմերի գաղափարը, որպեսզի լուծվի թշնամուն թողած արոտավայրերի բացը։ Վարչապետը հավանություն տվեց առաջարկին, բայց Շուռնուխի վարչական ղեկավարն ասում է` համագյուղացու առաջարկը Գորիսի համայնքապետարանում մեկ ամիս առաջ են քննարկել, նախագիծն արդեն կազմել են, պատրաստվում են գործարկել։

«Իբրև թե միտք ծագեց մեկի գլխում խելացի անասնագոմերի մասին, վարչապետի պաշտոնակատարն էլ համաձայնեց։ Ասեմ, որ համայնքի ղեկավար Առուշ Առուշանյանը մեկ ամիս առաջ դա ներկայացրել է, նախագիծը կազմվել է, մնում է` այդ աշխատանքները սկսեն։ Ծրագիրն իրականացվում է ռազմավարական զարգացման գործակալության հետ»,- նշեց Արշակյանը։

Նրա խոսքով` արոտավայրերի մի մասը թշնամուն նվիրելուց հետո գյուղում անասնագլխաքանակն էականորեն կրճատվել է։ 

«Արդեն 70 գլուխ խոշոր եղջերավոր են վաճառել, 19 գլուխ էլ անցել է թշնամու կողմը, չի վերադարձվել։ Մանրն էլ են վաճառել, մի բնակիչ էլ մոտ 200 գլուխ մանր եղջերավորների վնաս է կրել. անասունները կոտորվել են։ Երբ թուրքը եկել է, ներքևի թաղից բնակիչն անասունները տեղափոխել է Եղեգնաձոր` կենդանիները ցրտահարվել են»,- հավելեց Շուռնուխի ղեկավարը։

Նժենք, որ Նիկոլ Փաշինյանը նախընտրական քարոզարշավի շրջանակում երեկ այցելել էր Սյունիքի մարզ: ՀՀ վարչապետի պաշտոնակատարը Facebook-ի իր էջում տեսանյութ էր տեղադրել, որտեղ Շուռնուխի բնակիչները վարչապետին էին ուղղում իրենց հուզող որոշ հարցեր։

0