Ռուս խաղաղապահներն ամեն ինչ անում են Ղարաբաղում խաղաղության պահպանման համար․ Շոյգու
(Թարմացված է 14:10 04.12.2020)
Ղարաբաղում տեղակայվել է նաև Արևելյան ռազմական շրջանի բժշկական ջոկատը, որը հագեցած է ժամանակակից սարքավորումներով և վիրահատական բաժիններով։ ԵՐԵՎԱՆ, 4 դեկտեմբերի – Sputnik. Ռուս խաղաղապահներն ամեն ինչ անում են Ղարաբաղում խաղաղություն պահպանելու համար, նրանց ջանքերով Ստեփանակերտ է վերադարձել ավելի քան 30 հազար բնակիչ: Այդ մասին, ինչպես հաղորդում է ՌԻԱ Նովոստին, հայտնել է Ռուսաստանի պաշտպանության նախարար Սերգեյ Շոյգուն ուրբաթ օրը կայացած խորհրդակցության ժամանակ:
Ինչպես նշել է նախարարը՝ խաղաղապահների մուտքը հակամարտության գոտի թույլ է տվել կարգավորել իրավիճակը տարածաշրջանում։
«Հրադադարի մասին ստորագրված եռակողմ հայտարարության պայմանները պահպանվում են։ Նշեմ, որ մեր զինծառայողները պրոֆեսիոնալ են գործում և անում են ամեն ինչ, որպեսզի պահպանվի խաղաղությունը տարածաշրջանում»,-ասել է Շոյգուն։
Ռուսաստանի պաշտպանության նախարարի խոսքով՝ Ղարաբաղ է վերադարձել ավելի քան 30 հազար փախստական։
Բացի այդ, ռուս զինծառայողները մաքրում են տեղանքը և ճանապարհները պայթյունավտանգ առարկաներից:
Ռուս խաղաղապահներն ականազերծել են Ստեփանակերտի դպրոցի տարածքը
«Մաքրվել է 50 հեկտար տարածք և ավելի քան 17 կմ ճանապարհածածկույթ։ Վնասազերծվել է ավելի քան 1000 պայթունավտանգ առարկա։ Ականազերծվել են Լաչինի միջանցքը և մինչև Ստեփանակերտ ձգվող 28 կմ ճանապարհահատվածը: Վերականգնվել է այդ հատվածով քաղաքացիական ավտոտրանսպորտի երթևեկությունը»,-նշել է ՌԴ պաշտպանության նախարարը։
Նա հավելել է, որ միջանցքով ռուս խաղաղապահները 3,5 հազար ավտոմեքենա են ուղեկցել:
©
Photo : official site of the MoD of RA
Ղարաբաղում տեղակայվել է նաև Արևելյան ռազմական շրջանի բժշկական ջոկատը, որը հագեցած է ժամանակակից սարքավորումներով և վիրահատական բաժիններով։ Մասնագետները սկսել են բուժօգնություն ցուցաբերել անձնակազմին և տեղի բնակչությանը:
«Փոխգործակցություն է հաստատված Լեռնային Ղարաբաղի ղեկավարության, Կարմիր խաչի միջազգային կոմիտեի և ՄԱԿ-ի Փախստականների հարցերով գերագույն հանձնակատարի վարչության ներկայացուցիչների հետ»,-ընդգծել է Շոյգուն։
Նա նշել է նաև, որ խաղաղապահների աջակցությամբ շարունակվում է զոհվածների մարմինների փոխանակումը Հայաստանի և Ադրբեջանի միջև։
թեգերը:
Մեկ օրում մոտ 190 փախստական Հայաստանից Արցախ են վերադարձել
(Թարմացված է 21:05 17.01.2021)
Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:ԵՐԵՎԱՆ, 17 հունվարի - Sputnik. Մեկ օրում ևս 189 փախստական Հայաստանից Արցախ են վերադարձել։ Տեղեկությունը հայտնում է ՌԴ պաշտպանության նախարարության մամուլի ծառայությունը։ 2020թ․ նոյեմբերի 14-ից մինչ օրս Լեռնային Ղարաբաղի իրենց մշտական բնակության վայրեր վերադարձածների թիվը հասավ 49827–ի։
Լեռնային Ղարաբաղում կողմերի միջև հրադադարի ռեժիմը պահպանվում է շփման գոտու ողջ երկայնքով։ Ռուս խաղաղապահների կողմից 27 դիտակետերում իրականացվում է իրադրության շուրջօրյա դիտարկում և հրադադարի ռեժիմի պահպանման վերահսկողություն։ Ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքների օբյեկտները:
«ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ Մեկ օրում մաքրվել է 21 հա տարածք և 4 կմ ճանապարհ, հայտնաբերվել և ոչնչացնելու համար անվտանգ տարածք է տեղափոխվել 193 պայթյունավտանգ առարկա։ 2020 թ. նոյեմբերի 23-ից ի վեր չպայթած զինամթերքից մաքրվել է 551 հա տարածք, 205,3 կմ ճանապարհ, 783 բնակելի շինություն, այդ թվում՝ 25 հանրային նշանակության օբյեկտ, հայտնաբերվել և վնասազերծվել է 23 723 պայթյունավտանգ առարկա»,- նշված է հաղորդագրության մեջ։
Ռուսական խաղաղապահ զորախումբը Կարմիր խաչի միջազգային կոմիտեի և Լեռնային Ղարաբաղի արտակարգ իրավիճակների պետական ծառայության ներկայացուցիչների հետ շարունակում է մարտական գործողությունների ընթացքում զոհվածների մարմինների որոնումն ու փոխանցումը:
Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
Արցախում կրկին կգործի արտամարմնային բեղմնավորման (ԷԿՈ) պետական ծրագիրը
(Թարմացված է 15:42 17.01.2021)
Արցախի նախագահի խոսքով`հայոց օջախներում պետք է լսվի նորածնի ճիչը՝ որպես մեր ազգի ու հայրենիքի հավերժականության առհավատչյա։ԵՐԵՎԱՆ, 17 հունվարի – Sputnik. Արցախում կրկին կգործի արտամարմնային բեղմնավորման (ԷԿՈ) պետական ծրագիրը։ Տեղեկությունը հայտնում է Արցախի նախագահ Արայիկ Հարությունյանը։
«Իմ հանձնարարությամբ նորից ընթացք է ստացել արտամարմնային բեղմնավորման (ԷԿՈ) պետական ծրագիրը, որի միջոցով բազմաթիվ ընտանիքներում մանուկներ կծնվեն: Մեզ համար ճակատագրական այս շրջափուլն ունի իր հրամայականը՝ հայոց օջախներում պետք է լսվի նորածնի ճիչը՝ որպես մեր ազգի ու հայրենիքի հավերժականության առհավատչյա...»,– Facebook-ի իր էջում գրել է նախագահը։
Նրա խոսքով`չնայած նրան, որ հետպատերազմական շրջանում սոցիալական հսկայական բեռ է ավելացել պետության ուսերին, ինչը ստիպում է բազմաթիվ սոցիալ-տնտեսական ծրագրերի ուղղությամբ որոշակի սահմանափակումներ նախատեսել, սակայն կրթության և հատկապես առողջապահության ոլորտներում նախապես որդեգրած քաղաքականությունը զգալի փոփոխությունների չի ենթարկվի՝ պայմանավորված դրանց ռազմավարական նշանակությամբ:
Հիշեցնենք` 2020 թվականի սեպտեմբերի 27-ին Ադրբեջանի սանձազերծած լայնածավալ ռազմական գործողությունների ընթացքում վնասվեցին քաղաքացիական ենթակառուցվածքներ, բնակելի շենքեր, դպրոցներ, եկեղեցիներ ու անգամ Ստեփանակերտի ծննդատունը։
Սամվել Կարապետյանը խոստանում է վերակառուցել Ստեփանակերտի ծննդատունը
Այժմ ռուս խաղաղապահների աջակցությամբ Արցախը կրկին բնականոն կյանք է վերադառնում։
Նավալնուն ձերբակալել են Մոսկվայի «Շերեմետևո» օդանավակայանում. տեսանյութ
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։ ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։
«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:
Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։
Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։
Մերկելը գաղտնի հանդիպել է Նավալնու հետ. Spiegel
Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:
Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:
«Բեռլինը բլեֆ է անում». Զախարովան մեկնաբանել է Նավալնու գործը