ԵՐԵՎԱՆ, 3 դեկտեմբերի - Sputnik. Լեռնային Ղարաբաղում ռուսական ռազմակայանի ստեղծումը կարող է նպաստել հանրապետությունում երկարաժամկետ անվտանգության և կայունության ամրապնդմանը: Այս մասին ՌԻԱ Նովոստին տված հարցազրույցում ասել է ԼՂՀ նախագահի արտաքին քաղաքականության հարցերով խորհրդական Դավիթ Բաբայանը։
«Որպես փորձագետ, այդ երկրի քաղաքացի և քաղաքական գործիչ, ես կարծում եմ, որ Արցախում ՌԴ բազա ունենալը շատ լավ կլիներ։ Դատեք ինքներդ. Ռուսաստանը շատ հզոր աշխարհաքաղաքական ներուժ ունի։ Իսկ եթե Թուրքիան կրկին Ադրբեջանին դրդի ագրեսիայի։ Իսկ եթե գրոհայինները դուրս գան Թուրքիայի վերահսկողության տակից և որոշեն այստեղ ինչ-որ բան ձեռնարկել։ Այդ դեպքում նրանք կարող են հատուկ փորձել հարված հասցնել Ռուսաստանի իմիջին, էլ չեմ խոսում անվտանգության տեսանկյունից մեզ շատ բարդ վիճակի մեջ դնելու մասին», - ասել է Բաբայանը։
Լեռնային Ղարաբաղի ղեկավարի խորհրդականը, այս համատեքստում կարծում է, որ Արցախում ռուսական ռազմակայանի տեղակայումը ճիշտ քայլ կլինի։
«Համենայնդեպս, ռազմակայանը մեծապես կուժեղացնի անվտանգությունն ու կայունությունը Արցախում, ընդ որում ՝ երկարաժամկետ հեռանկարում», - նշել է քաղաքական գործիչը:
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
