ԵՐԵՎԱՆ, 28 նոյեմբերի – Sputnik. 2020թ․ նոյեմբերի 14-ից մինչ օրս ռուս խաղաղապահների աջակցությամբ Լեռնային Ղարաբաղ է վերադարձել 18 968 հարկադիր տեղահանված։ Տեղեկությունը հայտնու է ՌԴ ՊՆ մամուլի ծառայությունը։
Նշվում է, որ հրադադարի ռեժիմի պահպանման և մարտական գործողությունների նկատմամբ վերահսկողությունն իրականացվում է քսաներեք դիտակետից, տասներկուսը՝ «Հարավ» պատասխանատվության գոտում, տասնմեկը՝ «Հյուսիսում»:
Շփման գծի ողջ երկայնքով հրադադարի պահպանման ռեժիմը պահպանվում է։
Մեկ օրում հայտնաբերվել է 168 պայթյունավտանգ առարկա, որոնք տեղափոխվել են հատուկ սարքավորված տարածք և ոչնչացվել։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
