Սակրավոր

Որքա՞ն ժամանակ կպահանջվի Լեռնային Ղարաբաղն ականազերծելու համար

332
(Թարմացված է 22:51 25.11.2020)
Վերջերս տեղի ունեցած ռազմական գործողությունների գոտու և Լեռնային Ղարաբաղի մյուս շրջանների ականազերծումը պահանջում է հսկայական ռեսուրսներ (միլիոնավոր դոլարներ) և տասնամյակների քրտնաջան աշխատանք վտանգավոր հողերը տնտեսական շրջանառության մեջ դնելու համար։

Ալեքսանդր Խրոլենկո, ռազմական վերլուծաբան

Ականապատ դաշտերը,  չպայթած ռազմամթերքն ու ինքնաշեն պայթուցիկ սարքերը ցանկացած հակամարտությունից հետո տարածքի գլխավոր խնդիրն են համարվում։ Մշտապես առկա մահացու վտանգի ամենաթարմ օրինակը նոյեմբերի 23-ին Մատաղիսի մերձակայքում տեղի ունեցած պայթյունն է, որի հետևանքով տուժել էին Ադրբեջանի, ՌԴ զինծառայողների խմբեր և Արցախի ԱԻՆ–ի աշխատակիցներ։ Հակամարտության գոտում նման վտանգավոր երևույթներն ամեն օր  սպառնում են խաղաղապահներին, սակրավորներին և փրկարարներին։

Երեկ Երևանի ռազմական օդանավակայան են ժամանել ավելի քան 100 զինծառայող Ռուսաստանի պաշտպանության նախարարության Միջազգային հակատականային կենտրոնից, բերվել է նաև 13 միավոր ռազմական և հատուկ տեխնիկա։ Ինժեներական ստորաբաժանումներն այսօր տեղափոխվում են Երևան – Գորիս- Ստեփանակերտ երթուղով։ Սարկավորների առաջատար ստորաբաժանումները նոյեմբերի 23-ին անցել են Լեռնային Ղարաբաղի տարածքների, ճանապարհների ու օբյեկտների ականազերծմանը։ Առաջնային խնդիրն է օպերատիվ ականազերծում անցկացնել խաղաղապահների տեղակայման կետերում ու դիրքերի միջև տեղաշարժվելու երթուղիներում, նաև ենթակառուցվածքի առանձին օբյեկտներում։

Հատվածներից միայն մեկում ռուս սակրավորները մոտ 30 հակատանկային ական են վնասազերծել։ Որպես կանոն` հայտնաբերված զինամթերքը պայթեցնելու միջոցով վերացվում է հատուկ զորավարժարանում կամ հենց տեղում։ ՌԴ ԶՈւ Միջազգային հակաականային կենտրոնի մասնագետները պատրաստված են բարդ ու լարված աշխատանքին ՄԱԿ-ի հակաականային գործողությունների ստանդարտների համաձայն, նրանք ունեն նորագույն տեխնիկա՝ ԻՄՊ- Ս2 ականորսներ, «Ուրան-6» ռոբոտատեխնիկական համալիրներ։

Լաչինի միջանցքն ամբողջովին ականազերծված է. Շոյգու

Որոնման ու ժամանակակից միջոցներն ու պաշտպանիչ հանդերձանքը նվազեցնում, բայց չեն վերացնում Լեռնային Ղարաբաղում ռուս զինծառայողների կյանքին ու առողջությանը սպառնացող ռիսկը։

Առաքելության բարդությունը

Ժամանակակից լոկալ ու տարածաշրջանային հակամարտությունների առանձնահատկությունն է մարտական գործողությունների պերմանենտ բնույթն ու անմիջապես օպերատիվ գոտում ու հարակից տարածքներում ականային դաշտերի ու թակարդ-ականների տեղադրումը։  Զորքերի մեծ թվի բացակայության պայմաններում հակամարտության կողմերը կենտրոնացնում են ստորաբաժանումներն ու մարտական տեխնիկան առանձին հատվածներում, իսկ «անցքերը» փակում են ականային դաշտերով։

Ղարաբաղում հիմնականում խորհրդային արտադրության ականներ են կիրառվել՝ հակատանկային ՏՄ-62, հակահետևակային ՊՄՆ-2: Հաճախ դրանց տեղադրման քարտեզները կորչում են։ Եղանակի ազդեցության տակ ականները հաճախ շարքից դուրս են գալիս, ու ականային դաշտերը «թարմացվում» են։

Հավանաբար հակամարտության կողմերն առանց առանձնահատուկ խնդիրների կմաքրեն թարմ ականային դաշտերը։ Սակայն տարածաշրջանում հակամարտության երկար տարիների ընթացքում բոլոր ականային դաշտերի տեղերը ոչ ոք չգիտի։ Մի առանձին խնդիր են չպայթած կամ մարտական իրավիճակում թողած մեծ քանակի հրետանային արկերը։ Ղարաբաղյան հողում հազարավոր պայթյունավտանգ իրեր կան։ Այդ պատճառով ռուս սակրավորների տասնյակ տարիների քրտնաջան աշխատանքը, ՄԱԿ-ի և հումանիտար կազմակերպությունների պաշարների ակտիվ ներգրավումը նվազագույն պայմաններն են, որ տարածքը վերջնականապես դուրս գա պատերազմից։

Ինչ վիճակում են ականի պայթյունից վիրավորված փրկարարները. Կարեն Սարգսյանն այցելել է նրանց

Ավելի վաղ Ադրբեջանի տարածքների ականազերծման ազգային գործակալության (ANAMA) ղեկավար Ղազանֆար Ահմեդովը հայտարարել էր, որ Բաքվի վերահսկողության տակ անցած ղարաբաղյան տարածքներն ամբողջովին ականազերծելու համար ավելի քան տասը տարի կպահանջվի։ Սիրիայում Հայաստանի հումանիտար առաքելությունը, որը կազմված է 83 մարդուց, 2019 թվականին վեց ամսվա ընթացքում մոտ 20 հեկտար տարածք է մաքրել ականներից, արկերից, ավիառումբերից ու ինքնաշեն պայթուցիկ սարքերից։

Միասնական ջանքեր

ՄԱԿ-ի Ականազերծման հետ կապված գործողությունների ծառայությունը (UNMAS) միայն նախորդ տարի մոտ 495 միլիոն դոլար է ծախսել 19 երկրներում (այդ թվում՝ Իրաքում, Իրանում ու Սիրիայում)։ Հնարավոր է՝ այդ միջոցների մի մասն ուղղվի Լեռնային Ղարաբաղի տարածքն ականազերծելու համար։ UNMAS-ի տվյալների համաձայն՝ առաքելությունը սկսի այստեղ աշխատել դեկտեմբերի սկզբին։ Նախևառաջ, մասնագետները կգնահատեն աշխատանքի ծավալը բարդ լեռնային անտառային տեղանքի վրա։ Հավանաբար՝ սակրավորների համատեղ միջազգային ջանքերը թույլ կտան արագացնել փախստականների վերադարձը հետպատերազմական շրջան։

Հուսադրող է նաև ՄԱԿ-ի գլխավոր քարտուղար Անտոնիո Գուտերեշի դիրքորոշումը։ Նա հայտարարել է, որ հրադադարը հումանիտար կազմակերպություններին թույլ կտա հասնել հակամարտության հետևանքով տուժած խաղաղ բնակչությանը։ Նա պատրաստակամություն է հայտնել համագործակցել Ռուսաստանի հետ Լեռնային Ղարաբաղում։

Ականի պայթյունից 1 խաղաղապահ ու Արցախի ԱԻՆ–ի 4 աշխատակիցներ են վիրավորվել

332
թեգերը:
Ռուսաստան, ականազերծում, Արցախ, Լեռնային Ղարաբաղ
թեմա:
Իրադրությունը Հայաստանում և Արցախում հայտարարության ստորագրումից հետո (798)
Ըստ թեմայի
«Մեր ժողովուրդը նրանց լավ է ընդունում». Արցախի բնակիչները` ռուս խաղաղապահների մասին
Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Ստեփանակերտ. արխիվային լուսանկար

Ռուսաստանի ՊՆ-ն Արցախ վերադարձած քաղաքացիների նոր թիվ է հրապարակել

25
(Թարմացված է 23:35 22.01.2021)
Արցախցիները իրենց բնակավայրերը լքել էին մարտական գործողությունների հետևանքով։

ԵՐԵՎԱՆ, 22 հունվարի - Sputnik. Ռուսական խաղաղապահ ուժերի և ռազմական ոստիկանության ուղեկցությամբ մեկ օրում Արցախ է վերադարձել 87 մարդ։ Տեղեկությունը հայտնում է ՌԴ պաշտպանության նախարարությունը:

«Ընդհանուր առմամբ, Արցախ է վերադարձել 50 հազար 390 մարդ»,- նշված է ՌԴ ՊՆ հաղորդագրության մեջ:

Նրանք իրենց  բնակավայրերը լքել էին մարտական գործողությունների հետևանքով:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

25
թեգերը:
Ռուսաստան, խաղաղապահ, բնակիչ, Լեռնային Ղարաբաղ, Արցախյան պատերազմ, Արցախ
Ըստ թեմայի
Արցախում փոխվել է անհայտ կորածին մահացած ճանաչելու ժամկետը. ևս 2 նախագիծ է ընդունվել
Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ստեփանակերտ. արխիվային լուսանկար

Արցախում փոխվել է անհայտ կորածին մահացած ճանաչելու ժամկետը. ևս 2 նախագիծ է ընդունվել

71
(Թարմացված է 22:18 22.01.2021)
Փոփոխվել են դրոշմանիշային վճարները, Արցախի արտակարգ իրավիճակների պետական ծառայությունը և ոստիկանությունը ներառվել են մեկ միասնական՝ Ներքին գործերի նախարարության կազմում։

ԵՐԵՎԱՆ, 22 հունվարի Sputnik. Արցախում զինծառայողի կամ այլ քաղաքացու գտնվելու վայրի մասին 3 ամսվա ընթացքում տեղեկություններ չլինելու դեպքում, ինչպես նաև նույն պայմաններում անհայտ կորածին դատարանի կողմից մահացած ճանաչելու ժամկետը 2 տարվա փոխարեն սահմանել 1 տարի: ԱՀ ԱԺ պաշտոնական կայքից տեղեկանում ենք, որ Արցախի խորհրդարանն այս մասին օրենքի նախագիծ է ընդունել այսօր հրավիրած արտահերթ նստաշրջանում։

Օրենքի կարգավորումները կտարածվեն  2020 թվականի սեպտեմբերի 27-ից ծագած հարաբերությունների վրա: Քննարկման արդյունքում՝ Արցախի խորհրդարանը միաձայն ընդունել է օրենքի նախագիծը:

Արտահերթ նիստի օրակարգում քննարկվել է նաև «Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ և լրացումներ կատարելու մասին» օրենքի նախագիծը։ Առաջարկվող  փոփոխությունը պայմանավորված  է 2020 թվականի պատերազմական գործողությունների հետևանքով հիմնադրամի շահառուների թվի և ապահովագրական հատուցումների չափի ավելացմամբ:

«Ֆիզիկական անձանց կողմից դրոշմանիշային վճարների վճարման համահարթ եղանակից անցում կատարել պրոգրեսիվ համակարգ, համաձայն որի` կախված եկամտի չափից սահմանել 1500-15000 ՀՀ դրամի չափով դրոշմանիշային վճար, իսկ անհատ ձեռնարկատերերի համար՝ սկսած 18000-180000  դրամ։ Կամավորականների հատուցում ստանալու իրավունքի ապահովման դեպքերում անձը կարող է դիմել պաշտպանության նախարարություն, ստանալ տեղեկանք և դիմել հիմնադրամին` հատուցում ստանալու համար։ Զինծառայողների կյանքին կամ առողջությանը պատճառված վնասների հատուցում նախատեսել նաև այն դեպքերի համար, երբ զինծառայողների կյանքին կամ առողջությանը վնաս է պատճառվել հակառակորդի նախահարձակ գործողության արդյունքում»,- պարզաբանել է ԱՀ նախագահի ներկայացուցիչ, Արցախի Հանրապետության արդարադատության նախարար Կարեն Դանիելյանը։

 Նա նշել է, որ առաջարկվում է օրենքի գործողությունը տարածել 2020թ. սեպտեմբերի 27-ից ծագած հարաբերությունների նկատմամբ, իսկ դրոշմանիշային վճարների գանձումը իրականացնել 2021 թվականի հունվարի 1-ից սկսած հաշվետու ժամանակաշրջանի համար:

Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին

Նախագիծը խորհրդարանն ընդունել է միաձայն քվեարկության արդյունքում:

16 կողմ, 4 դեմ, 8 ձեռնպահ ձայների հարաբերակցությամբ օրենսդիրը հավանության է տվել մեկ այլ նախագծի, որով նախատեսվում է Արցախի Հանրապետության արտակարգ իրավիճակների պետական ծառայությունը և ոստիկանությունը ներառել մեկ միասնական մարմնի՝ Ներքին գործերի նախարարության կազմում։

71
թեգերը:
անհետ կորած, անհայտ զինվոր, Պատերազմ, Լեռնային Ղարաբաղ, Արցախ
Ըստ թեմայի
Խուճապի չմատնվել. Արցախում պայթյունների ձայներ կլսվեն
Արցախում 3 տարեցի ու 1 զինվորի մարմին են հայտնաբերել
Ինչու է Պարգև սրբազանը հեռացել Արցախի թեմի առաջնորդի պաշտոնից
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին