Ֆրանսիայի սենատը

Ինչ ուժ կարող են ունենալ Արցախի վերաբերյալ բանաձևերը. Ֆրանսիայի խորհրդարանի պարզաբանումը

303
(Թարմացված է 21:20 23.11.2020)
Ֆրանսիայի կառավարությունը կարող է վետո դնել բանաձևի վրա, եթե այն պարտավորեցնում է անիրագործելի գործողություններ կատարել: Սակայն Արցախի վերաբերյալ բանաձևերին կառավարությունը դեռ դեմ չի արտահայտվել։

ԵՐԵՎԱՆ, 24 նոյեմբերի – Sputnik.  Արցախի Հանրապետության ճանաչման մասին բանաձևերը Ֆրանսիայի կառավարության կողմից մեխանիկական գործողություններ չեն ենթադրում։ Այս մասին ասվում է Ֆրանսիայի ազգային ժողովի պատգամավոր Ժան–Միշել Միսի («Ֆրանսիա–Հայաստան» բարեկամության միջխորհրդարանական խմբի անդամ) կողմից Sputnik Արմենիային տրամադրած պարզաբանման մեջ։

Արցախի ճանաչման մասին բանաձևերն այսօր ուսումնասիրվում են Ֆրանսիայի խորհրդարանի միանգամից և՛ վերին, և՛ ստորին պալատներում (այսինքն և՛ Սենատում, և՛ Ազգային Ժողովում)։ Սենատում այն կքննարկվի նոյեմբերի 25-ին, իսկ Ազգային Ժողովում` դեկտեմբերի 3-ին։

Բայց և այնպես, նույնիսկ եթե բանաձևն ընդունվի, կառավարությունն իրավունք ունի անընդունելի ճանաչել բանաձևի նախագիծը (այսինքն վետո դնել), եթե այն կառավարությանը  անիրագործելի գործողությունների կատարման է պարտավորեցնում (նման իրավունք է նախատեսվում Ֆրանսիայի Սահմնադրության 34-1 հոդվածով)։ Այդ դեպքում նախագիծը չի ներառվի օրակարգում։ Այնուամենայնիվ, Արցախի վերաբերյալ նախագծերերի հետ նման բան չպետք է տեղի ունենա, քանի որ դրանց քննարկման ամսաթվերն արդեն նշանակվել են։

Էմանուել Մակրոնն այցելել է «Հայաստան» հիմնադրամի Ֆրանսիայի մասնաճյուղ

Սահմանված կարգի համաձայն` խորհրդարանի նախագահը բանաձևի նախագիծը փոխանցել է վարչապետին, ով պետք է որոշի, թե արդյոք կառավարությունը կարող է կատարել բանաձևի դրույթները։ Կառավարությունից բացասական պատասխան չի ստացվել։

Հիշեցնենք, որ երկու նախագծերը Ֆրանսիայի խորհրդարանի տարբեր քաղաքական ուժերի ներկայացուցիչներ են կազմել։ Ազգային Ժողով նախագիծը ներկայացրել են հանրապետականների խմբակցության պատգամավորները, Սենատ` տարբեր խմբակցությունների պատգամավորներ (հանրապետականներ, կենտրոնամետներ և այլն)։

ՀՀ-ի և Ֆրանսիայի արտգործնախարարներն անդրադարձել են Արցախում ստեղծված հումանիտար իրավիճակին

Հավելենք նաև, որ բանաձևերի նախագծերը կառավարությանն առաջարկում են ապահովել ԼՂՀ բնակչության անվտանգության երաշխիքներ և սկսել նրա ճանաչման գործընթացը, անհապաղ մարդասիրական օգնություն ուղարկել այնտեղ, ինչպես նաև եվրոպացի գործընկերների հետ միասին վերանայել  ԵՄ–ին Թուրքիայի անդամակցման գործընթացը։

303
թեգերը:
բանաձև, Ֆրանսիա, անկախություն, Արցախ
Ըստ թեմայի
Ճանաչել Արցախը, չօգնել Բաքվին ու Անկարային. ԱՄՆ Կոնգրեսը բանաձևերի նախագծեր կքննարկի
Ֆրանսիայի Բուշ-դյու-Ռոն դեպարտամենտն Արցախին սատարող բանաձև է ընդունել
Հայտնի է` Ֆրանսիայի Սենատը երբ կքննարկի Արցախի անկախության ճանաչման բանաձևի նախագիծը
Ստեփանակերտ. արխիվային լուսանկար

Ռուսաստանի ՊՆ-ն Արցախ վերադարձած քաղաքացիների նոր թիվ է հրապարակել

26
(Թարմացված է 23:35 22.01.2021)
Արցախցիները իրենց բնակավայրերը լքել էին մարտական գործողությունների հետևանքով։

ԵՐԵՎԱՆ, 22 հունվարի - Sputnik. Ռուսական խաղաղապահ ուժերի և ռազմական ոստիկանության ուղեկցությամբ մեկ օրում Արցախ է վերադարձել 87 մարդ։ Տեղեկությունը հայտնում է ՌԴ պաշտպանության նախարարությունը:

«Ընդհանուր առմամբ, Արցախ է վերադարձել 50 հազար 390 մարդ»,- նշված է ՌԴ ՊՆ հաղորդագրության մեջ:

Նրանք իրենց  բնակավայրերը լքել էին մարտական գործողությունների հետևանքով:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

26
թեգերը:
Ռուսաստան, խաղաղապահ, բնակիչ, Լեռնային Ղարաբաղ, Արցախյան պատերազմ, Արցախ
Ըստ թեմայի
Արցախում փոխվել է անհայտ կորածին մահացած ճանաչելու ժամկետը. ևս 2 նախագիծ է ընդունվել
Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ստեփանակերտ. արխիվային լուսանկար

Արցախում փոխվել է անհայտ կորածին մահացած ճանաչելու ժամկետը. ևս 2 նախագիծ է ընդունվել

72
(Թարմացված է 22:18 22.01.2021)
Փոփոխվել են դրոշմանիշային վճարները, Արցախի արտակարգ իրավիճակների պետական ծառայությունը և ոստիկանությունը ներառվել են մեկ միասնական՝ Ներքին գործերի նախարարության կազմում։

ԵՐԵՎԱՆ, 22 հունվարի Sputnik. Արցախում զինծառայողի կամ այլ քաղաքացու գտնվելու վայրի մասին 3 ամսվա ընթացքում տեղեկություններ չլինելու դեպքում, ինչպես նաև նույն պայմաններում անհայտ կորածին դատարանի կողմից մահացած ճանաչելու ժամկետը 2 տարվա փոխարեն սահմանել 1 տարի: ԱՀ ԱԺ պաշտոնական կայքից տեղեկանում ենք, որ Արցախի խորհրդարանն այս մասին օրենքի նախագիծ է ընդունել այսօր հրավիրած արտահերթ նստաշրջանում։

Օրենքի կարգավորումները կտարածվեն  2020 թվականի սեպտեմբերի 27-ից ծագած հարաբերությունների վրա: Քննարկման արդյունքում՝ Արցախի խորհրդարանը միաձայն ընդունել է օրենքի նախագիծը:

Արտահերթ նիստի օրակարգում քննարկվել է նաև «Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ և լրացումներ կատարելու մասին» օրենքի նախագիծը։ Առաջարկվող  փոփոխությունը պայմանավորված  է 2020 թվականի պատերազմական գործողությունների հետևանքով հիմնադրամի շահառուների թվի և ապահովագրական հատուցումների չափի ավելացմամբ:

«Ֆիզիկական անձանց կողմից դրոշմանիշային վճարների վճարման համահարթ եղանակից անցում կատարել պրոգրեսիվ համակարգ, համաձայն որի` կախված եկամտի չափից սահմանել 1500-15000 ՀՀ դրամի չափով դրոշմանիշային վճար, իսկ անհատ ձեռնարկատերերի համար՝ սկսած 18000-180000  դրամ։ Կամավորականների հատուցում ստանալու իրավունքի ապահովման դեպքերում անձը կարող է դիմել պաշտպանության նախարարություն, ստանալ տեղեկանք և դիմել հիմնադրամին` հատուցում ստանալու համար։ Զինծառայողների կյանքին կամ առողջությանը պատճառված վնասների հատուցում նախատեսել նաև այն դեպքերի համար, երբ զինծառայողների կյանքին կամ առողջությանը վնաս է պատճառվել հակառակորդի նախահարձակ գործողության արդյունքում»,- պարզաբանել է ԱՀ նախագահի ներկայացուցիչ, Արցախի Հանրապետության արդարադատության նախարար Կարեն Դանիելյանը։

 Նա նշել է, որ առաջարկվում է օրենքի գործողությունը տարածել 2020թ. սեպտեմբերի 27-ից ծագած հարաբերությունների նկատմամբ, իսկ դրոշմանիշային վճարների գանձումը իրականացնել 2021 թվականի հունվարի 1-ից սկսած հաշվետու ժամանակաշրջանի համար:

Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին

Նախագիծը խորհրդարանն ընդունել է միաձայն քվեարկության արդյունքում:

16 կողմ, 4 դեմ, 8 ձեռնպահ ձայների հարաբերակցությամբ օրենսդիրը հավանության է տվել մեկ այլ նախագծի, որով նախատեսվում է Արցախի Հանրապետության արտակարգ իրավիճակների պետական ծառայությունը և ոստիկանությունը ներառել մեկ միասնական մարմնի՝ Ներքին գործերի նախարարության կազմում։

72
թեգերը:
անհետ կորած, անհայտ զինվոր, Պատերազմ, Լեռնային Ղարաբաղ, Արցախ
Ըստ թեմայի
Խուճապի չմատնվել. Արցախում պայթյունների ձայներ կլսվեն
Արցախում 3 տարեցի ու 1 զինվորի մարմին են հայտնաբերել
Ինչու է Պարգև սրբազանը հեռացել Արցախի թեմի առաջնորդի պաշտոնից
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին