Ստեփանակերտ

«Ավրորան» Արցախի բնակիչներին օգնելու համար 116 600 դոլար կտրամադրի. ինչ խնդիրներ կլուծվեն

112
(Թարմացված է 11:46 23.11.2020)
«Ավրորայի» նախագծերի միջոցով մարդասիրական, բժշկական օգնություն կտրամադրվի, ինչպես նաև սննդի և առաջին անհրաժեշտության իրերի փաթեթներ կփոխանցեն արցախցիներին։

ԵՐԵՎԱՆ, 23 նոյեմբերի – Sputnik. «Ավրորա» միջազգային մարդասիրական նախաձեռնությունը շարունակում է Արցախի՝ պատերազմի ընթացքում տուժած բնակչությանն ուղղված աջակցության ծրագիրը: Նախաձեռնությունը հայտնում է, որ այս փուլում հաստատվել է 14 նախագիծ, որոնց ընդհանուր բյուջեն կազմում է 116 600 դոլար:

Նշվում է, որ ծրագիրը մեկնարկել է նոյեմբերի 18-ին, իսկ նոյեմբերի 25-ին կներկայացվի ընտրված նախագծերի հաջորդ ցուցակը:
Արդեն իսկ հաստատվել են մի շարք նախագծեր, որոնց միջոցով մարդասիրական, բժշկական օգնություն կտրամադրվի, ինչպես նաև սննդի և առաջին անհրաժեշտության իրերի փաթեթներ կփոխանցեն արցախցիներին։

«10.000 դոլարի շրջանակներում մարդասիրական անհապաղ օգնության կտրամադրվի Մարտակերտի շրջանի յոթ բնակավայրերի (Նոր Մարաղա, Նոր Այգեստան, Նոր Սեյսուլան, Նոր Կարմիրավան, Նոր Հայկաջուր, Հովտաշեն եւ Նոր Ջրաբերդ) բնակիչներին։ Բացի այդ, կտրամդրվեն նաև անկողնային պարագաներ, տաք բաճկոններ, տաքացուցիչներ»,–նշված է հաղորդագրության մեջ։

Երկու միլիոն «Ավրորայից» ու երեք՝ Սիմոնից․ օգնությունն Արցախին ավելանում է

«Ավրորան» 20 000 դոլար կտրամադրի և Արցախի համար շտապօգնության մեքենաների ձեռք կբերի։ Նախաձեռնությունը նաև Ստեփանակերտի հանրակացարանը կկահավորի տեղահանված արցախցիների ժամանակավոր կեցության համար, ինչպես նաև 10 000 դոլար էլ կտրամադրի Ստեփանակերտի քաղաքապետարանին քաղաքացիական ենթակառուցվածքների վերականգնման համար։

«Ավրորան» նախատեսում է նաև Սևանում, Դիլիջանում, Երևանում ապաստանած 166 մարդկանց 15 օր շարունակ սննդի կազմակերպում, ինչպես նաև «Տիրամայր Հայաստանի» ճամբարում (Գյումրի) ապաստանած արցախցի 65 երեխաների և մեծահասակների 30 օր շարունակ սննդի տրամադրում։

3000 դոլար կտրամադրվի, որպեսզի Հայաստանում ապաստանած արցախցի 200 ընտանիքների համար առաջին անհրաժեշտության իրեր ձեռք բերեն։

Նոր ինքնաթիռ է իջել Երևանում. ինչ բեռ է Ֆրանսիան ուղարկում Հայաստանի ու Արցախի համար

112
թեգերը:
Սոցիալական օգնություն, օգնություն, Ավրորա, Ստեփանակերտ
Ըստ թեմայի
«Պապան ասում էր`երեխեքը չտեսնեն` ինչ մենք տեսանք». Նոր Մարաղայի բնակիչները լքում են գյուղը
Ինչպե՞ս է ապահովվելու որոշ շրջանների բնակիչների վերադարձը. Փաշինյանը դիմել է Լավրովին
Ինչո՞ւ տեղահանվեցին Մարտակերտի գյուղերի բնակիչները. Մարուքյանը հարց է ուղղել իշխանությանը
ԱԻՊԾ աշխատակիցներ

Վարանդայում և Ջրականում հայտնաբերվել է 2 աճյուն. ԴՆԹ կարվի

72
(Թարմացված է 18:45 06.03.2021)
Նախնական տվյալներով` դրանք ռազմական գործողությունների մասնակիցներների աճյուններ են։

ԵՐԵՎԱՆ, 6 մարտի - Sputnik. Արցախի փրկարարներն այսօր որոնողական աշխատանքներն իրականացրել են Ադրբեջանի վերահսկողության տակ անցած Վարանդայի (Ֆիզուլի) և Ջրականի (Ջաբրայիլ) շրջաններում: Տեղեկությունը հայտնում է Արցախի արտակարգ իրավիճակների պետական ծառայությունը։

«Հայտնաբերվել է ևս երկու աճյուն: Նախնական տվյալներով վերջիններս ռազմագործողությունների մասնակիցներ են: Նրանց ինքնությունը պարզելու նպատակով նշանակվել է դատաբժշկական փորձաքննություն»,–նշված է հաղորդագրության մեջ։

Որոնումները կշարունակվեն երկուշաբթի՝ մարտի 8-ին:

Զինադադարից հետո հայտնաբերված զինծառայողների և քաղաքացիական անձանց աճյունների ընդհանուր թիվը 1490 է:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

72
թեգերը:
Պատերազմ, Արցախ, աճյուն
Ըստ թեմայի
Արցախի հարավում իրականացված աճյունների որոնումներն արդյունք չեն տվել
Զինծառայողների աճյուններ կփնտրեն Հադրութի շրջանում և Քաշաթաղի շրջանի հարավային թևում
15–օրյա դադարից հետո Արցախում աճյունների որոնողական աշխատանքները վերսկսվել են
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Հետպատերազմական առողջապահության համակարգը կարդիականացվի. Ավանեսյանն Արցախում է

27
(Թարմացված է 15:02 06.03.2021)
Անահիտ Ավանեսյանին ընդունել է նաև Արցախի նախագահ Արայիկ Հարությունյանը, որն իր երախտագիտությունն է հայտնել Հայաստանի առողջապահության համակարգին ու բժիշկներին։

ԵՐԵՎԱՆ, 6 մարտի - Sputnik. Արցախի և Հայաստանի առողջապահության նախարարները քննարկել են հետպատերազմական Արցախի առողջապահության համակարգի արդիականացման գործընթացը: Տեղեկությունը հայտնում է ՀՀ առողջապահության նախարարությունը` հավելելով, որ Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է:

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

«Նախարարները քննարկել են համավարակով պայմանավորված՝ առողջապահական համակարգի մարտահրավերները, խոսել համատեղ իրականացվող և նախանշված ծրագրերի մասին։ Առողջապահական գերատեսչությունների ղեկավարներն անդրադարձել են նաև վիրավորված զինծառայողների և քաղաքացիական անձանց բուժման, ֆիզիկական ու հոգեբանական վերականգնման ուղղությամբ տարվող աշխատանքներին»,–նշված է հաղորդագրության մեջ։

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Ավանեսյանի գլխավորած պատվիրակությանն ընդունել է ԱՀ պետական նախարար, ֆինանսների նախարար Գրիգորի Մարտիրոսյանը: Օրակարգի վերջում Հայաստանից ժամանած պատվիրակությանն ընդունել է Արցախի նախագահ Արայիկ Հարությունյանը:

Делегация во главе с министром здравоохранения Анаит Аванесян в НКР (6 марта 2021). Карабах
Հայաստանի առողջապահության նախարար Անահիտ Ավանեսյանի գլխավորած պատվիրակությունն Արցախում է

Նա իր երախտագիտությունն է հայտնել Հայաստանի առողջապահության համակարգին ու բժիշկներին, որոնց շնորհիվ պատերազմի օրերին և դրանից հետո էլ հազարավոր կյանքեր են փրկվել ու շարունակում են պայքարել վիրավորների առողջության համար:

Ամեն մեկն իր պատմությունն ունի. արցախյան գորգերը փրկվել են պատերազմից ու հասել Երևան

27
թեգերը:
Պատերազմ, Անահիտ Ավանեսյան, ՀՀ Առողջապահության նախարարություն, Արցախ
Ըստ թեմայի
Զատուլինը խոսել է Արցախը ՌԴ կազմում ներառելու և ռուսերենը պաշտոնական լեզու դարձնելու մասին
Բնակչության տարհանումը պատշաճ չեն կատարել. Արցախի դատախազությունում քրգործ է հարուցվել
Երևանը Մոսկվայի հետ քննարկում է Արցախ մեկնելու ցանկություն ունեցող օտարերկրացիների հարցը
Ծաղիկներ

Ինչպես ծաղկեփնջի օգնությամբ Մարտի 8-ին աղջկան սեր խոստովանել

13
(Թարմացված է 17:53 07.03.2021)
Որ ծաղիկներն ավելի լավ կբացահայտեն նվիրողի զգացմունքները, և ինչ ծաղիկ չի կարելի նվիրել. կանանց տոնին ընդառաջ հետևենք ֆլորիստի խորհուրդներին։

Կարմիր վարդերով ծաղկեփունջը սիրո և հուզականության նշան է, այն մեծ սեր է խորհրդանշում, բաց գույնի վարդերը` դեկորատիվ բաղեղանման խոտով զարդարած, ընկերական կապվածության, հարգանքի, համակրանքի նշան են, մուգ կարմիր վարդերը կարող են ակնարկել խորը և կայուն զգացմունքների մասին, խառը ծաղիկներով ծաղկեփնջերը կպատմեն ընտրյալի նկատմամբ հույզերի բազմակողմանիության մասին, ՌԻԱ Նովոստիի հարցախույզի ժամանակ ասել են էթիկետի գծով փորձագետները։
Կանանց միջազգային օրն ամեն տարի նշվում է մարտի 8-ին։ Այն համարվում է գարնան, կանացի գեղեցկության, նրբության և կնոջ նկատմամբ ուշադրության օր, անկախ նրա կարգավիճակից ու տարիքից։

«Ծաղկեփունջն անկասկած կարող է արտահայտել նվիրողի զգացմունքները։ Օրինակ` կարմիր վարդերը սիրո խորհրդանիշ են։ Բաղեղանման դեկորատիվ խոտով զարդարված նուրբ վարդերը` ընկերական կապվածություն ու սեր են։ Որքան վարդերը մուգ են, այնքան տղամարդու զգացմունքն ավելի կրքոտ է», - ասել է էթիկետի մասնագետ, պատմաբան, գրող Էլեոնորա Բասմանովան։

Միևնույն ժամանակ նա նշել է, որ աղջիկներից շատերը սիրում են Մարտի 8-ին որպես նվեր գարնանային ծաղիկներ ստանալ՝ կակաչ, հակինթ, մանուշակ, քանի որ այդ ծաղիկները խորհրդանշում են անցում ցրտաշունչ ձմռանից դեպի թարմ ու ջերմ գարուն։ «Այդ ծաղիկները ևս քնքշություն են խորհրդանշում ընտրայլի նկատմամբ», - հավելել է Բասմանովան։

Ժամանակակից էթիկետի մասնագետ Տատյանա Բարանովան իր հերթին համաձայնել է, որ ուժեղ զգացմունքները կարելի է փոխանցել կարմիր վարդերի օգնությամբ, կամ կարմիր գույնը ծաղկեփնջի ձևավորման ժամանակ պետք է գերակշռի։ «Քանի որ մեզ համար, մեր մշակույթի համար, այն հուզականության, կրքի, ուժեղ զգացմունքների նշան է», - ասել է Բարանովան` նշելով, որ նման ծաղկեփնջեր գործընկեր կնոջը (նույնիսկ մեծ համակրանքի դեպքում) նվիրելը կոռեկտ չէ։

Միայն կվնասի. նիհարելու ո՞ր եղանակներն է սննդաբանն անիմաստ համարել

Փորձագետի կարծիքով՝ ցուցադրել սիրահարվածությունը, միաժամանակ այնպես անել, որ աղջիկը չկարծի, որ դա պարզապես ունիվերսալ բաց գույնի ծաղկեփունջ է, բավական դժվար է։ Շատ բան կախված է տղամարդու երևակայությունից, չէ՞ որ ծաղկեփունջը պետք է նաև նրան դուր գա։

«Թող այդ ծաղկեփնջի հիմնական գույները լինեն բաց-նուրբ-վարդագույն` մի քանի կարմիր վարդերով համեմված։ Այսինքն` շեշտը չդնել նրա վրա, որ ծաղկեփնջում միայն կարմիր կամ վարդագույն վարդեր են, թող տարբեր լինեն», - եզրափակել է Բարանովան։

 Միևնույն ժամանակ, նրա խոսքով, տղամարդը պետք է հստակ գիտակցի, որ այդ ծաղկեփունջը խոսում է իր զգացմունքների մասին։

13
թեգերը:
սեր, Կին, Ծաղիկ, Մարտի 8
Ըստ թեմայի
Գերեզմանին ծաղիկ դնելու հնարավորություն չկա․ հադրութցիները պահանջում են չզրկել իրենց տնից
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ