Ռուս խաղապահներ

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

775
(Թարմացված է 21:29 21.11.2020)
Ղարաբաղում ռուսական առաքելության ներկայությունը չափազանց կարևոր է Հարավային Կովկասի և Մերձկասպյան տարածաշրջանի կայունության պահպանման համար։

Ալեքսանդր Խրոլենկո, ռազմական վերլուծաբան

Լեռնային Ղարաբաղում ռուս զինծառայողների ներկայությունը նվազեցնում է հակամարտության ռազմական լուծման հավանականությունը՝ այն հասցնելով գրեթե զրոյական մակարդակի, թույլ է տալիս Ադրբեջանի և Հայաստանի ղեկավարությանը վերադառնալ բանակցությունների սեղանին, իսկ տեղի բնակիչներին՝ վերադառնալ տուն: Դա Ռուսաստանի արտաքին քաղաքականության արդյունավետության, անթերի կազմակերպման և ՌԴ Զինված ուժերի մարտունակության բարձր մակարդակի ցուցադրությունն է։

Հակամարտության գոտում խաղաղապահ ուժերն իրենց գործողություններով բացառում են հակառակորդների զինված բախումները։ Ռուսաստանի օդատիեզերական ուժերի ռազմատրանսպորտային ավիացիայի ինքնաթիռները շարունակում են տեղափոխել 15-րդ մոտոհրաձգային բրիգադի ստորաբաժանումներն ու տեխնիկան, որը Հարավային Կովկասում կայունության նոր հուսալի երաշխիք է դառնում: Գործողության մեկնարկից հետո Հայաստանի Հանրապետության տարածքից Ստեփանակերտ ու Լեռնային Ղարաբաղի այլ բնակավայրեր են վերադարձել ավելի քան 7 հազար փախստականներ:

Լեռնային Ղարաբաղում մարդասիրական բարդագույն խնդիրների լուծման համար միջգերատեսչական արձագանքման կենտրոնի կազմում գործում են Ռուսաստանի ԱԻՆ համահավաք ջոկատը և հինգ մասնագիտացված կառույցներ՝ հումանիտար ականազերծման, բժշկական, տրանսպորտային և առևտրատնտեսական ապահովման, հակամարտող կողմերի հաշտեցման:

Ինչպես են ռուս խաղաղապահները դիտակետեր տեղակայում Արցախում. տեսանյութ

«Հյուսիս» և «Հարավ» անվտանգության գոտիներում գտնվող դիտակետերը, պարեկապահակային և ոստիկանական գործառույթները տեսանելի են անզեն աչքով։ Ռուս խաղաղապահներն ապահովում են Լաչինի միջանցքով քաղաքացիական ավտոտրանսպորտի երթևեկության անվտանգությունը, զննում են մեքենաները՝ զենքի տեղափոխումը կանխելու համար: Ղարաբաղում ռուսական գործողության շատ խնդիրներ, կառույցներ, մեխանիզմներ ու ալգորիթմներ այդքան ակնհայտ չեն։ Ղարաբաղի իրավիճակը պատմության մեջ աննախադեպ է և խիստ պահանջներ է ներկայացնում 15-րդ մոտոհրաձգային բրիգադի զինծառայողներին։

Ռուսաստանի անվտանգության դաշնային ծառայությունը կվերահսկի Հայաստանի կողմից Ադրբեջանի և Նախիջևանի Ինքնավար Հանրապետության արևմտյան շրջանների միջև տրանսպորտային հաղորդակցության ապահովումը (քաղաքացիների, տրանսպորտային միջոցների և բեռների անարգել երթևեկություն երկու ուղղություններով): ՌԴ կառավարությունը կհոգա խաղաղապահների գործունեության հետ կապված ծախսերի ֆինանսավորումը։ Նման գործողության գինը տարեկան մի քանի հարյուր միլիոն դոլար է (անձնակազմի ապահովում, տեխնիկայի շահագործում, վառելիքի ծախս), բայց Հարավային Կովկասի անվտանգությունը գումարով չի չափում։

Գործողության նշանակությունը հսկայական է, վարկանիշը՝ ամենաբարձրը։ Թող որ Ղարաբաղում գտնվող ռուսական առաքելությունն ամենամեծը չէ (ՄԱԿ-ի չափանիշներով), բայց չափազանց կարևոր է Հարավային Կովկասի և Մերձկասպյան տարածաշրջանի կայունության պահպանման համար։

Մերձավոր երկրներ

Ռուս խաղաղապահները շատ բան են արել հետխորհրդային տարածքում անվտանգության ամրապնդման համար՝ Աբխազիայում, Հարավային Օսեթիայում, Տաջիկստանում, Մերձդնեստրում: Եվ այդուհանդերձ Լեռնային Ղարաբաղի վերջին ողբերգական իրադարձությունները վկայում են, որ ԱՊՀ երկրների միջև պահպանվում է զինված հակամարտությունների ներուժը։ Աշխարհի խոցելիության օրինակներ տեսնելու համար պետք չէ հեռու գնալ։

Երեկ Մոլդովայի նորընտիր նախագահ Մայա Սանդուն ծրագրային (կամ հերթապահ) հայտարարություն արեց Մերձդնեստրից ռուս զինծառայողներին դուրս բերելու անհրաժեշտության մասին: Հնարավոր է` նա մոռացել է, որ դա Արևելյան Եվրոպայի տարածքում միակ տարածաշրջանն է, որտեղ խաղաղապահ զորակազմ մտցնելուց հետո՝ 1992 թվականին, համապատասխան համաձայնագրի հիմքով, ռազմական գործողությունները դադարել են և չեն վերսկսվել 28 տարի շարունակ։

Մերձդնեստրում է գտնվում ռուսական զորքերի օպերատիվ խումբը, որի գլխավոր խնդիրներից մեկը հին զինամթերքի հսկայական (ավելի քան 20 հազար տոննա) և խիստ վտանգավոր զինանոցի պահպանությունն է Կոլբասնա բնակավայրի մերձակայքում (1990-ականների սկզբին այստեղ էին տեղափոխում խորհրդային զորքերի ռազմամթերքը Գերմանիայից, Հունգարիայից, Լեհաստանից): Զինանոցը տեղում ոչնչացնել հնարավոր չէ, դուրս բերելը նույնպես խնդրահարույց է. կպահանջվի մոտ 2500 վագոն, սակայն զինամթերքի 57%–ն արդեն հնարավոր չէ տեղափոխել։ Եթե ռուսները հեռանան, Մոլդովայում իրավիճակը պայթյունավտանգ կլինի բառի ամենաուղիղ իմաստով։ Հույսը պրագմատիզմն է։

Խաղաղապահների արդյունավետության մի օրինակ բերեմ Կենտրոնական Ասիայի ուղղությունից։ Հիշեցնեմ, որ Ռուսաստանը, Ղազախստանը, Ուզբեկստանը և Ղրղզստանը 1993թ․-ին որոշում են ստորագրել Հավաքական խաղաղապահ ուժերի (ՀԽՈւ) ստեղծման մասին, որոնք դարձել են տարածաշրջանային կայունության հիմքը։

«Եթե գալու էիք, խի՞ շուտ չեկաք». ինչպես են Հայաստանում դիմավորել ռուս խաղաղապահներին

Այդ ժամանակ ՀԽՈւ-ի կազմը ներառում էր Ռուսաստանի զինված ուժերի 201-րդ մոտոհրաձգային դիվիզիան և Ղազախստանի, Ղրղզստանի, Ուզբեկստանի ստորաբաժանումները։ Խաղաղապահների հավաքական ջանքերով նույն թվականին հաջողվեց դադարեցնել զինված հակամարտությունը Տաջիկստանում: Հանրապետությունում մնաց Ռուսաստանի անվտանգության դաշնային ծառայության սահմանապահ ծառայության օպերատիվ խումբը, իսկ 2005 թվականին Տաջիկստանում 201-րդ մոտոհրաձգային դիվիզիայի բազայի վրա ստեղծվեց 201-րդ (ըստ էության՝ խաղաղապահ) ռուսական ռազմաբազան:

Ռուսաստանի Դաշնությունը` որպես ՄԱԿ-ի անվտանգության խորհրդի մշտական անդամ, միջազգային հանրության մյուս անդամների հետ պատասխանատվություն է կրում ամբողջ մոլորակի խաղաղության համար: Կանխում և վերացնում է ազգամիջյան և միջհամայնքային հակամարտությունները հետխորհրդային տարածքում և հեռավոր երկրներում՝ առանձին (ինքնավար) առաքելությունների, ՄԱԿ-ի ուժերի և ՀԱՊԿ-ի կոնտինգենտի կազմում:

Հարավսլավիայից մինչև Անգոլա

Ռուս խաղաղապահները զգալի փորձ ունեն, և պատահական չէ, որ ՄԱԿ-ում ռազմական դիտորդների թվով ՌԴ-ն առաջին տասնյակում է։

Նման առաքելությունները պայմանականորեն բաժանվում են երկու տեսակի՝ խաղաղության պահպանում և խաղաղության պարտադրում։ Կախված հակամարտության գոտում տիրող իրավիճակից` խաղաղապահ ուժերի առաջնային խնդիրները և գործողությունները, գործողության կարգավիճակը կարող են փոփոխվել: Այսպես, 2008թ. օգոստոսին վրաց-օսական հակամարտության գոտում խաղաղության պահպանման գործողությունը վերածվեց Վրաստանին խաղաղություն պարտադրելու գործողության (վրացական կողմի՝ ռազմական գործողությունների սկսվելուց և ՌԴ խաղաղապահների դիրքերի վրա հարձակվելուց հետո)։

Ռուս զինծառայողները սկսել են միջազգային դժվարին փորձ ձեռք բերել 1992 թվականից Հարավսլավիայում խաղաղություն պահպանելու ՄԱԿ-ի գործողություններում (1992-2003թթ.), երբ ռուսական զորակազմում 1600 մարդ էր ընդգրկված: Ավելի ուշ նմանատիպ խնդիրներ լուծվեցին Անգոլայում, Լիբերիայում, Մոզամբիկում, Կոտ դ’Իվուարում, Ռուանդայում, Բուրունդիում, Եթովպիայում, Սուդանում, Չադի Հանրապետությունում և Կենտրոնական Աֆրիկայի Հանրապետությունում (ԿԱՀ):

Յուրաքանչյուր առաքելություն իր բնութագրական առանձնահատկություններն ունի` ըստ հակամարտության կարծրության, անվտանգության գոտում մարտական հակազդեցության ռիսկայնության, ներգրավվող զորքերի և ուժերի քանակի, լոգիստիկայի և ռոտացիայի առանձնահատկությունների, տեղի բնակչության բնույթի ու բնակլիմայական պայմանների։

Զինծառայողները պետք է արագ հարմարվեն անծանոթ երկրի «անկայուն խաղաղության» իրադրությանը և մշտական մարտական պատրաստության մեջ մնան գործուղման ողջ ժամանակահատվածում: Ռոտացիան սովորաբար իրականացվում է կես տարին մեկ, և դա ռազմական խաղաղապահների համար ոգու ուժի ու ֆիզիկական տոկունության խիստ փորձություն է: Դիտորդական առաքելությունները գրեթե անզեն են, խաղաղապահ ուժերի մասնակցությամբ գործողությունների ժամանակ առավելապես թեթև սպառազինություն է կիրառվում։

Ռուս խաղաղապահներն այս տարի ծառայում են ՄԱԿ-ի ինը առաքելություններում՝ Արևմտյան Սահարայում (MINURSO), Կենտրոնական Աֆրիկայի Հանրապետությունում (MINUSCA), Կոնգոյի Դեմոկրատական Հանրապետությունում (MONUSCO), Կիպրոսում (UNFICYP), Սուդանում (UNISFA), Կոսովոյում (UNMIK), Հարավային Սուդանում (UNMISS), Մերձավոր Արևելքում (UNTSO), Կոլումբիայում (UNVMC): Ամենախոշորը համարվում է ՄԱԿ-ի և Աֆրիկյան միության՝ Սուդանում ծավալված խաղաղապահ գործողությունը (ավելի քան 20 հազար զինծառայող): Չնայած էկզոտիկ աշխարհագրությանը, դա ծանր կյանքի համար մշտական վտանգ պարունակող աշխատանք է: Ամեն տարի աշխարհում զոհվում է մոտ 100 խաղաղապահ, և շատ դեպքերում՝ նպատակաուղղված հարձակումների ընթացքում։

Ռուս խաղաղապահների զորախմբի տեղաշարժը Լեռնային Ղարաբաղում. տեսանյութ

775
թեգերը:
Ռուսաստան, խաղաղապահ, Արցախ
Ըստ թեմայի
Ղարաբաղի բնակիչները դրական են վերաբերվում ռուս խաղաղապահներին․ գնդապետ Պոլյուխովիչ
Դա ինձ համար բացահայտում էր. Դադիվանքին հարակից դիտակետի խաղաղապահը հաճելիորեն զարմացած է
Ռուս խաղաղապահները շատ ավելին են անում, քան մենք սպասում էինք․ ՊՆ ներկայացուցիչ
Հայաստանից Արցախ վերադարձած փախստականները

Մեկ օրում ավելի քան երկու հազար մարդ է Ղարաբաղ վերադարձել․ ՌԴ ՊՆ

3
(Թարմացված է 17:26 25.11.2020)
Ռուսաստանի պաշտպանության նախարարության ներկայացուցիչը խոսել է փախստականների վերադարձի ու հրադադարի պահպանման մասին։

ԵՐԵՎԱՆ, 25 նոյեմբերի – Sputnik. ՌԴ պաշտպանության նախարարության ներկայացուցիչ, գեներալ-մայոր Իգոր Կոնաշենկովն այսօր հայտնել է, որ մեկ օրում ավելի քան երկու հազար մարդ Ղարաբաղ է վերադարձել։

Նրա խոսքով՝ ընդհանուր առմամբ խաղաղապահներին աջակցությամբ ավելի քան 15 հազար մարդ է բնակության վայր վերադարձել։

«Փախստականները Հայաստանի տարածքից Լեռնային Ղարաբաղ են վերադարձել ռուս խաղաղապահների աջակցությամբ։ Ընդհանուր առմամբ ավելի քան 15 հազար մարդ է վերադարձել», - ասել է նա։

Կոնաշենկովը խոսել է նաև հրադադարի ռեժիմի պահպանման մասին։

«Խաղաղապահ ուժերի ռուսական զորախումբը շարունակում է կատարել իր առջև դրված խնդիրները։ Ռուս խաղաղապահները իրավիճակի շուրջօրյա մոնիտորինգ են իրականացնում 23 դիտակետում ու վերահսկում հրադադարի ռեժիմի պահպանումը պատասխանատվության հյուսիսային ու հարավային գոտիներում։ Հրադադարի ռեժիմը պահպանվում է շփման գծի ողջ երկայնքով», - ասել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

3
թեգերը:
խաղաղապահ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուսաստանը Կարմիր խաչին 2 մլն եվրո է փոխանցել` Արցախում կատարվելիք գործողությունների համար
Խաղից դուրս վիճակ, կամ ո՞րն էր Թուրքիայի գլխավոր սխալը Արցախի հարցում
Արցախի ԱԳ նախարարն ընդունել է Կարմիր խաչի պատվիրակությանը
Էդմոն Մարուքյան. արխիվային լուսանկար

Եռակողմ հայտարարությունը հրադադար է ապահովել, բայց ոչ երկարատև խաղաղություն. Մարուքյան

21
(Թարմացված է 16:44 25.11.2020)
«Լուսավոր Հայաստանի» համոզմամբ` «պարտության սիմվոլ» վարչապետը, որն այլևս Ալիևի հետ չի կարող հանդիպել, չի կարող հետամուտ լինել նաև երկարատև խաղաղություն ապահովող փաստաթուղթ ունենալուն։

ԵՐԵՎԱՆ, 25 նոյեմբերի – Sputnik. Նիկոլ Փաշինյանը պետք է հեռանա ՀՀ վարչապետի պաշտոնից։ Facebook-ի ուղիղ եթերի ընթացքում ներկայացնելով «Լուսավոր Հայաստանի» դիրքորոշումը, նման հայտարարություն արեց ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը։

«Միակ ճանապարհը, որ վարչապետը հեռանում է և միաժամանակ նոր վարչապետ է ընտրվում, անվստահություն հայտնելու մեթոդն է, որտեղ ցնցումներ չեն կարող լինել` 7 օր հետո ևս 7 օր, 14 օր, որ երկիրը ղեկավար չունենա, սա այդ մեխանիզմը չէ։ Անվստահություն հայտնելու մեխանիզմն այն մեխանիզմն է, որ մեկ քվեարկությամբ գործող վարչապետը համարվում է հրաժարական տված, իսկ մյուս թեկնածուն համարվում է ընտրված»,– իրենց քաղաքական ուժի առաջարկն այսպես մեկնաբանեց Մարուքյանը։

Ինչ վերաբերում է թեկնածուին, նրա անունն առայժմ չի հայտարարվում։ Ըստ Մարուքյանի` երբ քաղաքական դաշտում այդ հարցի շուրջ կլինի կոնսենսուս, այն ժամանակ էլ ադ հարցը կքննարկվի։

Խոսելով ներկա կառաարության ու դրա ղեկավարի վարած քաղաքականության մասին` Մարուքյանը շեշտեց, որ վերջինները պարբերաբար հայտարարել են, որ ունեն փայլուն հարաբերություններ ՌԴ–ի հետ, մինչդեռ փաստերը հակառակն են վկայել։

«Ես մի օրինակ կարող եմ ասել. մեր պետական մարմինները` նախարարություններ և տարբեր գերատեսչություններ, կապ են ունեցել ռուսական իրենց համազոր գերատեսչությունների հետ։ Հեղափոխությունից հետո այդ կապը խզվել է` ինֆորմացիայի փոխանակում, շփում։ Եվ ամենաբարձր մակարդակով նույնպես այդ կապը չի պահվել։ Նաև դա է պատճառը, որ երբ պատերազմը խորը և շատ լավ նախապատրաստվել է մեր դեմ` որպես մեծ ագրեսիա, հայկական մարմինները, որոնք պետք է իրազեկված լինեին գործընկեր մարմինների կողմից, որևէ ձևով իրազեկված չեն եղել»,– ասաց Մարուքյանը։

Նրա բնորոշմամբ` «պարտության սիմվոլը փոխելուց» ու «հարաբերությունները շտկելուց» հետո Հայաստանի նոր ղեկավարը պետք է շտապ վերականգնի բանակցությունները` եռակողմ հայտարարության անորոշ դրույթների հարցով հայանպաստ լուծումների հասնելու նպատակով։

Մարուքյանը կարևորում է նաև ՄԽ համանախագահների ձևաչափով բանակցային գործընթացի վերականգնումը։
Հայտարարությունը ստորագրած վարչապետը, ըստ «Լուսավոր Հայաստանի» ղեկավարի, այլևս չի կարող բանակցել Ալիևի հետ։ Իսկ հնարավոր նոր անձը դեռ հնարավորություն ունի որոշ իրողություններ վերափոխել ի նպաստ Հայաստանի, օրինակ`գերիների վերադարձի ժամկետները, Սյունիքով անցող ճանապարհի հարցը, որոնք փաստաթղթով հստակեցված չեն ու թողնված են հետագա բանակցություններին։

Ինչո՞ւ տեղահանվեցին Մարտակերտի գյուղերի բնակիչները. Մարուքյանը հարց է ուղղել իշխանությանը

«Այս փաստաթուղթը եթե մնա այնպես, ինչպես կա, կայունություն չի կարող ապահովել։ Այն հիմա ուղղակի հրադադար է ապահովել, ինչը, այո, շատ լավ է, բայց երկարատև խաղաղության համար նոր համաձայնագիր պետք է ստորագրվի, որը մինչև ստորագրվելը պետք է բանակցվի։ Իսկ պարտության սիմվոլ վարչապետը, որն այլևս Ալիևի հետ չի կարող հանդիպել, որևէ ձևով չի կարող հետամուտ լինել նման փաստաթուղթ ունենալուն»,– ասաց Մարուքյանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

21
թեգերը:
Պատերազմ, Եռակողմ հայտարարություն, Նիկոլ Փաշինյան, Արցախ, Էդմոն Մարուքյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Օնիկ Գասպարյանն ինձ ասել է` 7 օր հնարավորություն տվեք հայկական զինված ուժերին. Մարուքյան
Պարտված առաջնորդը պետք է հեռանա. Մարուքյանը պահանջում է Փաշինյանի հրաժարականը
Մենք այս փաստաթղթով զիջում ենք ՀՀ տարածքային ամբողջականությունից ինչ-որ վիճակ. Մարուքյան
Թևան Պողոսյան

Ի՞նչ է պետք տնտեսական ու բարոյահոգեբանական ճգնաժամերը հաղթահարելու և առաջ շարժվելու համար

0
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է ներքաղաքական որոշ իրողությունների և այդ համատաքստում նաև վարչապետ Նիկոլ Փաշինյանի գնահատականներին։ 
«Ինչու՞ չհավաքվեցինք երեք միլիոնով, ամեն մարդ իրեն պետք է տա այս հարցը». Պողոսյան

Անդրադառնալով ԼՂ վերաբերյալ եռակողմ հայտարարությունից հետո իր հրաժարականի պահանջով կազմակերպվող հանրահավաքներին, վարչապետն ասել է, որ լայն հանրությունը չի աջակցել ընդդիմությանը։

Թևան Պողոսյանի դիտարկմամբ` խնդիրն այն չէ, որ փողոցում որոշակի քանակի մարդիկ հավաքվում են կամ չեն հավաքվում, հետևաբար պետք չէ հարցին մոտենալ զուտ քանակական իմաստով, այլ անհրաժեշտ է լրջորեն գնահատել քաղաքական ուժերի կոչերն ու գործողությունները։ 

«Օրինակ, օրենք են գրել, որ խորհրդարանում ընդդիմությունը կարող է բարձրացնել երկրի ղեկավարի հրաժարականի հարց, հիմա եթե ԱԺ–ում կա երկու ընդդիմադիր խմբակցություն, ուրեմն ի՞նչ, պետք է ասեն, որ ընդամենը երկու ո՞ւժ է հանդես գալիս այդ պահանջով։ Մենք պետք է ձևավորենք քաղաքական մշակույթ, որպեսզի գիտակցենք մեր կատարած քայլերի պատասխանատվությունը և դրանից ելնելով որոշումներ ընդունենք»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանը ցավով է նշում, որ Հայաստանում քաղաքական մշակույթի բացակայությունը խոչընդոտում է ազգային միասնության կայացմանը։ Ըստ նրա` ստեղծված իրավիճակում յուրաքանչյուրը պետք է առաջնորդվի անհատական պատասխանատվությամբ և ինքնուրույն ընկալման շնորհիվ պարզի, թե ինչպես կարող է նպաստել ազգային միասնության ձևավորմանը, այլ ոչ թե պառակտի հասարակությունը։ 

ԳԱԱ–ն պահանջում է Փաշինյանի հրաժարականը

«Հասարակության ներսում առկա սուր հակասությունները կարող են նվազեցնել երկրի անվտանգության մակարդակը։ Արցախում տեղի ունեցածը, 44–օրյա պատերազմի արդյունքը դաս չեղա՞վ մեզ համար։ Ես լսում էի բողոքներ, թե չգնացին, չեկան, չմասնակցեցին, իսկ հարցն այն է, թե գուցե կոչերը չեն եղել ոգեշնչող կամ գուցե ոմանց հանդեպ վստահությունը եղել է ցածր, որ մարդիկ չեն հավաքվել հանուն հայրենիքի։ Չէ՞ որ ասում էինք Սարդարապատ հայրենական պատերազմ։ Ի՞նչ պատահեց, որ երեք միլիոնով չհավաքվեցինք։ Յուրաքանչյուր մարդ պետք է իրեն տա այդ հարցը և փորձի գտնել պատասխանը»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանի համոզմամբ` նախ պետք է բացել քաղաքական դաշտը, ստեղծել հնարավորության պատուհան, որպեսզի ի հայտ գան մարդիկ, ովքեր կգիտակցեն սխալներն ու կսկսեն այլ խոսք ասել մարդկանց` հասկանալով առկա մարտահրավերները։ Ըստ նրա` մենք կանգնած ենք ճգնաժամերի շարանի առջև` տնտեսականից մինչև բարոյահոգեբանական, ուստի պետք է կարողանանք հաղթահարել բոլոր ճգնաժամերը, իսկ առաջ շարժվելու համար անհրաժեշտ է, որ փոխվի խոսքը, քանի որ մնալով հին քաղաքականության մեջ և շարունակելով հին խոսքը` որևէ տեղ չենք հասնի։

Ամերիկահայերը Փաշինյանի հրաժարականի պահանջով ստորագրահավաք են սկսել

Պողոսյանի գնահատմամբ` նորը վերաբերում է մոտեցմանը, բոլորս էլ նախկին ենք ու ինչ էլ գտնենք՝ լինելու է նախկիններից։ 

0
թեգերը:
Նիկոլ Փաշինյան, Ճգնաժամ, Թևան Պողոսյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Թե ինչպես է հաղթահարվելու քաղաքական ճգնաժամը, ՊՆ–ին ամենաքիչն է վերաբերվում. Տոնոյան
Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից
Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ