Շիրակի մարզից արցախցիների առաջին խումբը մեկնեց Արցախ

Գնում ենք, երևի լավ կլինի. Շիրակի մարզից արցախցիների առաջին խումբը մեկնեց Արցախ

166
(Թարմացված է 19:44 19.11.2020)
Շիրակի մարզում ապաստան գտած ընտանիքները վերադառնում են Արցախ: Նրանք երկակի զգացողություն ունեն՝ վերադառնում են, բայց կյանքն այլևս առաջվանը չի լինի:

ԵՐԵՎԱՆ, 19 նոյեմբերի – Sputnik. Շիրակի մարզից Արցախ վերադարձողների առաջին խումբը ճանապարհ ընկավ վաղ առավոտյան, որպեսզի մինչև մթնելը տեղ հասնեն: Շատերը լուռ էին, խոսել չէին ուզում, բայց արցունքները խոսում էին նրանց փոխարեն։ Ոմանք էլ թեև ուրախ էին, որ վերադառնում են Արցախ, բայց դեռ չեն պատկերացնում՝ ինչ են անելու, ինչպես են շարունակելու ապրել՝ առանց իրենց տան ու գյուղի:

Նոյեմբերի 19-ին Շիրակի մարզից 45 արցախցի էր վերադառնալու ցանկություն հայտնել, հիմնականում` ստեփանակերտցիները:

  • Շիրակի մարզից արցախցիների առաջին խումբը մեկնեց Արցախ
    Շիրակի մարզից արցախցիների առաջին խումբը մեկնեց Արցախ
    © Sputnik / Armenuhi Mkhoyan
  • Շիրակի մարզից արցախցիների առաջին խումբը մեկնեց Արցախ
    Շիրակի մարզից արցախցիների առաջին խումբը մեկնեց Արցախ
    © Sputnik / Armenuhi Mkhoyan
  • Շիրակի մարզից արցախցիների առաջին խումբը մեկնեց Արցախ
    Շիրակի մարզից արցախցիների առաջին խումբը մեկնեց Արցախ
    © Sputnik / Armenuhi Mkhoyan
  • Շիրակի մարզից արցախցիների առաջին խումբը մեկնեց Արցախ
    Շիրակի մարզից արցախցիների առաջին խումբը մեկնեց Արցախ
    © Sputnik / Armenuhi Mkhoyan
1 / 4
© Sputnik / Armenuhi Mkhoyan
Շիրակի մարզից արցախցիների առաջին խումբը մեկնեց Արցախ

Ալեքսեյ Հարությունյանը Ստեփանակերտից է: Գյումրիում է նոյեմբերի 3-ից: Sputnik Արմենիայի հետ զրույցում նա պատմեց, որ իր տունը կանգուն է, բայց բոլոր ապակինները կոտրված են։

«Նախկին կյանքին դժվար թե վերադառնանք, Շուշին չկա, 50 կմ հեռավորության վրա է Ստեփանակերտից, վաղն ո՞վ է իմանում՝ ինչ կլինի, տեր կլինի, զորք կլինի: Չգիտենք: Հարցականի տակ գնում ենք։ Բայց գնում ենք, ինչքա՞ն կարող ենք ուրիշ տեղ մնալ, ինչքա՞ն կարող են մեզ ձրի պահել… Երևի լավ կլինի,-ասաց նա։

Հարությունյանը գնում է տան հարցերը լուծելու, որպեսզի հետո էլ Երևանում գտնվող ընտանիքի անդամները հետ գնան Ստեփանակերտ:

Алексей Арутюнян
© Sputnik / Armenuhi Mkhoyan
Ալեքսեյ Հարությունյան

«Պետք է վերադառնանք, մեր հողը չթողնենք ուրիշին: Ասացին` աշխատատեղերը կան: Կգնանք, կտեսնենք` ինչ վիճակ է այնտեղ»,-ասաց Արցախ վերադարձող Անգելինա Սայանը:

Ժորա Բարսեղյանը Շուշիից է: Թեև երիտասարդը հայրենի տուն վերադառնալու հնարավորություն չունի, բայց Արցախում ապրելու որոշումը հաստատուն է:

Жора Барсегян
© Sputnik / Armenuhi Mkhoyan
Ժորա Բարսեղյան

«Տունս մնաց Շուշիում, բայց հույսս չեմ կտրում, որ մի օր էլի վերադառնալու եմ: Դժվար է, բայց այդ հույսով եմ ապրելու, առանց հույսի հնարավոր չէ»,-անկեղծացավ Ժորան` հույս հայտնելով, որ իշխանությունները կլուծեն կացության հարցը:

Ստեփանակերտում օթևան գտնելու հույսով Արցախ մեկնեց նաև Էլմիրա Դավթյանը: Նրա գյուղը՝ Սարգսաշենն այլև չկա. ադրբեջանցիներն այրել են:

«Մենք գյուղից դուրս ենք եկել վերջին վայրկյանին, չենք կարողացել ոչ մի բան վերցնել, շոր-մոր, չգիտեմ` էս ինչ դառավ: Կվերադառնամ, մեկսենյականոց տուն տան, կմնամ, ի՞նչ անեմ»,- ասաց տիկին Էլմիրան:

Эльмира Давтян
© Sputnik / Armenuhi Mkhoyan
Էլմիրա Դավթյան

Սա Շիրակից Արցախ մեկնող առաջին խումբն էր, բայց ոչ վերջինը: Հետագա օրերին ևս խմբեր կմեկնեն Արցախ: Չնայած վախին ու անորոշությանը, հայրենի Արցախ մեկնելու ցանկություն հայտնած ընտանիքներ դեռ շատ կան:

166
թեգերը:
Արցախ, Շիրակի մարզ, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո (516)
Ըստ թեմայի
«Ամեն ինչն եմ կարոտելու, շատ մեծ ցավ է». Նոր Մարաղայի բնակիչը լքում է տունը. տեսանյութ
Մեկ օրում Արցախ է վերադարձել 1199 մարդ. Կոնաշենկով
Կոչ արցախցիներին` եթե տուն եք կորցրել, դեռ մի վերադարձեք. բնակարանները չեն հերիքում
Ադրբեջանի արտգործնախարարություն

Ադրբեջանի ԱԳՆ-ն բողոքի նոտա է հանձնել Ֆրանսիայի դեսպանին ԼՂՀ-ի հետ կապված բանաձևի պատճառով

1
Ավելի վաղ Ադրբեջանի խորհրդարանն ընդունել էր հայտարարություն՝ բողոք հայտնելով Ֆրանսիայի Սենատին Ղարաբաղի մասին բանաձևի պատճառով։

ԵՐԵՎԱՆ, 26 նոյեմբերի — Sputnik. Բաքվում Ֆրանսիայի դեսպան Զաքարի Գրոսին կանչել են Ադրբեջանի ԱԳՆ, որտեղ նրան բողոքի նոտա են հանձնել Ղարաբաղի հարցով Սենատի ընդունած բանաձևի վերաբերյալ։ ՌԻԱ Նովոստիի հետ զրույցում ասել է գերատեսչության պաշտոնական ներկայացուցիչ Լեյլա Աբդուլաևան։

Այսօր Ադրբեջանի խորհրդարանը (Միլի Մեջլիս) հայտարարություն է ընդունել, որում Ֆրանսիայի Սենատին բողոք է հայտնել Արցախի վերաբերյալ բանաձևի կապակցությամբ, իսկ երկրի կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար: Բացի այդ, Ադրբեջանի խորհրդարանը կոչ է արել կառավարությանը վերանայել քաղաքական ու տնտեսական հարաբերությունները Ֆրանսիայի հետ։

Նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։ Բանաձևը նաև դատապարտում է Ադրբեջանի ռազմական ագրեսիան, որն իրականացվել է Թուրքիայի և օտարերկրյա վարձկանների աջակցությամբ, ինչպես նաև պահանջում է ադրբեջանական զինված ուժերն ու նրանց աջակցող կազմավորումներն անհապաղ հեռացնել սեպտեմբերի 27-ի ռազմական գործողությունների սկսվելուց հետո գրավված տարածքներից:

Փաստաթուղթը Ֆրանսիայի կառավարությանը հորդորում է աջակցություն ցուցաբերել Արցախի խաղաղ բնակչությանը, ինչպես նաև ստեղծել Լեռնային Ղարաբաղում ռազմական հանցագործությունների, մասնավորապես խաղաղ բնակչության դեմ հանցագործությունների հետաքննության միջազգային հանձնաժողով:

Բանաձևը Ֆրանսիայի կառավարությանը կոչ է անում բոլոր ջանքերը գործադրել բանակցային գործընթացը վերսկսելու, 1994 թ-ին գծված սահմաններն ապահովելու, ինչպես նաև հայ բնակչության անվտանգությունն ու տեղահանված անձանց վերադարձի իրավունքը ապահովելու համար:

Մեկնաբանելով Ֆրանսիայի Սենատի որոշումը`Ադրբեջանի նախագահի օգնական Հիքմեթ Հաջիևը հայտարարել է, որ Բաքուն Ղարաբաղի վերաբերյալ բանաձևը գնահատում է որպես սովորական թղթի կտոր և շատ ամոթալի քայլ Ֆրանսիայի քաղաքականության ու պառլամենտարիզմի համար:

Հաջիևը Ֆրանսիայի կառավարությանը խորհուրդ է տվել նման սադրիչ քայլերի անթույլատրելիության մասին պաշտոնական դիրքորոշում արտահայտել և բանաձևը դատապարտող հայտարարությամբ աջակցություն հայտնել Ադրբեջանի տարածքային ամբողջականությանը:

1
Արցախ

Շահումյանի շրջանի 2 գյուղ կմնան Արցախի կազմում

51
(Թարմացված է 20:01 26.11.2020)
Շահումյանի շրջանի երկու գյուղերի հետ կապված անհասկանալի իրավիճակ է ստեղծվել։ Դրանք նախկինում եղել են Մարտակերտի կազմում, ապա տրվել են Շահումյանի շրջանին։

ԵՐԵՎԱՆ, 26 նոյեմբերի- Sputnik. Արցախի Շահումյանի շրջանի Ակնաբերդ գյուղը մնում է հայկական վերահսկողության տակ։ Ամենայն հավանականությամբ, նույն ճակատագրին կարժանանա նաև Չարեքթար գյուղը։ Տեղեկությունը Sputnik Արմենիային հայտնել է Մարտակերտի շրջանի վարչակազմի ղեկավար Հայկ Բախշիյանը։

Նշենք, որ երկու օր առաջ ՀՀ կառավարությունը հրապարակեց Արցախի այն 121 բնակավայրերի (քաղաքներ ու գյուղեր) ցանկը, որոնք նոյեմբերի 9–ի եռակողմ հայտարարության արդյունքում անցնում են  Ադրբեջանի վերահսկողության տակ: Այդ ցուցակում ներառված էին նաև Ակնաբերդը և Չարեքթարը։

«Ակնաբերդը մնում է մեզ։ Եթե չեմ սխալվում, Չարեքտարը` նույնպես», - ասաց Բախշիյանը։

Նրա խոսքով` նախկինում, երկու գյուղերն էլ Մարտակերտի շրջանի մեջ էին մտնում։ Հետո դրանք հանձնվել են Շահումյանի շրջանին։

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Նա նշել է, որ հայկական վերահսկողության տակ պետք է մնա Դադիվանքից արևելք ընկած տարածքը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

51
թեգերը:
Շահումյանի շրջան, Գյուղ, Ղարաբաղյան հակամարտություն, Լեռնային Ղարաբաղ, Եռակողմ հայտարարություն, Արցախյան պատերազմ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (516)
Ըստ թեմայի
Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը
Ադրբեջանցի զինծառայողները Սոթքի ոսկու հանքի մատույցներում են. տեսանյութ
Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը