Արխիվային լուսանկար

Փակ շրջան. ինչպե՞ս պետք է Ադրբեջանին հանձնվող գյուղերի բնակիչները հանեն իրենց ունեցվածքը

878
(Թարմացված է 21:01 19.11.2020)
Արցախի տեղահանված գյուղերի ու քաղաքների բնակիչները փորձում են փրկել գոնե այն, ինչ դեռ մնացել է իրենց տներում: Բայց բեռնատարներ չկան, պետությունն էլ միայն կտրոններ է տալիս, որոնք, արցախցիների խոսքով, անիմաստ են:

ԵՐԵՎԱՆ, 19 նոյեմբերի — Sputnik. Արցախի Քաշաթաղի շրջանի բնակիչները չեն կարողանում իրենց տան գույքը դուրս բերել Ադրբեջանին հանձնվող բնակավայրերից: 

Պատերազմի օրերին Երևան տեղափոխված Խաչատրյանների ընտանիքի դուստրը Sputnik Արմենիայի հետ զրույցում պատմեց, որ այս պահին հայրը Բերձորում է, փորձում է փրկել գոնե տարիների աշխատանքով ձեռք բերված գույքը, իսկ իրենք Երևանում են ու փորձում են բեռնատար ավտոմեքենա գտնել Բերձոր գնալու համար:

«Նույնիսկ մեքենա չենք կարողանում գտնել, եղածներն էլ այնպիսի գումար են ուզում, որ ուղղակի անհնար է վճարել»,- ասաց մեր զրուցակիցը:

Նա նաև հայտնեց, որ դիմել են ՀՀ կառավարության տարբեր գերատեսչությունների, բայց ամեն տեղ նույն պատասխանն են ստացել.

«Մենք այդ հարցով չենք զբաղվում»:

Նույն պատասխանն են ստացել նաև Երևանում տեղակայված` Արցախի կառավարության օպերատիվ շտաբից:

Նման խնդրի հետ այս օրերին բախվել են ոչ միայն Խաչատրյանները, այլև Արցախից տեղահանված շատ այլ ընտանիքներ: Չկա միջոց, չկա մեքենա, չկա պետական մարմին, որն իր վրա կվերցնի առանց այդ էլ հոգսերի տակ կքած այս մարդկանց գոնե մի խնդիրը:

Մենք որոշեցինք որպես լրատվամիջոց նաև սեփական հարցախույզն անցկացնել ՀՀ պետական այն կառույցներում, որոնք տրամաբանորեն կարող էին այս հարցով աջակցություն ցույց տալ արցախցիներին:

Աշխատանքի և սոցիալական հարցերի նախարարությունում մեզ հայտնեցին, որ հարցն իրենց լիազորությունից դուրս է: Նույն պատասխանը տվեցին նաև էկոնոմիկայի նախարարությունում՝ հավելելով, որ դրանով հնարավոր է` զբաղվում է ԱԻՆ-ը: ԱԻՆ-ում էլ մեր հարցը զարմանքով ընդունեցին՝ ասելով, որ իրենք զբաղվում են միայն հումանիտար օգնությունների բաշխմամբ ու մի շարք այլ՝ հրապարակման ոչ ենթակա գործառույթներով: Դրանց թվում, սակայն, հանձնվող տարածքներից մարդկանց անձնական գույքի դուրսբերումը ներառված չէ: Դրանով չեն զբաղվում նաև տարածքային կառավարման ենթակառուցվածքների նախարարությունում:

Սա խանութս էր, վառում եմ. Մարտակերտի շրջանի բնակիչներն իրերը դուրս բերելու ժամանակ չունեն

Արցախի կառավարության՝ Երևանում գործող շտաբում ևս մեզ ասացին, որ այդ հարցն իրենց իրավասության ներքո չէ: Մեզ ու արցախցիներին խորհուրդ տվեցին այդ հարցով դիմել Ստեփանակերտում գործող Արցախի տեղեկատվական շտաբին:

«Իրենք առաջին հերթին պետք է դիմեն իրենց շրջվարչակազմի ղեկավարին: Նրանք պետք է ինչ-որ լուծում տան»,- մեր հարցին ի պատասխան ասացին Արցախի տեղեկատվական շտաբից:

Երկարատև ու անիմաստ այս փոխանցումների արդյունքում պարզ է դառնում, որ արցախցին ուղղակի անիմաստ ժամանակ է կորցնում հույսը պետության վրա դնելով ու ի վերջո մնում է միայնակ՝ իր խնդիրներին դեմ հանդիման:

Այս պայմաններում բերձորցիներն ընդամենը 10 օր ժամանակ ունեն գումար ու ավտոմեքենա հայթայթելու: Նրանց պաշտոնապես մինչև դեկտեմբերի 1-ն է ժամանակ տրվել: Իսկ, օրինակ, Մարտակերտի 7 գյուղերի բնակիչներն ընդամենը 1 oր ունենք իրենց տները լքելու համար:

Ադրբեջանի վերահսկողությանը հանձնված բնակավայրերի բնակիչներն ունեն վերադարձի իրավունք

Նշենք, որ Մարտակերտի քաղաքապետ Հայկ Բախշիյանը երեկ Sputnik Արմենիայի հետ զրույցում ասել էր, որ մարտակերտցիներին Արցախի կառավարությունն աջակցում է իրենց գույքը տարհանելու հարցում: Նրանց բենզինի կամ դիզվառելիքի կտրոններ են տրամադրում, բայց ոչ ավտոմեքենաներ:

Մինչդեռ Մարտակերտի շրջանի Նոր Մարաղա գյուղի բնակիչ Արարատ Գաբրիելյանն այս աջակցությունն անիմաստ է համարում՝ նշելով, որ տեղում մեքենաներ չկան:

«Բա չենք ասում՝ ա՛յ ղեկավար, դու որ գյուղերը հանում ես, ինչո՞վ ես հանում: Ստից մի հատ բենզին են տալիս: Բենզինն ի՞նչ ա, բռնելու ենք` խմենք, ավտոյի տեղ գնա՞նք: Որ ավտո չկա, բենզինն ի՞նչ անես»,- ասում է Նոր Մարաղայի բնակիչը՝ հիշերով, որ ինչպես ինքն էր 92թ-ի Մարաղայի հայ բնակչության կոտորածից հետո, իր բնորոշմամբ, «ընկել չոլերը», այնպես էլ այսօր իր երեխաներն են այդ նույն բախտին արժանանում՝ արդեն Նոր Մարաղայից տեղահանվելով:

Հանուն ճշմարտության նշենք, որ կան մեկ-երկու մասնավոր ընկերություններ, որոնք իրենց ունեցած մի քանի մեքենաներով փորձում են աջակցել գաղթի ճամփին հայտնված իրենց հայրենակիցներին: Բայց նրանց ռեսուրսները խիստ սահմանափակ են, մեքենաները՝ քիչ, իսկ բարեգործության հերթում սպասողները՝ չափազանց շատ: Եվ չի բացառվում, որ շատերի հերթն այդպես էլ չհասնի, իսկ պետությունը զբաղված է այլ՝ գուցե ավելի կարևոր խնդիրներով:

Բնակիչները վերադառնում են Ստեփանակերտ. Երևանից 11 ավտոբուս է մեկնել Արցախ. լուսանկարներ

878
թեգերը:
գույք, Ադրբեջան, Փախստական, Արցախ, բենզին
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
«Սպանելու են` էստեղ կսպանեն». արցախցի տղամարդը հազիվ է զսպում արցունքները
Ստեփանակերտից դուրս չի եկել, կռվող որդիների թիկունքն է պահել. արցախցի կինը շվարած է
Որտեղ են տեղավորում տունը կորցրած արցախցիներին. Ստեփանակերտի քաղաքապետը մանրամասնում է
Արխիվային լուսանկար

Լեռնային Ղարաբաղում հայտնաբերվել և վնասազերծվել է ավելի քան 750 պայթյունավտանգ առարկա

6
(Թարմացված է 11:14 30.11.2020)
Ընդհանուր առմամբ, խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի – Sputnik. Ռուսաստանի պաշտպանության նախարարության միջազգային հակաականային կենտրոնի զինծառայողները շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։ Հայտնում է Ռուսաստանի պաշտպանության նախարարությունը։

«Կենտրոնի մասնագետներն ինժեներական հետախուզում են իրականացրել և Շուշի-Լիսոգոր ճանապարհահատվածը ՝ մոտ 3 կմ երկարությամբ, պայթունավտանգ առարկաներից մաքրել են։ Մեկ օրում հայտնաբերվել է ավելի քան 100 պայթյունավտանգ առարկա, որոնք դուրս են բերվել հատուկ տարածք և ոչնչացվել»,–նշված է հաղորդագրության մեջ:

Ընդհանուր առմամբ, խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Որքա՞ն ժամանակ կպահանջվի Լեռնային Ղարաբաղն ականազերծելու համար

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

6
թեգերը:
խաղաղապահ, Ռուսաստան, ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ռուս խաղաղապահներն ականազերծել են Լաչինի միջանցքը. տեսանյութ
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Արցախ

Ղարաբաղում դաշտային հոսպիտալ է տեղադրվել․ ՌԴ պաշտպանության նախարարություն

36
(Թարմացված է 09:50 30.11.2020)
Հոսպիտալն ունի վերակենդանացման, ֆունկցիոնալ ախտորոշման, լաբորատոր ախտորոշման բաժիններ, վիրահատարան, ատամնաբուժական ու ակնաբուժական սենյակներ։

ԵՐԵՎԱՆ, 30 նոյեմբերի – Sputnik. Ռուսաստանի պաշտպանության նախարարությունը Լեռնային Ղարաբաղում դաշտային հոսպիտալ է տեղադրել։ ՌԻԱ Նովոսիի փոխանցմամբ՝ տեղեկությունը հայտնել է բժշկական ջոկատի պետ Յարոսլավ Իվանովը։

«Ավարտվել է օդակարկասային մոդուլների տեղադրումը։ Մենք առաջին հերթին կողմնորոշվում ենք խաղաղապահ զորախմբի բժշկական ապահովմամբ։ Ու մենք պատրաստ ենք օգնություն ցուցաբերել խաղաղ բնակչությանը։ Մեր ֆոնդերում պատրաստ ենք 40 մարդ ընդունել», - ասել է Իվանովը։

Նրա խոսքով՝ հոսպիտալն ունի վերակենդանացման, ֆունկցիոնալ ախտորոշման, լաբորատոր ախտորոշման բաժիններ, վիրահատարան, ատամնաբուժական ու ակնաբուժական սենյակներ։ Կան նաև թոքերի արհեստական օդափոխության սարքեր, ուլտրաձայնային հաստոցներ ու ռենտգեն։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

36
թեգերը:
հոսպիտալ, Արցախ, Լեռնային Ղարաբաղ, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
Ռուս խաղաղապահների աջակցությամբ գրեթե 19 հազար մարդ է վերադարձել Ղարաբաղ
Արխիվային լուսանկար

356 նոր դեպք, 22 մահ` մեկ օրում. կորոնավիրուսային հիվանդության ընթացքը Հայաստանում

0
(Թարմացված է 11:06 30.11.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 30 նոյեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 356–ով և դարձել 135 124։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 23976 մարդ (-748), կատարվել է 510127 (+1098) թեստավորում, առողջացել են վարակվածներից 108442 (+1078)-ը ։ Գրանցվել է մահվան 2164 դեպք (+22)։ Կորոնավիրուսով վարակված, բայց այլ պատճառով մահացածների թիվը մնացել է նույնը` 538։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։

Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

0
թեգերը:
Մահ, հիվանդ, համավարակ, Հայաստան, կորոնավիրուս
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Եվրամիությունը COVID-19-ի դեմ պատվաստանյութ կգնի Նուբար Աֆեյանի Moderna-ից
Պատվաստանյութը՝ քաղցրաբլիթի և մտրակի փոխարեն
COVID-19-ի դեմ պատվաստանյութի գնումը կարող է սկսվել գարնան կեսերին․ Թորոսյան