Նիկոլ Փաշինյանն ու Վլադիմիր Պուտինը. արխիվային լուսանկար

«Եթե այդ ժամանակ վարչապետը ՌԴ-ի առաջարկն ընդուներ, ոչ մեկս իրեն չէինք ընդունի»․ Խաչատրյան

276
(Թարմացված է 13:11 18.11.2020)
«Իմ քայլը» խմբակցության պատգամավոր Արմեն Խաչատրյանը նշեց, որ ստորագրված եռակողմ հայտարարության համար Նիկոլ Փաշինյանին չի մեղադրում։

ԵՐԵՎԱՆ, 18 նոյեմբերի – Sputnik. Ազգային ժողովի մուտքի մոտ մի խումբ քաղաքացիներ բողոքի ակցիա են անում և պահանջում իմքայլական պատգամավորներին միանալ իրենց և պահանջել վարչապետի հրաժարականը։

Մինչ իմքայլական պատգամավորները մտնում էին ԱԺ և քաղաքացիները նրանց ամոթանք էին տալիս, «Իմ քայլը» խմբակցության պատգամավոր Արմեն Խաչատրյանը մոտեցավ ցուցարարներին։

Նշենք, որ ցուցարարները բղավում էին, որ իրենք դեմ են այդ «դավաճանական փաստաթղթին» և կողմ են շրջանառվող «Նոր բանակցող, նոր պայմաններ» թեզին։

Արմեն Խաչատրյանից քաղաքացիները հետաքրքրվեցին` տեղյակ եղե՞լ է հողերի հանձնումից, ինչին ի պատասխան պատգամավորն ասաց, որ ոչ, տեղյակ չի եղել։

«Իմ քայլի» պատգամավորները մտահոգ են և հրաժարվել են ծառայողական մեքենաներից. «Հրապարակ»

Ցուցարարները շարունակեցին արտահայտել իրենց վրդովմունքը, նշելով, որ նման կարևոր փաստաթղթից խորհրդարանը, ինչպես նաև ԱԳՆ-ն, տեղյակ չեն եղել։

Խաչատրյանը շեշտեց, որ ըստ պարզաբանումների՝ օրհասական վիճակ է եղել։ Նրա խոսքով՝ ինքը Արցախի իշխանություններից ճակատագրական օրը իրավիճակի մասին չհուսադրող տեղեկություններ է ստացել, սակայն մինչ այդ իրավիճակը հուսադրող էր։

Քաղաքացիները հիշեցրեցին ՌԴ նախագահ Վլադիմի Պուտինի հայտարարությունը, որ հոկտեմբերի 19-20-ին ինքը Ադրբեջանին համոզել է ռազմական գործողությունները դադարեցնել, բայց նրա պարտադիր պայմանը փախստականների վերադարձն էր, այդ թվում նաև Շուշի քաղաք, ինչին վարչապետը չի համաձայնել։

«Եթե այդ ժամանակ վարչապետն առաջարկն ընդուներ, ոչ մեկս իրեն չէինք ընդունի։ Մեր բանակը մարտունակ է եղել, ուժեղ է եղել, ինքը ո՞նց կարող էր ընդունել։ Ինքը պայքարի է գնացել մինչև վերջ, բայց հաջողության չենք հասել»,- ասաց Արմեն Խաչատրյանը։

Նրա խոսքով՝ եթե վարչապետը այդ իրավիճակում ժամանակ վատներ և ժողովրդին հարցներ, կարող է շատ ուշ լիներ։

Նա հավելեց, որ եռակողմ ստորագրված հայտարարության համար Նիկոլ Փաշինյանին չի մեղադրում։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1505 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

276
թեգերը:
Արցախ, Եռակողմ հայտարարություն, Արմեն Խաչատրյան, Ռուսաստան, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Փաշինյանին դավաճան անվանելն ընդհանրապես հիմքեր չունի. Պուտին
Փաշինյանը որոշել է փոխել նախարարների 80%-ին. ովքե՞ր են «պլանի տակ». «Ժողովուրդ»
«Փաշինյանն ասել է ամբողջ ճշմարտությունը, ես ավելացնելու բան չունեմ». Պուտին
Սակրավորներն աշխատանքի պահին

Արցախի Այգեստան և Խնածախ համայնքներում պայթյուններ կլսվեն. ԱԻՊԾ-ն զգուշացնում է

7
Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի - Sputnik. Արցախի Հանրապետության Ասկերանի շրջանի Այգեստան և Խնածախ համայնքների տարածքում չպայթած ռումբերի և այլ զինատեսակների ականազերծում է իրականացվում: Տեղեկությունը հայտնում է Արցախի արտակարգ իրավիճակների պետական ծառայությունը։

«Պայթյուն լսելու դեպքում խնդրում ենք խուճապի չմատնվել»,-նշված է հաղորդագրության մեջ:

Պատերազմի հետևանքով Արցախի տարածքում հայտնված հրթիռային, կասետային և հարվածային ռումբերը, ինչպես նաև ականանետերի և այլ զինատեսակների չպայթած մնացորդները սակրավորական խմբերը հայտնաբերում և ոչնչացնում են անվտանգ տարածքում:

Հավելենք, որ Ռուսաստանի պաշտպանության նախարարության միջազգային հակաականային կենտրոնի զինծառայողները ևս շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։

Ղարաբաղում ականի վրա մեքենա է պայթել. ադրբեջանցիներ են մահացել

Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

7
թեգերը:
ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Որքա՞ն ժամանակ կպահանջվի Լեռնային Ղարաբաղն ականազերծելու համար
Ջալալ Հարությունյան

Ջալալ Հարությունյանը բուժումը կշարունակի տանը

25
(Թարմացված է 12:21 30.11.2020)
ՀՀ ՊՆ տեղեկատվության և հասարակայնության հետ կապերի վարչության պետը մանրամասներ է հայտնել ԱՀ ՊԲ նախկին

ԵՐԵՎԱՆ, 30 նոյեմբերի - Sputnik. ԱՀ պաշտպանության բանակի նախկին հրամանատար, Արցախի հերոս Ջալալ Հարությունյանի առողջական վիճակում դրական դինամիկա կա։ Sputnik Արմենիայի հետ զրույցում տեղեկությունը հայտնեց ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը։

«Ջալալ Հարությունյանն առաջիկա օրերին դուրս կգրվի հիվանդանոցից»,–ասաց Ալթունյանը։

Նրա խոսքով` Հարությունյանն ամբուլատոր բուժումը կշարունակի տանը։

Հիշեցնենք, որ Ջալալ Հարությունյանի վիրավորվելու մասին հոկտեմբերի 27-ին հայտնել էր Արցախի նախագահ Արայիկ Հարությունյանը: Նույն օրը Ջալալ Հարությունյանն ազատվել էր ԱՀ պաշտպանության նախարարի պաշտոնից` պայմանավորված վիրավորումով։

ԱՀ ՊՆ, ՊԲ հրամանատարի պաշտոնում նշանակվել է նախկինում հանրապետության զինված ուժերում մի շարք պատասխանատու պաշտոններ զբաղեցրած գեներալ-լեյտենանտ Միքայել Արզումանյանը:

25
թեգերը:
Վիրավոր, Արցախ, հիվանդանոց, Ջալալ Հարությունյան
Ըստ թեմայի
Ջալալ Հարությունյանի վիճակը կայուն է. ՊՆ
Արցախի նախագահը զանգել է Ջալալ Հարությունյանին
Վարչապետն այցելել է Ջալալ Հարությունյանին ու պաշտոն առաջարկել նրան. «Հրապարակ»