Դադիվանք

Դադիվանքի այցելուների մտահոգությունը, խաղաղապահներն ու տեր Հովհաննեսը. մոմ արդեն չկար...

613
(Թարմացված է 23:18 17.11.2020)
Արցախի Շահումյանի (Քելբաջար) շրջանի մի մասի հանձնումը Ադրբեջանին հետաձգել են մինչև նոյեմբերի 25-ը։ Ոմանք արդեն տարել են իրենց իրերը, մյուսները դեռ կհասցնեն։ Իսկ հնամենի հայկական եկեղեցու՝ Դադիվանքի մոտ նոյեմբերի 16-ից խաղաղապահների դիտակետ է տեղակայվել։

Sputnik Արմենիայի թղթակիցներն այցելել են միջնադարյան բացառիկ վանական համալիր, զրուցել խաղաղապահների, քահանաների և տեղի բնակիչների հետ. վերջինները ստիպված կլինեն լքել այդ տարածքները:

Խաղաղապահների առաջին հսկիչ–անցակետն այցելուներին դիմավորում է Երևան-Ստեփանակերտ ճանապարհի՝ դեպի վանքը թեքվող հատվածում։

  • Դադիվանք
    Դադիվանք
    © Sputnik / David Galstyan
  • Դադիվանք
    Դադիվանք
    © Sputnik / David Galstyan
  • Ռուս խաղաղապահներն ու Դադիվանքը
    Ռուս խաղաղապահներն ու Դադիվանքը
    © Sputnik / David Galstyan
  • Ռուս խաղաղապահներն ու Դադիվանքը
    Ռուս խաղաղապահներն ու Դադիվանքը
    © Sputnik / David Galstyan
  • Դադիվանքը
    Դադիվանքը
    © Sputnik / Aram Nersesyan
  • Դադիվանքը
    Դադիվանքը
    © Sputnik / Aram Nersesyan
  • Դադիվանքի վանահայր տեր Հովհաննեսը
    Դադիվանքի վանահայր տեր Հովհաննեսը
    © Sputnik / David Galstyan
1 / 7
© Sputnik / David Galstyan
Դադիվանք

Երկրորդը գտնվում է անմիջապես վանքի տարածքում։ ՌԴ խաղաղապահ ուժերի ավագ լեյտենանտ Օլեգ Կովալենկոն պատմեց, որ իրենք իրենց գործունեությունը սկսել են վանքի վանահայր հայր Հովհաննեսի օրհնությամբ։ Վերջինս նրանց տարածք է տրամադրել, ցույց է տվել տեղանքը, ներկայացրել իրողությունը։

Настоятель монастырского комплекса Дадиванк иерей Ованнес Ованнисян в день прибытия российских миротворцев (16 ноября 2020). Карабах
© Sputnik / David Galstyan
Դադիվանքի վանահայր տեր Հովհաննեսը

Խաղաղապահները սկզբում  նկատել են մարդկանց ճնշված հոգեվիճակը, ասում են` շատերը գալիս էին վանքին հրաժեշտ տալու։ Նրանք սպասել են, որ այդ ֆոնին տեղաբնակներն իրենց ագրեսիվ կընդունեն։ Բայց հակառակին են ականատես եղել` մարդիկ նրանց գրկաբաց են ընդունել։

«Ինձ համար հաճելի բացահայտում էր։ Մարդիկ այստեղ բոլոր հարցերում փորձում են օգնություն ցուցաբերել։ Շատ շնորհակալ ենք նրանց այսպիսի ընդունելության համար»,-նշեց Կովալենկոն։

Российские миротворцы у монастырского комплекса Дадиванк (16 ноября 2020). Карабах
© Sputnik / David Galstyan
Օլեգ Կովալենկոն

Խաղաղապահներն արդեն սկսել են նախապատրաստվել նոյեմբերի 25-ի իրավիճակի փոփոխությանը։ Նրանք իրենց առաքելությանը համաձայն դիտակետեր են պատրաստում։ Կովոլենկոն փոխգործակցության հույս ունի ինչպես հայկական, այնպես էլ ադրբեջանական կողմի հետ։

Դա ինձ համար բացահայտում էր. Դադիվանքին հարակից դիտակետի խաղաղապահը հաճելիորեն զարմացած է

Ինքը՝ Կովալենկոն, Արցախ է եկել գիտելիքների «ուղեբեռով»։ Գործուղումից առաջ նա անձնակազմի հետ ազգագրության, պատմության և անգամ կրոնագիտության դասեր է անցկացրել։

«Իմ մարտիկները գիտեն հակամարտության նախապատմությունը, այս տարածաշրջանի պատմությունը»,-նշեց սպան։

Վանքի վանահայր հայր Հովհաննեսը երախտապարտ է խաղաղապահներին, որոնք պահպանելու են պատմական վանական համալիրը։ Ինքը՝ վանահայրը, մյուս հոգևորականների հետ միասին առայժմ այստեղ է։

Российские миротворцы у монастырского комплекса Дадиванк (16 ноября 2020). Карабах
© Sputnik / David Galstyan
Դադիվանքը

«Այսօր հրադադար է, բայց ես չգիտեմ, թե ինչ կլինի վաղը։ Մենք կատարում ենք մեր պարտքը, նաև պատարագ ենք մատուցում»,- Sputnik Արմենիայի հետ զրույցում ասած հոգևորականը։

Նա հույս ունի, որ Արցախում քրիստոնեական սրբավայրերը կպահպանվեն։ Ասում է` շատ կարևոր է ուշադրություն սևեռել այդ հարցի վրա։

Մարտակերտի բնակիչ Ռաֆիկ Աթայանը Հայաստանից Արցախ վերադառնալիս կանգ է առել, որպեսզի մոմ վառի։ Այս վանքը նրա համար միշտ էլ յուրահատուկ է եղել։

Житель Мартакертского района Карабаха Рафик Атаян
© Sputnik / David Galstyan
Ռաֆիկ Աթայանը

Իսկ Լյուդմիլան ցավով ավելացնում է․«Դուք հո հասկանում եք, թե ինչ է նշանակում եկեղեցին քրիստոնյա ազգի համար»։ Նա հիշում է Շուշիի պղծված հայկական տաճարը և չի կարողանում զսպել արցունքները։

Жительница Мартакертского района Карабаха Людмила
© Sputnik / David Galstyan
Լյուդմիլան

Մյուս այցելուն` Սվետլանան, որոշել է Արցախ վերադառնալ, հենց որ հնարավոր լինի։ Նա գիտի, որ Ստեփանակերտի իր տունը տուժել է հրետակոծություններից, բայց սիրտը ձգտում է դեպի հարազատ վայրեր։

«Մենք Երևանում մեկուկես ամիս մնացինք։ Ստիպված էինք ամեն ինչ թողնել և հոկտեմբերի սկզբին հեռանալ, քանի որ սարսափելի ռմբակոծություն էր»,-պատմում է կինը։

Жительница Степанакерта Светлана
© Sputnik / David Galstyan
Սվետլանան

Նա նույնպես կանգ է առել, մտել Դադիվանք, մոմ վառել` միայն իրեն հայտնի աղոթքով։

Մենք արդեն պատրաստվում էինք հեռանալ, երբ եկեղեցի մտան Հայաստան վերադարձող կամավորները։ Նրանք ասացին, որ չէին կարող տունդարձի ճանապարհին չայցելել վանք։ Մի տեսակ անաստված բան կստացվեր։

Армянские добровольцы заехали в Дадиванк на пути из Карабаха в Армению (16 ноября 2020). Карабах
© Sputnik / David Galstyan
Դադիվանքն այս օրերին

Մեր այցելության պահին եկեղեցում մոմերը վերջացել էին...

613
թեգերը:
Ղարաբաղյան հակամարտություն, Լեռնային Ղարաբաղ, խաղաղապահ, Արցախ, Տեր Հովհաննես քահանա Հովհաննիսյան (Դադիվանքի վանահայր), Դադիվանք
թեմա:
Իրադրությունը Հայաստանում և Արցախում հայտարարության ստորագրումից հետո (592)
Ըստ թեմայի
Դադիվանքում աղոթող հայերը հրաժեշտ են տալիս սրբավայրին. լուսանկարներ առանց մեկնաբանության
Դադիվանքին որևէ վտանգ չի սպառնում. Մայր աթոռը հաստատեց
Դադիվանքից դուրս են բերել զանգերն ու սրբապատկերները. տեսանյութ
Ստեփանակերտի օդանավակայան. արխիվային լուսանկար

Իրավիճակ է փոխվել. հնարավո՞ր է արդյոք Ստեփանակերտի օդանավակայանի վերագործարկումը

171
Լեռնային Ղարաբաղում ստորաբաժանումների, տեխնիկայի ու բեռների փոխադրումը հարյուրավոր կիլոմետրեր` վերածվում է բարդ զորքային գործողության։ Տարվա մեջ երկու անգամ խաղաղապահների անձնակազմի ռոտացիա է լինելու։

Ալեքսանդր Խրոլենկո, ռազմական վերլուծաբան

Ռուսական խաղաղապահ առաքելությունը Լեռնային Ղարաբաղում առանձնանում է բարդագույն լոգիստիկայով։ Ստեփանակերտի օդանավակայանի վերականգնումն ու արդիականացումը թույլ կտա ընդունել Ռուսաստանի ՌՏՈւ ռազմատրանսպորտային ինքնաթիռները, նոր գործողությունների հնարավորություն կտա, զորախմբի մատակարարման հետ կապված բազում խնդիրներ կլուծի։

Ղարաբաղը Հայաստանին կապում է միայն հինգ կիլոմետր լայնություն ունեցող Լաչինի միջանցքը։ Ճանապարհն այժմ ռուս խաղապահաների հսկողության տակ է, բայց ամեն դեպքում տարածաշրջանում իրավիճակի հնարավոր սրման դեպքում այն չափազանց խոցելի է։ Ադրբեջանին Լաչինի փոխանցումից հետո հեռանկարում նոր ճանապարհի (միջանցքի) շինարարություն է։ Սակայն մարդկանց ու բեռների օպերատիվ մատակարարումն արդեն այսօր է անհրաժեշտ։

Ստեփանակերտից Երևան («Էրեբունի» ավիաբազա, «Զվարթնոց») ավտոմեքենայի ճանապարհը 320 կմ է։ Գործողության առաջին օրերին խաղաղապահները հենց այդ ճանապարհով էին Ստեփանակերտ շարժվում։ Հետո՝ նոյեմբերի 28-ին, խառը երթուղի յուրացրին․ բեռներով ու տեխնիկայով վագոնները Ռուսաստանից ժամանում են Բարդա ադրբեջանական երկաթուղային կայարան, որից հետո մեքենաներով ուղղվում են Բարդա – Աղդամ – Ստեփանակերտ երթուղով։ Ամեն դեպքում ճանապարհը երկար է։

Լեռնային Ղարաբաղում ստորաբաժանումների, տեխնիկայի ու բեռների փոխադրումը հարյուրավոր կիլոմետրեր` վերածվում է բարդ զորքային գործողության։ Տարվա մեջ երկու անգամ խաղաղապահների անձնակազմի ռոտացիա է լինելու։ Տարածաշրջանում իրավիճակի բարդացումը կարող է լրացուցիչ ուժեր ու միջոցներ պահանջել։ Միաժամանակ Ստեփանակերտից ինը կիլմետր հեռավորության վրա կա օդանավակայան, որը տեսականորեն կարող է ծանր ռազմատրանսպորտային ավիացիա ընդունել։

Որքա՞ն ժամանակ կպահանջվի Լեռնային Ղարաբաղն ականազերծելու համար

Այստեղ չվերթերը դադարել են 1990-ականների սկզբին՝ մարտական գործողությունների պատճառով։ Օդանավակայանի ենթակառուցվածքը տուժել է Ադրբեջանի կողմից հրթիռակոծության հետևանքով 2020 թվականի սեպտեմբերին ու հոկտեմբերին։ Թռիչքուղու երկարությունը 2200 մետր է։ Տեղանքի ռելիեֆը թույլ է տալիս անհրաժեշտության դեպքում ևս 1000 կիլոմետրով երկրարացնել այն ու կողքին նորը կառուցել։ Կարող է պարզվել, որ Ստեփանակերտի օդանավակայանի վերակենդանացմումն ու արդիականացումն ավելի թանկ չէ, քան տարիներ շարունակ երկար չվերթերի գինը, ժամանակի և ուժերի ահռելի ծախսը։ Օդանավակայանը կարող է նաև քաղաքացիական բեռների տեղափոխման լոգիստիկ կենտրոն դառնալ ու ապագայում կարևոր բաղադրիչ լինել Լեռնային Ղարաբաղի տնտեսական աճի համար։

Երկար ու վտանգավոր ճանապարհ

Ռուս խաղաղապահները 23 դիտորդական կետում շուրջօրյա ռեժիմով հսկում են Ղարաբաղում հրադադարի ռեժիմի պահպանումը, ապահովում են Լաչինի միջանցքով ավտոտրանսպորտի երթևեկության ու տեղի բնակչության տեղափոխության անվտանգությունը։ Նոյեմբերի 14-ից սկսած` ավելի քան 26 հազար փախստական իրենց տուն են վերադարձել։ Տարածաշրջանում ակտիվորեն աշխատում են ռուս սակրավորները, ռազմական բժիշկներն ու ԱԻՆ աշխատակիցները։

Խաղաղապահ խնդիրների լուծումը մշտական շարժունակություն է պահանջում։ Ղարաբաղյան պատերազմի դադարեցման մասին Ռուսաստան-Ադրբեջան-Հայաստան եռակողմ հայտարարության հիման վրա Մոսկվայի և Բաքվի ստորագրած հատուկ արձանագրությունը նախատեսում է Ադրբեջանի ու Հայաստանի միջև տրանսպորտային շփման ապաարգելափակումը։ Ակնհայտ է, որ այդ փաստաթուղթը հանում է արգելքները ոչ միայն երկրի վրա, այլև երկնքում` նկատի ունենալով չվերթերը Ստեփանակերտի օդանավակայան։ Ուղիղ չվերթը Ռուսաստանից կարող էր վերացնել լոգիստիկայի ու մատակարարման շատ խնդիրներ, նոր գործողությունների հնարավորություն կտար խաղաղապահների 15-րդ զորախմբավորման համար։

Արցախում խաղաղությունը երերուն է, կամ «նոր աշխարհի» վտանգավոր անորոշությունները

Ավելի վաղ Վրաստանն Ադրբեջանի ու Հայաստանի խնդրանքով բացել է իր օդային տարածքը ռուսական ռազմատրանսպորտային ավիացիայի համար։ Ռազմատրանսպորտային ավիացիայի ինքնաթիռները չվերթեր էին իրականացնում դեպի Երևան, հետո՝ տեխնիկայով անխուսափելի ու երկար երթ դեպի Ստեփանակերտ։ Այժմ ճիշտ ժամանակն է ամբողջովին ապաարգելափակելու տարածաշրջանի երկինքը։ Դա կարող է օգտակար լինել նաև Ադրբեջանին` Նախիջևան տանող ճանապարհի կառուցման համար։

Փակ երկինք

Ստեփանակերտի օդանավակայանը վերանորոգվում էր և պատրաստ էր արդեն 2012 թվականին ինքնաթիռներ ընդունելու։ Դա տեղի չունեցավ Բաքվի դիմակայության պատճառով։ Սակայն եռակողմ հայտարարության ստորագրումից և ռուսական խաղաղարար գործողությունների մեկնարկից հետո իրավիճակը տարածաշրջանում արմատապես փոխվեց։

Ժամանակն է վերանայել մոտեցումները թռիչքների անվտանգության նկատմամբ և չեղարկել արգելքները։ Առավել ևս, որ ադրբեջանահայկական «փոխադարձ ստուգարքի» նախադեպեր կան. Բաքվից Նախիջևան չվերթերն իրականացվում են միջազգային միջանցքերով Հայաստանի երկնքում, հայկական ավիաընկերությունները էլ օգտագործում են Ադրբեջանի տարածքի վրայով անցնող միջազգայնորեն պաշտպանված օդային միջանցքները։

Ադրբեջանի նախագահ Իլհամ Ալիևը դեկտեմբերի 1–ին հայտարարեց. «Կգա օրը, երբ ԼՂ–ում այսօր բնակվող հայերն ու ադրբեջանցիները, որոնք անպայման այնտեղ կվերադառնան, կրկին կապրեն բարիդրացիականության պայմաններում։ Այստեղ լոգիստիկ հարցեր կան, տրանսպորտային հարցեր, էներգետիկ անվտանգություն։ Կդիտարկենք բոլոր այդ հարցերը»։

Սա հուսադրող է։ Եվ եթե բարձրադիր լեռնային տեղանքում գտնվող օդանավակայանը շուտով բացի իր թևերը, դա կօգնի տարածաշրջանային խաղաղությանն ու կայունությանը։

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

171
թեգերը:
Ադրբեջան, Ռուսաստան, Լեռնային Ղարաբաղ, Արցախ, Ստեփանակերտի օդանավակայան
թեմա:
Իրադրությունը Հայաստանում և Արցախում հայտարարության ստորագրումից հետո (592)
Ըստ թեմայի
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
Ռուս խաղաղապահների աջակցությամբ գրեթե 19 հազար մարդ է վերադարձել Ղարաբաղ
Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ
Մանե Թանդիլյան

Մանե Թանդիլյանը տեղափոխվել է Արցախ՝ «պարզապես ապրելու»

301
(Թարմացված է 22:40 01.12.2020)
ԱԺ նախկին պատգամավորը պետք է հոկտեմբերին մեկներ արտերկիր՝ բուժվելու, սակայն պատերազմի հետևանքով այլ որոշում է կայացրել։

ԵՐԵՎԱՆ, 1 դեկտեմբերի - Sputnik. ԱԺ նախկին պատգամավոր Մանե Թանդիլյանն այսուհետ Արցախում է ապրելու։ Այս մասին նա հայտնել է Facebook–ի իր էջում, որը մանդատը վայր դնելուց հետո ապաակտիվացրել էր։

«Պատերազմի ավարտից անմիջապես հետո այցելեցի Արցախ։ Ծանոթանալով ստեղծված իրավիճակին՝ ինձ պարզ դարձավ, որ ընդհատում եմ բուժումս և տեղափոխվում ապրելու Արցախ։ Պարզապես ապրելու։ Այսօր արդեն Արցախում եմ և հետագա անելիքներիս մասին հնարավորություն կունենամ տեղեկացնելու։ Սակայն վստահ եմ՝ ինչպիսի ձևաչափով էլ լինի, ինչ կարգավիճակում էլ լինեմ, արդեն որոշել եմ իմ առաջիկա անելիքը՝ ապրել և ապրեցնել Արցախը հայերեն», - գրել է Թանդիլյանը։

Արցախում նա արդեն հանդիպել է նախագահ Արայիկ Հարությունյանին, որը ողջունել է Թանդիլյանի՝ Արցախ տեղափոխվելը։
ԱԺ նախկին պատգամավորը նշել է, որ պետք է հոկտեմբերին մեկներ արտերկիր՝ բուժվելու, սակայն պատերազմի հետևանքով այլ որոշում է կայացրել։

«Մեր հերոս տղաները իրենց կյանքը չեն խնայել Արցախի համար, ուրեմն՝ Արցախը պետք է ապրի, նաև մեր պարտքն է՝ ապրեցնել Արցախը։ Պատահածից հետո շատ դժվար է շարունակել ապրել, մտածել, ելքեր փնտրել, բայց պարտավոր ենք, պարտավոր ենք վերականգնվել, վերաիմաստավորել արժեքներ, չհանձնվել ու չհրաժարվել ուժեղ, խելացի, հզոր Հայաստան ու Արցախ ունենալու երազանքից՝ վերածելով այդ երազանքը ամենօրյա չափելի գործողությունների և արդյունքի։ Մենք պարտվել ենք ճակատամարտը, պատերազմը, սակայն, դեռ չի ավարտվել։ Նոր ճակատամարտում մենք պետք է ապրենք, զարգանանք, հզորանանք՝ հանուն վերջնական հաղթանակի», - գրել է Թանդիլյանը։

Նա նաև խնդրել է լրագրողներին իրեն հարցերով չանհանգստացնել, ըստ այդմ պարզ չէ՝ Թանդիլյանը մենա՞կ է տեղափոխվել Արցախ, թե ընտանիքով։ Նախկին պատգամավորը ամուսնացած է, ունի երկու երեխա։

Ֆանտազիայի ժանրից է, ինչ ասեմ. Մանե Թանդիլյանը մեկնաբանել է իրեն պաշտոն առաջարկելու լուրը

Նշենք, որ Մանե Թանդիլյանը ծնունդով Ալավերդի քաղաքից է։ 2018-ի մայիսին՝ «թավշյա հեղափոխությունից» հետո, նշանակվել է Հայաստանի աշխատանքի և սոցիալական հարցերի նախարար, նույն թվականի հունիսին հրաժարական է ներկայացրել։

2018-ի դեկտեմբերին ընտրվել է ԱԺ պատգամավոր «Լուսավոր Հայաստան» խմբակցությունից, նախագահել է ԱԺ Ֆինանսավարկային և բյուջետային հարցերի մշտական հանձնաժողովը։

2020-ի օգոստոսին Թանդիլյանը առողջական խնդիրների պատճառով վայր է դրել պատգամավորի մանդատը։

301
թեգերը:
Հայաստան, Արցախ, Մանե Թանդիլյան
Ըստ թեմայի
«Ստեփանակերտում կփորձենք հասկանալ` ինչ անել, ուր գնալ». Նոր Մարաղայի բնակիչը շվարած է
Ինչո՞ւ տեղահանվեցին Մարտակերտի գյուղերի բնակիչները. Մարուքյանը հարց է ուղղել իշխանությանը
«Ավրորան» Արցախի բնակիչներին օգնելու համար 116 600 դոլար կտրամադրի. ինչ խնդիրներ կլուծվեն