Մխիթար Զաքարյանը հանդիպել է մեղրեցիների հետ

Մեզ երաշխիքներ են պետք. Ադրբեջան - Նախիջևան ճանապարհը մեղրեցիների մոտ հարցեր է առաջացրել

1847
(Թարմացված է 16:08 17.11.2020)
Մեղրիի ղեկավարը Sputnik Արմենիային պատմել է, թե ինչի մասին է խոսել սահմանապահների հետ։

ԵՐԵՎԱՆ, 17 նոյեմբերի – Sputnik. Արդեն գրեթե մեկ շաբաթ է, ինչ հայ հասարակությունը բուռն կերպով քննարկում է Արցախի վերաբերյալ վարչապետ Նիկոլ Փաշինյանի ստորագրած եռակողմ հայտարարությունը։ Քննադատության են ենթարկվում ոչ միայն Լեռնային Ղարաբաղի տարածքներն Ադրբեջանին հանձնելը, այլև տարածաշրջանում տնտեսական և տրանսպորտային կապերի ապաշրջափակման կետը:

Չնայած վարչապետի այն հայտարարությանը, թե այդ կետի հետ կապված ամեն բան քննարկման առարկա է և մանրամասները պետք է ճշգրտվեն բանակցությունների ընթացքում, երկրի քաղաքացիներին, մասնավորապես՝ սյունեցիներին, դա չի բավարարում։

Ըստ հանրությանը ներկայացված փաստաթղթի՝ Հայաստանը պետք է երաշխավորի տրանսպորտային հաղորդակցության անվտանգությունը Ադրբեջանի արևմտյան շրջանների և Նախիջևանի միջև՝ երկու ուղղություններով քաղաքացիների, տրանսպորտային միջոցների և բեռների անարգել երթևեկությունը կազմակերպելու նպատակով: Այդ դեպքում խոսքը գնում է Մեղրիով տեղաշարժի մասին, սակայն թե կոնկրետ որ ճանապարհով՝ առայժմ հայտնի չէ։

Մեղրի քաղաքում արդեն ձևավորվել է նախաձեռնող խումբ, որն իր անհանգստությունների մասին պատմել է համայնքի ղեկավար Մխիթար Զաքարյանին և Sputnik Արմենիայի թղթակցին։

«Մենք որտեղի՞ց իմանանք՝ ադրբեջանցիները բեռնե՞ր են տեղափոխելու, թե՞ ահաբեկիչներ։ Մեզ երաշխիքներ են պետք, որ ճանապարհն անվտանգ կլինի և նույն ՌԴ ԱԴԾ Սահմանապահ ծառայության մարմինները կկարողանան ապահովել մեր անվտանգությունը։ Եթե մենք չստանանք այդ երաշխիքները, մենք պատրաստ ենք պառկել տեխնիկայի առաջ, որպեսզի թույլ չտանք ցանկացած հաղորդակցության ճանապարհի կառուցումը»,-ասաց քաղաքի բնակիչ Հարություն Պետրոսյանը։

Նա հավելեց, որ այս պահին նախաձեռնող խումբը 4 հոգուց է բաղկացած, սակայն քննարկումներ են անցկացվել բնակիչների հետ, որոնց մի մասը կիսում է իրենց մտահոգությունը: Դրա հետ մեկտեղ Պետրոսյանը հավելեց, որ խումբը վստահում է համայնքի ղեկավարին, որն ավելի վաղ մեկնել էր հայրենիքը պաշտպանելու և նույնիսկ վիրավորվել էր։ Հույս ունեն բոլոր մտահոգող հարցերի պատասխանները ստանալ հենց նրանից։

Глава общины Мегри Мхитар Закарян
© Sputnik / Arsen Haytyan
Մեղրիի քաղաքապետ Մխիթար Զաքարյանը

Իր հերթին համայնքի ղեկավար Մխիթար Զաքարյանը նշեց, որ իրեն մոտավորապես այնքան է հայտնի, որքան Մեղրիի բնակիչներին։ Նա արդեն հանդիպել է ռուս սահմանապահների հետ, որոնք պետք է ապահովեն ամբողջ ենթակառուցվածքի օգտագործման անվտանգությունը։ Զաքարյանի խոսքով՝ սահմանապահները ասել են միայն, որ ուժերն ավելացվելու են, քանի որ իրենց նոր առաջադրանք է տրվել աշխատանքի ծավալի ավելացման հետ կապված։ Որևէ այլ տեղեկություն նրանք չեն հայտնել։

Глава общины Мегри Мхитар Закарян на встрече с гражданами
© Sputnik / Arsen Haytyan
Մեղրիի քաղաքապետ Մխիթար Զաքարյանը հանդիպել է բնակիչների հետ

«Ինչպես է իրականացվելու այդ հաղորդակցությունը` ցամաքայի՞ն, թե՞ օդային ճանապարհով, կլինի՞ արդյոք էստակադա կամ թունել՝ առայժմ հայտնի չէ։ Այդ հարցին պետք է կառավարությունը կամ ԱԳՆ-ն պատասխանեն, ոչ թե քաղաքային իշխանությունները։ Դա նոր հանքի շահագործում չէ, որ մենք որոշենք։ Սա աշխարհաքաղաքական հարց է, և այն իշխանություններն են որոշում, առավել ևս, որ փաստաթղթում շեշտը դրված է Արցախի և Հայաստանի անվտանգության վրա»,-ասաց Զաքարյանը։

Զիջեցինք Արցախը, զիջելու ենք Մեղրին ու հետո Երևանը. Արարատ Միրզոյան

Նա հավատացրեց, որ ցանկացած նախագծի իրականացում ժամանակ է պահանջելու, և այն կյանքի կոչելու համար անհրաժեշտ են համայնքային հանրային լսումներ։ Նա խոստանում է կազմակերպել դրանք քաղաքի ամենամեծ դահլիճում և հրավիրել խոշորացված Մեղրի համայնքի բոլոր 13 բնակավայրերի ներկայացուցիչներին։ Դրա հետ մեկտեղ Զաքարյանը հավելեց, որ համայնքում 12 հազար մարդ է ապրում, և կարծիքներն, իհարկե, տարբեր են լինելու։ Բայց միանշանակ է, որ մեծամասնությունը կողմ է խաղաղությանն ու կայունությանը։
Նշենք, որ երկու կողմերն էլ կոչ են արել հարցը դիտարկել բացառապես մարզի և երկրի անվտանգության համատեքստում և չվերածել այն քաղաքական առուծախի առարկայի։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

1847
թեգերը:
Ադրբեջան, խաղաղապահ, Մեղրի, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (596)
Ըստ թեմայի
Խաղաղապահների տեղակայումից հետո Արցախի բանակն ունենալու է նույն կարգավիճակը. Փաշինյան
Լեռնային Ղարաբաղում խաղաղապահների տեղակայման քարտեզը
Մեղրիի քաղաքապետը վիրավորվել է Արցախում
Ստեփանակերտ

Ընդհանուր առմամբ ավելի քան 27 հազար մարդ է արդեն վերադարձել Արցախ

20
(Թարմացված է 16:39 02.12.2020)
Ռուսաստանի պաշտպանության նախարարության պաշտոնական ներկայացուցչի խոսքով՝ Ղարաբաղում հրադադարի ռեժիմը պահպանվում է շփման գծի ողջ երկայնքով։

ԵՐԵՎԱՆ, 2 դեկտեմբերի - Sputnik. Ռուս խաղաղապահների աջակցությամբ արդեն ավելի քան 27 հազար մարդ է վերադարձել Արցախ, վնասազերծվել է ավելի քան 1100 պայթուցիկ առարկա: Տեղեկությունը հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։

«Հայաստանի տարածքից Լեռնային Ղարաբաղ խաղաղ բնակիչները շարունակում են վերադառնալ։ Մեկ օրում վերադարձել է ևս 1168 մարդ։ Նախկին բնակության վայրեր ռուս խաղաղապահների աջակցությամբ արդեն վերադարձել են ավելի քան 27 հազար փախստականներ», - ասել է Կոնաշենկովը։

Նրա խոսքով ՝ հրադադարի ռեժիմը պահպանվում է շփման գծի ողջ երկայնքով:

Ռուսաստանի պաշտպանության նախարարության պաշտոնական ներկայացուցիչը հայտնել է նաև, որ ռուս սակրավորները մեկ օրում մաքրել են ավելի քան չորս հեկտար տարածք, մեկ կիլոմետր ճանապարհ՝ վնասազերծելով ավելի քան 17 պայթյունավտանգ առարկաներ:

«Լեռնային Ղարաբաղում ինժեներական ստորաբաժանումների կողմից ականազերծվել է ավելի քան 38 հեկտար տարածք, ավելի քան 12 կմ ճանապարհ, ստուգվել է 117 տուն և սոցիալական օբյեկտ, հայտնաբերվել ու վնասազերծվել է ավելի քան 1100 պայթուցիկ առարկա», - հավելել է Պաշտպանության նախարարության ներկայացուցիչը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

20
թեգերը:
ական, ռուս, Լեռնային Ղարաբաղ, բնակիչ, խաղաղապահ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (596)
Ըստ թեմայի
2 անգամ հայտնվել են շրջափակման մեջ, դուրս եկել առանց կորուստների՝ տանելով նաև վիրավորներին
Տիգրան Ավինյանը հանդիպել է ՌԴ դեսպան Կոպիրկինին. քննարկվել է նաև գերիների վերադարձի հարցը
Արցախում կադրային փոփոխությունների գործում վերջին խոսքն արդեն Փաշինյանինը չէ
Արցախ

2 անգամ հայտնվել են շրջափակման մեջ, դուրս եկել առանց կորուստների՝ տանելով նաև վիրավորներին

103
(Թարմացված է 16:03 02.12.2020)
Արցախի ՊԲ-ն հրապարակել է մերօրյա նոր հերոսների անունները՝ ժամկետային զինծառայողներից մինչև փոխգնդապետներ:

ԵՐԵՎԱՆ, 2 դեկտեմբերի – Sputnik. Արցախի Հանրապետության պաշտպանության բանակը շարունակում է ներկայացնել մերօրյա հերոսներին ու Արցախյան պատերազմի ընթացքում նրանց կատարած սխրանքները:

Հերթական հրապարակման համաձայն` փոխգնդապետներ Նաիրի Արկադիի Ավետիսյանը, Արմեն Գառնիկի Պետրոսյանը, Վաչե Շահենի Մանասյանը հարավային ճակատում պահել են կարևոր բարձունքը, խոցել թշնամական ավտոտեխնիկա, մեծաքանակ մարդկային ուժ և ապահովել հայկական կողմի  անձնակազմի անվտանգ դուրս բերումը մարտական գործողությունների շրջանից:

Մայոր Արմեն Վյաչեսլավի ղեկավարությամբ` ՀՕՊ ուժերը ոչնչացրել են հակառակորդի 2 ԱԹՍ, Հադրութի մոտակայքում թշնամուն պատճառել երկու հարյուրից ավելի մարդկային ուժի կորուստ: Մարտերի ընթացքում անձնակազմը երկու անգամ հայտնվել է շրջափակման մեջ և, հմտորեն խուսավարելով ու չտալով ոչ մի զոհ, հաջողությամբ դուրս եկել՝ իրենց հետ տանելով նաև բոլոր վիրավորներին:

4–ամյա որդու հերոսն է. պատերազմում երկու ոտքը կորցրած Արգիշտին սոցիալական ծանր վիճակում է

Մարտական գործողությունների ընթացքում խիզախություն են դրսևորել ժամկետային զինծառայողներ Հենրիկ Ռաֆիկի Սողոմոնյանը, Արշամ Նելսոնի Մանուկյանը, Նորիկ Վլադիկի Առաքելյանը, Սլավա Վլադիմիրի Մովսեսյանը, Սամվել Անդրանիկի Խաչատրյանը, Վիգեն Արսենի Եղիազարյանը, Սամվել Համբարձումի Գևորգյանը, Արման Խաչատուրի Խաչատրյանը, Սերգեյ Աշոտի Հայրապետյանը:

Փառք մեր հերոսներին:

103
թեգերը:
թշնամի, շրջափակում, Արցախի պաշտպանության բանակ (ՊԲ), Արցախյան պատերազմ, հերոս
Ըստ թեմայի
Վիրավոր վիճակում ժամկետային զինվոր-բուժակը մոտ 20 ծառայակցի է փրկել. արցախյան հերոսապատում
Մեր մեջքն ուղղելու ժամանակ ունենք. Արցախը նոր հերոս ունի
Զոհվել է «Արցախի հերոսի» կոչմանն արժանացած Դավիթ Գրիգորյանը
ՄԻԵԴ

ՄԻԵԴ–ը վերացրել է Թուրքիայի նկատմամբ կիրառված միջանկյալ միջոցը

0
(Թարմացված է 18:45 02.12.2020)
Չնայած Թուրքիայի նկատմամբ ՄԻԵԴ–ը վերանայել է իր որոշումը, սակայն նաև վերահաստատել է, որ Ադրբեջանի նկատմամբ կիրառված միջանկյալ միջոցը շարունակում է մնալ ուժի մեջ:

ԵՐԵՎԱՆ, 2 դեկտեմբերի – Sputnik. ՄԻԵԴ-ում ՀՀ ներկայացուցիչը տեղեկացնում է, որ Մարդու իրավունքների եվրոպական դատարանը վերացրել է Թուրքիայի նկատմամբ կիրառված միջանկյալ միջոցը։

Դեռ հոկտեմբերի 6-ին հայտնի դարձավ, որ ՄԻԵԴ-ը բավարարել է ՀՀ կառավարության պահանջը և միջանկյալ միջոց է կիրառել Թուրքիայի նկատմամբ։ Դատարանը կոչ էր արել բոլոր ուղղակի կամ անուղղակի ներգրավված երկրներին, այդ թվում՝ Թուրքիային, զերծ մնալ քաղաքացիական բնակչության՝ Կոնվենցիայով պաշտպանվող իրավունքները խախտելուց։ ՄԻԵԴ–ը մեկ անգամ` հոկտեմբերի 13-ի որոշմամբ, մերժել էր Թուրքիայի արտգործնախարար Մևլութ Չավուշօղլուի ներկայացրած միջնորդությունը, որով Թուրքիան պահանջում էր վերացնել իր նկատմամբ կիրառած միջանկյալ միջոցը։

«Նոյեմբերի 9-ին ԼՂ հակամարտության վերաբերյալ Հայաստանի վարչապետի, Ռուսաստանի նախագահի և Ադրբեջանի նախագահի միջև ստորագրված համատեղ հայտարարությունը հիմք ընդունելով՝ Թուրքիան նոյեմբերի 17-ին դիմել է Եվրոպական դատարան՝ չեղարկելու իր հանդեպ կիրառված միջանկյալ միջոցի որոշումը: Դեկտեմբերի 1-ին դատարանը վերանայել է Թուրքիայի նկատմամբ հոկտեմբերի 6-ին Հայաստանն ընդդեմ Թուրքիայի գործով միջանկյալ միջոց կիրառելու վերաբերյալ որոշումը»,–նշված է ՄԻԵԴ-ում ՀՀ ներկայացուցչի ֆեյսբուքյան էջում տարածված հայտարարության մեջ։

Միաժամանակ ՄԻԵԴ-ը վերահաստատել է, որ Ադրբեջանի նկատմամբ կիրառված միջանկյալ միջոցը շարունակում է մնալ ուժի մեջ:

Հիշեցնենք, որ նոյեմբերի 20-ին հայտնի դարձավ` Մարդու իրավունքների եվրոպական դատարանը բավարարել է Հայաստանի ներկայացրած հերթական դիմումն ընդդեմ Ադրբեջանի։ Թվով 9 ռազմագերիների մասով Ադրբեջանի նկատմամբ ՄԻԵԴ–ը կիրառել է միջանկյալ միջոց՝ պահանջելով տրամադրել ռազմագերիների վերաբերյալ տեղեկատվություն և հայտնել փոխանակման ժամկետների մասին մինչև նոյեմբերի 27-ը։

0
թեգերը:
Ադրբեջան, Թուրքիա, Հայաստան, Մարդու Իրավունքների Եվրոպական դատարան (ՄԻԵԴ)