Շուշի

Շուշին հանձնելու պայմանն առաջադրվել է, եթե ոչ ի սկզբանե, ապա սկզբնական շրջանում. Փաշինյան

607
(Թարմացված է 12:17 16.11.2020)
ՀՀ վարչապետը հայտարարել է, որ շատ քաղաքական գործիչներ, ովքեր պատերազմի առաջին օրվանից կոչ էին անում պատերազմը դադարեցնել ու հանձնել տարածքներ, այսօր այդ նույն բանի համար ՀՀ կառավարությանը մեղարդում են դավաճանության մեջ։

ԵՐԵՎԱՆ, 16 նոյեմբերի – Sputnik. Շատ են ասում, որ Շուշին ուղղակի հանձնվել է։ Այսօր կազմակերպված առցանց մամուլի ասուլիսի ժամանակ ասաց ՀՀ վարչապետ Նիկոլ Փաշինյանը` հիշեցնելով, որ դիակների վերադարձի գործընթացի արդյունքում Շուշիում 100-ից ավելի հայ զինվորների մարմիններ են հայտնաբերվել։

«Եթե Շուշին հանձնվել է, այդ զնվորներն ում հրամանով են կռվել, կամ ինչի համար են կռվել։ Ավելին ասեմ` այսօր քաղաքական հարթակներից հնչում է, որ կան կոնկրետ անձինք, ովքեր պատրաստ են վկայել, որ Շուշիի հետ կապված դավադիր որոշում է կայացվել»,– ասաց Փաշինյանը։

Նա նաև հայտնեց, որ տեղյակ է, որ իրավապահները հրավիրել են այդ հայտարարության հեղինակին ու փորձել նրանից կոնկրետ տեղեկություններ ստանալ, թե ինչ դավադրության մասին է խոսքը, ովքեր են դավադիրները և ինչ է տեղի ունեցել։
Փաշինյանը հայտնեց, որ իր տեղեկություններով այդ հայտարարության հեղինակը խուսափել է կոնկրետ տեղեկություններ հայտնել։

«Եթե որևէ մեկը ասում է, որ ունի տեղեկություններ և հետո հրաժարվում է դրանք իրավապահներին հայտնել, դա նշանակում է, որ նա մասնակցում է դավադրությանը»,– ասաց Փաշինյանը։

Վերադառնալով Շուշիի անկման թեմային` Փաշինյանը վերահաստատեց այն, ինչ պաշտոնապես հայտարարվել է. «Դիվերսիոն խմբերին հաջողվել է ներթափանցել քաղաք, և, ցավոք սրտի, մենք կորցրել ենք Շուշին»։

Անդրադառնալով բանակցային պրոցեսին` Փաշինյանը հայտնեց, որ բանակցային պրոցեսի ընթացքում, երբ որևէ տարբերակ ընդունելի է դարձել հայկական կողմի համար, այն անընդունելի է եղել Ադրբեջանի համար։

«Ես ինքս ինձ հարց եմ տվել` կարո՞ղ էինք արդյոք խուսափել պատերազմից, եթե համաձայնեինք հանձնել 7 շրջանները` ներառյալ Շուշին։ Այո, կարող էինք։ Բայց արդյո՞ք դա էր այն քաղաքականությունը, որը մենք ուզում էինք վարել։ Ո՛չ դա չէր, և Հայաստանի կառավարությունը, ՀՀ ԶՈւ–ն և Արցախի ՊԲ–ն ընդունեցին այդ մարտահրավերը։ Ցավոք, այդ մարտահրավերի ընդունումը չբերեց այն արդյունքներին, որ մենք բոլորս կցանկանայինք։ Բայց նաև այն պատճառով, որ պարտության անխուսափելիության մասին խոսույթն առաջին օրվանից ներկա է եղել առաջնագծում»,– ասաց Փաշինյանը։

Նրա խոսքով` շատ քաղաքական գործիչներ, ովքեր պատերազմի առաջին օրվանից կոչ էին անում պատերազմը դադարեցնել ու հանձնել տարածքներ, այսօր այդ նույն բանի համար ՀՀ կառավարությանը մեղարդում են դավաճանության մեջ։

«Այո, Շուշին հանձնելու պայմանն առաջադրվել է, եթե ոչ ի սկզբանե, ապա սկզբնական շրջանում»,– ասաց վարչապետը` հավելելով, որ քանի դեռ կար տեսական հնարավորություն Շուշին պահելու, ՀՀ ԶՈւ–երը հերոսաբար կռիվ են տվել դրա համար։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1434 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

607
թեգերը:
Եռակողմ հայտարարություն, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, Շուշի, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Տեղի է ունենում բանակցային նոր օրակարգի ձևավորման գործընթաց. Փաշինյան
Խաղաղապահների տեղակայումից հետո Արցախի բանակն ունենալու է նույն կարգավիճակը. Փաշինյան
Ատելության խոսքը պետք է բացառել. Փաշինյանը պնդում է, որ իր գրառման մեջ բռնության կոչ չկա
Սակրավորներն աշխատանքի պահին

Արցախի Այգեստան և Խնածախ համայնքներում պայթյուններ կլսվեն. ԱԻՊԾ-ն զգուշացնում է

7
Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի - Sputnik. Արցախի Հանրապետության Ասկերանի շրջանի Այգեստան և Խնածախ համայնքների տարածքում չպայթած ռումբերի և այլ զինատեսակների ականազերծում է իրականացվում: Տեղեկությունը հայտնում է Արցախի արտակարգ իրավիճակների պետական ծառայությունը։

«Պայթյուն լսելու դեպքում խնդրում ենք խուճապի չմատնվել»,-նշված է հաղորդագրության մեջ:

Պատերազմի հետևանքով Արցախի տարածքում հայտնված հրթիռային, կասետային և հարվածային ռումբերը, ինչպես նաև ականանետերի և այլ զինատեսակների չպայթած մնացորդները սակրավորական խմբերը հայտնաբերում և ոչնչացնում են անվտանգ տարածքում:

Հավելենք, որ Ռուսաստանի պաշտպանության նախարարության միջազգային հակաականային կենտրոնի զինծառայողները ևս շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։

Ղարաբաղում ականի վրա մեքենա է պայթել. ադրբեջանցիներ են մահացել

Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

7
թեգերը:
ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Որքա՞ն ժամանակ կպահանջվի Լեռնային Ղարաբաղն ականազերծելու համար
Ջալալ Հարությունյան

Ջալալ Հարությունյանը բուժումը կշարունակի տանը

24
(Թարմացված է 12:21 30.11.2020)
ՀՀ ՊՆ տեղեկատվության և հասարակայնության հետ կապերի վարչության պետը մանրամասներ է հայտնել ԱՀ ՊԲ նախկին

ԵՐԵՎԱՆ, 30 նոյեմբերի - Sputnik. ԱՀ պաշտպանության բանակի նախկին հրամանատար, Արցախի հերոս Ջալալ Հարությունյանի առողջական վիճակում դրական դինամիկա կա։ Sputnik Արմենիայի հետ զրույցում տեղեկությունը հայտնեց ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը։

«Ջալալ Հարությունյանն առաջիկա օրերին դուրս կգրվի հիվանդանոցից»,–ասաց Ալթունյանը։

Նրա խոսքով` Հարությունյանն ամբուլատոր բուժումը կշարունակի տանը։

Հիշեցնենք, որ Ջալալ Հարությունյանի վիրավորվելու մասին հոկտեմբերի 27-ին հայտնել էր Արցախի նախագահ Արայիկ Հարությունյանը: Նույն օրը Ջալալ Հարությունյանն ազատվել էր ԱՀ պաշտպանության նախարարի պաշտոնից` պայմանավորված վիրավորումով։

ԱՀ ՊՆ, ՊԲ հրամանատարի պաշտոնում նշանակվել է նախկինում հանրապետության զինված ուժերում մի շարք պատասխանատու պաշտոններ զբաղեցրած գեներալ-լեյտենանտ Միքայել Արզումանյանը:

24
թեգերը:
Վիրավոր, Արցախ, հիվանդանոց, Ջալալ Հարությունյան
Ըստ թեմայի
Ջալալ Հարությունյանի վիճակը կայուն է. ՊՆ
Արցախի նախագահը զանգել է Ջալալ Հարությունյանին
Վարչապետն այցելել է Ջալալ Հարությունյանին ու պաշտոն առաջարկել նրան. «Հրապարակ»