Նիկոլ Փաշինյան

Անհետ կորածների թիվը մի քանի հարյուրի է հասնում. Նիկոլ Փաշինյան

318
(Թարմացված է 11:19 16.11.2020)
Առցանց հրավիրված մամուլի ասուլիսի ժամանակ վարչապետն ասաց նաև, որ գերիների փոխանակումը տեղի կունենա զոհերի մարմինների փոխանակումից հետո։

ԵՐԵՎԱՆ, 16 նոյեմբերի – Sputnik. Պատերազմի հետևանքով անհետ կորածների թիվը մի քանի հարյուրի է հասնում։ Այսօր կազմակերպված առցանց մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։

«Կոնկրետ թիվ չեմ կարող ասել, սակայն մի քանի հարյուրի է հասնում նրանց թիվը։ Հույս ունենք` բոլորի դեպքում չէ, որ նույն եզրակացությանը կհանգենք, և մի մասին ողջ կգտնենք։ Օրինակ` երեկ իմացա, որ վիրավոր զինվոր է հայտնաբերվել, որն անհետ կորած է համարվել»,–ասաց Փաշինյանը։

Անդրադառնալով գերիների փոխանակմանը` վարչապետը նշեց, որ դա տեղի կունենա զոհերի մարմինների փոխանակումից հետո։

Նա ասաց նաև, որ առաջարկներ կան սգո օր հայտարարելու։ Փաշինյանի խոսքով` ճիշտ կլինի, որ այդ որոշումը կայացվի, երբ զոհերի մարմինների հայտնաբերման գործընթացն ավարտվի. հետագայում հարգանքի տուրք կմատուցվի պետական մակարդակով։

Վարչապետը նշեց, որ կարևոր է` այս ընթացքում երաշխավորեն զոհված զինծառայողների ընտանիքների, ինչպես նաև հաշմանդամություն ստացածների համար սոցիալական աջակցությունները։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1434 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

318
թեգերը:
Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, անհետ կորած, ռազմագերի, գերի, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (514)
Ըստ թեմայի
Արմեն Սարգսյանը հանդես կգա ուղերձով
Շահարկումներն անտեղի են. Փաշինյանը բացատրեց` ինչ է ուզել ասել իր աղմկահարույց գրառմամբ
Պետական ինստիտուտները գործում են ու կգործեն. Փաշինյան
Բեռնատար մեքենա Մարտակերտ-Ասկերան ճանապարհին, 18 նոյեմբերի

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

135
(Թարմացված է 18:24 26.11.2020)
Քաղաքի բնակիչները չեն ուզում փաստի առաջ կանգնել ու ստիպված լինել մեկ օրում լքել քաղաքը, այդ պատճառով հիմա ադեն կամաց-կամաց դուրս են բերում ունեցվածքը։

ԵՐԵՎԱՆ, 26 նոյեմբերի – Sputnik. Լեռնային Ղարաբաղի Բերձոր (Լաչին) քաղաքի իշխանությունն ու բնակիչները մինչ այժմ չգիտեն՝ արդյո՞ք կարող են քաղաքում մնալ, թե ստիպված են լինելու լքել այն։

Ըստ տեղի բնակիչների՝ իրենց զգուշացրել են, որ անհրաժեշտ է հավաքել ունեցվածքն ու լքել քաղաքը, քանի որ այն անցնում է ադրբեջանական կողմի վերահսկողության տակ։ Շուտով Քաշաթաղի (Լաչինի շրջան) սոցցանցի էջում տեղեկություն է հայտնվել այն մասին, որ մինչ նոյեմբերի 30-ը բնակիչների ոչ ոք ստիպված չէ լքել քաղաքը։ Սակայն շուտով այդ հաղորդագրությունն էլ է հեռացվել։

Sputnik Արմենիան կապ հաստատեց Բերձորի քաղաքապետ Նարեկ Ալեքսանյանի հետ, որը հայտնեց, որ մինչ այժմ հակասական տեղեկություն են ստացվում։

«Երեկ այդպիսի տեղեկություն եղել է (քաղաքը ադրբեջանցիներին փոխանցելու մասին – խմբ․), բայց այսօր այն չի հաստատվում», - ասաց Ալեքսանյանը։

Բերձորով անցնող Երևան-Ստեփանակերտ ճանապարհը վերագործարկվեց

Քաղաքապետն այժմ քաղաքում է, այնտեղ բավականին շատ բնակիչ կա։ Բայց նրանք չեն ուզում հայտնվել այն իրավիճակում, որում հայտնվեցին Ղարաբաղի հարավի բնակիչները, որոնք չհասցրին իրենց ունեցվածքից ոչինչ տեղափոխել։

«Այս երեք օրվա մեջ մե՛կ փոխանցում ենք քաղաքը, մե՛կ չենք փոխանցում, անհասկանալի է։ Այդ պատճառով, որ վերջին օրը չպարզվի, որ կորցնում ենք քաղաքը, ցանկալի է, որ մարդիկ տանեն իրենց ունեցվածքը», - ասաց Ալեքսանյանը։

Հաշվի առնելով Ադրբեջանի կողմից գրաված հարավային հատվածի մարդկանց օրինակը, նրանք չեն ուզում նման ճակատագրի արժանանալ։

Նրա խոսքով՝ այժմ քաղաքում մոտ 800 մարդ կա։

Քաշաթաղի շրջանի ղեկավարի հետ կապ հաստատել դեռ չի ստացվում։

Հիշեցնենք՝ Բերձոր քաղաքով է անցնում այս պահին Հայաստանն ու Արցախը կապող միակ ճանապարհը։

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի (Բերձորի) շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

135
թեգերը:
Քաշաթաղ, Բերձոր, Արցախյան պատերազմ
թեմա:
Իրադրությունը Հայաստանում և Արցախում հայտարարության ստորագրումից հետո (514)
Ըստ թեմայի
«Չեմ ուզում 2-րդ անգամ բռնագաղթեմ». Բերձորի բնակիչը պատմում է ռուս խաղաղապահների մասին
Բերձորի խանութում սուրճն անվճար են տալիս կանխիկ փող չունեցող ռուս խաղաղապահին․ տեսանյութ
Ի՞նչ է ֆիքսել Sputnik Արմենիայի տեսախցիկը Գորիս-Բերձոր ճանապարհին
Շուշի տանող ճանապարհ

Զինադադարի հաստատումից հետո երկու լիբանանահայ է անհետացել. Սինանյան

31
(Թարմացված է 18:21 26.11.2020)
Լիբանանահայերը գնացել են իրենց գույքը հանելու, դրանից հետո լուր չկա նրանցից. անհետացել են:

ԵՐԵՎԱՆ, 26 նոյեմբերի – Sputnik. Արցախում պատերազմի դադարեցման վերաբերյալ հայտարարությունից հետո երկու լիբանանահայ է անհետացել: Sputnik Արմենիայի հետ զրույցում հայտնեց Սփյուռքի գործերի գլխավոր հանձնակատար Զարեհ Սինանյանը:

«Զինադադարի հաստատումից հետո Արցախում մեկ կին և մեկ երիտասարդ անհետացել են: Գնացել են իրենց գույքը հանելու, և դրանից հետո լուր չունենք նրանցից։ Անհետացել են: Ավելի ուշ մեզ հայտնեցին, որ նրանց հեռախոսները թուրքերի մոտ են»,- ասաց Սինանյանը:

Տղամարդը երկար տարիներ առաջ է տեղափոխվել Արցախ, իսկ կինը վերջերս` օգոստոսին։ Սինանյանի խոսքով` լիբանանահայերից մեկը Շուշիում էր ապրում։

Սփյուռքի գործերի գլխավոր հանձնակատարը հավելեց` պատկան մարմինները` ՀՀ մարդու իրավունքների պաշտպանի գրասենյակը, Կարմիր Խաչն ու ՀՀ ազգային անվտանգության ծառայությունը տեղյակ են այս մասին։

Հարցին, թե սփյուռքահայերին առնչվող սա միա՞կ դեպքն է` Սինանյանը պատասխանեց` իրենց հայտնի միակ դեպքն է։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

31
թեգերը:
սփյուռքահայ, Զարեհ Սինանյան, Պատերազմ, Արցախ
Ըստ թեմայի
Պաշտպանության նախարարությունը հորդորում է ձեռնպահ մնալ ռազմական դրությունը չեղարկելուց
Զինադադարի հաստատումից հետո երկու լիբանանահայ է անհետացել. Սինանյան
Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է
Սոթք–Քարվաճառ

Արձանագրենք`Հայաստանն այսօր չունի իշխանություն. Նաիրա Զոհրաբյանը` Սոթքի իրավիճակի մասին

114
(Թարմացված է 18:36 26.11.2020)
Նաիրա Զոհրաբյանն ԱԺ-ում ներկայացրեց համացանցում տարածված տեսանյութն ու պատասխանեց Փաշինյանի խոսնակին:

ԵՐԵՎԱՆ, 26 նոյեմբերի — Sputnik. ԲՀԿ պատգամավոր Նաիրա Զոհրաբյանը քիչ առաջ ԱԺ ամբիոնին մոտեցավ միացրած հեռախոսով՝ գործընկերներին ու ընտրողներին ցույց տալով այն տեսանյութը, որի համաձայն` ադրբեջանցի զինծառայողներն այս պահին գտնվում են Սոթքի ոսկու հանքավայրի մատույցներում:

«Նիկոլ Փաշինյանի ստորագրած դավաճանական համաձայնագրից հետո գծվեցին սահմանները, երբ Քարվաճառի դռները ցավալիորեն փակվեցին: Իսկ այսօր ազերի զինյալները 80 հոգով կոտրել են կողպեքը: Քիչ առաջ ինձ զանգեցինք Սոթքի հանքի աշխատակիցներն ու ասացին, որ իրենք սարսափի մեջ են, փորձում են իջեցնել իրենց տեխնիկան ու մարդկանց անվտանգ տեղափոխել»,- ասաց Զոհրաբյանը:

Այս բոլոր փաստերով Նաիրա Զոհրաբյանն առաջարկում է արձանագրել, որ Հայաստանն այսօր չունի իշխանություն:

«Այս կադրերից հետո վարչապետի մամուլի խոսնակը հայտարարում է, որ տեղեկությունը չի համապատասխանում իրականությանը և երկրորդ նախադասության մեջ գրում է. «Սպասում ենք Գեղարքունիքի մարզպետի պարզաբանմանը, որի հետ այս պահին չենք կարողանում կապ հաստատել»: Հարգելի տիկին կամ օրիորդ, եթե տեղեկատվությունը չի համապատասխանում իրականությանը, այդ դեպքում ինչո՞ւ եք սպասում մարզպետի պարզաբանմանը», -ասաց Զոհրաբյանը:

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Պատգամավորը հայտարարեց, որ  Հայաստանը փրկելու միակ տարբերակն այսօր ռազմական դրության չեղարկում ու Նիկոլ Փաշինյանի հրաժարականն է:

ՊՆ–ն հերքում է ադրբեջանցի զինվորականների` Սոթքի հանքավայր մտնելու լուրերը

114
թեգերը:
հայ-ադրբեջանական, ադրբեջանցի, Ադրբեջան, Քարվաճառ, Սոթք-Քարվաճառ ավտոճանապարհ, Սոթքի հանքավայր
թեմա:
Իրադրությունը Հայաստանում և Արցախում հայտարարության ստորագրումից հետո (514)
Ըստ թեմայի
Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Իրարանցում ու բղավոցներ ԱԺ-ում. Ալեն Սիմոնյանը կանչեց անվտանգության աշխատակիցներին