Վահրամ Պողոսյան

Վահրամ Պողոսյանը հերքում է Արամ Գաբրելյանովի պատմածն Աննա Հակոբյանի և Սեմյոն Պեգովի մասին

3293
(Թարմացված է 15:17 15.11.2020)
Արցախի նախագահի խոսնակն անդրադարձել է Սոլովյովի հաղորդման ընթացքում հնչած մտքերին և հերքել դրանք։

ԵՐԵՎԱՆ, 15 նոյեմբերի — Sputnik. Արցախի նախագահի մամուլի խոսնակ Վահրամ Պողոսյանը հերքել է Վլադիմիր Սոլովյովի հաղորդման եթերում ռուսաստանցի հրատարակիչ, News Media հոլդինգի նախկին գլխավոր տնօրենի Արամ Գաբրելյանովը արած հայտարարությունները։ Նշենք, որ Գաբրելյանովն արմատներով արցախցի է։

Սոլովյովի հաղորդման ընթացքում Գաբրելյանովն ասել էր, որ ՀՀ վարչապետի տիկին Աննա Հակոբյանը պատերազմի օրերին Արցախում մասնակցել է ռազմական խորհրդի նիստերին և դրանցից մեկի ժամանակ միջադեպ է գրանցվել գեներալ Մովսես Հակոբյանի հետ:

«Իրականում Աննա Հակոբյանը պատերազմի ժամանակ Արցախում գտնվելու օրերին ներգրավված էր բացառապես թիկունքային աշխատանքներով: «Հայտնի միջադեպի» մասին խոսակցություններին մեկ անգամ արդեն առիթ եմ ունեցել անդրադառնալու՝ չբարձրաձայնելով իրականությունը, ինչը պատերազմի օրերին անթույլատրելի էր»,–գրել է Վահրամ Պողոսյանը Facebook–ի իր էջում։

Նրա խոսքով` Մովսես Հակոբյանի Արցախից առժամանակ բացակայելու փաստը ոչ թե որևէ խոսակցության, այլ առողջական խնդիրների պատճառով էր:

Գաբրելյանովի մյուս անդրադարձը, որին պատասխանել է Վահրամ Պողոսյանը, վերաբերում էր «ՎարԳոնզո» նախագծի անդամ, ռազմական լրագրող Սեմյոն Պեգովին։ Գաբրելյանովի խոսքով` Շուշիի մարտերի մասին ճշմարտությունը պատմելու համար Վահրամ Պողոսյանը նրան ասել է, որ հեռանա Արցախից։

Դավիթ Գալստյանն արձագանքել է Թուրքիային զենք վաճառելու մասին լուրերին

«Սա հիմարություն է: Քիչ առաջ եմ հեռախոսազրույց ունեցել Սեմյոնի հետ։ Նա ևս զայրացած է այս ակնհայտ կեղծ տեղեկատվությունից և շուտով կարձագանքի դրան»,–գրել է Պողոսյանը:

Նա խոստացել է մի օր գրել պատերազմի 44 օրերի քաղաքական հիմնական զրույցների ու քննարկումների մասին։

3293
թեգերը:
Մովսես Հակոբյան, Սեմյոն Պեգով, Աննա Հակոբյան, Շուշի, Արցախյան պատերազմ, Արցախ, Արամ Գաբրելյանով, Վահրամ Պողոսյան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ղարաբաղում Սիրիայից եկած մոտ 300 վարձկաններ են սպանվել, հարյուրավորներ`վիրավորվել. SOHR
Անհայտ կորած զինծառայողների և քաղաքացիական անձանց որոնման աշխատանքները վերսկսվել են
ԲՀԿ-ն դիմել է ոստիկանապետին. Նաիրա Զոհրաբյանին ու նրա գործընկերներին սպառնում են սպանել
Սակրավորներն աշխատանքի պահին

Արցախի Այգեստան և Խնածախ համայնքներում պայթյուններ կլսվեն. ԱԻՊԾ-ն զգուշացնում է

3
(Թարմացված է 12:21 30.11.2020)
Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի - Sputnik. Արցախի Հանրապետության Ասկերանի շրջանի Այգեստան և Խնածախ համայնքների տարածքում չպայթած ռումբերի և այլ զինատեսակների ականազերծում է իրականացվում: Տեղեկությունը հայտնում է Արցախի արտակարգ իրավիճակների պետական ծառայությունը։

«Պայթյուն լսելու դեպքում խնդրում ենք խուճապի չմատնվել»,-նշված է հաղորդագրության մեջ:

Պատերազմի հետևանքով Արցախի տարածքում հայտնված հրթիռային, կասետային և հարվածային ռումբերը, ինչպես նաև ականանետերի և այլ զինատեսակների չպայթած մնացորդները սակրավորական խմբերը հայտնաբերում և ոչնչացնում են անվտանգ տարածքում:

Հավելենք, որ Ռուսաստանի պաշտպանության նախարարության միջազգային հակաականային կենտրոնի զինծառայողները ևս շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։

Ղարաբաղում ականի վրա մեքենա է պայթել. ադրբեջանցիներ են մահացել

Խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

3
թեգերը:
ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Որքա՞ն ժամանակ կպահանջվի Լեռնային Ղարաբաղն ականազերծելու համար
Ջալալ Հարությունյան

Ջալալ Հարությունյանը բուժումը կշարունակի տանը

7
(Թարմացված է 12:21 30.11.2020)
ՀՀ ՊՆ տեղեկատվության և հասարակայնության հետ կապերի վարչության պետը մանրամասներ է հայտնել ԱՀ ՊԲ նախկին

ԵՐԵՎԱՆ, 30 նոյեմբերի - Sputnik. ԱՀ պաշտպանության բանակի նախկին հրամանատար, Արցախի հերոս Ջալալ Հարությունյանի առողջական վիճակում դրական դինամիկա կա։ Sputnik Արմենիայի հետ զրույցում տեղեկությունը հայտնեց ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը։

«Ջալալ Հարությունյանն առաջիկա օրերին դուրս կգրվի հիվանդանոցից»,–ասաց Ալթունյանը։

Նրա խոսքով` Հարությունյանն ամբուլատոր բուժումը կշարունակի տանը։

Հիշեցնենք, որ Ջալալ Հարությունյանի վիրավորվելու մասին հոկտեմբերի 27-ին հայտնել էր Արցախի նախագահ Արայիկ Հարությունյանը: Նույն օրը Ջալալ Հարությունյանն ազատվել էր ԱՀ պաշտպանության նախարարի պաշտոնից` պայմանավորված վիրավորումով։

ԱՀ ՊՆ, ՊԲ հրամանատարի պաշտոնում նշանակվել է նախկինում հանրապետության զինված ուժերում մի շարք պատասխանատու պաշտոններ զբաղեցրած գեներալ-լեյտենանտ Միքայել Արզումանյանը:

7
թեգերը:
Վիրավոր, Արցախ, հիվանդանոց, Ջալալ Հարությունյան
Ըստ թեմայի
Ջալալ Հարությունյանի վիճակը կայուն է. ՊՆ
Արցախի նախագահը զանգել է Ջալալ Հարությունյանին
Վարչապետն այցելել է Ջալալ Հարությունյանին ու պաշտոն առաջարկել նրան. «Հրապարակ»