Ռուստամ Ռուրադով

Ադրբեջանցիներն իզուր էին ոգևորվել. Մուրադովը խոսել է իր ազգության մասին

3046
(Թարմացված է 17:21 14.11.2020)
Գեներալը շեշտել է, որ իր ազգային պատկանելությամբ հարևան պետության հետ որևէ առնչություն չունի։

ԵՐԵՎԱՆ, 14 նոյեմբերի - Sputnik. Լեռնային Ղարաբաղում հրադադարի ռեժիմի վերահսկման նպատակով ժամանած ՌԴ խաղաղապահ զորակազմի հրամանատար, գեներալ-լեյտենանտ Ռուստամ Մուրադովը խոսել է իր ազգային պատկանելության մասին։ Ռուս զինվորականի հետ հարցազրույցի տեսանյութը ներկայացնում է ՌԻԱ Նովոստին։

«Ես ՌԴ քաղաքացի եմ, ՌԴ զինված ուժերի զինծառայող գեներալ եմ, սպա եմ։ Ինձ համար՝ որպես սպա, ազգություն չկա։ Ես իմ առաջադրանքներն իրականացնում եմ ըստ նշանակության»,- ասել է Մուրադովը։

Մուրադովը նշել է, որ իր համար Ռուսաստանի Դաշնության օրենքները, մասնավորապես` ՌԴ Զինված ուժերի գերագույն գլխավոր հրամանատարի, պաշտպանության նախարարի և իր անմիջական ղեկավարների բոլոր հրամաններն ու հրահանգները կատարման ենթակա են:

Հաշվի առնելով, որ վերջին օրերին հատկապես սոցիալական ցանցերում ու լրատվամիջոցներում լայնորեն քննարկվում է իր ազգության հարցը՝ Մուրադովն, այնուամենայնիվ, մանրամասնել է.

«Ես ծնվել եմ Դաղստանում, ազգությամբ թաբասարանցի եմ»,- ասել է Մուրադովը։

Վերջում գեներալը շեշտել է, որ հարևան պետության հետ (Ադրբեջանի,–խմբ.) ազգային պատկանելությամբ որևէ առնչություն չունի։

Հիշեցնենք` նոյեմբերի 11-ին հայտնի դարձավ, որ Արցախ մեկնած ռուսական խաղաղապահ զորախմբի հրամանատար է նշանակվել գեներալ–լեյտենանտ Ռուստամ Մուրադովը։

Ադրբեջանական ԶԼՄ-ներն իսկույն տեղեկություն տարածեցին, թե Մուրադովն ադրբեջանցի է, այնինչ Ռուստամ Ուսմանի Մուրադովը ծնվել է 1973 թվականի մարտի 21-ին Դաղստանի Դերբենտի շրջանի Չինար գյուղում, որի բնակչության մեծ մասը (2010 թվականի մարդահամարի տվյալներով) ադրբեջանցիներ են (մոտ 35%), դաղստանցիներ ու թաբասարանցիներ։

Նոր իրողություններ Ղարաբաղում․ ռուս փորձագետը վերլուծել է ՀՀ իշխանության թերությունները

3046
թեգերը:
Ադրբեջան, Արցախ, խաղաղապահ, Ռուստամ Մուրադով
թեմա:
Իրադրությունը Հայաստանում և Արցախում հայտարարության ստորագրումից հետո (634)
Ըստ թեմայի
Բերձորի խանութում սուրճն անվճար են տալիս կանխիկ փող չունեցող ռուս խաղաղապահին․ տեսանյութ
Ռուսական խաղաղապահ կորպուսի հրամանատարն ու Արցախի նախագահը հարցեր են քննարկել
Խաղաղապահները Ղարաբաղում արդեն պարեկային ծառայություն են իրականացնում 2 ուղղությամբ
Զինվորական սաղավարտ

Նիկոլ Փաշինյանը խոսեց գերիների ու անհետ կորածների մասին

21
(Թարմացված է 11:50 05.12.2020)
«Բոլորը բոլորի դիմաց» սկբբունքը վերաբերում է ոչ միայն պատերազմի ընթացքում գերեվարված, այլև պատերազմից առաջ հայկական ու ադրբեջանական կողմում մնացած անձանց։ Ինչ վերաբերում է անհետ կորածներին, ապա նոյեմբերի 9-ից հետո դուրս է բերվել ավելի քան 600 մարմին:

ԵՐԵՎԱՆ, 5 նոյեմբերի – Sputnik. Արցախի նկատմամբ Ադրբեջանի սանձազերծած պատերազմի ընթացքում ադրբեջանական կողմից գերեվարված անձանց վերադարձի կազմակերպման հարցում որոշակի առաջընթաց կա։ Այսօրվա իր տեսաուղերձում հայտնեց ՀՀ վարչապետ Նիկոլ Փաշինյանը` հիշեցնելլով, որ գերիների վերադարձի հարցում համաձայնեցված է «բոլորը բոլորի հետ» սկզբունքը: 

«Ընդ որում` ոչ միայն պատերազմի ընթացքում գերեվարված, այլև պատերազմից առաջ հայկական ու ադրբեջանական կողմում մնացած անձինք: Ու հիմա մեր խնդիրն է անել այնպես, որ վերադարձնենք ոչ միայն նրանց, ում գերեվարված լինելու փաստը հաստատված է, այլև մեխանիզմներ ստեղծենք, որ եթե հետագայում նոր անուններ պարզվեն, նրանց վերադարձի հետ կապված ևս խնդիրներ չինեն»,- ասաց Փաշինյանը:

Հաջորդ կարևորագույն խնդիրն, ըստ նրա, անհետ կորածների ճակատագիրը պարզելն է: Փաշինյանը ներողություն խնդրեց լսարանից, որ տիպված է մանրամասն ներկայացնել գործընթացը՝ հաշվի առնելով դրա նկատմամբ հանրության հետաքրքրությունը:

«Մի կողմից Ադրբեջանի հսկողության տակ գտնվող տարածքներից մարմինների դուրսբերում է կատարվում, մյուս կողմից Հայաստանում գտնվող նահատակների անճանաչելի դարձած մարմինների ճանաչում է կատարվում»,- ասաց նա։

Վարչապետը հայտնեց, որ նոյեմբերի 9-ից հետո դուրս է բերել ավելի քան 600 մարմին, որոնցից 500-ն այս պահին դեռ ճանաչման փուլում են գտնվում:

«Այս մարմինները, ցավոք, մեր անհետ կորած եղբայրների մարմիններն են: Հիմա կատարվում է նրանց ճանաչման գործընթացը: Վերցվում է նրա մարմնից ԴՆԹ նմուշ, որը համեմատվում է հարազատների մարմնից վերցված ԴՆԹ նմուշի հետ»,- ասաց Փաշինյանը՝ շեշտելով, որ այդ գործընթացը բավական ժամանակատար է:

Նրա խոսքով` նոյեմբերի 9-ից առ այսօր ճանաչվել ու հարազատներին է հանձնվել 130 զոհի մարմին:

Փաշինյանը նշեց, որ կա անհետ կորածների ևս մի խումբ, որոնց մասին ինքը չի ցանկանում բարձրաձայնել: Նրանց հայտնաբերման ուղղությամբ տարվող աշխատանքի մասին այս պահին ինքը չի կարող խոսել:

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

21
թեգերը:
Զոհ, գերի, Նիկոլ Փաշինյան, Հայաստան
Ըստ թեմայի
Գերիների անվտանգ վերադարձի ապահովումը հրատապ լուծում պահանջող խնդիր է. Հայաստանի ՄԻՊ
Ստիպում են համբուրել Ադրբեջանի դրոշը. հայ գերիների վերադարձից ոչինչ հայտնի չէ
Ադրբեջանը ՄԻԵԴ-ին առաջին անգամ տրամադրել է գերիների մասին տեղեկություն
Ուրան-6

Ղարաբաղում ականազերծման ժամանակ առաջին անգամ ռոբոտատեխնիկական համալիր է գործի դրվել

74
(Թարմացված է 10:11 05.12.2020)
Ռուսաստանի պաշտպանության նախարարության Միջազգային հակաականային կենտրոնի զինծառայողները Ղարաբաղում շարունակում են ինժեներական հետախուզման և տեղանքի ականազերծման աշխատանքներ իրականացնել ռուսական խաղաղապահ ուժերի պատասխանատվության գոտում:

ԵՐԵՎԱՆ, 5 դեկտեմբերի – Sputnik. ՌԴ ՊՆ մամուլի ծառայությունը հայտնում է, որ Լեռնային Ղարաբաղում ականազերծման ժամանակ սակրավորներն առաջին անգամ գործարկել են «Ուրան-6» բազմաֆունկցիոնալ ռոբոտատեխնիկական համալիրը։
«Ուրան-6» համալիրի օգնությամբ մոտ 8 հա տեղանք է հետազոտվել Խոջալու բնակավայրի շրջանում:

Հեռահար կառավարվող ռոբոտատեխնիկական համալիրների կիրառումը թույլ է տալիս ավելացնել ականազերծվող տարածքների տարածքը ՝ ապահովելով անձնակազմի անվտանգությունը ականազերծման ժամանակ:

«Օպերատորը կարող է կառավարել մինչև 800 մետր հեռավորության վրա գտնվող համալիրը (սարքի վրա կան բարձր հստակության 4 տեսախցիկներ, որոնք ապահովում են շրջանաձև դիտարկման հնարավորթւյուն): «Ուրան-6» համալիրի աշխատանքի ընթացքում հողում գտնվող ռազմամթերքը վնասազերծվում է մշակման կամ ֆիզիկական ոչնչացման արդյունքում», - ասված է հաղորդագրության մեջ:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

74
թեգերը:
Սակրավոր, ականազերծում, Լեռնային Ղարաբաղ
թեմա:
Իրադրությունը Հայաստանում և Արցախում հայտարարության ստորագրումից հետո (634)
Железные ворота на дороге Сотк-Карвачар (24 ноября 2020). Карабах

Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին

0
Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

ԵՐԵՎԱՆ, 5 դեկտեմբերի – Sputnik. ՀՀ վարչապետ Նիկոլ Փաշինյանն այսօր իր տեսաուղերձում անդրադարձավ Հայաստանի սահմաններին տեղի ունեցող գործընթացներին:

«Մեր զինված ուժերը տեղաբաշխվում են ՀՀ սահմանի երկայնքով: Խոսքը տվյալ դեպքում Հայաստանի մասին է: Արցախի պարագան առանձին խնդիր է: Մեր սահմանին տեղի ունեցող այդ պրոցեսներն իհարկե մարդկանց ընկալումներում լուրջ խնդիրներ են առաջացում: Տարբեր գործնական խնդիրներ ևս կան, բայց այդ խնդիրներն անլուծելի չեն, և դրանց լուծման վրա մենք աշխատում ենք»,- ասաց Փաշինյանը՝ կոչ անելով այդ առիթով խուճապային տրամադրությունների մեջ չընկնել:

Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

0