Էդմոն Մարուքյան. արխիվային լուսանկար

Ընտրել ժամանակավոր վարչապետ... ԼՀԿ-ն 13 քայլի միջոցով ստեղծված իրավիճակից ելք է խոստանում

5123
(Թարմացված է 15:29 14.11.2020)
Արցախի ինքնորոշում, հայ–ռուսական հարաբերությունների բարձր որակ և այլն։ Էդմոն Մարուքյանն ուղիղ եթերում հայտնեց, թե ինչ պետք է անել, որպեսզի դուրս գանք ստեղծված իրավիճակից։

ԵՐԵՎԱՆ, 14 նոյեմբերի — Sputnik. «Լուսավոր Հայաստան» խմբակցության ղեկավար Էդմոն Մարուքյանը ներկայացրել է ճանապարհային քարտեզ, որը ստեղծված իրավիճակում առաջարկում է ԼՀԿ-ն։ Նա Facebook–ի իր էջում ուղիղ եթերի ժամանակ ներկայացրեց քարտեզը, որը բաղկացած է 13 կետերից։

«Առաջին հերթին պետք է պարտության սիմվոլ վարչապետ Նիկոլ Փաշինյանը հեռանա, որից հետո խորհրդարանն ընտրի ժամանակավոր վարչապետ, ձևավորի իրենց ոլորտներում հաջողության հասած մարդկանց անցումային կառավարություն։ Երկրորդ` պետք է ապահովվի հայ-ռուսական հարաբերությունների բարձր որակ»,–ասաց Մարուքյանը։

Երրորդ դրույթն էլ այն է, որ ստորագրված հայտարարության անորոշ դրույթների շուրջ պետք է բանակցություններ նախաձեռնվի՝ հայանպաստ լուծումների հասնելու նպատակով։ Այսինքն` Արցախի ինքնորոշման իրավունքի վերջնական ամրագրման և կենսագործման, երկարաժամկետ կայունության և խաղաղության, հայկական շահն արտահայտող հավասարակշռված համաձայնագիր ունենալու նպատակով ԵԱՀԿ Մինսկի խմբի համանախագահների ձևաչափով բանակցությունները պետք է վերականգնվեն։

Չորրորդ կետը վերաբերում է Հայաստան-Արցախ-սփյուռք ներուժի համախմբմանը, իսկ հաջորդ դրույթը նախատեսում է ներքին իրավիճակի կայունացում, բախումների դադարեցում, հանրային համերաշխության վերականգնում։

Վեցերորդ և յոթերորդ դրույթներով նախատեսվում է պետական ինստիտուտների վերականգնում, ամրապնդում, զոհված և վիրավորված զինծառայողների ու նրանց ընտանիքների կարիքների պատշաճ ապահովում։

Ութերորդ դրույթը սահմանում է` պետք է գտնել արցախահայության սոցիալական կարիքների անհապաղ լուծում։ ԼՀԿ-ն չի մոռացել նաև կորոնավիրուսային իրավիճակը և ճանապարհային քարտեզի 9-րդ կետում նշվում է, որ պետք է կորոնավիրուսի դեմ պայքարի արդյունավետ համակարգում լինի։

Միջազգային համագործակցությունը նույնպես չի մոռացվել և 10-րդ դրույթի համաձայն` պետք է միջազգային դոնորների համաժողով հրավիրվի՝ ԱՄՆ, Չինաստան, Ռուսաստան, ԵՄ 27 երկրներ, Իրան, արաբական երկրներ... Իսկ Հայաստան-Արցախ ավիրված հատվածի վերականգնման համար առնվազն 1 մլրդ դոլար պետք է ներգրավվի։

Օնիկ Գասպարյանն ինձ ասել է` 7 օր հնարավորություն տվեք հայկական զինված ուժերին. Մարուքյան

11-րդ դրույթում սահմանված է, որ հայկական դիվանագիտության թիմն իր աշխատանքները պետք է հիմնարար փոփոխության ենթարկի։

Իսկ վերջին երկու դրույթներն էլ անդրադառնում են տնտեսությունն ու բանակը վերականգնելու ազգային հեռանկարային ծրագրի մշակմանն ու հավասար պայմանների ապահովմամբ՝ խորհրդարանական ընտրությունների անցկացմանը:

Մարուքյանն ասաց, որ ի սկզբանե էլ պարզ է եղել, որ պատերազմում պարտվելու ենք։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Երկրում սկսվել են բողոքի ակցիաներ` ընդդեմ ՀՀ վարչապետի կայացրած որոշման։

5123
թեգերը:
«Լուսավոր Հայաստան» կուսակցություն, Իշխանություն, Արցախ, Էդմոն Մարուքյան
թեմա:
Իրադրությունը Հայաստանում և Արցախում հայտարարության ստորագրումից հետո (564)
Ըստ թեմայի
Ընդդիմությունն իշխանափոխություն է պահանջում, բայց ստորագրված փաստաթղթի մասով առաջարկ չունի
Հայկական ընդդիմությունը փորձում է շահարկել Ղարաբաղի շուրջ պայմանավորվածությունները. Լավրով
Ինչ կաներ Փաշինյանը, եթե այսօր ինքը լիներ ընդդիմություն
Արխիվային լուսանկար

Լեռնային Ղարաբաղում հայտնաբերվել և վնասազերծվել է ավելի քան 750 պայթյունավտանգ առարկա

10
(Թարմացված է 11:49 30.11.2020)
Ընդհանուր առմամբ, խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։

ԵՐԵՎԱՆ, 30 նոյեմբերի – Sputnik. Ռուսաստանի պաշտպանության նախարարության միջազգային հակաականային կենտրոնի զինծառայողները շարունակում են Լեռնային Ղարաբաղում ռուսական խաղաղապահ ուժերի պատասխանատվության ներքո գտնվող տարածքներում ինժեներական հետախուզման և ականազերծման աշխատանքները։ Հայտնում է Ռուսաստանի պաշտպանության նախարարությունը։

«Կենտրոնի մասնագետներն ինժեներական հետախուզում են իրականացրել և Շուշի-Լիսագոր ճանապարհահատվածը ՝ մոտ 3 կմ երկարությամբ, պայթունավտանգ առարկաներից մաքրել են։ Մեկ օրում հայտնաբերվել է ավելի քան 100 պայթյունավտանգ առարկա, որոնք դուրս են բերվել հատուկ տարածք և ոչնչացվել»,–նշված է հաղորդագրության մեջ:

Ընդհանուր առմամբ, խաղաղապահ գործողության ընթացքում Լեռնային Ղարաբաղում մաքրվել է ավելի քան 24 հեկտար տարածք և ավելի քան 8 կմ ճանապարհ։ Միաժամանակ, հայտնաբերվել և վնասազերծվել է ավելի քան 750 պայթյունավտանգ առարկա:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Որքա՞ն ժամանակ կպահանջվի Լեռնային Ղարաբաղն ականազերծելու համար

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

10
թեգերը:
խաղաղապահ, Ռուսաստան, ականազերծում, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (564)
Ըստ թեմայի
Ռուս խաղաղապահներն ականազերծել են Լաչինի միջանցքը. տեսանյութ
Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել
ՌԴ ՊՆ-ն մանրամասներ է ներկայացրել Լեռնային Ղարաբաղում ականազերծման աշխատանքների մասին
Արցախ

Ղարաբաղում դաշտային հոսպիտալ է տեղադրվել․ ՌԴ պաշտպանության նախարարություն

43
(Թարմացված է 09:50 30.11.2020)
Հոսպիտալն ունի վերակենդանացման, ֆունկցիոնալ ախտորոշման, լաբորատոր ախտորոշման բաժիններ, վիրահատարան, ատամնաբուժական ու ակնաբուժական սենյակներ։

ԵՐԵՎԱՆ, 30 նոյեմբերի – Sputnik. Ռուսաստանի պաշտպանության նախարարությունը Լեռնային Ղարաբաղում դաշտային հոսպիտալ է տեղադրել։ ՌԻԱ Նովոսիի փոխանցմամբ՝ տեղեկությունը հայտնել է բժշկական ջոկատի պետ Յարոսլավ Իվանովը։

«Ավարտվել է օդակարկասային մոդուլների տեղադրումը։ Մենք առաջին հերթին կողմնորոշվում ենք խաղաղապահ զորախմբի բժշկական ապահովմամբ։ Ու մենք պատրաստ ենք օգնություն ցուցաբերել խաղաղ բնակչությանը։ Մեր ֆոնդերում պատրաստ ենք 40 մարդ ընդունել», - ասել է Իվանովը։

Նրա խոսքով՝ հոսպիտալն ունի վերակենդանացման, ֆունկցիոնալ ախտորոշման, լաբորատոր ախտորոշման բաժիններ, վիրահատարան, ատամնաբուժական ու ակնաբուժական սենյակներ։ Կան նաև թոքերի արհեստական օդափոխության սարքեր, ուլտրաձայնային հաստոցներ ու ռենտգեն։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

43
թեգերը:
հոսպիտալ, Արցախ, Լեռնային Ղարաբաղ, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո (564)
Ըստ թեմայի
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
Ռուս խաղաղապահների աջակցությամբ գրեթե 19 հազար մարդ է վերադարձել Ղարաբաղ
Ջո Բայդեն

Բայդենը պետք է հատուկ կոշիկ կրի. Թրամփն առողջություն է մաղթել նրան

16
(Թարմացված է 11:47 30.11.2020)
ԱՄՆ նորընտիր նախագահի ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

ԵՐԵՎԱՆ, 30 նոյեմբերի - Sputnik. ԱՄՆ-ի նորընտիր նախագահ, 78-ամյա Ջո Բայդենը սայթաքել և վայր է ընկել, հաղորդում է ՌԻԱ Նովոստին:

Բայդենի բժիշկ Քեվին Օ'քոննորը հայտնել է, որ ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

Բայդենը մի քանի շաբաթ պետք է հատուկ վիրակապ ու կոշիկ կրի:

ԱՄՆ նախագահ Դոնալդ Թրամփը շուտափույթ ապաքինում է մաղթել նախագահական ընտրություններում իր մրցակից Ջո Բայդենին։

«Շուտ ապաքինվեք»,-գրել է Թրամփն իր թվիթերյան էջում:

«Հարյուր հազարավոր կեղծ ձայներ». Թրամփը վստահ է՝ ընտրությունների արդյունքները կփոխվեն

Հիշեցնենք, որ նոյեմբերի 3-ին տեղի ունեցած նախագահական ընտրություններում հաղթանակ է տարել Ջո Բայդենը։ Գործող նախագահ Թրամփը մի շարք տեղամասերում վերահաշվարկ է պահանջել։

16
թեգերը:
Դոնալդ Թրամփ, Ջո Բայդեն
Ըստ թեմայի
Զարմանալի ընտրություններ, կամ ԱՄՆ նախագահ դարձավ Ջո Բայդենը, բայց վերընտրվեց Դոնալդ Թրամփը
Թրամփի խորհրդականները պարտության են նախապատրաստում նախագահին․ Washington Post
Թրամփի կողմնակիցների և հակառակորդների միջև բախման հետևանքով երիտասարդ է դանակահարվել