Զոհրաբ Մնացականյանն ու Սերգեյ Լավրովը

Մնացականյանն ու Լավրովը քննարկել են Արցախի վերաբերյալ եռակողմ հայտարարության իրականացումը 

190
(Թարմացված է 18:22 13.11.2020)
Հայաստանի և Ռուսաստանի ԱԳՆ ղեկավարները եռակողմ հայտարարությունից բացի քննարկել են նաև օրակարգային այլ հարցեր։

ԵՐԵՎԱՆ, 13 նոյեմբերի - Sputnik. Հայաստանի և Ռուսաստանի արտաքին քաղաքական գերատեսչությունների ղեկավարներ Զոհրաբ Մնացականյանը և Սերգեյ Լավրովն այսօր` նոյեմբերի 13–ին, հեռախոսազրույց են ունեցել։ Տեղեկությունը հաղորդում է ՌԴ ԱԳՆ մամուլի ծառայությունը:

«Կողմերը քննարկել են Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի ս.թ. նոյեմբերի 9-ի հայտարարության դրույթների գործնական իրականացման հետ կապված հարցեր: Հատուկ ուշադրություն է դարձվել տարածաշրջանում հումանիտար բարդ իրավիճակին և դրա հետ կապված խնդիրների լուծմանը», - ասվում է հաղորդագրության մեջ:

Անդրադարձ է կատարվել նաև երկկողմ օրակարգի որոշ արդիական թեմաների:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Լեռնային Ղարաբաղի շփման գծում և Լաչինի միջանցքի երկայնքով, որը կապահովի տարածաշրջանի կապը Հայաստանի հետ, կարգուկանոն պահպանելու համար Ռուսաստանը մոտ 2 հազար զինծառայող է ուղարկում: Նրանք ապահովված կլինեն հրաձգային զենքով, 90 զրահամեքենայով, 380 միավոր ավտոմոբիլային և հատուկ տեխնիկայով։

Այդ մասին համապատասխան կետը ներառված էր Նիկոլ Փաշինյանի, ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի ստորագրած հայտարարության տեքստում։

Ինչպես կորցրինք Շուշին. բացառիկ տեսանյութ, որը պատմում է քաղաքի վերջին ճակատամարտի մասին

190
թեգերը:
Սերգեյ Լավրով, Զոհրաբ Մնացականյան, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (617)
Ըստ թեմայի
Լավրովն ասել է` ինչն է հիմք դարձել Ղարաբաղի վերաբերյալ հայտարարության համար
Հայկական ընդդիմությունը փորձում է շահարկել Ղարաբաղի շուրջ պայմանավորվածությունները. Լավրով
Լավրովը նշել է, թե երբ է որոշվելու Լեռնային Ղարաբաղի կարգավիճակը
Министр иностранных дел Франции Жан-Ив Ле Дриан покидает Елисейский президентский дворец после еженедельного заседания кабинета министров (27 мая 2020). Париж

Հայաստանը մեզ չի խնդրում ճանաչել Ղարաբաղը. Ֆրանսիայի արտգործնախարար

8
Ղարաբաղի ճանաչումը կնշանակի, որ Ֆրանսիան չի կարող հանդես գալ որպես հակամարտության միջնորդ:

ԵՐԵՎԱՆ, 3 դեկտեմբերի – Sputnik. Հայաստանը Ֆրանսիային չի խնդրում ճանաչել Ղարաբաղը։ Այս մասին հայտարարել է Ֆրանսիայի արտաքին գործերի նախարար Ժան-Իվ Լը Դրիանը Ֆրանսիայի խորհրդարանի Ստորին պալատում Լեռնային Ղարաբաղի ճանաչման մասին բանաձևի նախագծի քննարկման ժամանակ (մի քանի օր առաջ նման նախաձեռնություն քննարկվել է Սենատում, այսինքն ՝ խորհրդարանի Վերին պալատում)։

«Պատերազմի ժամանակ ռմբակոծությունները չխնայեցին ո՛չ հիվանդանոցները, ո՛չ տաճարները, հազարավոր խաղաղ բնակիչներ ստիպված եղան լքել իրենց տները։ Ֆրանսիայում ոչ ոք չպետք է անտարբեր մնա այն ամենի նկատմամբ, ինչ կատարվում է Ղարաբաղում»,–հավելել է նախարարը:

Նա ընդգծել է, որ հասկանում է պատգամավորներից շատերի վրդովմունքը ռազմական հանցագործությունների, կասետային և ֆոսֆորային ռումբերի օգտագործման կապակցությամբ: Շատերը, այդ թվում ՝ նախարարը, խստորեն դատապարտում են Սիրիայից օտարերկրյա վարձկանների ներգրավումը։

Շատերը, ինչպես և նախարարն ինքը դատապարտում են Թուրքիայի գործողությունները, որի մրցակցությունը Ռուսաստանի հետ անկայունության է հանգեցնում տարածաշրջանում։ Լը Դրիանի խոսքով` Թուրքիան վճռական աջակցություն է ցուցաբերել հակամարտության կողմերից մեկին, այդ թվում ՝ վարձկաններ ուղարկելով, ինչպես դա արել է Լիբիայում:

«Այդուհանդերձ, ես աջակցում եմ բանաձևի նախագծին, քանի որ մեր հայ ընկերները մեզ չեն խնդրում այդ մասին, և իրենք չեն ճանաչել Ղարաբաղը։ Իմ հայ գործընկերը՝ պարոն Այվազյանը, մեզ այլ բան է խնդրում՝ աջակցել հրադադարին և ապահովել մարդկանց վերադարձը իրենց տներ», - ասել է Լը Դրիանը։

8
Վարձկաններ

ԵԱՀԿ ՄԽ–ն հորդորում է բոլոր վարձկաններին արագ հեռանալ Լեռնային Ղարաբաղի տարածաշրջանից

23
(Թարմացված է 19:18 03.12.2020)
Օտարերկրյա վարձկաններին պետք է անհապաղ դուրս բերել տարածաշրջանից, իսկ հետո անցնել գերիների փոխանակմանը։

ԵՐԵՎԱՆ, 3 դեկտեմբերի – Sputnik. Բոլոր օտարերկրյա վարձկանները պետք է անհապաղ դուրս բերվեն Լեռնային Ղարաբաղի տարածաշրջանից։ Այս մասին ասված է Ռուսաստանի, Ֆրանսիայի և ԱՄՆ–ի պատվիրակությունների ղեկավարների` Ռուսաստանի, Ֆրանսիայի արտգործնախարարներ Սերգեյ Լավրովի և Ժան–Իվ լը Դրիանի, ինչպես նաև ԱՄՆ պետքարտուղարի տեղակալ Սթիվեն Բիգանի համատեղ հայտարարության մեջ, որը նրանք ընդունել են ԵԱՀԿ նախարարների խորհրդի նիստում։

Համանախագահները կարևորում են Ռուսաստանի ջանքերը հետագա ռազմական գործողությունները կանխելու համար։

Պատվիրակությունների ղեկավարները Հայաստանին և Ադրբեջանին կրկին հիշեցնում են միջազգային մարդասիրական իրավունքը հարգելու անհրաժեշտության մասին, իսկ դա նշանակում է որքան հնարավոր է շուտ զոհվածների դիակների և գերիների փոխանակում իրականացնել: Նրանք ընդգծում են փախստականների կամավոր, անվտանգ և երկարաժամկետ վերադարձի երաշխիքների կարևորությունը՝ նրանց իրավունքների և անձնական արժանապատվության պահպանմամբ։ Շեշտվում է նաև Ղարաբաղում պատմական և մշակութային ժառանգության պաշտպանության կարևորությունը։

Համանախագահող երկրները կոչ են անում միջազգային կազմակերպություններին, այդ թվում՝ Կարմիր խաչին և ՄԱԿ-ի կառույցներին օգնել հաղթահարել հումանիտար դժվարությունները: Համանախագահներն ընդգծում են ԵԱՀԿ գործող նախագահի անձնական ներկայացուցիչ Անջեյ Կասպշիկի և նրա թիմի աշխատանքը շարունակելու անհրաժեշտությունը:

Նրանք Հայաստանին և Ադրբեջանին կոչ են անում առաջին հնարավորության դեպքում ընդունել Մինսկի խմբի համանախագահներին, որպեսզի հակամարտության վերջնական լուծման նպատակով ձեռնամուխ լինեն առարկայական բանակցությունների:

Համանախագահները կրկին ընդգծում են հակամարտություններն առանց ուժի սպառնալիքի կարգավորելու անհրաժեշտությունը։

Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Հայտնի է, որ սիրիացի ահաբեկիչներին 1,5-2 հազար դոլար են խոստանում ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

Նշենք, որ հայկական կողմին արդեն հաջողվել է գերեվարել 2 սիրիացի վարձկան–ահաբեկչի։ Նրանցից առաջինին` Մեհրեդ Մուհամմադ Ալշխերին, բռնել են հոկտեմբերի 30–ին, իսկ երկրորդին` Յուսեֆ Էլ Աբեդ Էլ Հաջիին, հայ զինծառայողները գերեվարել են նոյեմբերի 1–ին։ Նրանք արդեն ցուցմունք են տվել և պատմել իրենց հավաքագրելու պայմանների մասին։

23
թեգերը:
ԵԱՀԿ Մինսկի Խումբ, Լեռնային Ղարաբաղ
Ըստ թեմայի
Ֆրանսիան Թուրքիայից սպասում է ԼՂ–ից վարձկանների դուրսբերման կոնկրետ գործողություններ
Ռուսաստանին և Իրանին ձեռնտու չէ Արցախը թուրքոմաններով և վարձկաններով բնակեցնելը
Ավելի քան 900 սիրիացի վարձկաններ հեռացել են Ադրբեջանից՝ չնայած Թուրքիայի ջանքերին
 Գյումրեցի փրկարարները պարգևատրվեցին

«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին

0
(Թարմացված է 19:56 03.12.2020)
Հայրենիքի պաշտպանությունն իրականացնելով ամենաբարդ տարածքներից մեկում, Շիրակի հրշեջ–փրկարարների ստորաբաժանումը կարողացել է իր առջև դրված խնդիրը պատվով կատարել:

ԵՐԵՎԱՆ, 3 դեկտեմբերի -Sputnik. ՀՀ Արտակարգ իրավիճակների նախարարի հրամանով` մարտական գործողություններին մասնակցելու և քաջություն ցուցաբերելու համար «Լավագույն հրշեջ-փրկարար», «Անձնվեր  փրկարար», «Կանխարգելում, օգնություն, փրկություն» մեդալներով այսօր պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ:

В Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри
© Sputnik / Armenuhi Mkhoyan
ՀՀ Արտակարգ իրավիճակների նախարարի հրամանով պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ

«Զինվորական ծառայությունից հետո առաջին անգամ էի զենք վերցրել, զուգադիպությամբ այն նույն տարածքն էինք պաշտպանում, որտեղ անցել է ծառայությունս: Փրկարարի գործն էլ հայրենիքի պաշտպանի գործ է. կապ չունի` զենքով, թե հրդեհաշիջում անելով: Փրկարարի մասնագիտությունը սիրելով եմ ընտրել, բայց եթե չլինեի փրկարար, կզինվորագրվեի»,-Sputnik Արմենիայի հետ զրույցում ասաց Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյանը, որը պարգևատրվածների շարքում է:

Водитель Ашоцкого пожарного спасательного отряда Гевор Мхитарян
© Sputnik / Armenuhi Mkhoyan
Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյան

Շիրակի մարզային փրկարարական վարչությունում մարտական գործողություններին մասնակցած շիրակցի փրկարարներին մեդալները հանձնեց ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը, որը մի քանի օր առաջ ՀՀ արտակարգ իրավիճակների նախարար Անդրանիկ Փիլոյանի հրամանով արժանացել է  «Փառքի խաչ Նոյ» մեդալի:

Լիքը տունս ստիպված թուրքին եմ թողել. արցախցիները Գյումրուց գնում են, բայց չգիտեն` ուր

«Շիրակի մարզի հրշեջ– փրկարարաները մասնակցել են հայրենիքի պաշտպանությանը շատ բարդ տեղամասում:  Դա  եղել է այն տեղամասը, երբ մեր գնալու ժամանակ  արդեն ուժեր չկային: Կարողացանք  կայունացել վիճակն ու կանխել թշնամու հոսքը  Կարմիր Շուկայից դեպի Շուշի: Ստորաբաժանումն իր առջև դրված խնդիրը կատարել է և բարձր  է կատարել։ Ունենք արդյունք. այն տարածքը, որտեղ մենք  էինք, այսօր մնացել է Արցախի Հանրապետության կազմում»- նշեց գնդապետ Հովհաննես Եմիշյանը։ 

В Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри
© Sputnik / Armenuhi Mkhoyan
ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը մեդալներ է հանձնում Շիրակի մարզային փրկարարական վարչությունում մարտական գործողություններին մասնակցած շիրակցի փրկարարներին

Փրկարարները վկայում են՝  պատերազմն ավելի մտերմացրեց իրենց, ավելի լավ զգացին զինակից ընկերոջ ուժն ու  նվիրվածությունը:

«Կամավոր ենք մեկնել։ 24 օր իմ ընկերների հետ կռվի դաշտում էի, այնտեղ ավելի ես հասկանում ու արժևորում ընկերոջդ ներկայությունը, երբ դժվար պահին քո կողքին զինակից ընկերդ է»,-նշեց Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի:

Спасатель Артикского пожарного спасательного отряда Самвел Зорабян
© Sputnik / Armenuhi Mkhoyan
Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

0
թեգերը:
Պատերազմ, Արցախ, փրկարար, հրշեջ, Գյումրի
Ըստ թեմայի
Մարտի են գնում ծերունիները. Գյումրիում թոռները պապին ճանապարհում են ռազմաճակատ
Լուռ երթ` ի հիշատակ նահատակված հերոսների. Գյումրիի ազատամարտիկների պանթեոնը մարդաշատ էր
86-ամյա կինը գուլպա է գործում զինվորի համար. էլ ինչ են անում գյումրեցիները հանուն Արցախի
Ինչն է միավորել գյումրեցի վաստակավոր նկարչին, 6-ամյա երեխային ու ադիբուդի վաճառողին
Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար