Ստեփանակերտ

Ինչու չի կարելի Ղարաբաղը թողնել ԱՄՆ-ին, Բրիտանիային ու Թուրքիային. Մուխինի տեսակետը

723
(Թարմացված է 20:51 12.11.2020)
Ալեքսեյ Մուխինը կարծում է, որ պետք է ուշադիր հետևել՝ ով և ինչպես է Թուրքիային ֆինանսավորում «Մեծ Թուրանի» իրագործման հարցում․ սա մի նախագիծ է, որն այժմ ծավալում է երկրի նախագահ Ռեջեփ Թայիփ Էրդողանը։

ԵՐԵՎԱՆ, 12 նոյեմբերի – Sputnik. Ռուսական խաղաղապահների մուտքը նվազեցրել է Լեռնային Ղարաբաղում տիրող լարվածության մակարդակը, ու հիմա կարևոր է թույլ չտալ, որ հումանիտար օգնություն ցուցաբերելու պատրվակով տարածաշրջան մտնեն մարդիկ, որոնք շահագրգռված են հակամարտության շարունակության մեջ, այդ երկրների շարքում են Թուրքիան, Բրիտանիան ու ԱՄՆ-ն։ ՌԻԱ Նովոստին տեղեկացնում է, որ այսօր «Ռոսիա սեգոդնյա» ՄՏԳ–ում կայացած ասուլիսի ժամանակ նման կարծիք է հայտնել Քաղաքական տեղեկատվության կենտրոնի գլխավոր տնօրեն Ալեքսեյ Մուխինը։

Генеральный директор Центра политической информации Алексей Мухин
© Sputnik / Алексей Куденко
Ալեքսեյ Մուխին

«Շատ հատկանշական էր բոլոր կողմերի պահվածքն այն բանից հետո, երբ հայտարարվեց, որ Ռուսաստանը խաղաղապահներ է մտցնում Ղարաբաղ։ Խաղաղապահների զորախմբի տեղակայումն իսկապես նվազեցրեց լարվածության մակարդակն ու սթափեցրեց աֆեկտի տակ գտնվող երկու ժողովուրդներին՝ ադրբեջանցիներին ու հայրերին։ Այն ռազմատենչ եռանդը, որ դրսևորում էին երկու կողմերը, քաղաքական որևէ գործընթացի շանս չէր թողնում», - ասել է Մուխինը։

Նա հիշեցրել է, որ նախկինում հրադադարի մասին մի քանի պայմանագիր է կնքվել, բայց դրանից ոչ մեկը թեկուզ մեկ-երկու ժամ չի պահպանվել, քանի որ երկու պետությունների հասարակություններն աֆեկտի տակ էին և ի վիճակի չէին երկխոսություն սկսելու։

«Պահանջվեց Ռուսաստանի ազդեցությունը, որպեսզի չեզոքացվի այդ բացասական էֆեկտը քաղաքացիական հասարակությունների զարգացման գործում։ Մարտական գործողությունների դադարեցման ակտն ինքնին ուժեղագույն ակտ է, ուժեղագույն քայլ այն իրադարձությունների ֆոնին, որոնք մենք տեսնում էինք վերջին մի քանի ամիսների ընթացքում։ Միանգամայն ակնհայտ է, որ սա պատրաստված քայլ է», - նշել է քաղաքագետը։

Նա ընդգծել է, որ ռուս խաղաղապահներին Ղարաբաղում տեղակայելու ժամկետը՝ հինգ տարին, բավարար է այդ հակամարտությունը լուծելու համար։

«Մենք, իհարկե, հիմա հումանիտար հարցերի կբախվենք։ Այստեղ շատ կարևոր է, որ հումանիտար օգնության պատրվակով տարածաշրջան չմտնեն այն երկրները, որոնք շահագրգռված են այդ զինված հակամարտության ծավալման, շարունակության ու խթանման մեջ։ Նկատի ունեմ և՛ ամերիկացիներին, և՛ Թուրքիային, և՛ այն կողմերին, որոնք այսպես թե այնպես ապակառուցողական ազդեցություն ունեն տարածաշրջանի իրադրության վրա, այդ թվում՝ Մեծ Բրիտանիան», - ընդգծել է Մուխինը։

Փորձագետի կարծիքով` անհանգստացնող է հատկապես Թուրքիայի պահվածքը, որը նրա խոսքով, փոխառել է ուրիշի ձեռքերով պատերազմելու ամերիկյան մոդելային վարքը։ Թուրքիան այս պահին տնտեսական հզորություն չունի հաջողությունը զարգացնելու համար, այդ պատճառով նրա ակտիվ գործողություններն Ադրբեջանում, Լեռնային Ղարաբաղում, Լիբիայում, Սիրիայում «թերևս այն ամենն է, ինչին ընդունակ է տեխնիկապես»։

«Բայց մենք պետք է ուշադիր հետևենք` ով և ինչպես է Թուրքիային ֆինանսավորում «Մեծ Թուրանի» իրագործման հարցում․ սա մի նախագիծ է, որն այժմ ծավալում է երկրի նախագահ Ռեջեփ Թայիփ Էրդողանը։ Մենք ունենք 20–րդ դարի տխուր փորձը, երբ ըստ էության բանկիրները գլոբալ հակամարտություններ էին սկսում, այդ պատճառով պետք է հիմա հետևենք՝ ինչպես են բաշխվում ֆինանսական հոսքերը, ինչի վրա են ծախսվում արևմտյան գումարները, որոնք օգտագործում է նաև Էրդողանը, և արդոք նա դրանք ընդհանրապես օգտագործում է», - ավելացրել է նա։

Բացի այդ, փորձագետի կարծիքով, հակամարտության գոտուն կից գտնվող երկրների վարքը նույնպես շատ հատկանշական է, բայց նրանք պետք է հաշվի առնեն, որ գտնվում են ռիսկային խմբում, քանի որ Լեռնային Ղարաբաղի իրադարձությունները ցույց տվեցին, որ առանձին տարածքում զինված հակամարտություն սանձազերծելը շատ հեշտ է։

«Ընդ որում՝ դա արվում է մեդիայով՝ տեղեկատվական արտանետումների միջոցով։ Այնպես որ Վրաստանը պետք է զգոն լինի, որ իր տարածքում էլ նման բան չբռնկվի։ Դրա համար բավականին շատ պատճառներ կան։ Եվ շատ կարևոր է, որ թուրքական ազդեցությունը Վրաստանում բավականին մեծ է նույն Աջարիայի միջոցով, ինչպես ես եմ հասկանում։ Առայժմ Ռուսաստանի ներուժը բավական է` նրան խաղաղ գործընթացի շրջանակում պահելու համար», - ամփոփել է Մուխինը։

Հիշեցնենք, որ Լեռնային Ղարաբաղի շփման գծում և Լաչինի միջանցքի երկայնքով, որը կապահովի տարածաշրջանի կապը Հայաստանի հետ, կարգուկանոն պահպանելու համար Ռուսաստանը մոտ 2 հազար զինծառայող է ուղարկում: Նրանք ապահովված կլինեն հրաձգային զենքով, 90 զրահամեքենայով, 380 միավոր ավտոմոբիլային և հատուկ տեխնիկայով։

Այդ մասին համապատասխան կետը ներառված էր Նիկոլ Փաշինյանի, ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի ստորագրած հայտարարության տեքստում։

Լեռնային Ղարաբաղում ոչ մի թուրք խաղաղապահ չի լինի․ Լավրով

723
թեգերը:
Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (588)
Министр иностранных дел России Сергей Лавров во время брифинга по итогам визита в Армению (21 ноября 2020). Еревaн

Ղարաբաղում խաղաղապահներ տեղակայելու գաղափարներ ՀԱՊԿ-ի նիստում չեն հնչել. Լավրով

16
(Թարմացված է 19:20 01.12.2020)
Կրակի դադարեցման և ռազմական գործողությունների վերահսկման համար ԼՂ հակամարտության գոտում տեղակայվել է Ռուսաստանի Դաշնության խաղաղապահ զորակազմ ՝ 1960 զինծառայողներով, 90 զրահամեքենաներով, 380 միավոր ավտոմոբիլային ու հատուկ տեխնիկայով:

ԵՐԵՎԱՆ, 1 դեկտեմբերի – Sputnik. Լեռնային Ղարաբաղում ՀԱՊԿ խաղաղապահ զորակազմի տեղակայման մասին ոչ մի խոսք այդ կազմակերպության անդամ երկրների ԱԳՆ ղեկավարների հանդիպման ժամանակ չի արտահայտվել: Այս մասին հայտարարել է ՌԴ ԱԳ նախարար Սերգեյ Լավրովը՝ ՀԱՊԿ անդամ երկրների ԱԳ նախարարների խորհրդի նիստի արդյունքներով կայացած մամուլի ասուլիսի ժամանակ։

«Մենք մանրամասն ներկայացրել ենք, թե ինչ միջոցներ է ձեռնարկում Ռուսաստանը Հայաստանի, Ադրբեջանի և Ռուսաստանի ղեկավարների նոյեմբերի 9-ի հայտարարության կատարման ուղղությամբ։ Ռուս խաղաղապահներն այնտեղ են տեղակայված և Հայաստանի վարչապետի և Ադրբեջանի նախագահի համաձայնությամբ, որևէ այլ գաղափար չի ներկայացվել», - ասել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

16
թեգերը:
խաղաղապահ, Լեռնային Ղարաբաղ, Արցախ, Սերգեյ Լավրով, Հավաքական անվտանգության պայմանագիր կազմակերպություն (ՀԱՊԿ)
Ըստ թեմայի
Վաղարշակ Հարությունյանը ՀԱՊԿ գործընկերների մոտ խոսել է անհայտ կորածների ու գերիների մասին
Ինչպես է Փաշինյանի «հիվանդագին ինքնասիրությունը» խափանել նախկին նախագահների ծրագրերը
Բաքուն վստահեցնում է, որ հայ ռազմագերիների մասնակցությամբ շքերթ չի ծրագրում
Բերձոր

Բերձորն ու հարևան գյուղերը մնում են հայկական. ինչ ինֆորմացիա ունի քաղաքապետը

510
(Թարմացված է 16:46 01.12.2020)
Քաշաթաղի հյուսիսային հատվածում, որը, ըստ պայմանավորվածության, դեկտեմբերի 1-ից պետք է անցներ Ադրբեջանին, արդեն ադրբեջանական զինված ուժերի ստորաբաժանումներ են տեղակայվել:

ԵՐԵՎԱՆ, 1 դեկտեմբերի – Sputnik. Բերձորցիները չեն շտապում լքել հարազատ քաղաքը: Sputnik Արմենիայի հետ զրույցում տեղեկությունը հայտնեց Բերձորի քաղաքապետ Նարեկ Ալեքսանյանը:

«Մարդիկ մնում են, այս պահին էլ Բերձորում բավականաչափ բերձորցիներ կան: Ընդհանուր առմամբ, ինչ-որ վտանգավոր կամ խուճապային իրավիճակ Բերձորում չկա»,- ասաց նա:

Ալեքսանյանը հայտնեց, որ Քաշաթաղի հյուսիսային հատվածում, որը, ըստ պայմանավորվածության, դեկտեմբերի 1-ից պետք է անցներ Ադրբեջանին, արդեն ադրբեջանական զինված ուժերի ստորաբաժանումներ են տեղակայվել:

Քաղաքապետի տեղեկություններով՝ Քաշաթաղի շրջանի բնակավայրերից Բերձոր քաղաքը, Աղավնո և Սուս գյուղերը շարունակելու են մնալ հայկական:

«Մինչև այս պահը գոնե մեր ունեցած ինֆորմացիան սա է ու հույս ունեմ` չի փոխվի»,- մեր հարցին ի պատասխան ասաց քաղաքապետը՝ հավելելով, որ հայկական կողմն այսօր չի պատրաստվում հեռանալ այդ տարածքից: 

Բերձորի խանութում սուրճն անվճար են տալիս կանխիկ փող չունեցող ռուս խաղաղապահին․ տեսանյութ

Քաղաքապետը շեշտեց, որ իր տեղեկությունները հիմնված են բացառապես իր ու շրջվարչակազմի ղեկավարության ունեցած տվյալների վրա: Հայաստանի ու Արցախի բարձրաստիճան ղեկավարներից, ինչպես ինքն է ասում, տեղեկություններ չի ստանում:

Ինչ վերաբերում է Ադրբեջանի նախագահ Իլհամ Ալիևի առաջարկին՝ Լաչինը շրջանցող նոր ճանապարհ կառուցելու մասին, Նարեկ Ալեքսանյանը նշեց, որ նոր ճանապարհի մասին որևէ տեղեկություն չունի:

ՌԻԱ Նովոստիին տված հարցազրույցում մեկնաբանելով Լաչինի միջանցքի այլընտրանքային տարբերակի հարցը՝ Հայաստանն ու Ղարաբաղը կապող նոր ճանապարհի կառուցման տարբերակը, հետխորհրդային հետազոտությունների կենտրոնի փորձագետ Ստանիսլավ Պրիտչինն ասել է, որ լեռնային տեղանքում բոլորովին նոր ճանապարհ կառուցելը կլինի ծախսատար և երկար ժամանակ կպահանջի: Բացի այդ, նոր ճանապարհը կլինի շատ ավելի երկար և կպահանջի ռուս խաղաղապահների թվի ավելացում:

ՌԴ նախագահի պաշտոնական կայքում նոյեմբերի 10-ին հրապարակված Ադրբեջանի, Հայաստանի, Ռուսաստանի նախագահների հայտարարության պաշտոնական տեքստում Լաչինին վերաբերող հատվածում բառացիորեն ասված է, որ այն Ադրբեջանին է վերադարձվում մինչև 2020 թվականի դեկտեմբերի 1–ը:

«Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ և միևնույն ժամանակ չի շոշափելու Շուշին, մնում է Ռուսաստանի Դաշնության խաղաղապահ զորակազմի վերահսկողության տակ: Կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջև կապ ապահովող Լաչինի միջանցքով երթևեկության նոր ուղու կառուցման ծրագիրը, որին կհաջորդի այդ երթուղու պահպանման համար ռուսական խաղաղապահ զորակազմի վերաբաշխումը: Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով»,- աված է փաստաթղթում:

«Ասել են` կարող եք մնալ». Բերձոր, Աղավնո և Սուս համայնքների ճակատագիրն անհայտ է

Բանն այն է, որ վերոհիշյալ 3 հայկական բնակավայրերն իրենց աշխարհագրական դիրքով տեղավորվում են Լաչինի միջանցքի համար պահպանվող 5 կմ-անոց հատվածում, այսինքն՝ ըստ փաստաթղթի՝ պետք է մնան Ռուսաստանի խաղաղապահ զորակազմի վերահսկողության տակ:

510
թեգերը:
Ադրբեջան, քաղաքապետ, հայեր, Բերձոր
թեմա:
Իրադրությունը Հայաստանում և Արցախում հայտարարության ստորագրումից հետո (588)
Ըստ թեմայի
Բերձորի ուղղությամբ հայկական ուժերը կարևոր բարձունք են գրավել. թշնամին կորուստներ ունի
Հայկական ուժերը ջախջախել են Բերձորի ուղղությամբ գրոհող ադրբեջանական ուժերը և զինտեխնիկան
«Չեմ ուզում 2-րդ անգամ բռնագաղթեմ». Բերձորի բնակիչը պատմում է ռուս խաղաղապահների մասին
Բողոքի ակցիա

Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ

64
(Թարմացված է 19:42 01.12.2020)
Պատերազմի առաջին օրվանից առաջնագիծ էին մեկնել ՀՅԴ կամավորական վաշտեր։ Վաշտերում եղել են թե՛ Արցախյան առաջին պատերազմին մասնակցած, թե՛ նոր զորացրված և նորից զինվորագրված կամավորներ։

ԵՐԵՎԱՆ, 1 դեկտեմբերի - Sputnik. Հայաստանի վարչապետ Նիկոլ Փաշինյանի հրաժարականը պահանջողների շարքում նաև զինվորականներ կան։ Լրագրողների հետ զրույցում նրանցից մեկն ասաց, որ պատերազմի առաջին օրվանից ՀՅԴ երիտմիության վաշտի շարքերում մեկնել է առաջնագիծ։

«Եղել ենք ամենաթեժ կետերում՝ սկզբում Մատաղիսում, ապա՝ Եղնիկներում։ Նիկոլ Փաշինյանը պետական դավաճան է, նա հանձնել է մեր կյանքի գնով պահված դիրքերը։ Մենք մեզ դավաճանված ու խոցված ենք զգում», - ասաց նա։

Նրա խոսքով՝ Փաշինյանի հավաստիացումները, որ բանակում դավաճաններ են եղել, գոնե իր տեսածների հետ չեն համապատասխանում։

«Մեր վաշտը եղել է կազմակերպված, կատարել է եթե ոչ 100, ապա 99 տոկոս արդյունավետությամբ բոլոր հրամանները», - ասել է նա։

Նշենք, որ պատերազմի առաջին օրվանից առաջնագիծ էին մեկնել ՀՅԴ կամավորական վաշտեր։ Վաշտերում եղել են թե՛ Արցախյան առաջին պատերազմին մասնակցած, թե՛ նոր զորացրված և նորից զինվորագրված կամավորներ։

Ոստիկանները բարձրացան տրոլեյբուսի վրա՝ բռնելու Փաշինյանի հրաժարականը պահանջողներին

Հիշեցնենք, որ վարչապետ Նիկոլ Փաշինյանը ԼՂ վերաբերյալ եռակողմ հայտարարությունը ստորագրելուց հետո նշել էր, որ իր որոշումը ողջունել են բազմաթիվ զինվորականներ։ Զինվորականների մի խումբ անգամ ակցիա էր արել կառավարության շենքի դիմաց՝ պահանջելով, որ Փաշինյանը հրաժարական չտա։

64
թեգերը:
Հրաժարական, Նիկոլ Փաշինյան, Հայ Յեղափոխական Դաշնակցություն (ՀՅԴ), Արցախյան պատերազմ, կամավոր, զինծառայող, Բողոքի ակցիա
թեմա:
Իրադրությունը Հայաստանում և Արցախում հայտարարության ստորագրումից հետո (588)
Ըստ թեմայի
Կապանի տակ չեն հասել. համայնքապետարանը հերքում է իմքայլական պատգամավորի հայտարարությունը
Ղարաբաղում խաղաղապահներ տեղակայելու գաղափարներ ՀԱՊԿ-ի նիստում չեն հնչել. Լավրով
Նիկոլ Փաշինյանն Արայիկ Հարությունյանին գործուղել է Սյունիքի մարզ