Շուշի

Շուշիի անկումից հետո մեր ջոկատներից մեկին հաջողվել է մտնել քաղաք. Փաշինյան

3790
(Թարմացված է 10:59 11.11.2020)
Նրա խոսքով` մեկ օր Շուշին անցել է հակառակորդի տիրապետության ներքո, որից հետո մի գրոհ է եղել, որը ձախողվել է։

ԵՐԵՎԱՆ, 11 նոյեմբերի – Sputnik. Շուշիի անկումից հետո երկու անգամ Շուշին վերադարձնելու փորձեր են արվել։ Facebook-յան իր էջում ուղիղ եթերի ժամանակ ասաց ՀՀ վարչապետ Նիկոլ Փաշինյանը`անդրադառնալով Շուշին գրավել–չգրավելու մասին իրար հակադրող լուրերին։

«Շուշին վերադարձնելու երկու փորձերից մեկը ձախողվել է, իսկ մյուսի պարագայում մի ջոկատին հաջողվել է ներս մտնել։ Ամբողջ հակադրությունները հենց սրա հետ էր կապված։ Մեկ օր Շուշին անցավ հակառակորդի տիրապետության ներքո, որից հետո մի գրոհ եղավ և ձախողվեց դա։ Սակայն հաջորդ օրը մեր ջոկատներից մեկին հաջողվեց մուտք գործել Շուշի»,–ասաց Փաշինյանը։


Նրա խոսքով` մեծ հաշվով, սակայն, իրադրությունը դրանից չի հաջողվել փոխել։

Փաշինյանն անդրադարձավ նաև ԲՀԿ նախագահ Գագիկ Ծառուկյանի հայտարարությանը։ Ծառուկյանն ասել էր, որ սա դավաճանություն էր, թե հոկտեմբերի 28-ին Ռուսաստանը պատրաստ է եղել խաղաղապահներ տեղակայել ԼՂ-ում, բայց Փաշինյանը դեմ է եղել և միայն «Շուշին հանձնելուց հետո» է համաձայնվել։

Ի պատասխան Փաշինյանը հայտնեց, որ նախ հոկտեմբերի 22-ին ռուսական լրատվամիջոցներին տված հարցազրույցում, իսկ հոկտեմբերի 25-ին՝ հնդկական WION հեռուտաալիքին տված հարցազրույցում ասել է, որ կողմ է ռուս խաղաղապահների տեղակայմանը։ Վարչապետը նշեց` Ծառուկյանը կալանքից ազատվելուց հետո հայտարարել էր, թե կամավորական ջոկատ է կազմում, որ անձամբ է գլխավորելու։

«Այդպես էլ չտեսանք կամավորական ջոկատ, գուցե սա՞ է պատճառը, որ Շուշին ընկավ։ Գուցե եթե բավարար ռեզերվներ լինեին, որոնք օգնության կհասնեին Շուշին գրավելուց հետո քաղաք մտած ջոկատին, հնարավոր կլիներ Շուշին պահել։ Սխալված չեմ լինի ասել` Շուշիի անկման առանցքային պատճառներից մեկն էլ Ծառուկյանի ջոկատի բացակայությունն էր»,–ասաց Փաշինյանը։

Նա նշեց` եթե խոստանում են ու չեն անում, կարո՞ղ է դավաճանության դրվագ լինել։Նրա խոսքով` խոստացված «Նիվաներն» ու «Վիլիսները» գուցե ոչ թե Շուշիում, այլ Երևանում գործելու համար են ձևավորվել։ Դա պետք է ստուգվի ու քրեաիրավական գնահատականի արժանանա։

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը նոյեմբերի 10-ի ժամը 01.00-ից դադարեցնելու հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը

Նոյեմբերի 10-ի ժամը 13։30-ի դրությամբ` հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

3790
թեգերը:
Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ, Գագիկ Ծառուկյան, Նիկոլ Փաշինյան, Շուշի
թեմա:
Իրադրությունը Հայաստանում և Արցախում հայտարարության ստորագրումից հետո (515)
Ըստ թեմայի
Խոսքը ոչ թե Ղարաբաղի զարգացման, այլ գոյատևման մասին է․ ռուս փորձագետները՝ զինադադարի մասին
Նոր նախագահ, հին խնդիրներ. ի՞նչ պետք է անի Հայաստանը Բայդենից «օգուտ քաղելու» համար
Ռուսական զինվորական շարասյուները մեկնում են Արցախ
ՌԴ ԱԻՆ-ի հումանիտար օգնությունը հասել է Արցախ. 21 նոյեմբերի, 2020

Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը

9
(Թարմացված է 19:16 26.11.2020)
Լեռնային Ղարաբաղ է ժամանել Ռուսաստանի ԱԻՆ համահավաք խմբավորումը, որը կազմված է Նոգինսկի ու Տուլայի փրկարարական ու «Լիդեր» կենտրոնների փրկարարներից։

ԵՐԵՎԱՆ, 26 նոյեմբերի – Sputnik. Ռուսաստանի արտակարգ իրավիճակների նախարարության լրացուցիչ խմբավորումը Ստեփանակերտ է ժամանել տեղացի բնակչությանը օգնություն ցուցաբերելու նպատակով։ ՌԻԱ Նովոստիի փոխանցմամբ՝ տեղեկությունը հայտնել են Լեռնային Ղարաբաղում գերատեսչության օպերատիվ խմբի շտաբից։

«Լեռնային Ղարաբաղ է ժամանել Ռուսաստանի ԱԻՆ համահավաք խմբավորումը, որը կազմված է Նոգինսկի ու Տուլայի փրկարարական կենտրոնների ու «Լիդեր» կենտրոնի փրկարարներից։ Ժամանել են նաև ԱԻՆ կենտրոնական ապարատի ներկայացուցիչներն ու էներգետիկայի նախարարության մասնագետները»,  - ասել է օպերատիվ խմբի ներկայացուցիչը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Դպրոցներն ու մանկապարտեզները կգործեն դեկտեմբերի 1-ից․ Ստեփանակերտի քաղաքապետ

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

9
թեգերը:
Ռուսաստան, Արցախ
Ըստ թեմայի
ՌԴ ԱԻՆ-ի երկրորդ շարասյունն է մեկնել Ղարաբաղ. նրանք մարդասիրական բեռ են տանում
Լեռնային Ղարաբաղում ռուսական ԱԻՆ-ի խմբավորումը կմեծացվի
Ռուսաստանի ԱԻՆ–ը հավելյալ խումբ է ուղարկել Ղարաբաղի բնակչությանն օգնելու համար
Բեռնատար մեքենա Մարտակերտ-Ասկերան ճանապարհին, 18 նոյեմբերի

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

360
(Թարմացված է 18:24 26.11.2020)
Քաղաքի բնակիչները չեն ուզում փաստի առաջ կանգնել ու ստիպված լինել մեկ օրում լքել քաղաքը, այդ պատճառով հիմա ադեն կամաց-կամաց դուրս են բերում ունեցվածքը։

ԵՐԵՎԱՆ, 26 նոյեմբերի – Sputnik. Լեռնային Ղարաբաղի Բերձոր (Լաչին) քաղաքի իշխանությունն ու բնակիչները մինչ այժմ չգիտեն՝ արդյո՞ք կարող են քաղաքում մնալ, թե ստիպված են լինելու լքել այն։

Ըստ տեղի բնակիչների՝ իրենց զգուշացրել են, որ անհրաժեշտ է հավաքել ունեցվածքն ու լքել քաղաքը, քանի որ այն անցնում է ադրբեջանական կողմի վերահսկողության տակ։ Շուտով Քաշաթաղի (Լաչինի շրջան) սոցցանցի էջում տեղեկություն է հայտնվել այն մասին, որ մինչ նոյեմբերի 30-ը բնակիչների ոչ ոք ստիպված չէ լքել քաղաքը։ Սակայն շուտով այդ հաղորդագրությունն էլ է հեռացվել։

Sputnik Արմենիան կապ հաստատեց Բերձորի քաղաքապետ Նարեկ Ալեքսանյանի հետ, որը հայտնեց, որ մինչ այժմ հակասական տեղեկություն են ստացվում։

«Երեկ այդպիսի տեղեկություն եղել է (քաղաքը ադրբեջանցիներին փոխանցելու մասին – խմբ․), բայց այսօր այն չի հաստատվում», - ասաց Ալեքսանյանը։

Բերձորով անցնող Երևան-Ստեփանակերտ ճանապարհը վերագործարկվեց

Քաղաքապետն այժմ քաղաքում է, այնտեղ բավականին շատ բնակիչ կա։ Բայց նրանք չեն ուզում հայտնվել այն իրավիճակում, որում հայտնվեցին Ղարաբաղի հարավի բնակիչները, որոնք չհասցրին իրենց ունեցվածքից ոչինչ տեղափոխել։

«Այս երեք օրվա մեջ մե՛կ փոխանցում ենք քաղաքը, մե՛կ չենք փոխանցում, անհասկանալի է։ Այդ պատճառով, որ վերջին օրը չպարզվի, որ կորցնում ենք քաղաքը, ցանկալի է, որ մարդիկ տանեն իրենց ունեցվածքը», - ասաց Ալեքսանյանը։

Հաշվի առնելով Ադրբեջանի կողմից գրաված հարավային հատվածի մարդկանց օրինակը, նրանք չեն ուզում նման ճակատագրի արժանանալ։

Նրա խոսքով՝ այժմ քաղաքում մոտ 800 մարդ կա։

Քաշաթաղի շրջանի ղեկավարի հետ կապ հաստատել դեռ չի ստացվում։

Հիշեցնենք՝ Բերձոր քաղաքով է անցնում այս պահին Հայաստանն ու Արցախը կապող միակ ճանապարհը։

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի (Բերձորի) շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

360
թեգերը:
Քաշաթաղ, Բերձոր, Արցախյան պատերազմ
թեմա:
Իրադրությունը Հայաստանում և Արցախում հայտարարության ստորագրումից հետո (515)
Ըստ թեմայի
«Չեմ ուզում 2-րդ անգամ բռնագաղթեմ». Բերձորի բնակիչը պատմում է ռուս խաղաղապահների մասին
Բերձորի խանութում սուրճն անվճար են տալիս կանխիկ փող չունեցող ռուս խաղաղապահին․ տեսանյութ
Ի՞նչ է ֆիքսել Sputnik Արմենիայի տեսախցիկը Գորիս-Բերձոր ճանապարհին
ՀՀ ԱԱԾ

ԱԱԾ-ն խուզարկում է ԲՀԿ Երիտասարդների միության նախագահի բնակարանը

0
(Թարմացված է 19:46 26.11.2020)
Աշոտ Անդրեասյանը շեշտել է, որ խուզարկության հիմնավոր պատճառները բացակայում են։

ԵՐԵՎԱՆ, 26 նոյեմբերի - Sputnik. ԱԱԾ աշխատակիցներն այս պահին խուզարկում են ԲՀԿ Երիտասարդների միության նախագահ Աշոտ Անդրեասյանի բնակարանը: Տեղեկությունը հայտնում է ինքը՝ Աշոտ Անդրեասյանը Facebook-ի իր էջում։

«Խուզարկության հիմնավոր պատճառները բացակայում են: Նշեմ նաև, որ գիշերը կրկին անգամ ապօրինի կերպով մեքենաս բերման են ենթարկել կենտրոնի ոստիկանական բաժանմունք առանց որևէ ծանուցման և հիմքի։

Ապօրինաբար բացել են մեքենայիս դռները և խուզարկել են այն վնասելով իմ անձնական գույքը»,-նշված է գրառման մեջ։

Անդրեասյանը նշել է, որ այդ ամենը խոսում է «երկրում տիրող ամենաթողության և խուլիգան ղեկավար ունենալու մասին»։

«Քաղաքական շինծու հետապնդումներով չեք լռեցնելու մեզ և չեք կոծկելու ձեր դավաճանությունը»,-եզրափակել է նա։

Հավելենք, որ նոյեմբերի 9-ին եռակողմ հայտարարության ստորագրումից հետո ընդդիմադիր կուսակցությունները բողոքի ակցիաներ են սկսել՝ վարչապետ Նիկոլ Փաշինյանի հրաժարականի պահանջով։ Այդ ընթացքում ընդդիմության բազմաթիվ ներկայացուցիչներ բերման են ենթարկվել ու որոշ ժամանակ անց ազատ արձակվել, ոմանց բնակարաններում խուզարկություն է անցկացվել։

Իսկ ՀՅԴ անդամ Գեղամ Մանուկյանը, ՍԴ նախկին դատավոր Կիմ Բալայանն ու Անահիտ Կիրակոսյանն անժամկետ հացադուլ են հայտարարել՝ Փաշինյանի հրաժարականի պահանջով։

 

0