Կնունք՝ առաջնագծում

Խոսքը ոչ թե Ղարաբաղի զարգացման, այլ գոյատևման մասին է․ ռուս փորձագետները՝ զինադադարի մասին

1126
Ադրբեջանական բանակի ներկայությունը Շուշիում կզրկի Լեռնային Ղարաբաղին նորմալ զարգացման ցանկացած հեռանկարից։

ԵՐԵՎԱՆ, 11 նոյեմբերի – Sputnik. Զինադադարը Ղարաբաղում կարելի է համեմատել 1920 թվականի Ալեքսանդրոպոլի հայ-թուրքական պայմանագրի հետ։ Bunin&Co տելեգրամյան ալիքում նման կարծիք է հայտնել ռուս քաղաքագետ, «Քաղաքական տեխնոլոգիաների կենտրոնի» փոխնտօրեն Ալեքսեյ Մակարկինը։

Նա հիշեցնում է, որ հարյուր տարի առաջ Ալեքսանդրոպոլում (այժմ՝ Գյումրի) հաշտության պայմանագիր է կնքվել Թուրքիայի քեմալական կառավարության ու Հայաստանի միջև, որով նախատեսվում էր հրաժարվել Մեծ Հայքի ստեղծումից ու կորցնել Կարսն ու Արարատը։ Այդ պայմանագիրը կնքած Հայաստանի կառավարությունն այն ժամանակ արդեն տապալվել էր բոլշևիկների կողմից, սակայն նրա կողմից կնքված պայմանագրով արձանագրված սահմանները մինչ այժմ գործում են։

«Հիմա խոսքն անմիջական տարածքային կորուստների մասին չէ, սակայն դրա արդյունքը կարող է համադրելի լինել։ Ոչ միայն «անվտանգության գոտին» է կորել, այլև ադրբեջանական բանակը Շուշիում է գտնվում, ինչը զրկում է Լեռնային Ղարաբաղին նորմալ զարգացման ցանկացած հեռանկարից։ Խոսք կարող է լինել միայն գոյատևման մասին», - նշել է Մակարկինը։

Ղարաբաղյան հակամարտության հարցում Ռուսաստանը համամիտ չէ Թուրքիայի հետ. ՌԴ ԱԳՆ

Նրա խոսքով՝ Ալիևն այս իրավիճակում հաղթող ու ազգային հերոս է։ Էրդողանն Ադրբեջանի լավագույն ընկերն է․ Թուրքիան անուղղակի գործողությունների միջոցով ստացավ առավելագույնը հնարավորից, ինչը կարևոր է Էրդողանի համար թուրքական տնտեսության տխուր դրության պայմաններում (2014-2015 թվականների ռուսաստանյան փորձը ցույց է տալիս, որ նման իրավիճակներում մարդիկ հաճախ պատրաստ են նախընտրել քաղաքականությունը տնտեսության փոխարեն՝ «հեռուստացույցը՝ սառնարանի փոխարեն»)։ Եվ կարծես նա շարունակելու է զարգացնել հարաբերությունները Վրաստանի հետ՝ ընդլայնելով ներկայությունը Հարավային Կովկասում։

Խաղաղապահ գործողություններում թուրքական զորքեր չեն լինի. հաշվի առնելով 1915 թվականի Ցեղասպանությունը՝ դա լրիվ անընդունելի կլիներ Երևանի համար։ Սակայն թուրք զինվորականները, Ալիևի խոսքով, մասնակցելու են զինադադարի ապահովումն իրականացնող մեխանիզմներին։

Իսկ դա արդեն քիչ չէ, հաշվի առնելով, որ Թուրքիան նախկինում պաշտոնապես տարածաշրջանում ներկա չէր։ Այժմ այդ ներկայությունը ձևավորվելու է, ընդ որում՝ առանց որևէ պատասխանատվության (խաղաղապահները միայն ՌԴ-ից են լինելու)։

«Փաշինյանին հիմա մեղադրում են ոչ կոմպետենտ լինելու ու դավաճանության մեջ։ Ցուցարար հայրենասերներն արդեն ներխուժել են Երևանում կառավարության ու խորհրդարանի շենքեր, դաժանորեն ծեծի են ենթարկել ԱԺ խոսնակին», - ընդգծել է Մակարկինը։ Նրա խոսքով՝ ավելի շատ պատասխանատվություն են կրում նախկին իշխանությունները, քան վերջին 2,5 տարին երկիրը ղեկավարող վարչապետը։

Այժմ հայկական ընդդիմությունը փորձում է վերանայել համաձայնագրի արդյունքները․ սակայն փորձագետը նշում է, որ դրա համար ո՛չ իրավական, ո՛չ էլ քաղաքական հնարավորություններ չկան։ 

Հիմնական պատասխանատուն գործող իշխանությունն է. նախագահը հանդիպել է ՀՅԴ–ականների հետ

Ո՛չ բանակի հրամանատարությունը, ո՛չ Լեռնային Ղարաբաղի ղեկավարությունը դրա կողմնակից չեն․ նրանց համար ևս համաձայնագիրը չափազանց ծանր է, սակայն միակ այլընտրանքն ամբողջ Ղարաբաղը կորցնելն ու խաղաղ բնակչության շրջանում նոր զոհերն են։

Ռուսաստանը Ղարաբաղում հայերի գոյատևման երաշխավորն է դառնում, այսպիսով՝ Հայաստանը մնում է Մոսկվայի դաշնակիցը։ Սակայն առանց ոգևորության (ինչպես Ադրբեջանը Թուրքիայի հետ), այլ ստիպված, ներքին հիասթափությամբ՝ մեծ ակնկալիքների պատճառով։

Արդյո՞ք Ռուսաստանն իրավացի էր։ Կարելի է հարցն այլ կերպ ձևակերպել։ Հասարակությունը չի ուզում կռվել՝ ցանկանալով լուծել ներքին սոցիալ-տնտեսական խնդիրները։ Չկա հզոր ուժ տվող գաղափար (ինչպես «խալիֆաթական» գաղափարը՝ Սուրբ Սոֆիայոմ մզկիթ հետ՝ Թուրքիայում կամ տարածքային ռևանշինը՝ Ադրբեջանում)։ Ղրիմյան էֆեկտը նախ անցել է, հետո ի սկզբանե կիրառելի չէր Ղարաբաղի նկատմամբ, քանի որ ռուսաստանցիներն ի սկզբանե չէին դիտարկում դրա բնակչությունը որպես հայրենակիցների, նշում է Մակարկինը։

Այդ պատճառով ուղղակի ռազմական գործողություններն անհնար էին։ Ինչպես ցույց տվեց Սիրիայի փորձը, «կամավոականները» (նույն իրենք՝ վարձկանները) կարող են բարեհաջող կռվել անկանոն զորքի դեմ, սակայն անզոր են հրթիռներով ու անօդաչուներով ժամանակակից բանակի դեմ։

«Այդ պատճառով մնաց խաղաղապահների տեսքով ներկայության ապահովման տարբերակը, ընդ որում՝ հինգ տարի անց Ադրբեջանը միակողմանի կարգով կարող է հրաժարվել նրանցից (1990 թվականներին ստորագրված Մերձդնեստրի, Աբխազիայի ու Հարավային Օսեթիայի պայմանագրերում նման կետ չկար)։ Բաքուն երկար տարիներ սպասել է, կարող է մի քիչ էլ սպասել՝ բարեկարգելով վերադարձրած շրջաններն ու ամրապնդվելով Շուշիի բարձունքներում»,-կարծում է քաղաքագետը։

Ռազմական փորձագետ Ալեքսեյ Լեոնկովն իր հերթին կարծում է, որ Շուշիի կորցնելու մեղքը ներկայիս վարչապետինն է, որը «թաքնվել է ժողովրդի բարկությունից»։

«Ես լիովին, ամբողջապես և անձամբ կրում եմ այս որոշման ամբողջ պատասխանատվությունը». Փաշինյան

«Հենց նա էր ձգձգում եռակողմ համաձայնագրի ստորագրումը․․․ Հենց նա չէր թողնում, որ կամավորները գնան ու պաշտպանեն Շուշին, որը մինչև վերջ պաշտպանում էին Լեռնային Ղարաբաղի մարտիկները։ Հենց նրա պատճառով է, որ Լեռնային Ղարաբաղն այդքան տարածք է կորցրել», - գրում է Լեոնկովը։

Նրա խոսքով՝ Ռուսաստանի համար էլ Շուշիի կորուստը ցավալի կլինի։

«Ով տիրում է Շուշիին, տիրում է Ղարաբաղը։ Ով տիրում է Ղարաբաղը, նա տիրում է Կովկասն ու սվին է դնում Ռուսական կայսրության որովայնին»։ XVIII դարի զինվորական իմաստություն», - գրել է Լեոնկովը։

 

 

 

1126
թեգերը:
Ռուսաստան, զինադադար, Շուշի, Արցախյան պատերազմ
Ըստ թեմայի
ՌԴ-ի, Հայաստանի և Ադրբեջանի հայտարարության մեջ Ղարաբաղի կարգավիճակը ճշտված չէ․ Պեսկով
Ինչ տվեց Արցախի վերաբերյալ եռակողմ հայտարարությունը․ քարտեզ
Քաղաքացիները պահանջում են չեղարկել Արցախին վերաբերող հայտարարությունը
Գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

Ֆրանսիական ընկերությունն Արցախի փրկարարներին մեքենաներ կնվիրի

9
(Թարմացված է 20:02 03.12.2020)
Ֆրանսիական ՀԿ–ի ներկայացուցիչները հետաքրքրվել են, թե ինչի կարիք ու պակաս ունի հետպատերազմյան Արցախը։

ԵՐԵՎԱՆ, 3 դեկտեմբերի – Sputnik. Մինչև տարեվերջ ֆրանսիական ընկերությունն Արցախի փրկարարական ծառայությանը կնվիրի 6 ավտոմեքենա` 2 ցիստեռն, 1 «ԿամԱզ» և 3 հատ շտապ օգնության ավտոմեքենա՝ նախատեսված փրկարարական աշխատանքներ իրականացնելու համար:

Ֆրանսիայի խորհրդարանը Ղարաբաղը ճանաչելու կոչով բանաձև ընդունեց

Արցախի արտակարգ իրավիճակների պետական ծառայությունը տեղեկացնում է, որ ծառայության տնօրեն գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

Директор ГСЧС Карабаха Карен Саркисян встретился с Жаном Луи Мессажером, Сильви Моретти и Микаелом Хачикяном (3 декабря 2020). Степанакерт
Գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

«Ժան Լուի Մեսսաժերը նշել է, որ հաճելի է համագործակցել մի գերատեսչության հետ, որը հատկապես այս օրերին ամբողջ ներուժով լծված է բնակչությանն օգնելու գործին: Նա նաև հետաքրքրվել է, թե ինչի կարիք ու պակաս ունի հետպատերազմյան Արցախը, հնարավորության սահմաններում աջակցելու համար»,–նշված է հաղորդագրության մեջ։

Հայաստանը մեզ չի խնդրում ճանաչել Ղարաբաղը. Ֆրանսիայի արտգործնախարար

Կարեն Սարգսյանը էլ նշել է, որ Արցախի և Ֆրանսիայի տարիների բարեկամության հիմքում միշտ եղել է մարդասիրության խորհուրդը:

Նախատեսվում է, որ առաջիկա օրերին ԱԻ ծառայողների ուղեկցությամբ Ֆրանսիայից ժամանած հյուրեը շրջայց կկատարեն Ստեփանակերտում և շրջաններում, տեղում կտեսնեն պատերազմի թողած վնասները:

9
թեգերը:
փրկարար, Ֆրանսիա, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«ՀՀ կառավարություն էլ կդիմենք». մտավորականները Ֆրանսիայի դեսպանատուն նամակ կհանձնեն
«Հայկական հարցը»՝ Ֆրանսիայի ներքին ու արտաքին քաղաքականության ելևէջներում
Մահացել է Ֆրանսիայի նախկին նախագահ Վալերի Ժիսկար դ՛Էսթենը
Ֆրանսիայի խորհրդարան

Ֆրանսիայի խորհրդարանը Ղարաբաղը ճանաչելու կոչով բանաձև ընդունեց

107
(Թարմացված է 20:11 03.12.2020)
Կողմ քվեարկեցին պատգամավորներից 188–ը, դեմ՝ 3–ը ։ Բանաձևը խորհրդատվական բնույթ է կրում Ֆրանսիայի կառավարության համար։

ԵՐԵՎԱՆ, 3 դեկտեմբերի – Sputnik. Ֆրանսիայի խորհրդարանն այսօր ընդունեց մի բանաձև, որում ընդգծվում է Լեռնային Ղարաբաղի ճանաչման անհրաժեշտությունը։

Բանաձևը, որն ընդունվեց 188 կողմ և 3 դեմ ձայնով, խորհրդատվական բնույթ ունի Ֆրանսիայի կառավարության համար։

Նախագծի քննարկման ժամանակ Ֆրանսիայի արտգործնախարար Ժան-Իվ Լը Դրիանը հայտարարեց, որ այդուհանդերձ ճանաչումը օգտակար չի համարում բանակցային գործընթացի համար:

Հայաստանը մեզ չի խնդրում ճանաչել Ղարաբաղը. Ֆրանսիայի արտգործնախարար

Հիշեցնենք` նոյեմբերի 25-ին Ֆրանսիայի Սենատը 305 կողմ, 1 դեմ ձայնով ընդունել էր Արցախի անկախության մասին բանաձևի նախագիծ, որով դատապարտում էր Արցախի դեմ սեպտեմբերի 27-ին սանձազերծված ադրբեջանա-թուրքական ռազմական ագրեսիան՝ ահաբեկիչ վարձկանների մասնակցությամբ, և կոչ էր անում Ֆրանսիայի իշխանություններին գործադրել հնարավոր բոլոր միջոցները՝ ապահովելու 1994 թ. հաստատված սահմանների վերականգնումը, որոնք, ըստ էության, ամրագրվել են Արցախի Հանրապետության, Հայաստանի և Ադրբեջանի կողմից ստորագրված հրադադարի մասին եռակողմ անժամկետ համաձայնագրով։

Ես, Լավրովն ու Բիգանը մտադիր ենք շարունակել աշխատանքը ԼՂ հարցի լուծման շուրջ. լը Դրիան

107
թեգերը:
Լեռնային Ղարաբաղ, Ֆրանսիա
Ըստ թեմայի
Արցախի ճանաչմամբ և բնակավայրերի վերադարձով է հնարավոր խաղաղության հաստատումը. Միրզոյան
Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը
«Ճանաչեք Արցախը»․ Նյու Յորքի հայերն ակցիա են անցկացրել Մանհեթենում
Մենք չենք ճանաչում Արցախի անկախությունը, սպասում ենք, որ ուրիշները ճանաչեն
Գրիգորի Այվազյան

Ալիևը հայ գերիների վերադարձը ձգձգում է երկու պատճառով. Այվազյանը փակագծեր է բացում

0
Ադրբեջանագետ Գրիգորի Այվազյանը Sputnik Արմենիայի եթերում անդրադարձել է Իլհամ Ալիևի՝ «բոլորը բոլորի դիմաց» հայտարարությանը և Ադրբեջանում գտնվող հայ գերիների վերադարձի ձգձգման խնդրին:
Ալիևը հայ գերիների վերադարձը ձգձգում է երկու պատճառով. Գրիգորի Այվազյանը փակագծեր է բացում

Ադրբեջանի նախագահ Իլհամ Ալիևի՝ «բոլորը բոլորի դիմաց» հայտարարությունն առաջին հերթին նպատակ ունի այդ երկիր վերադարձնել Արցախում գտնվող երկու ադրբեջանցի հանցագործներին՝ Շահբազ Գուլիևին և Դիլհամ Ասկերովին, որոնցից մեկը դատապարտվել է ցմահ, մյուսը՝ 22 տարվա ազատազրկման: Sputnik Արմենիայի հետ զրույցում նման կարծիք հայտնեց ադրբեջանագետ Գրիգորի Այվազյանը:

«Այն մարդկանց մասին է խոսքը, որոնք, ըստ Արցախի օրենսդրության, ձերբակալվել են աղմկահարույց հոդվածներով: Նրանք ներթափանցել են Արցախի տարածք, սպանություններ կատարել և պահվում են այնտեղ որպես հանցագործներ։ Առաջին պլանում նրանք են, և Ալիևի համար դա պատվախնդրության հարց է»,- ասաց նա:

Այվազյանի կարծիքով՝ Ալիևը հայ գերիների և զոհված զինծառայողների մարմինների վերադարձը ձգձգում է երկու պատճառով՝ նախ, որ Բաքվում ադրբեջանական կողմի զոհերի իրական թիվը չիմանան, երկրորդ՝ հայ հասարակության մեջ պառակտում մտցնելու նպատակով: Ադրբեջանագետն ասում է՝ տարբեր գնահատականներով հայկական կողմը 4500-5500 զոհ ունի, մինչդեռ Ադրբեջանի պարագայում խոսքը առնվազն 10-15,000 զոհի մասին։

Ադրբեջանի ՊՆ–ն հայտնել է իր զոհերի, վիրավորների, գերի ընկածների ու անհետ կորածների թիվը

«Ինչ խոսք՝ այդպիսի մեծ թվով զոհերի քանակի վերաբերյալ Ադրբեջանում դժգոհություն կառաջանա: Մյուս կողմից՝ ձգձգելով գերիների վերադարձը, նրանք փորձում են արհեստական դժգոհություն ստեղծել հայ հասարակության մեջ՝ դրդելով տեղափոխել արցախյան ռազմաճակատը Երևան։ Նրանք փորձում են նորից հայաստանցի-ղարաբաղցի սեպ խրել հայ հասարակության միջև»,- նշեց ադրբեջանագետը:

Մասնագետը կարևորագույն ձեռքբերում է համարում ադրբեջանական թատերականացված ռազմաշքերթում հայ գերիների մասնակցության չեղարկումը։ 

«Իլհամ Ալիևի և նրա վարչակազմի ողջ քարոզչամեքենան հոխորտում էր, որ Բաքվի կենտրոնում իրենք հայ ռազմագերիներին կանցկացնեն ադրբեջանական բայրակների, այսինքն՝ դրոշների ներքո, ինչը չեղարկվեց, և դա ռուսական միջամտության շնորհիվ»,-ընդգծեց Այվազյանը:

Նրա խոսքով՝ հիմա Հայաստանի ներսում պետք է առավելագույնս զրոյացնել հակառուսական տրամադրությունները: Մեր զրուցակիցը համոզված է՝ շուտով ռուսական միջնորդությամբ Հայաստան կտեղափոխվեն նաև Ադրբեջանում գտնվող ռազմագերիները, իսկ հայկական դիվանագիտությունը, ըստ նրա, անկարող է մեզ համար այս կարևորագույն խնդրի լուծման ուղղությամբ որևէ նպաստավոր քայլ ձեռնարկել: Այվազյանի խոսքով՝ վերջին 30 տարիների վերլուծությունը թույլ է տալիս ասելու, որ Հայաստանը չի ունեցել, չունի և դեռ երկար երկար ժամանակ չի ունենա իսկական դիվանագիտություն: 

Հիշեցնենք՝ Ադրբեջանի նախագահը օրերս խոսելով հայ ռազմագերների վերադարձի մասին նշել էր, որ առաջնորդվելու են «բոլորը բոլորի դիմաց» սկզբունքով: Երեկ նույն միտքը հնչեցրեց նաև ՀՀ փոխվարչապետ Տիգրան Ավինյանը: Այսօր արդեն ՀՀ նորանշանակ արտաքին գործերի նախարար Արա Այվազյանը հայտարարեց, որ հայկական կողմը համաձայն է գերիների փոխանակման «բոլորը բոլորի դիմաց» սկզբունքին:

0
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
ԿԽՄԿ պատվիրակության հետ քննարկվել են գերիների, անհայտ կորածների, դիերի փոխանակման հարցերը
Հունահայոց թեմը գերիների վերադարձի խնդրով դիմել է Հունաստանի արտաքին գործերի նախարարին
Գերիների ու անհետ կորածների անմեղության կանխավարկածը. ինչո՞ւ նրանց գումար չի տրվում