Արցախի անտառներ

Հրդեհը չի մարում անգամ ջրով կամ հատուկ նյութերով. Հայաստանի և Արցախի ՄԻՊ-երի նոր զեկույցը

2445
(Թարմացված է 23:58 06.11.2020)
Քիմիական տարրեր պարունակող զինատեսակի առաջացրած վնասները կարող են ավելանալ, անգամ եթե դրա կիրառումը դադարեցվի։

ԵՐԵՎԱՆ, 6 նոյեմբերի - Sputnik. Հայաստանի և Արցախի մարդու իրավունքների պաշտպանները հրապարակել են համատեղ արտահերթ զեկույց։ Հայաստանի ՄԻՊ Արման Թաթոյանը Facebook-ի իր էջում տեղեկացնում է, որ այն վերաբերում է ադրբեջանական զինված ուժերի կողմից Արցախում հրկիզվող, քիմիական տարրեր պարունակող զանգվածային ոչնչացման զինատեսակ կիրառելուն։

«Արտահերթ զեկույցի հետևությունները հիմնված են զեկույցում ներկայացված ապացույցներով (քաղաքացիական բնակիչների մարմինների վնասվածքների 18+ լուսանկարներով, քարտեզային ցուցադրող պատկերներով և այլն):
Առանձին հետևությունները հիմնված են Երևանի Մխիթար Հերացու անվան պետական բժշկական համալսարանի Ռազմաբժշկական ֆակուլտետի հետազոտությունների վրա:

Համատեղ ուսումնասիրությունները հաստատել են, որ հրկիզող զինատեսակն օգտագործվել է Արցախի քաղաքացիական օբյեկտների և անտառների դեմ՝ առաջացնելով երկարաժամկետ ծանր հետևանքներ խաղաղ բնակչության և շրջակա միջավայրի համար»,- նշված է Թաթոյանի գրառման մեջ։

Պաշտպանի տեղեկացմամբ՝ շատ դեպքերում այս զինատեսակը կիրառվել է այնպիսի վայրերում, որտեղ անտառները բնակավայրերի անմիջական հարևանությամբ են, հեռավորությունն անգամ 100 մետրի չի հասնում։ Ինչպես, օրինակ, Ննգի, Սղնախ, Ակնաղբյուր, Թաղավարդ, Տող, Քարին Տակ և այլ համայնքներում։ Սա նշանակում է քաղաքացիական բնակչության կյանքի և առողջության համար անխուսափելի երկարաժամկետ վնաս։

Պաշտպանների համատեղ փաստահավաք աշխատանքների արդյունքում պարզվել է, որ Արցախի գրեթե բոլոր շրջաններում վնասվել է ընդհանուր շուրջ 1815 հեկտար անտառապատ տարածք:

Թաթոյանը զգուշացնում է՝ հաշվի առնելով զինատեսակի առանձնահատկությունները, այս թիվը կարող է աճել նույնիսկ, եթե այն այլևս չշարունակվի կիրառվել:

Միջազգային հանրությունը շարունակում է կույր ձևանալ. Արցախի ՄԻՊ-ի նոր տեսանյութը

Որոշ բնակավայրերում վնասվել են քաղաքացիական բնակչության համար կենսական նշանակություն ունեցող օբյեկտներ, օրինակ՝ գազամատակարարման խողովակներ և այլն։

Պաշտպանների արտահերթ զեկույցում 7 կարևոր փաստ են շետադրվել այս զինատեսակի կիրառման հետ կապված.այն ունի զանգվածային ոչնչացման բնույթ,

  1. այն ունի զանգվածային ոչնչացման բնույթ,
  2. պարունակում է քիմիական տարրեր,
  3. կիրառվում է անտառների նկատմամբ և առաջացնում է զանգվածային հրդեհներ ու երկարաժամկետ ծանր վնաս շրջակա միջավայրի համար,
  4. հրդեհը չի մարում անգամ այն մարող նյութերով կամ ջրով՝ ըստ մասնագիտական գնահատականների,
  5. անտառները գտնվում են քաղաքացիական բնակավայրերին անմիջականորեն մոտ,
  6. ըստ փաստահավաք աշխատանքների՝ անտառներում ադրբեջանական զինված հարձակումներից պատսպարվում են նաև խաղաղ բնակիչներ, որոնք հավանաբար տուժել են այս զինատեսակի կիրառումից,
  7. քաղաքացիական օբյեկտների դեմ զինատեսակի օգտագործումն արգելված է միջազգային իրավունքով և կարող է հանգեցնել պատերազմական հանցագործության

Հիշեցնենք՝ հոկտեմբերի 31-ին հայտնի դարձավ, որ Ադրբեջանն Արցախում կիրառում է ֆոսֆոր պարունակող զինատեսակ։ ՀՀ պաշտպանության նախարարությունը հայտարարեց, որ հայկական ուժերին վնասներ պատճառելու նպատակ հետապնդելուց, Ադրբեջանը նաև խնդիր ունի առաջացնել մասսայական անտառային հրդեհներ ու տվյալ տարածքում ստեղծել բնապահպանական աղետի իրական վտանգներ:

Նույն օրը տեղեկությունը հաստատեց նաև ՀՀ ԱԳՆ-ն։ Նախարար Զոհրաբ Մնացականյանը նշեց, որ Ադրբեջանն այն կիրառում է Արցախում՝ անտառների վրա, բնակավայրերի մոտակայքում, որտեղ բազմաթիվ խաղաղ բնակիչներ են ապրում:

Մասնագետների խոսքով՝սպիտակ ֆոսֆորից բռնկված հրդեհը գրեթե անհնար է մարել։ Անգամ մարելուց հետո այն ունակ է ինքնաբռնկվելու։ Այրումից առաջացած թունավոր գազերը շատ երկար մնում են օդում։ Եթե մարդիկ այրվածքներ են ստանում, դրանք գրեթե անհնար է բուժել ու ողջ մնալ։ Անգամ վիրավորի վերքերը բուժող բժիշկը պետք է զգույշ լինեն, որովհետև անգամ այդ ընթացքում կարելի է ծանր վնասվածք ստանալ։
Նշենք, որ ֆոսֆորային զինատեսակի կիրառումը միջազգային մարդասիրական իրավունքի, սովորութային իրավունքի նորմերի ու սկզբունքների, Ժնևյան կոնվենցիաների, ինչպես նաև ՄԱԿ-ի համապատասխան կոնվենցիաներով ու փաստաթղթերով նախատեսված դրույթների կոպտագույն խախտում է:

2445
թեգերը:
Արման Թաթոյան, Արտակ Բեգլարյան (Արցախի ՄԻՊ), ՀՀ ՄԻՊ, Անտառ, ֆոսֆորային զինատեսակներ, Ադրբեջան, հրդեհ, Արցախյան պատերազմ, Արցախ
թեմա:
Ադրբեջանական ագրեսիան Արցախում - 2020 (2216)
Ըստ թեմայի
Արցախի ո՞ր բնակավայրերի մոտ է ֆոսֆորային զենք կիրառվել. ՄԻՊ–ը` արգելված զինատեսակի մասին
Ադրբեջանը խաղաղ բնակչության դեմ ֆոսֆորային զինամթերք է կիրառում. Ստեփանակերտը հաստատեց
Ֆոսֆոր պարունակող զենքի կիրառման հետևանքով Արցախում 150 հա տարածք է վառվում
Փաշինյանն ու Ալիևը

Բանակցային գործընթացի վերսկսման ուղղությամբ որոշակի տեղաշարժ կա. Փաշինյան

156
(Թարմացված է 12:46 05.12.2020)
ՀՀ վարչապետ Նիկոլ Փաշինյանի խոսքով` զինվորների ծառայությունն առավել անվտանգ կդառնա։

ԵՐԵՎԱՆ, 5 դեկտեմբերի – Sputnik. ԼՂ բանակցային գործընթացի վերսկսման ուղղությամբ որոշակի տեղաշարժ կա: Այսօր իր տեսաուղերձում հայտնեց ՀՀ վարչապետ Նիկոլ Փաշինյանը՝ հիշեցնելով, որ ԵԱՀԿ ՄԽ համանախագահ երկրները հանդես են եկել հայտարարությամբ՝ դրանում կարևոր շեշտադրումներ անելով:

«Վերահաստատվել է ղարաբաղյան հարցի կարգավորման շուրջ համատեղ աշխատելու և լիարժեք բանակցային գործընթացը վերականգնելու ցանկությունը: Սա ևս մի կարևոր գործոն է նոյեմբերի 9-ի հայտարարության մեջ արձանագրված հրադադարն ամրապնդելու համար»,- ասաց Փաշինյանը;

Նրա խոսքով` այս կերպ նաև զինվորների ծառայությունն առավել անվտանգ կդառնա: Փաշինյանն ընդգծեց, որ ներկայում սահմանային լարում չկա: Իսկ իշխանությունն այս պահին առավելապես զբաղված է զինվորների կեցության պայմանների ապահովմամբ:

«Իհարկե, ծանր հարցեր կան, ծանր իրավիճակներ կան, բայց գլոբալ հարցը հետևյալն է՝ ի՞նչ ենք մենք պատրաստվում անել, պատրաստվո՞ւմ ենք արդյոք հանձնվել, կքել այդ ծանրության ներքո: Ո՛չ, չենք պատրաստվում ու պատրաստվում ենք այդ ծանրությունը կրել արժանապատիվ և հաղթահարելի ծանրությունը հաղթահարել»,- ասաց նա՝ մեկնաբանելով, որ կորուստների ծանրությունն անհաղթահարելի է: Դրանք մեր սրտերում կրելով` պետք է ավելի ուժեղացնենք ապրելու, հաղթահարելու ու հաղթելու մեր կամքը»,– ասաց վարչապետը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

156
թեգերը:
Արցախ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
«Ես ուղղակի ապշած եմ ոմանց վրա, որ այս պարզ բաները չեն հասկանում». Փաշինյան
Ինչու մինչև հիմա պետական մակարդակով սգո օր չի հայտարարվել. Փաշինյանի պատասխանը
Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին
Զինվորական սաղավարտ

Նիկոլ Փաշինյանը խոսեց գերիների ու անհետ կորածների մասին

174
(Թարմացված է 11:50 05.12.2020)
«Բոլորը բոլորի դիմաց» սկբբունքը վերաբերում է ոչ միայն պատերազմի ընթացքում գերեվարված, այլև պատերազմից առաջ հայկական ու ադրբեջանական կողմում մնացած անձանց։ Ինչ վերաբերում է անհետ կորածներին, ապա նոյեմբերի 9-ից հետո դուրս է բերվել ավելի քան 600 մարմին:

ԵՐԵՎԱՆ, 5 նոյեմբերի – Sputnik. Արցախի նկատմամբ Ադրբեջանի սանձազերծած պատերազմի ընթացքում ադրբեջանական կողմից գերեվարված անձանց վերադարձի կազմակերպման հարցում որոշակի առաջընթաց կա։ Այսօրվա իր տեսաուղերձում հայտնեց ՀՀ վարչապետ Նիկոլ Փաշինյանը` հիշեցնելլով, որ գերիների վերադարձի հարցում համաձայնեցված է «բոլորը բոլորի հետ» սկզբունքը: 

«Ընդ որում` ոչ միայն պատերազմի ընթացքում գերեվարված, այլև պատերազմից առաջ հայկական ու ադրբեջանական կողմում մնացած անձինք: Ու հիմա մեր խնդիրն է անել այնպես, որ վերադարձնենք ոչ միայն նրանց, ում գերեվարված լինելու փաստը հաստատված է, այլև մեխանիզմներ ստեղծենք, որ եթե հետագայում նոր անուններ պարզվեն, նրանց վերադարձի հետ կապված ևս խնդիրներ չինեն»,- ասաց Փաշինյանը:

Հաջորդ կարևորագույն խնդիրն, ըստ նրա, անհետ կորածների ճակատագիրը պարզելն է: Փաշինյանը ներողություն խնդրեց լսարանից, որ տիպված է մանրամասն ներկայացնել գործընթացը՝ հաշվի առնելով դրա նկատմամբ հանրության հետաքրքրությունը:

«Մի կողմից Ադրբեջանի հսկողության տակ գտնվող տարածքներից մարմինների դուրսբերում է կատարվում, մյուս կողմից Հայաստանում գտնվող նահատակների անճանաչելի դարձած մարմինների ճանաչում է կատարվում»,- ասաց նա։

Վարչապետը հայտնեց, որ նոյեմբերի 9-ից հետո դուրս է բերել ավելի քան 600 մարմին, որոնցից 500-ն այս պահին դեռ ճանաչման փուլում են գտնվում:

«Այս մարմինները, ցավոք, մեր անհետ կորած եղբայրների մարմիններն են: Հիմա կատարվում է նրանց ճանաչման գործընթացը: Վերցվում է նրա մարմնից ԴՆԹ նմուշ, որը համեմատվում է հարազատների մարմնից վերցված ԴՆԹ նմուշի հետ»,- ասաց Փաշինյանը՝ շեշտելով, որ այդ գործընթացը բավական ժամանակատար է:

Նրա խոսքով` նոյեմբերի 9-ից առ այսօր ճանաչվել ու հարազատներին է հանձնվել 130 զոհի մարմին:

Փաշինյանը նշեց, որ կա անհետ կորածների ևս մի խումբ, որոնց մասին ինքը չի ցանկանում բարձրաձայնել: Նրանց հայտնաբերման ուղղությամբ տարվող աշխատանքի մասին այս պահին ինքը չի կարող խոսել:

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

174
թեգերը:
Զոհ, գերի, Նիկոլ Փաշինյան, Հայաստան
Ըստ թեմայի
Գերիների անվտանգ վերադարձի ապահովումը հրատապ լուծում պահանջող խնդիր է. Հայաստանի ՄԻՊ
Ստիպում են համբուրել Ադրբեջանի դրոշը. հայ գերիների վերադարձից ոչինչ հայտնի չէ
Ադրբեջանը ՄԻԵԴ-ին առաջին անգամ տրամադրել է գերիների մասին տեղեկություն

«Նիկոլ, հեռացի՛ր». Երևանում կազմակերպված համապետական հանրահավաքի ամենավառ կադրերը

0
(Թարմացված է 19:17 05.12.2020)
  • Դադիվանքի վանահայր Տեր Հովհաննես քահանա Հովհաննիսյանը
  • Ազատության հրապարակում
  • Վազգեն Մանուկյանն ու Արթուր Վանեցյանը
  • Ազատության հրապարակում
  • ՀՅԴ անդամ Գեղամ Մանուկյանը
  • Դադիվանքի վանահայր Տեր Հովհաննես քահանա Հովհաննիսյանը
  • Ազատության հրապարակում
  • Վազգեն Մանուկյանը
  • Ազատության հրապարակում
  • Դերասան Վիգեն Ստեփանյանը
  • ՀՅԴ Հայաստանի ԳՄ ներկայացուցիչ Իշխան Սաղաթելյանը
  • Արթուր Վանեցյանը
  • Ցուցարարներն ու լուսանկարիչները
  • Իշխան Սաղաթելյանն ու Վազգեն Մանուկյանը
  • Ցուցարարները երթով շարժվեցին դեպի կառավարական առանձնատներ
  • Նրանց ուղեկցում էին ոստիկանները
  • Ցուցարարներն ու ոստիկանները
  • Ոստիկանական ուժեր
  • Ոստիկանության ներկայացուցիչ
  • Ազատության հրապարակից դեպի կառավարական առանձնատներ տանող ճանապարհին
Համապետական հանրահավաքը, որը մեկնարկեց Ազատության հրապարակում, ավելի ուշ վերածվեց երթի։ Մասնակիցները, «Նիկոլ, դավաճա՛ն», «Նիկոլ, հեռացի՛ր», «Առանց Նիկոլ Հայաստան» վանկարկելով, հասան կառավարական առանձնատների տարածք, որտեղ նրանց արդեն սպասում էին ոստիկանները։

Ընդդիմադիր կուսակցություններն այսօր համապետական հանրահավաք էին կազմակերպել Երևանում։

Հայրենիքի փրկության շարժման հրավիրած հանրահավաքում ելույթներով հանդես եկան ՀՅԴ անդամ Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ական Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Ապա հանրահավաքի մասնակիցները երթով շարժվեցին դեպի կառավարական առանձնատներ։

Sputnik Արմենիան ներկայացնում է բողոքի ակցիայի ամենավառ կադրերը։

0
  • Դադիվանքի վանահայր Տեր Հովհաննես քահանա Հովհաննիսյանը
    © Sputnik / Asatur Yesayants

    Դադիվանքի վանահայր Տեր Հովհաննես քահանա Հովհաննիսյանը

  • Ազատության հրապարակում
    © Sputnik / Asatur Yesayants

    Ազատության հրապարակում

  • Վազգեն Մանուկյանն ու Արթուր Վանեցյանը
    © Sputnik / Asatur Yesayants

    Վազգեն Մանուկյանն ու Արթուր Վանեցյանը

  • Ազատության հրապարակում
    © Sputnik / Andranik Ghazaryan

    Ազատության հրապարակում

  • ՀՅԴ անդամ Գեղամ Մանուկյանը
    © Sputnik / Asatur Yesayants

    ՀՅԴ անդամ Գեղամ Մանուկյանը

  • Դադիվանքի վանահայր Տեր Հովհաննես քահանա Հովհաննիսյանը
    © Sputnik / Asatur Yesayants

    Դադիվանքի վանահայր Տեր Հովհաննես քահանա Հովհաննիսյանը

  • Ազատության հրապարակում
    © Sputnik / Asatur Yesayants

    Ազատության հրապարակում

  • Վազգեն Մանուկյանը
    © Sputnik / Asatur Yesayants

    Վազգեն Մանուկյանը

  • Ազատության հրապարակում
    © Sputnik / Asatur Yesayants

    Ազատության հրապարակում

  • Դերասան Վիգեն Ստեփանյանը
    © Sputnik / Asatur Yesayants

    Դերասան Վիգեն Ստեփանյանը

  • ՀՅԴ Հայաստանի ԳՄ ներկայացուցիչ Իշխան Սաղաթելյանը
    © Sputnik / Andranik Ghazaryan

    ՀՅԴ Հայաստանի ԳՄ ներկայացուցիչ Իշխան Սաղաթելյանը

  • Արթուր Վանեցյանը
    © Sputnik / Asatur Yesayants

    Արթուր Վանեցյանը

  • Ցուցարարներն ու լուսանկարիչները
    © Sputnik / Andranik Ghazaryan

    Ցուցարարներն ու լուսանկարիչները

  • Իշխան Սաղաթելյանն ու Վազգեն Մանուկյանը
    © Sputnik / Andranik Ghazaryan

    Իշխան Սաղաթելյանն ու Վազգեն Մանուկյանը

  • Ցուցարարները երթով շարժվեցին դեպի կառավարական առանձնատներ
    © Sputnik / Andranik Ghazaryan

    Ցուցարարները երթով շարժվեցին դեպի կառավարական առանձնատներ

  • Նրանց ուղեկցում էին ոստիկանները
    © Sputnik / Andranik Ghazaryan

    Նրանց ուղեկցում էին ոստիկանները

  • Ցուցարարներն ու ոստիկանները
    © Sputnik / Andranik Ghazaryan

    Ցուցարարներն ու ոստիկանները

  • Ոստիկանական ուժեր
    © Sputnik / Andranik Ghazaryan

    Ոստիկանական ուժեր

  • Ոստիկանության ներկայացուցիչ
    © Sputnik / Andranik Ghazaryan

    Ոստիկանության ներկայացուցիչ

  • Ազատության հրապարակից դեպի կառավարական առանձնատներ տանող ճանապարհին
    © Sputnik / Andranik Ghazaryan

    Ազատության հրապարակից դեպի կառավարական առանձնատներ տանող ճանապարհին

թեգերը:
Ազատության հրապարակ, Երևան, Հայաստան