Քնարիկ Կլարա Մարկոսյան

«Որ հայերին աշխարհի երեսից չջնջեն»․ զրույց հիմնադրամին 1 մլն նվիրած 102–ամյա հայուհու հետ

550
(Թարմացված է 10:26 06.11.2020)
Քնարիկ Մարկոսյանի ծնողներն ու ավագ եղբայրը մազապուրծ են եղել 1915 թվականի Հայոց ցեղասպանությունից։ Սկզբում նրանք Ռուսաստան են փախել, իսկ հետո ԱՄՆ տեղափոխվել։

ԵՐԵՎԱՆ, 6 նոյեմբերի - Sputnik. Քնարիկ Մարկոսյանը, որն ամերիկյան Ֆրեզնո քաղաքի 102-ամյա բնակչուհի է, մեկ միլիոն դոլար է փոխանցել «Հայաստան» համահայկական հիմնադրամին։ CBS մեդիահոլդինգին պատկանող KGPE տեղական հեռուստաալիքը տարեց կնոջ նվիրաբերության մասին ռեպորտաժ է պատրաստել։

Ամերիկյան լրագրողները ներկայացնում են, որ Ֆրեզնոյում ապրող տասնյակ հազար մարդիկ հետաքրքրվում են Հայաստանի ու Ադրբեջանի միջև ընթացող պատերազմով ու փորձում են օգնել։ Հայուհիներից մեկն աչքի է ընկել հայրենիքին ցուցաբերած իր օգնությամբ։

Քնարիկ տատը դիմավորել է լրագրողներին հաշմանդամի սայլակում, սև գլխաշորով։ Նա ցույց է տվել KGPE-ի նկարահանող խմբին իր ընտանիքի սևուսպիտակ լուսանկարներն ու պատմել, որ իր ծնողներն ու ավագ եղբայրը մազապուրծ են եղել 1915 թվականի Հայոց ցեղասպանությունից։ Սկզբում ընտանիքը պատմական հայրենիքից Ռուսաստան է փախել։ Քնարիկը մոտ 1918 թվականին է ծնվել, ավելի ուշ՝ 40-ականներին, ընտանիքը տեղափոխվել է ԱՄՆ՝ Ֆրեզնո քաղաք։

Բարերար Ջորջ Բաղումյանը 1 միլիոն դոլար է նվիրաբերել «Իմ քայլը» հիմնադրամին

«Հայրս նախկին երկրից (Մարկոսյանի ուղիղ մեջբերում է, – խմբ․) ուներ բազում ընկերներ, որոնք Ֆրեզնո էին տեղափոխվել ու գոհ էին այստեղի կյանքից, այդ պատճառով էլ տեղափոխվեցինք», - ասել է կինը։

Այսօր Մակրոսյանը միայնակ է ապրում։ Հարազատներից ոչ ոք ողջ չէ։ Նա այսպես է բացատրել հիմնադրամին արած նվիրաբերությունը.

«Չեմ ուզում, որ հայերը ջնջվեն աշխարհի երեսից։ Ամեն ինչ գնում է նրան, որ թուրքերը պատրաստվում են սպանել բոլորիս։ Ամերիկան չի օգնում Հայաստանին, դա շատ շատ վատ է»։

Նշենք՝ «Հայաստան» հիմնադրամի ԱՄՆ-ի ղեկավար Մարիա Մեհրանյանն անձամբ շնորհակալություն է հայտնել տատին ու նամակ ուղղել նրան՝ խոստանալով, որ գումարն ուղղելու է Հայաստանի ու Արցախի կարիքներին։

Նոյեմբերի 5-ի դրությամբ «Հայաստան» համահայկական հիմնադրամը մոտ 165 միլիոն դոլար է ստացել։ Իրենց շռայլ նվիրաբերություններով աչքի են ընկել արգենտինահայ գործարար Էդուարդո Էռնեկյանը (3,5 միլիոն դոլար), «Հայ գործարարների միության նախագահ, «Տաշիր» ընկերությունների խմբի հիմնադիր Սամվել Կարապետյանը (3 միլիոն), Manoogian Simone Foundation հիմնարդամի նախագահ Քրիստին Սիմոնը (3 միլիոն), «Հրայր և Աննա Հովնանյան հիմնադրամի» հոգաբարձու Էդիլ Հովնանյանը (3 մլն դոլար), «Ավրորա» մարդասիրական հիմնադրամը (1 մլն դոլար), ամերիկահայ մեգաաստղ Քիմ Քարդաշյանը (1 մլն դոլար), Սան Պաուլոյում Հայաստանին հյուպատոս Հիլդա Տիրուհի Բուրումյանն ու Հայկական ավետարանչական եկեղեցին մեկական միլիոն դոլար են փոխանցել։ Նրանց միացավ նաև Ֆրեզնոյից Քնարիկ Մարտիրոսյան տատը։

Սամվել Կարապետյանը խոստանում է վերակառուցել Ստեփանակերտի ծննդատունը

550
թեգերը:
Հայոց ցեղասպանություն, հայեր, հիմնադրամ, Քնարիկ Մարկոսյան
Ըստ թեմայի
«Հայաստան» համահայկական հիմնադրամը նոր շարժում է սկսում. ինչ նպատակ է այն հետապնդում
Հայոց եկեղեցու թեմերից մոտ 400 հազար դոլար է փոխանցվել «Հայաստան» հիմնադրամին
Առաջարկվում է 1000-ի փոխարեն 3000 դրամ վճարել Զինծառայողների ապահովագրության հիմնադրամին
Արխիվային լուսանկար

Իտալական ընկերությունը հերքել է Բաքվում «Հաղթանակի թանգարանի» կառուցմանը մասնակցելու լուրը

181
(Թարմացված է 21:54 18.04.2021)
Իտալական ճարտարապետական ընկերությունը հատուկ նամակ է հղել Վենետիկում Հայաստանի հյուպատոսությանը։

ԵՐԵՎԱՆ, 18 ապրիլի – Sputnik. Իտալիայի ճարտարապետական «120 grammi» ընկերությունը հերքել է իր մասնակցությունը Ադրբեջանում «Հաղթանակի թանգարանի» կառուցմանը, որտեղ ներկայացված են հայ զինվորները՝ նվաստացուցիչ կերպարներով: Facebook-ի իր էջում այս մասին տեղեկացրել է Վենետիկում ՀՀ պատվո հյուպատոսությունը։

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

«Անդրադառնալով Ադրբեջանում «Հաղթանակի թանգարանի» կառուցմանը «120 grammi» ճարտարապետական ընկերության 
ներգրավման մասին շրջանառվող լուրերին՝ հաստատում ենք, որ ստացել ենք այդ լուրի պաշտոնական հերքումը վերոհիշյալ ընկերության  կողմից: Հյուպատոսությանն ուղարկված հաղորդագրությունում «120 grammi» ճարտարապետական ընկերությունը վերահաստատում է, որ իրենք ոչ մի կերպ մասնակցություն չեն ունեցել այս նախագծին, որը հարուցել է Հայ համայնքի վրդովմունքը և ոչ միայն»,-նշված է հաղորդագրության մեջ:

Ավելի վաղ Ադրբեջանի նախագահը «Նոր հայացք դեպի Հարավային Կովկաս. զարգացում և համագործակցություն հետկոնֆլիկտային շրջանում» համաժողովին ունեցած իր ելույթում նշել էր, որ իտալական ընկերություններին արդեն հրավիրվել են մասնակցելու թանգարանների և ռազմական հուշահամալիրների կառուցման նախագծին:

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

181
թեգերը:
Իլհամ Ալիև, Պատերազմ, Թանգարան, Բաքու, Իտալիա
Ըստ թեմայի
Միջնորդները դռնից դուրս չեկան, կամ Ալիևը փոխե՞լ է վերաբերմունքը բանակցությունների հարցում
«Նրանք ունեն 10 000 դասալիք». Ալիևի հայտարարություններին արձագանքել է ՀՀ օմբուդսմանը
Ալիևը Լուկաշենկոյի միջոցով Երևանին առաջարկում էր փողով լուծել ղարաբաղյան հակամարտությունը
ԱԳՆ խոսնակ Աննա Նաղդալյանը պատասխանել է Ալիևի հայտարարություններին
Արխիվային լուսանկար

Արցախում կորոնավիրուսային հիվանդությամբ վարակվելու նոր դեպքեր են գրանցվել

27
Արցախի Հանրապետությունում, ընդհանուր առմամբ, հաստատվել է կորոնավիրուսային հիվանդության 2606 դեպք: Կատարվել է 23 100 թեստավորում:

ԵՐԵՎԱՆ, 18 ապրիլի – Sputnik. Արցախում հաստատվել է կորոնավիրուսային հիվանդության 7 դեպք, կատարվել է 63 թեստավորում: Տեղեկությունը հայտնում է Արցախի առողջապահության նախարարությունը։

Նշվում է, որ վարակակիրները նախկինում հաստատված օջախների կոնտակտավորներ են:

«Կորոնավիրուսային հիվանդությամբ այս պահին ստացիոնար բուժում է ստանում 30 վարակակիր, իսկ թեթև ձևերը ամբուլատոր բուժում են ստանում տնային պայմաններում», – նշված է հաղորդագրության մեջ:

Արցախի Հանրապետությունում, ընդհանուր առմամբ, հաստատվել է կորոնավիրուսային հիվանդության 2606 դեպք: Կատարվել է 23 100 թեստավորում: Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու համար:

Ֆրանսիայում կորոնավիրուսի դեմ պատվաստումից հետո մահվան նոր դեպքեր են գրանցվել

27
թեգերը:
վարակ, հիվանդություն, Արցախ, կորոնավիրուս
Ըստ թեմայի
Կորոնավիրուսը տարածվում է. Արցախի մի քանի համայնքներում ելումուտը սահմանափակվում է
Արցախում ռուս խաղաղապահներին պատվաստում են կորոնավիրուսի դեմ
Արցախում հաստատվել է կորոնավիրուսային հիվանդության 11 նոր դեպք
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը