Արծրուն Հովհաննիսյան

Շուշիի բնակիչները զենքը ձեռքներին պաշտպանում են հայրենիքը. Հովհաննիսյանը՝ մարտերի մասին

534
(Թարմացված է 22:34 05.11.2020)
ՀՀ ՊՆ ներկայացուցիչը նշեց, որ թշնամու ոչնչացման օպերացիան Շուշիի շրջակայքում շարունակվելու է։

ԵՐԵՎԱՆ, 4 նոյեմբերի — Sputnik. ՀՀ պաշտպանության նախարարության ներկայացուցիչ Արծրուն Հովհաննիսյանն այսօրվա ճեպազրույցի ժամանակ վստահեցրեց, որ վարձկաններն իրենց փոքր խմբերով չեն կարողանալու Շուշին գրավել, քանի որ բերդաքաղաքի և հարակից բնակավայրերի բնակիչները զենքը ձեռքներին պաշտպանում են իրենց տարածքները։

«Որոշ տեղերում մարտերը շարունակվում են, բայց իրավիճակն օրհասական չէ։ Թշնամու ոչնչացման օպերացիան Շուշվա շրջակայքում շարունակվելու է, այսինքն` «գյոռբագյոռ» օպերացիան շարունակվելու է»,–ասաց Հովհաննիսյանը։

Նա քիչ առաջ տեղեկություն է ստացել, որ 30 հոգանոց թշնամական մի խմբավորում շրջափակման մեջ է ընկել, և մեծ մասը ոչնչացվել է։ Բացի այդ, այսօր Կարմիր Շուկայի ուղղությամբ թշնամին փորձել է մատակարարումներ բերել մեքենաներով և ճեղքում իրականացնել, սակայն հետ է շպրտվել։ Ավելին, ՊԲ-ն մաքրել է Բերձոր-Շուշի ճանապարհահատվածի լիսագորյան հատվածը։

Ամփոփելով օրը՝ Հովհաննիսյանն ասաց, որ տարբեր ուղղություններով թշնամին հրետանու աջակցությամբ փոքրաքանակ զրահատեխնիկայով փորձել է առաջանալ, բայց ձախողվել է։

Նա հայտնեց նաև, որ թշնամական ուժերը ճակատ ճակատի ոչնչացնելու լայն հնարավորություն չկա։ ՊՆ ներկայացուցիչը ենթադրեց, որ այս գիշեր էլ իրավիճակը կլինի նույնը, ինչ նախորդ գիշերը։

Նշենք, որ վերջին օրերին թշնամին բազմաթիվ գրոհներ է ձեռնարկել Շուշիի ու Բերձորի ուղղությամբ, սակայն հետ է շպրտվել՝ տալով տեխնիկայի ու մարդուժի մեծաքանակ կորուստներ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Նոյեմբերի 5-ի ժամը 15։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7290 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 257 անօդաչու սարք, 16 ուղղաթիռ, 25 ինքնաթիռ, 723 զրահատեխնիկա, 6 ՏՈՍ համակարգ։

Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում

534
թեգերը:
Արծրուն Հովհաննիսյան, Արծրուն Պեպանյան, Ադրբեջան, Շուշի, Արցախ
թեմա:
Ադրբեջանական ագրեսիան Արցախում - 2020 (2227)
Ըստ թեմայի
Մարտերը շարունակվում են. ոչնչացվել է թշնամու 2 տանկ, առգրավվել 1 հետևակի մարտական մեքենա
Հայկական ԶՈւ–ն շարունակում է դիվերսիոն խմբեր ոչնչացնել տարբեր գյուղերում. Հովհաննիսյան
Քարին տակի և Լիսագորի հատվածներում նկատված թշնամական փոքր խմբերը ոչնչացվել են. ԱՀ ՊՆ
Թշնամու ոչնչացված ԱԹՍ-ները․ ՊԲ-ն նոր տեսանյութ է հրապարակել
Փրկարարներ

Վարանդայի շրջանում ևս 4 զինծառայողի աճյուն են հայտնաբերել

66
(Թարմացված է 16:31 23.07.2021)
Զինծառայողների ինքնությունը կհաստատվի Հայաստանում դատաբժշկական փորձաքննության արդյունքում։

ԵՐԵՎԱՆ, 23 հուլիսի - Sputnik. Վարանդայի (Ֆիզուլի) շրջանում այսօր իրականացված որոնողական աշխատանքների ընթացքում հայտնաբերվել է ևս 4 զինծառայողի աճյուն: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

«Նրանց ինքնությունը կհաստատվի ՀՀ-ում դատաբժշկական փորձաքննությունից հետո»,- նշված է հաղորդագրության մեջ։

Որոնումների առաջիկա ուղղությունների և արդյունքների մասին կտրամադրի հավելյալ տեղեկություն։

Գոռը զոհվել է` փորձելով փրկել ընկերոջ կյանքը. գեղանկարչի գործերը հետմահու են ցուցադրվում

Զինադադարից հետո Արցախի գրավյալ տարածքներում իրականացված որոնումների արդյունքում մինչ օրս հայտնաբերվել և տարհանվել է պատերազմի ընթացքում զոհված զինծառայողների, կամավորների, պահեստազորայինների և քաղաքացիական անձանց ընդհանուր 1615 աճյուն:

«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց

66
թեգերը:
փրկարար, Վարանդա (Ֆիզուլի), աճյուն, Արցախ
Ըստ թեմայի
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Մոնթեին որպես ի՛մ տղա կմեծացնես. Թաթուլը գնաց տղերքին օգնության, երբ ողջ մնալու հույս չկար
(2:09 / 16.12Mb / просмотров видео: 62)

Ռուս խաղաղապահներն Արցախում ապահովում են քաղաքացիական տրանսպորտի տեղաշարժի անվտանգությունը

81
(Թարմացված է 10:17 23.07.2021)
Մեկ օրում չպայթած զինամթերքից և պայթուցիկ նյութերից մաքրվել է 3 հա տարածք և ստուգվել է 3 շենք Մարտունու շրջանում:

Ռուս խաղաղապահները լեռնային ճանապարհներով ծանրաքաշ մեքենաների շարասյունները Արցախի Մարտունու շրջանի հեռավոր բնակավայրեր ուղեկցելու խնդիրներ են կատարել: Այս մասին հայտնում են ՌԴ պաշտպանության նախարարությունից։

Ռազմական ոստիկանության ստորաբաժանումներն անցկացրել են վարորդների ու մեքենաների զննում և շինարարական նյութերով ու պարենով վեց շարասյուններ ուղեկցել Լաչինի միջանցքով՝ հյուսիսային ու հարավային ուղղություններով, ինչպես նաև Շուշի – Կարմիր շուկա  ու հակառակ ուղղությամբ:

Դիտորդական կետերի պատասխանատվության գոտիներում նույնպես ռուս խաղաղապահները ավտոմեքենաների անվտանգ տեղաշարժ են ապահովել։

Մարտունու շրջանի հեռավոր գյուղերում ռուս խաղաղապահ զորախմբի ինժեներա-սակրավորների կողմից տարածքի ականազերծումից հետո կատարվում են քաղաքացիական ենթակառուցվածքների վերականգնման ու բնակչության բնականոն կենսագործունեության համար պայմանների ստեղծման աշխատանքներ:

Իրադրության շուրջօրյա մոնիթորինգ ու հրադադարի ռեժիմի պահպանման վերահսկողություն է իրականացվում քսանյոթ դիտակետերում:

Ռուս խաղաղապահները 18 տոննա մարդասիրական բեռ են հասցրել Արցախ

Մեկ օրում չպայթած զինամթերքից և պայթուցիկ նյութերից մաքրվել է 3 հա տարածք և ստուգվել է 3 շենք Մարտունու շրջանում:

2020 թվականի նոյեմբերի 23-ից ի վեր չպայթած զինամթերքից մաքրվել է 2201,5 հա տարածք, 657,3 կմ ճանապարհ, 1900 շենք, հայտնաբերվել և վնասազերծվել է 25 677 պայթուցիկ առարկա:

Ռուս խաղաղապահ զորախմբի բոլոր գործողությունները կատարվում են կորոնավիրուսային վարակի տարածումը կանխելու միջոցառումների պահպանմամբ:

Հնարավոր միջադեպերը կանխելու համար Ադրբեջանի ու Հայաստանի զինված ուժերի գլխավոր շտաբների հետ շարունակական կապ է պահպանվում:

81
թեգերը:
Արցախ, Ռուսաստան, խաղաղապահ
թեմա:
Խաղաղապահներն Արցախում
Ըստ թեմայի
Ռուս խաղաղապահներն օգնություն են ցուցաբերել Վանք գյուղի բնակիչներին
Բերքահավաք իրականացնող արցախցիները շնորհակալություն են հայտնում խաղաղապահներին
Խաղաղապահների մարդասիրական ակցիան Արցախի հեռավոր Մաճկալաշեն գյուղում․ տեսանյութ
Генерал-лейтенант Керим Велиев на параде в Баку

Պատահական մարդ չէ. փորձագետը` Ադրբեջանի ԶՈւ ԳՇ նոր պետի և Թուրքիայի հետ նրա կապի մասին

0
(Թարմացված է 21:52 23.07.2021)
ԳՇ նախկին պետ Նաջմեդին Սադիկովի պաշտոնից ազատվելը կապում էին քաղաքականության, այդ թվում` թուրքական զինվորականների ներկայության հետ։

ԵՐԵՎԱՆ, 23 հուլիսի – Sputnik. Ադրբեջանի ԶՈւ ԳՇ նոր պետը բոլորովին էլ պատահական մարդ չէ։ Sputnik Արմենիայի հետ զրույցում այս մասին ասաց Razm.info ռազմական պորտալի վերլուծաբան Հայկ Խաչիկյանը` մեկնաբանելով ադրբեջանական ԶՈւ կառույցում նոր նշանակումը։

Ադրբեջանի նախագահ Իլհամ Ալիևն այսօր` հուլիսի 23-ին հրաման ստորագրեց Ադրբեջանի բանակի ԳՇ պետի, պաշտպանության նախարարի առաջին տեղակալի պաշտոնում Քերիմ Վելիևին նշանակելու մասին։

Էրդողանի ակնարկը Կիպրոսում. կկարողանա՞ հայկական դիվանագիտությունն օգտագործել իր շանսը

Խաչիկյանի խոսքով` այդ պաշտոնը շուրջ կես տարի թափուր էր մնացել այն բանից հետո, երբ աշխատանքից ազատել էին Նաջմեդին Սադիկովին։ Բնականաբար, նման իրավիճակը երկար տևել չէր կարող։

«Քերիմ Վելիևը պատահական անձնավորություն չէ։ Նա զբաղեցնում էր պաշտպանության փոխնախարարի, անձնակազմի գծով ԶՈւ գլխավոր վարչության պետի պաշտոնը», – պարզաբանեց Խաչիկյանը։

Ադրբեջանի պաշտպանության նախարարը ԳՇ պետից բացի մի քանի տեղակալներ ունի։ Նրանցից մեկը Վելիևն էր, երկրորդը զբաղվում է նյութատեխնիկական ապահովմամբ, երրորդը` ավիացիայով և ՀՕՊ–ով, և ևս մեկն էլ Նախիջևանի առանձին համազորային բանակի հրամանատարն է։

Տրամաբանությունը հուշում է, որ ԳՇ նոր պետը պետք է լիներ պաշտպանության փոխնախարարների շարքից։

Ինչ վերաբերում է Վելիևին, նախքան փոխնախարարի պաշտոնում նշանակվելը նա զբաղեցնում էր Ադրբեջանի ԶՈւ ռազմավարական հետազոտությունների կենտրոնի ղեկավարի պաշտոնը, 2000-ականներին կորպուսի հրամանատար էր։

Միևնույն ժամանակ, փորձագետը դժվարանում է պատասխանել` ինչու են Վելիևին նշանակել հիմա, և ոչ ավելի շուտ։ Նա նշեց, որ որևէ բան միանշանակ պնդել չի կարելի, ենթադրելով, սակայն, որ Սադիկովին պատերազմական շրջանում հեռացնելուց հետո նոր նշանակումը կարող էր բանակում որոշակի ցնցումների հանգեցնել։

Սադիկովին ազատելու մեջ քաղաքական դրդապատճառներ էին տեսնում։ Մասնավորապես, լուրեր էին շրջանառվում, որ դա ինչ–որ կերպ կապված է թուրքական զինվորականների ներկայության հետ։ Այդ հարցը ենթադրում էր եթե ոչ Անկարայի հետ համաձայնեցում, ապա գոնե նրա համար ընդունելի թեկնածուի նշանակում։

Ադրբեջանցիներն ուզում են էսկալացիայի նոր ուղղություն բացել. ռազմական փորձագետ

«Սակայն ՊՆ ապարատն աշխատում էր, և այդ պահի դրությամբ շտապելու անհրաժեշտություն չկար», – նշեց Խաչիկյանը։

Ադրբեջանի նման երկրներում նման բարձր պաշտոնը չեն վստահի զուտ պրոֆեսիանալ մարդու. այստեղ կարևոր է նաև քաղաքական նպատակահարմարությունը։ Վելիևի անունը մինչ օրս որևէ աղմկահարույց քաղաքական կամ կոռուպցիոն սկանդալում չի շրջանառվել։

Ինչ վերաբերում է նրան, որ Թուրքիան և Ադրբեջանն աստիճանաբար միավորում են իրենց բանակները, ապա, փորձագետի խոսքով, ակնհայտ գործընթացի մասին դեռ վաղ է խոսել, սակայն որոշակի նշաններ առկա են։

Օրինակ, երկրում մինչև վերջերս թուրքական բանակի ներկայացուցիչներ են մնում։ Նրանցից մեկը գեներալ–մայոր Բախտիյար Էրսայն է, որը պատերազմի ժամանակ գտնվել է Ադրբեջանի ԶՈւ օպերատիվ կառավարման կենտրոնում։

«Նրա պարտավորությունները ենթադրում են տարբեր գործողությունների նախապատրաստում։ Ֆորմալ առումով նա Ադրբեջանում Թուրքիայի առաքելության ներկայացուցիչն է։ Բայց քանի որ հայտնի են Էրսայի պրոֆեսիոնալ հմտությունները, կարելի է ենթադրել, որ նա մասնակցում է երկու բանակների համատեղ գործողությունների ներդաշնակեցմանը», – ասաց Խաչիկյանը։

Երկու երկրների ԶՈւ–երի հավանական միակցման մասին ընթերցեք Sputnik Արմենիայի նախորդ նյութում

0