Հասան Ռոհանին և Իլհամ Ալիևը. արխիվային լուսանկար

Հետ չմնալ Թուրքիայից․ ինչու է Իրանն ակտիվացել ղարաբաղյան գործընթացում

789
(Թարմացված է 11:51 04.11.2020)
Գաղտնիք չէ, որ Թուրքիան և Ադրբեջանն այսօր ակտիվորեն փորձում են խախտել հակամարտության կարգավորման` ԵԱՀԿ Մինսկի խմբի ձևաչափը։

ԵՐԵՎԱՆ, 4 նոյեմբերի – Sputnik. Իրանի նախագահի` Արցախի հարցով հատուկ բանագնացի առաջարկները, որոնցով նա հանդես է եկել չորս մայրաքաղաքներում՝ Բաքվում, Մոսկվայում, Երևանում և Անկարայում, ոչ միանշանակ արձագանք են ստացել Հայաստանում։ Մի կողմից առաջարկություններում երևում էր դեպի Ադրբեջանը հակվող առանցք՝ հաշվի առնելով «տարածքային ամբողջականության», «ապաօկուպացիայի» ձևակերպումները, մյուս կողմից՝ Երևանում ոչ ոք չի ցանկանա փչացնել հարաբերություններն այդքան կարևոր և բարեկամաբար տրամադրված հարևանի հետ։

Ուրեմն ի՞նչ անել կարգավորման իրանական նախագծի հետ։ Ի դեպ, իրանական դիվանագիտության իրական դրդապատճառները երկար փնտրել պետք չէ։ ԵՊՀ Իրանագիտության ֆակուլտետի ամբիոնի վարիչ Վարդան Ոսկանյանի կարծիքով՝ գաղտնիք չէ, որ Թուրքիան և Ադրբեջանն այսօր ակտիվորեն փորձում են խախտել հակամարտության կարգավորման` ԵԱՀԿ Մինսկի խմբի ձևաչափը։ Բանակցությունների սեղանի շուրջ իր համար տեղ ձեռք բերելու Թուրքիայի ձգտումն էլ հենց այդ ձևաչափը փոխելու փորձ է։

«Այդ ֆոնին Իրանը, իբրև տարածաշրջանի առանցքային խաղացողներից և Թուրքիայի մրցակիցներից մեկը, ինչպես նաև որպես Արցախի հետ սահմանակից երկիր, պարզապես չի կարող հեռու մնալ այս գործընթացներից։ Հենց այստեղ է պետք փնտրել հակամարտության կարգավորման իրանական առաջարկների արմատը։ Թեհրանը նույնպես ուզում է ներգրավված լինել բանակցային գործընթացում»,-ասաց Ոսկանյանը Sputnik Արմենիայի հետ հարցազրույցում։

Ինչ է առաջարկել Իրանն Արցախի հակամարտության կարգավորման համար. նախարարը բացել է փակագծերը

Նա գրեթե համոզված է, որ Իրանի ակտիվության հիմնական հասցեատերը շարունակում է մնալ Թուրքիան։ Գոյություն ունի ևս մեկ ոչ պակաս կարևոր հանգամանք, որին Հայաստանում պետք է ուշադրություն դարձնեն։ Թեև Թեհրանի առաջարկներում խոսվում է խաղաղության հաստատման հիմնարար ծրագրի մասին, առաջնային խնդիրը հրադադարի հաստատումն է, ինչը բխում է նաև Հայաստանի շահերից։ Իրանը, ինչպես և Հայաստանը, շահագրգռված է Սիրիայից տեղափոխված ահաբեկիչներին իր մատույցներից հեռացնելու հարցում։ Ոսկանյանը իրանցի դիվանագետների պնդումներում նաև «հայանպաստ» տարրեր է տեսնում տարածաշրջանում տարածքային ամբողջականության սկզբունքի պահպանման վերաբերյալ։

«Մենք չպետք է մոռանանք Թուրքիայի և Ադրբեջանի երկարաժամկետ նպատակների մասին՝ միջանցք բացել Մեղրու միջով և ցամաքային կապ հաստատել Ադրբեջանի և Նախիջևանի ինքնավար մարզի միջև։ Ամեն դեպքում, նման հռետորաբանություն առկա է։ Եվ հասկանալի է, որ դա ուղիղ սպառնալիք է Հայաստանի տարածքային ամբողջականությանը։ Եվ երբ Թեհրանում խոսում են այդ սկզբունքի մասին, նկատի ունեն նաև այն, որ այստեղ վճռականորեն դեմ են տարածաշրջանի քարտեզը փոխելու` Անկարայի և Բաքվի բոլոր փորձերին»,-ասաց Ոսկանյանը։

Նա կարծում է, որ առաջարկների տարբեր կետեր կարող են տարբեր կերպ մեկնաբանվել։ Հայկական կողմն այս համատեքստում պետք է շեշտը դնի այն կետերի վրա, որոնք իրեն ձեռնտու են։

Մինչդեռ, ինչպես կարծում է քաղաքագետ, Ամերիկյան հետազոտությունների հայկական կենտրոնի ղեկավար Սուրեն Սարգսյանը, ԱՄՆ-ն հազիվ թե թույլ տա Իրանի միջամտությունը ղարաբաղյան կարգավորման գործընթացին:

«Վաշինգտոնը չի ընդունի Թեհրանի ոչ մի առաջարկ, որը համաձայնեցված չէ իր հետ։ Այդ երկրները միմյանց հետ կատաղի մրցակցության մեջ են։ Եվ այդ մրցակցությունը տարածվում է նաև ղարաբաղյան կարգավորման վրա»,-Sputnik Արմենիային ասաց Սարգսյանը։

Միևնույն ժամանակ, նա ուշադրություն հրավիրեց այն հանգամանքին, որ ամերիկյան կողմից Իրանի դիվանագիտական ակտիվությանը որևէ հրապարակային արձագանք չի եղել։

Իրանը գործուն քայլերով փորձում է ներգրավվել հակամարտության լուծման գործընթացում

789
թեգերը:
ԱՄՆ, Պատերազմ, Արցախ, Իրանի Իսլամական Հանրապետություն
թեմա:
Ադրբեջանական ագրեսիան Արցախում - 2020 (2226)
Ըստ թեմայի
Ի՞նչ է ուզում անել Իրանը Արցախում. Կարեն Վերանյանը` Թեհրանի ծրագրի մասին
Հակառակորդի արկերից մի քանիսն ընկել են Իրանի տարածք. ՊՆ
Ի՞նչ ընդհանուր շահեր ունեն Հայաստանն ու Իրանը արցախյան պատերազմի համատեքստում
Փրկարարները աճյուններ են փնտրում արխիվային լուսանկար

Ադրբեջանին անցած շրջաններում աճյունների որոնման աշխատանքները կրկին չեղարկվել են

48
(Թարմացված է 10:29 08.03.2021)
Եթե եղանակային պայմանները թույլ տան, աճյունների որոնման աշխատանքները կշարունակվեն մարտի 9-ին։

ԵՐԵՎԱՆ, 8 մարտի – Sputnik. Արցախի Հանրապետության ՆԳ նախարարության ԱԻ պետական ծառայությունն իրազեկում է, որ այսօր Արցախի հարավային թևում (Ադրբեջանի վերահսկողության տակ անցած շրջաններ) նախատեսված որոնողական աշխատանքները չեղարկվել են մառախուղի և անբավարար տեսանելության պատճառով:

Նման դեպքում աշխատանքն արդյունք չի տալիս: Եթե եղանակային պայմանները թույլ տան, որոնումները կշարունակվեն վաղը:

Նշենք, որ զինադադարից հետո մինչ օրս հայտնաբերվել է 1490 աճյուն:

Հրաշք տեղի չունեցավ. գտել են պատերազմում զոհված Գագիկ Խաչատուրյանի դին

48
թեգերը:
աճյուն, Ադրբեջան, Արցախ
Ըստ թեմայի
Մարտակերտի զորամասերից մեկի մոտ զոհված զինծառայողի մասունք է հայտնաբերվել
Վարանդայում և Ջրականում հայտնաբերվել է 2 աճյուն. ԴՆԹ կարվի
Անհետ կորածների հարցով ռուս խաղաղապահներին 2500 արցախցի է դիմել
Օնիկ Գասպարյանն ու Ջալալ Հարությունյանը

Արցախի ՊԲ 124 սպաներ հայտարարություն են տարածել` աջակցելով Օնիկ Գասպարյանին

286
(Թարմացված է 09:18 08.03.2021)
Պաշտպանության բանակի սպաները խնդրում և միջնորդում են, որ գեներալ-գնդապետը շարունակի ծառայություն մատուցել հայրենիքին։

ԵՐԵՎԱՆ, 8 մարտի – Sputnik. Արցախի պաշտպանության բանակի 124 սպաները հայտարարություն են տարածել ի աջակցություն ԳՇ պետ Օնիկ Գասպարյանի։ Տեղեկությունը հայտնում է aravot.am–ը։

«Մենք՝ արցախյան երկրորդ պատերազմի ներքոստորագրյալ մասնակից զինծառայողներս, քաղաքական հարցերում պահպանելով չեզոքություն, ելնելով ստեղծված ոչ կայուն իրավիճակից, խնդրում և միջնորդում ենք, որպեսզի գեներալ-գնդապետ Օ. Գասպարյանը շարունակի հայրենանվեր ծառայություն մատուցել հայրենիքին ՀՀ ԶՈւ ԳՇ պետի պաշտոնում»,– նշված է հայտարարության մեջ։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։

ՀՀ նախագահի մամուլի ծառայությունը մարտի 2-ին հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

286
թեգերը:
հայտարարություն, Օնիկ Գասպարյան, Արցախ, Հայաստան
Ըստ թեմայի
Եթե նախագահը ստորագրի դիմումը, ԳՇ պետը կարող է Վարչական դատարան դիմել. Հովհաննիսյան
Ե՞րբ կհայտարարվի ԳՇ պետի պաշտոնանկության մասին. իրավաբանների հաշվարկները տարբեր են
Վերջնաժամկետում կլսենք արձագանքը․ Բաղդասարյանը պատմել է ՀՀ նախագահի հետ հանդիպման մասին
Արամ MP3

Արամ MP3-ն ու Գուրգեն Դաբաղյանը ներկայացրել են «Թամզարայի» իրենց տարբերակը. տեսանյութ

0
(Թարմացված է 12:50 08.03.2021)
Երկու ժամ է, ինչ ստեղծագործությունը հայտնվել է YouTube-ում և արդեն ավելի քան 4000 դիտում ունի։

ԵՐԵՎԱՆ, 8 մարտի - Sputnik. Արամ MP3-ն ու Գուրգեն Դաբաղյանը նոր մեկնաբանությամբ են ներկայացրել ժողովրդական «Թամզարա» ստեղծագործությունը:

Հանրության դատին ներկայացրած ստեղծագործության գործիքավորումն իրականացրել է Նիկ Եգիբյանը, իսկ տեսահոլովակի անիմացիայի հեղինակն Արամայիս Հայրապետյանն է:

Ստեղծագործությունը երկու ժամ է, ինչ հայտնվել է YouTube-ում և արդեն ավելի քան 4000 դիտում ունի։

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

Նշենք, որ «Թամզարան» Սուքիաս Էփրիկյանի «Պատկերազարդ բնաշխարհիկ բառարանում» հանդիպում է որպես հայկական բնակավայրի անվանում: Ըստ Կոմիտասի՝ «Թամզարան» հարսանեկան երգ-պար է, որտեղ գլխավոր դերը վերապահվել է գյովնդբաշուն (պարագլուխ) ու նրա օգնականին: Իսկ հարսն անպայման կանգնում էր քավորի` կնքահոր կողքը: Այժմ «Թամզարան» կորցրել է իր երբեմնի ծիսական նշանակությունը և կատարվում է գրեթե բոլոր համայնքային միջոցառումների ու խնջույքների ժամանակ:

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

 

0
թեգերը:
երգ, Արամ MP3, Գուրգեն Դաբաղյան
Ըստ թեմայի
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ