ԵՐԵՎԱՆ, 31 հոկտեմբերի - Sputnik. Ադրբեջանն Արցախում ֆոսֆորային զինամթերք է օգտագործել։ ՀՀ արտաքին գործերի նախարար Զոհրաբ Մնացականյանը Twitter-ի իր էջում գրառում է կատարել և Ադրբեջանի հերթական պատերազմական հանցագործությունն ապացուցող տեսանյութ հրապարակել։
ՀՀ ԱԳ նախարարն ընդգծել է՝ Ադրբեջանն այն կիրառել է Արցախում՝ անտառների վրա, բնակավայրերի մոտակայքում, որտեղ բազմաթիվ խաղաղ բնակիչներ են ապրում:
«Այն, ինչ անում է Ադրբեջանը, ստանձնած պարտավորությունների նկատմամբ լիակատար անհարգալից վերաբերմունք է, շարունակվող ագրեսիա, խաղաղ բնակչության ոչնչացում և արգելված զենքի օգտագործում»,- գրել է ՀՀ արտաքին գերատեսչության ղեկավարը։
This time #Azerbaijan used phosphorus munitions in #Artsakh over forests close to residential areas with many civilians.
— Zohrab Mnatsakanyan (@ZMnatsakanyan) October 31, 2020
What Azerbaijan is doing: total disrespect of its commitments, continued aggression, devastation of civilian population & use of banned weapons. pic.twitter.com/YyEjZ0ldUY
Ֆոսֆորային զենքի կիրառման մասին երեկ գրել էր նաև ՀՀ մարդու իրավունքների պաշտպան Արման Թաթոյանը։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
