ԵՐԵՎԱՆ, 31 հոկտեմբերի – Sputnik. Իրանի նախագահի հատուկ դեսպանորդ, փոխարտգործնախարար Աբբաս Արաղչին Անկարայում թուրք գործընկերոջ`Սեդաթ Օնալի հետ քննարկել է Ղարաբաղում տիրող իրավիճակը։
«Անկեղծ և արդյունավետ քննարկում Անկարայում փոխարտգործնախարար Սեդաթ Օնալի հետ։ Իրանն ու Թուրքիան երկու հիմնական դերակատարներ են, որոնք անվիճելի դեր են խաղում տարածաշրջանում խաղաղության և կայունության ապահովման գործում», – գրել է Արաղչին Twitter-ում։
Frank and productive discussion with Deputy Foreign Minister Sedat Önal in Ankara. Iran and Turkey are two major players with undeniable role in peace and stability of the region. pic.twitter.com/nYP4lBGxB3
— Seyed Abbas Araghchi (@araghchi) October 31, 2020
ՀՀ վարչապետ Նիկոլ Փաշինյանը երեկ ընդունել էր Արաղչիին, որը ներկայացրել է Իրանի մոտեցումները տարածաշրջանում ստեղծված իրավիճակի հաղթահարման ուղղությամբ՝ խոր մտահոգություն արտահայտելով շարունակվող ռազմական գործողությունների կապակցությամբ:
Քաղաքական խորհրդակցություններ. ի՞նչ են քննարկել Հայաստանի և Իրանի ԱԳ ներկայացուցիչները
Նա` որպես Իրանի նախագահի` ղարաբաղյան կարգավորման հարցով հատուկ բանագնացն այցելել է Բաքու, ապա Մոսկվա, հետո Երևան ու Անկարա։
Արաղչիի այցերի հիմնական նպատակը տարածաշրջանային տերությունների մասնակցությամբ Ղարաբաղյան հակամարտության կարգավորման` իրանական նախաձեռնության մասին շահագրգիռ կողմերին տեղեկացնելն է։
Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
